Informacion mbi ngjarjet, arrestimet, ndalimet dhe procedimet në 24 orët e fundit 13 prill 2017

DORËZIMI I ARMËVE 1Drejtoria PPSH.1
Vijon masivisht dorëzimi vullnetar i armëve në të gjithë vendin.
Dorëzohen dhjetëra armë e municione.
Paralelisht me dorëzimin e armëve ka vijuar gjithashtu trokitja derë me derë nga Specialistët e Policisë së Zonave për të ndërgjegjësuar banorët për domosdoshmërinë e dorëzimit të armëve që mbajnë pa leje.


DREJTORIA E PERGJITHSHME PËR HETIMIN E KRIMIT TE ORGANIZUAR DHE KRIMET E RËNDA

DREJTORITË VENDORE TË POLICISË

Drejtoria Vendore e Policisë Tiranë
Seksioni për narkotikët
Më datë 12.04.2017, u arrestua në flagrancë shtetasi E.K, vjeç 24, banues në Tiranë, pasi, në Shkozë, nga kontrolli në banesë, ju gjet e sekuestrua në cilësinë e provës materiale 12 gr lëndë e dyshuar narkotike e llojit Cannabis Sattiva. Neni 283/1 i Kodit Penal.

Më datë 12.04.2017, u referuan materialet në Prokurorinë e Rrethit Gjyqësor Tiranë, për shtetasit A.H e L.H, vjeç 23 e 46, banues në fshatin Fag, pasi dyshohet se, në aksin rrugor Tiranë-Shëngjergj, braktisën 36 kg lëndë narkotike të llojit Cannabis Sattiva, e cila u sekuestrua me cilësinë e provës materiale. Punohet për kapjen e tyre. Neni 283/2 i Kodit Penal.


Komisariati Rajonal i Policisë Rrugore
Më datë 12.04.2017, u arrestua në flagrancë shtetasi A.M, vjeç 38, banues në Tiranë, pasi, në rrugën “Sul Pasha”, u kap duke drejtuar në gjendje të dehur, mjetin tip “Fiat”. Neni 291 i Kodit Penal.

Më datë 10.04.2017, u referuan materialet në Prokurorinë e Rrethit Gjyqësor Tiranë, për shtetasin S.T, vjeç 52, banues në Tiranë, pasi dyshohet se, në Paskuqan, duke drejtuar motorin tip “Aprila”, është përplasur me mjetin tip “Benz”, të drejtuar nga shtetasi D.M, vjeç 39, banues në Tiranë, për pasojë është dëmtuar drejtuesi i motori, i cili ndodhet në spital në gjendje të rëndë. Nenet 291 e 290 të Kodit Penal.

Më datë 12.04.2017, u referuan materialet në Prokurorinë e Rrethit Gjyqësor Tiranë, për shtetasin M.T, vjeç 27, banues në Kamzë, pasi dyshohet se, tek sheshi “Karl Topia”, u kap duke drejtuar pa leje drejtimi motorin. Neni 291 i Kodit Penal.

Më datë 12.04.2017, u referuan materialet në Prokurorinë e Rrethit Gjyqësor Tiranë, për shtetasin G.L, vjeç 21, banues në Tiranë, pasi dyshohet se, tek sheshi “Karl Topia”, u kap duke drejtuar pa leje drejtimi motorin tip “Piaggio”. Neni 291 i Kodit Penal.

Më datë 12.04.2017, u referuan materialet në Prokurorinë e Rrethit Gjyqësor Tiranë, për shtetasin A.E, vjeç 37, banues në Tiranë, pasi dyshohet se në rrugën “Medar Shtylla”, duke drejtuar motorin tip “Honda”, ka aksidentuar shtetasen M.T, vjeç 62, banuese në Tiranë, e cila pas mjekimit në spital u largua në banesë. Neni 290/3 i Kodit Penal.

Më datë 12.04.2017, u referuan materialet në Prokurorinë e Rrethit Gjyqësor Tiranë, për shtetasin B.C, vjeç 38, banues në Shkozë, pasi dyshohet se, në rrugën “Shyqyri Ishmi”, u kap duke drejtuar pa leje drejtimi, motorin tip ”Nipponia”. Neni 291 i Kodit Penal.

Më datë 13.04.2017, u arrestua në flagrancë shtetasi Sh.B, vjeç 49, banues në Tiranë, pasi më datë 12.04.2017, në Pezë Helmës, duke drejtuar motorin tip “Honda”, ka aksidentuar shtetasen D.C, vjeç 24, e cila ndodhet në spital, nën kujdesin e mjekëve. Nenet 290 e 291 të Kodit Penal.

Drejtoria Vendore e Policisë Durrës
Seksioni për trafikun e paligjshëm
Më datë 12.04.2017, u referuan materialet në Prokurorinë e Rrethit Gjyqësor Durrës, për shtetasin E.H, vjeç 37, banues në Durrës, pasi dyshohet se mjeti tip “Wolkswagen”, që ja ka shitur shtetasit A.Xh, vjeç 54, banues në Durrës, ka rezultuar i vjedhur në Itali më datë 27.10.2007. Me cilësinë e provës materiale u bllokua mjeti. Neni 141/i Kodit Penal.

