Interpol Tirana ekstradon nga Amerika të kërkuarin Marjan Rroku

Nga Zyra Qendrore Kombëtare Interpol Tirana, sot rreth orës 14.15’, u krye ekstradimi nga SHBA drejt Shqiperisë i shtetasit shqiptar Marjan Rrok Rroku, vjeç 40, nga Shkodra.

Ky shtetas ishte shpallur person në kërkim ndërkombëtar, pasi Gjykata e Rrethit Gjyqësor Tiranë, me Vendim të datës 02.05.2002, e ka dënuar shtetasin Marjan Rroku, me burgim të përjetshëm, për kryerjen e veprës penale të “vrasjes me dashje në rrethana cilësuese”, parashikuar nga Kodi Penal.

I ekstraduari Marjan Rroku, më datë 29.03.2001, rreth ores 13:30, në Tiranë, para pallatit të sportit "Asllan Rusi", ka vrare me arme zjarri shtetasen Alda C. dhe nënën e saj Mbarime C..

Si rezultat i bashkëpunimit të Interpol Tirana me Interpol Washingtonin, më datën 08.09.2010, në SHBA, u bë i mundur arrestimi, me qëllim ekstradimi drejt vendit tonë i shtetasit Marjan Rroku.

Në aeroportin “Nënë Tereza” në Rinas ky shtetas i është dorëzuar përfaqësuesve të Drejtorisë së Përgjithshme të Burgjeve.

Arkiva

Nentor 2014
He Ma Me En Pr Sh Di
27 28 29 30 31 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30

Fushata Sensibilizuese

Video te tjera ...