Seksioni kundër krimit ekonomik e financiar
Më datën 12.04.2017, u referuan materialet në Prokurorinë e Rrethit Gjyqësorë Durrës, për shtetasit D.M e Q.K, vjeç 33 e 26, banues në Durrës, pasi dyshohet se më datë 10.04.2017, duke shpërdoruar detyrën, i kanë prishur murin rrethues të banesës, shtetasit I.P, vjeç 46, banues në Tiranë. Neni 248 i Kodit Penal.

Seksioni i hetimit të ngjarjeve në qarkullimin dhe AIS
Më datë 12.04.2017, u arrestua në flagrancë  shtetasi I.H, vjeç 19, banues në fshatin Arapaj, pasi, në këtë fshat, u kap duke drejtuar pa leje drejtimi, mjetin tip “Peugeot”. Neni 291 i Kodit Penal.

Drejtoria Vendore e Policisë Korçë
Seksioni kundër krimit ekonomik e financiar
Finalizohet operacioni policor i koduar “Porosia”.
Arrestohet në flagrancë një shtetas i cili kontrabandonte nga shteti maqedonas naftë, të cilën e depozitonte dhe tregëtonte në mënyrë të jashtëligjshme në Pogradec.
Specialistët e Sektorit kundër Krimit Ekonomik-Financiar në Drejtorinë Vendore të Policisë Korçë, në bashkëpunim me Prokurorinë e Rrethit Gjyqësor Pogradec, në kuadër të procedimit penal nr 402 të vitit 2016, finalizuan me sukses operacionin policor e koduar “Porosia” si rezultat i të cilit u bë kapja dhe arrestimi në flagrancë i shtetasit :
I.K, 54 vjeç, banues në Pogradec.
Arrestimi i këtij shtetasi u bë në vijim të ngjarjes datë 06.04.2017, në të cilën u arrestuan në flagrancë 8 shtetas të cilët kontrabandonin naftë nga shteti maqedonas dhe më pas e shisnin në Pogradec në mënyrë të paligjshme.
Nga ana e strukturave të lartpërmendura ky procedim është ndjekur duke përdorur metoda speciale të hetimit, filmimit dhe vëzhgimit, të cilat janë autorizuar nga Prokuroria e Rrethit Gjyqësor Pogradec.
Ky shtetas u kap në flagrancë duke shitur një sasi prej 520 litra naftë, sasi e dyshuar si kontrabandë e cila së bashku me një sasi lekësh dhe një aparat celular iu bllokua në cilësinë e provës materiale.
Materialet i kaluan Prokurorisë të Rrethit Gjyqësor Pogradec, për veprat penale: “Kontrabanda me mallra për të cilat paguhet akcizë”, “Ruajtja ose depozitimi i mallrave kontrabandë”, “Tregtimi dhe transportimi i mallrave që janë kontrabandë” parashikuar nga nenet 172, 178, 179 të Kodit Penal.

Më datë 12.04.2017, u referuan materialet në Prokurorinë e Rrethit Gjyqësor Korçë, për shtetasin J.S, vjeç 35, banues në Korçë, pasi dyshohet se më datë 11.04.2017, në aksin rrugor Leskovik Ersekë, nga kontrolli në fugonin tip “Benz”, ju gjet e bllokua një sasi vaj automjetesh pa dokumente. Neni 180 i Kodit Penal.

Seksioni i hetimit të ngjarjeve në qarkullimin dhe AIS
Më datë 12.04.2017, u arrestua në flagrancë shtetasi G.M, vjeç 31, banues në Mamurras, Kurbin, pasi, në afërsi të fshatit Dishnicë, u kap duke drejtuar pa leje drejtimi mjetin tip “Ford”. Neni 291 i Kodit Penal.

Drejtoria Vendore e Policisë Berat
Seksioni për narkotikët
Më datë 12.04.2017, nga Seksioni kundër Narkotikëve në zbatim të urdhërit të Prokurorisë për Krimet e Rënda Tiranë, u bë arrestimi në flagranë i shtetasve:

• M.K 49 vjeç, banues në Skrapar,
• E.L 42 vjeçe, banuese në Skrapar.

Gjithashtu filloi procedimi penal në gjendje të lirë për shtetaset:

• S.K 47 vjeçe, banuese në Skrapar,
• Z.Xh, 45 vjeçe banuese në Skrapar,
• A.Ç 51 vjeçe, banuese në Skrapar.

Gjatë kontrollit të ushtruar në ambjentet e një firme private (fasoneri) ku prodhoheshin çanta kartoni, verë dhe raki, e cila më parë ka qënë fabrikë e prodhimit të bimëve medicinale, në administrim të shtetases E.L u gjetën:

• pajisje elektrike të cilat dyshohet se përdoreshin për prodhim të bimëve narkotike,

• rreth 2 kg mbetje bimë narkotike Cannabis Sattiva,
• 176000 lekë të rinj,
• 250 paund,
• 19900 dollar,
• si dhe 210 fishekë kalibër 7.62 mm.

Gjithashtu gjatë kontrollit të ushtruar në automjetin (furgon), në pronësi të shtetasit M.K u gjetën pajisje elektrike të njëjta me ato të cilët u gjetën në fabrikë.
Dyshohet se shtetasit e mësipërm në bashkëpunim me njëri-tjetrin në ambjentet e fabrikës ushtronin këtë aktivitet të kundraligjshëm.
Veprimet për ngjarjen e mësipërme janë kryer nga Prokuroria e Krimeve të Rënda Tiranë në bashkëpunim me Strukturat e Drejtorisë Vendore të Policisë Berat.
Materialet i kaluan Prokurorisë Pranë Gjykatës së Shkallës së Parë për Krimet e Rënda Tiranë, në ngarkim të shtetasve të mësipërm për veprat penale “Kultivimi i bimëve narkotike”, “Prodhim dhe mbajtja pa leje e armëve luftarake dhe municionit” dhe “Grupi i strukturuar kriminal”, parashikuar nga nenet 278/2, 284, 333/a të Kodit Penal.

Seksioni i hetimit të ngjarjeve në qarkullimin dhe AIS
Më datë 12.04.2017, u arrestua në flagrancë shtetasi I.Ç, vjeç 35, banues në Kapinovë, Poliçan, pasi, tek një gjimnaz, u kap duke drejtuar në gjendje të dehur, mjetin tip “Toyota”. Neni 291 i Kodit Penal.

Drejtoria Vendore e Policisë Fier
Seksioni për narkotikët
Më datë 12.04.2017, u referuan Materialet në Prokurorinë e Rrethit Gjyqësor Vlorë, për shtetasit Xh.Rr e T.K, vjeç 15 e 21, banues në Divjakë, pasi dyshohet se, në fshatin Remas, pranë një shkolle nga kontrolli fizik, shtetasit Xh.Rr, ju gjet dhe ju sekuestrua në cilësinë e provës materiale 1 dozë lëndë narkotike e llojit Cannabis Sattiva, të cilën ja kishte dhënë shtetasi T.K. Nenet 283/1 e 286 të Kodit Penal.

Seksioni kundër krimit ekonomik e financiar
Në vijim të komunikatës datë 01.03.2017, që bënë fjalë për veprën penale “Vjedhja e kryer duke shpërdoruar detyrën”, më datë 12.04.2017, u ndalua shtetasi në kërkim P.Gj, vjeç 50, banues në Fier. Neni 135 i Kodit Penal.

Seksioni i hetimit të ngjarjeve në qarkullimin dhe AIS
Më datë 12.04.2017, u arrestua në flagrancë shtetasi K.G, vjeç 58, banues në Fier, pasi, në fshatin Fermë Çlirimi, u ka duke drejtuar nën ndikimin e alkoolit, mjetin tip “Benz”. Neni 291 i Kodit Penal.

Më datë 12.04.2017, u arrestua në flagrancë shtetasi D.Z, vjeç 43, banues në fshatin Suk, pasi, në Levan, u kap duke drejtuar nën ndikimin e alkoolit, mjetin tip “Benz”. Neni 291 i Kodit Penal.

Drejtoria Vendore e Policisë Vlorë
Seksioni kundër krimit ekonomik e financiar
Më datë 11.04.2017, shtetasi G.R, banues në Vlorë, kallëzon se në adresën elektronike të email dhe në rrjetin social, i kanë vjedhur të dhënat. Punohet për identifikimin dhe kapjen e autorit. Neni 143/b i Kodit Penal.

Seksioni i hetimit të ngjarjeve në qarkullimin dhe AIS
Më datë 12.04.2017, u referuan materialet në Prokurorinë e Rrethit Gjyqësor Vlorë, për vlerësim, për shtetasit M.Q e F.Sh, vjeç 38 e 60, banues në Vlorë e Orikum, pasi dyshohet se rreth orës 11:00, në fshatin Alikok, shtetasi M.Q, duke drejtuar kamionin tip “Volvo”, është përplasur me mjetin tip “Benz”, me drejtues shtetasin F.Sh, ku si pasojë është dëmtuar punonjësi i mirëmbajtjes së rrugës,  shtetasi Y.S, vjeç 64, i cili ndodhet në spital nën kujdesin e mjekëve.

Drejtoria Vendore e Policisë Lezhë
Seksioni për narkotikët
Më datë 12.04.2017, u arrestua në flagrancë shtetasi F.D, vjeç 29, banues në Lezhë, pasi, në I.E.V.P. Shënkollë, gjatë kontrollit për takimet me të burgosurit, ju gjet 0.45 gr. lëndë e dyshuar narkotike e llojit Marijuanë. Nenet 283/1, 324/a/1 e 22 të Kodit Penal.

Drejtoria Vendore e Policisë Shkodër
Seksioni për trafikun e paligjshëm
Finalizohet me sukses Operacioni policor kundër shfrytëzimit për prostitucion.
Më datë 12.04.2017 nga Sektori Për Hetimin e Narkotikëve dhe Trafiqeve në Drejtorinë Vendore të Policisë Shkodër, në bashkëpunim me Prokurorinë e Rrethit Gjyqësor Shkodër pas një hetimi proaktiv disa mujor si rezultat i një pune të mirëfilltë policore dhe hetimore u finalizua me sukses Operacioni Policor kundër shfrytëzimit për prostitucion, ku si rezultat i të cilit u shkatërrua nje grup që shfrytëzonte femra për prostitucion në qarkun e Shkodrës kundrejt pagesave të ndryshme.
Në kuadër të këtij operacioni u bë arrestimi në flagrancë i shtetasve:
1. L.B 67 vjeçe, banuese në Shkodër, e dyshuar se ka kryer veprat penale të “Shfrytëzimit të prostitucionit, dhe Mbajtjes se ambjenteve për prostitucion”, vepra penale këto të parashikuara nga nenet 114 dhe 115 të Kodit Penal.
2. H.B, 56 vjeç banues në Shkodër, i dyshuar se ka kryer Veprën Penale “ Favorizim i Prostitucionit”, parashikuar në nenin 113/2 të Kodit Penal.
3. Filloi procedimi penal në gjendje të lirë ndaj shtetases F.M, e dyshuar se ka kryer Veprën Penale të “Ushtrimit të prostitucionit” parashikuar nga neni 113 i Kodit Penal.
Materialet hetimore i kaluan për ndjekje të mëtejshme Prokurorisë së Rrethit Gjyqësor Shkodër për veprat penale “Shfrytëzimit të Prostitucionit”, “Mbajtjes së ambienteve për prostitucion“, “Ushtrim i prostitucionit”, “Favorizimi Prostitucionit”, të parashikuara nga nenet 114, 115, 113, 113/2 të Kodit Penal.

KOMISARIATET E POLICISË (Rrethe Gjyqësore)

Komisariati Policisë Pogradec
Seksioni për krimet ekonomik e financiar
Më datë 12.04.2017, u arrestua në flagrancë shtetasi M.Ç, vjeç 58, banues në Pogradec, pasi, në qytet, për të mos u ndëshkuar me masë administrative, për parkim të gabuar, i ka dhënë 500 lekë patrullës së policisë rendit. Neni 244 i Kodit Penal.

Komisariati Policisë Tropojë
Seksioni për krimin ekonomik e financiar
Më datë 12.04.2017, u referuan materialet në Prokurorinë e Rrethit Gjyqësor Tropojë, për shtetasin A.R, vjeç 33, banues në Shkodër, pasi dyshohet se ka falsifikuar nr e shasisë të mjetit tip “Benz”. Neni 190 i Kodit Penal.

DREJTORIA E PERGJITHSHME PËR SIGURINË PUBLIKE

KOMISARIATET E POLICISË

Komisariati i Policisë Nr. 1
Më datë 12.04.2017, u plotësua kërkesë padia për lëshimin e urdhërit të mbrojtjes së menjëhershëm për shtetasit (bashkëshortë) Y.K e M.K, vjeç 52 e 42, banues në Tiranë, pasi dyshohet se në banesë kanë ushtruar dhunë fizike e psikologjike ndaj njëri tjetrit. Materialet u referuan në Gjykatën e Rrethit Gjyqësor Tiranë. Ligji Nr. 9669, datë 18.12.2006 “Për masa ndaj dhunës në marrëdhëniet familjare”.

Më datë 12.04.2017, u referuan materialet në Prokurorinë e Rrethit Gjyqësor Tiranë, për shtetasin K.B, vjeç 21, banues në Tiranë, pasi dyshohet se më datë 11.04.2017, në bulevardin “Bajram Curri”, te një lokal, ka goditur me grusht, shtetasin R.S, vjeç 54, banues në Tiranë. Neni 89 i Kodit Penal.

Më datë 12.04.2017, u arrestua në flagrancë shtetasi E.T, vjeç 21, banues në Tiranë, pasi, në Sauk, tek “Lapidari”, nga kontrolli fizik ju gjet e sekuestrua në cilësinë e provës materiale 1 dozë lëndë e dyshuar narkotike e llojit Cannabis Sattiva. Neni 283 i Kodit Penal.

Më datë 12.04.2017, u arrestua në flagrancë shtetasi I.D, vjeç 23, banues në Tiranë, pasi, duke qenë me masë sigurie “Arrest në shtëpi”, për veprën penale “'Drejtimi i automjeteve në mënyrë të parregullt”', është larguar nga banesa duke thyer vendimin e Gjykatës së Rrethit Gjyqësor Tiranë. Neni 323/1 i Kodit Penal.

Në vijim të komunikatës, që bën fjalë për veprën penale ”Ndërtimi i paligjshëm‘’, më datë 12.04.2017, u ndalua shtetasi në kërkim, G.K, vjeç 60, banues në Tiranë. Neni 199/a i Kodit Penal.

Komisariati i Policisë Nr. 2
Më datë 12.04.2017, u referuan materialet në Prokurorinë e Rrethit Gjyqësor Tiranë, për shtetasit M.Gj e M.B, vjeç 44 e 31, banues në Tiranë, pasi dyshohet se, në rrugën “Medar Shtylla”, nuk i janë bindur urdhrit të punonjësit të policisë. Neni 242 i Kodit Penal.

Më datë 12.04.2017, u referuan materialet në Prokurorinë e Rrethit Gjyqësor Tiranë, për shtetasin A. M, vjeç 53, banues në Tiranë, pasi dyshohet se në rrugën “Ibrahim Dervishi”, u kap duke kryer punime pa leje në fasadën e pallatit. Neni 199/a i Kodit Penal.

Më datë 12.04.2017, u referuan materialet në Prokurorinë e Rrethit Gjyqësor Tiranë, për shtetasin R.K, vjeç 36, banues në Tiranë, i dënuar më parë, pasi dyshohet se me anë të mashtrimit, nuk i ka bërë pagesën, për mjetin e marrë me qera tip “Golf”, shtetasit B.Xh, vjeç 44, banues në Tiranë. Punohet për kapjen e shtetasit R.K. Neni 143 i Kodit Penal.

Më datë 12.04.2017, u referuan materialet në Prokurorinë e Rrethit Gjyqësor Tiranë, për shtetasin R.S, vjeç 30, banues në Tiranë, pasi dyshohet se në mënyrë të vazhdueshme, në kohë dhe vende të ndryshme, ka përndjekur shtetasen I.P, vjeç 24. Neni 121/a i Kodit Penal.

Më datë 12.04.2017, u referuan materialet në Prokurorinë e Rrethit Gjyqësor Tiranë, për shtetasin I.M, vjeç 31, banues në Tiranë, pasi dyshohet se me anë të mashtrimit, i ka marrë një sasi lekësh, shtetasit H.B, vjeç 25, banues në Tiranë. Neni 143 i Kodit Penal.

Komisariati i Policisë Nr. 3
Më datë 12.04.2017, u referuan materialet në Prokurorinë e Rrethit Gjyqësor Tiranë, për shtetasin S.K, vjeç 27, banues në Tiranë, pasi dyshohet se tek një lokal, me anë të mashtrimit i ka marrë 1 telefon celular dhe një sasi lekësh, shtetasit B.V, vjeç 18, banues në Tiranë. Punohet për kapjen e shtetasit S.K. Neni 143/1 i Kodit Penal.

Komisariati i Policisë Nr. 4
Më datë 12.04.2017, u ndalua shtetasi R.R, vjeç 29, banues në Tiranë, pasi Gjykata e Rrethit Gjyqësor Tiranë, e ka dënuar me 3 vjet burg, për veprën penale “Vjedhja”. Neni 134 i Kodit Penal.

Më datë 12.04.2017, u referuan materialet në Prokurorinë e Rrethit Gjyqësor Tiranë, për shtetasin L.N, banues në Tiranë, pasi dyshohet se në rrugën “Ferit Xhajko”, ka vjedhur banesën e shtetasit G.M, vjeç 63, ku ka marrë 1 laptop. Punohet për saktësimin e gjeneraliteteve dhe kapjen e shtetasit L.N. Neni 134 i Kodit Penal.

Më datë 13.04.2017, u referuan materialet në Prokurorinë e Rrethit Gjyqësor Tiranë, për shtetasin A.N, vjeç 50, banues në Tiranë, pasi dyshohet se më datë 12.04.2017, në rrugën “Niko Avrami”, ka goditur me sende të forta, shtetasin E.Z, vjeç 20, banues në Tiranë. Neni 90 i Kodit Penal.

Më datë 13.04.2017, u referuan materialet në Prokurorinë e Rrethit Gjyqësor Tiranë, për shtetasin P.D, vjeç 18, banues në Tiranë, pasi dyshohet se më datë 12.04.2017, tek një pallat, ka goditur me grusht, shtetasin B.O, vjeç 40, banues në Tiranë. Neni 89 i Kodit Penal.

Komisariati i Policisë Nr. 5
Më datë 12.04.2017, u referuan materialet në Prokurorinë e Rrethit Gjyqësor Tiranë, për shtetasin P.C, vjeç 49, banues në Bathore, pasi dyshohet se, në Kamzë, ka goditur me grusht shtetasin A.L, vjeç 32. Neni 89 i Kodit Penal.

Më datë 12.04.2017, u arrestua në flagrancë shtetasi L.D, vjeç 18, banues në Babrru, pasi, në dyqanin e shtetasit F.M, vjeç 37, ka vjedhur disa mallra ushqimor. Nga puna e bërë dyshohet se është, autor i vjedhjes së telefonit celuelar të shtetasit J.Ll, Neni 134 i Kodit Penal.

Komisariati i Policisë Nr. 6
Më datë 12.04.2017, u arrestua në flagrancë shtetasi B.L, vjeç 32, banues në fshatin Lundër, pasi përndjek, shtetasen L.V, vjeç 26, banuese në Tiranë, dhe, tek një hotel, ka goditur me grusht, shtetasin K.Ç, vjeç 29, banues në Kosovë. Nga kontrolli fizik, shtetasit B.L, ju gjet dhe sekuestrua në cilësinë e provës materiale një pistoletë. Nenet 121/a, 278 e 90 të Kodit Penal.

Komisariati i Policisë Vorë
Më datë 12.04.2017, u referuan materialet në Prokurorinë e Rrethit Gjyqësor Tiranë, për shtetasin N.C, vjeç 56, banues në Tiranë, pasi dyshohet se, në banesë ka ushtruar dhunë fizike ndaj bashkëshortes G.C, vjeç 24. Neni 130/a i Kodit Penal.

Komisariati i Policisë Kavajë
Më datë 11.04.2017, rreth orës 10:30, në Golem, në oborrin e një shkolle, punonjësi i një firme, gjatë gërmimeve ka gjetur një predhë artilerie, e cila u asgjësua nga specialistët. Materialet u referuan në Prokurorinë e Rrethit Gjyqësor Kavajë.

Më datë 13.04.2017, u referuan materialet në Prokurorinë e Rrethit Gjyqësor Kavajë, për shtetasit F.M e I.C, vjeç 22 e 22, banues në Kavajë, pasi dyshohet se më datë 12.04.2017, në qytet, kanë dhunuar fizikisht, shtetasin H.Gj, vjeç 35, banues në Kavajë. Nenet 89 e 25 të Kodit Penal.

Komisariati i Policisë Durrës
Më datë 12.04.2017, u referuan materialet në Prokurorinë e Rrethit Gjyqësor Durrës, për shtetasit A.E e E.K, vjeç 21 e 20, banues në Durrës, pasi dyshohet se më datë 11.04.2017, tek sektori “Iliria”, në një lokal kanë goditur me grusht njëri tjetrin. Neni 90 i Kodit Penal.

Më datë 12.04.2017, u plotësua kërkesë padia për lëshimin e urdhërit të mbrojtjes së menjëhershme për shtetasen N.L, vjeç 66, banuese në Durrës, pasi dyshohet se nusja e djalit, shtetasja K.N, vjeç 41, ka ushtruar dhunë fizike e psikologjike ndaj saj. Materialet u referuan në Gjykatën e Rrethit Gjyqësor Durrës. Ligji nr. 9669  datë 18.12.2006, “Për  masa ndaj dhunës në marrëdhëniet familjare.

Më datë 12.04.2017, u referuan materialet në Prokurorinë e Rrethit Gjyqësor Durrës, për shtetasit e mitur E.Gj dhe G.P, vjeç  15 e 15, banues në Durrës, pasi dyshohet se, në lagjen Nr. 12, në lokalin e shtetasit K.M, vjeç 68, banues në  Durrës, kanë vjedhur një pajisje. Neni 134/2 i Kodit Penal.

Më datë 12.04.2017,  në lagjen Nr. 17, në banesën e shtetasit E.M, vjeç 34, kanë vjedhur një sasi lejkësh. Punohet për identifikimin dhe kapjen e autorëve. Neni 134 i Kodit Penal.

Më datë 12.04.2017, u referuan materialet në Prokurorinë e Rrethit Gjyqësor Durrës, për shtetasin  E.M, vjeç 32, banues në Durrës, pasi dyshohet se, në lokal, nga punonjësit e OSHEE-së, u konstatua vjedhje e energjisë elektrike. Punohet për kapjen e shtetasit E.M. Neni 137 i Kodit Penal.

Më datë 12.03.2017, u  ndalua shtetasi në kërkim, Sh.E, vjeç 29, banues në Durrës, pasi Gjykata e Rrethit  Gjyqësor Durrës, e ka  dënuar me 10 ditë burg për veprën penale “Veprime në kundërshtim me vendimin e gjykatës”. Neni 321/2 i Kodit Penal.

Më datë 12.04.2017, u referuan materialet në Prokurorinë e Rrethit Gjyqësor Durrës, për shtetasin F.M, vjeç 24, banues në Durrës, pasi dyshohet se, në lagjen Nr. 6, ka  dëmtuar derën  e zyrës së shtetasit G.R. Neni 150 i Kodit Penal.

Komisariati i Policisë Krujë
Më datë 12.04.2017, Specialistët për Krimet në Komisariatin e Policisë Krujë arrestuan në flagrancë shtetasin Sh.H, 26 vjeç, banues në fshatin Zezë, Nikel.
Gjithashtu është shpallur në kërkim dhe po punohet për kapjen e bashkëpunëtorit të tij, shtetasin:
• Y.V. 30 vjeç, banues në Krujë.
Shtetasit e mësipërm, gjatë natës, në bashkëpunim me njëri-tjetrin, kanë tentuar të vjedhin 4 bateri të gabinës metalike të Albtelecom.
Gjatë kqyrjes së vendit të ngjarjes u konstatua mjeti tip Benz, në pronësi të shtetasit Sh.H dhe gjatë kontrollit të mjetit u gjet dhe sekuestrua një sasi lënde narkotike Cannabis Sattiva.
U sekuestruan në cilësinë e provave materiale:
• 4 bateri të gabinës metalike të Albtelecom;
• leva, që shërbenin si mjete për kryerjen e veprës penale;
• një sasi lëndë narkotike e dyshuar e llojit Cannabis Sattiva dhe
• një automjet tip Benz.
Materialet i kaluan Prokurorisë së Rrethit Gjyqësor Krujë për veprime të mëtejshme për veprat penale:
• ”Vjedhja”në bashkëpunim e mbetur në tentativë dhe” Prodhimi dhe shitja e narkotikëve” parashikuar në nenet 134/2, 22 dhe 283 të Kodit Penal në ngarkim të shtetasit Sh.H dhe
• ”Vjedhja”në bashkëpunim e mbetur në tentativë parashikuar në nenin 134/2, 22 dhe 283 të Kodit Penal në ngarkim të shtetasit Y.V.


Më datë 12.04.2017, u plotësua kërkesë padia për lëshimin e urdhërit të mbrojtjes së menjëhershme për shtetasen L.B, vjeç 41, pasi dyshohet se bashkëshorti G.B, vjeç 54, ka ushtruar dhunë fizike e psikologjike ndaj saj. Materialet u referuan në Gjykatën e Rrethit Gjyqësor Krujë. Ligji Nr. 9669, datë 18.12.2006. “Për  masa ndaj dhunës në marrëdhëniet familjare”.

Policia parandalon një krim brenda familjes.
Kërcënon me automatik bashkëshorten, por arrestohet në flagrancë nga policia.
Ndërhyrja në kohë e policisë ka parandaluar ngjarjen.
Sekuestrohet një automatik, 40 fishekë dhe një mjet.
Më datë 12.04.2017, Ndërhyrja në kohë e Specialistëve për Krimet në Komisariatin e Policisë Krujë, ka bërë të mundur parandalimin e një krimi brenda në familje.
Si rezultat është arrestuar në flagrancë shtetasi:
• G.B 54 vjeç, banues në Krujë.
Ky shtetas, mesditën e ditës së sotme, për motive të dobëta, ka tentuar të vrasë me armë zjarri tip automatik, bashkëshorten e tij, shtetasen L.B. (Oficere Policie).
Ndërhyrja në kohë e policisë ka bërë të mundur kapjen dhe arrestimin e tij.
Gjatë kontrollit të ushtruar në mjetin furgon tip Benz, i’u gjet dhe u sekuestrua në cilësinë e provave materiale:
• arma që donte të kryente krimin dhe 40 fishekë.
Materialet i kaluan Prokurorisë së Rrethit Gjyqësor Krujë për veprime të mëtejshme për veprat penale ”Dhunë në familje” dhe ” Prodhimi dhe mbajtja pa leje e armëve luftarake dhe e municionit”, parashikuar në nenet 130 dhe 278 të Kodit Penal.

Komisariati i Policisë Shijak
Më datë 12.04.2017, rreth orës 15:30, në Shijak, në vendin e quajtur “Stacioni i autobuzave” është rrëzuar aksidentalisht dhe ndodhet në spital nën kujdesin e mjekëve, shtetësia E.M, vjeç 56, banuese në Durrës. Materialet u referuan në Prokurorinë e Rrethit Gjyqësor Durrës.

Më datë 12.04.2017, rreth orës 23:30, në Shijak, në banesë, shtetësia N.G, vjeç 72, në kushtet e depresionit, është hedhur nga lartësia e katit të dytë i banesës dhe ndodhet në spital nën kujdesin e mjekëve. Punohet për sqarimin e rrethanave të ngjarjes. Neni 99 i Kodit Penal.

Komisariati i Policisë Elbasan
Më datë 12.04.2017, u referuan materialet në Prokurorinë e Rrethit Gjyqësor Elbasan, për shtetasen F.C, vjeç 63, banuese në fshatin Kamunah, pasi dyshohet se më datë 11.04.2017,  në këtë fshat, ka goditur me sende të forta, shtetasen M.C, vjeç 55. Neni 89 i Kodit Penal.

Më datë 12.04.2017, u plotësua kërkesë padia për lëshimin e urdhërit të mbrojtjes së menjëhershëm, për shtetasen I.R, vjeç 35, pasi dyshohet se vjehrri, shtetasi M.R, vjeç 71, ka ushtruar dhunë psikologjike ndaj saj. Materialet u referuan në Gjykatën e Rrethit Gjyqësor Elbasan. Ligji nr. 9669, datë 18.12.2006. “Për masa ndaj dhunës në marrëdhëniet familjare”.

Më datë 12.04.2017, u ndalua shtetasi në kërkim G.S, vjeç 41, banues në Elbasan, pasi Gjykata e Rrethit Gjyqësor  Elbasan, ka caktuar masën e sigurisë “Arrest në burg”, për veprën penale “Mosdhënia e mjeteve për jetesë”. Neni 125 i Kodit Penal.

Komisariati i Policisë Peqin
Më datë 13.04.2017, Specialistët e Seksionit për Hetimin e Krimit ndaj Personit në Drejtorinë Vendore të Policisë Elbasan bënë arrestimin në flagrancë të shtetasit:
B.S, 49 vjeç banues në fshatin Grykësh i Madh Peqin. Arrestimi i tij u bë pasi në banesën e tij, në fshatin Grykësh i Madh Peqin, gjatë një konflikti për motive të dobëta dyshohet të ketë kanosur me një arme gjahu gjysëm automatike bashkëshorten e tij shtetasen L.S,43 vjeçe, duke qëlluar në ajër brenda ambienteve të shtëpisë si dhe ka ushtruar dhunë fizike ndaj saj. Grupi hetimor sekuestroi armën e gjahut në cilësinë e provës materiale. Materialet i kaluan Prokurorisë së Rrethit Gjyqësor Elbasan për veprime të mëtejshme për veprën penale “Dhuna në familje” parashikuar nga neni 130/a/4 i Kodit Penal.

Komisariati i Policisë Cërrik
Më datë 12.04.2017, u referuan materialet në Prokurorinë e Rrethit Gjyqësor Elbasan, për shtetasin I.Xh, vjeç 59, banues fshatin Shtëpanjë, pasi dyshohet se, në banesë, nga specialistët e OSHEE-së, u konstatua vjedhje e energjisë elektrike. Neni 137 i Kodit Penal.

Më datë 12.04.2017, u referuan materialet në Prokurorinë e Rrethit Gjyqësor Elbasan, për shtetasin Sh.D, vjeç 49, banues fshatin Shtëpanjë, pasi dyshohet se, në banesë, nga specialistët e OSHEE-së, u konstatua vjedhje e energjisë elektrike. Neni 137 i Kodit Penal.

Më datë 12.04.2017, u referuan materialet në Prokurorinë e Rrethit Gjyqësor Elbasan, për shtetasin E.C, vjeç 36, banues në fshatin Kamunah, pasi dyshohet se më datë 11.04.2017,  në këtë fshat, ka goditur me grusht, shtetasin, S.C, vjeç 69. Neni 90 i Kodit Penal.

Më datë 12.04.2017, u referuan materialet në Prokurorinë e Rrethit Gjyqësor Elbasan, për shtetasin B.H, vjeç 38, banues në fshatin Banjë, pasi dyshohet se më datë 11.04.2017,  në fshatin Floq, ka kanosur me fjalë shtetasin N.K, vjeç 66. Neni 84 i Kodit Penal.

Komisariati i Policisë Librazhd
Më datë 12.04.2017, u referuan materialet në Prokurorinë e Rrethit Gjyqësor Elbasan, për shtetasit J.D dhe B.Ç, vjeç 60 e 38, banues në fshatin Rrajcë, pasi dyshohet se në këtë fshat, po ndërtonin nga një objekt pa leje. Neni 199/a i Kodit Penal.

Më datë 12.04.2017, u referuan materialet në Prokurorinë e Rrethit Gjyqësor Elbasan, për shtetasin I.B, vjeç 58, banues në fshatin Rrajcë, pasi dyshohet se, në këtë fshat, u konstatua se po ndërtonte një objekt pa leje. Neni 199/a i Kodit Penal.

Më datë 12.04.2017, shtetësia N.M, vjeç 40, banuese në fshatin Dardhë, kallëzon se më datë 07.04.2017, i është larguar nga banesa vajza, shtetasja B.M, vjeç 17. Punohet për gjetjen e saj. Materialet u referuan në Prokurorinë e Rrethit Gjyqësor Elbasan.

Komisariati i Policisë Korçë
Më datë 12.04.2017, u referuan materialet në Prokurorinë e Rrethit Gjyqësor Korçë, për shtetasin M.P, vjeç 16, banues në fshatin Mborje, pasi dyshohet se, në lagjen Nr. 12, nga kontrolli fizik ju sekuestruan në cilësinë e provës materiale 8 fara të llojit Cannabis Sattiva. Neni 283 i Kodit Penal.

Më datë 12.04.2017, u referuan materialet në Prokurorinë e Rrethit Gjyqësor për veprën penale “Prodhimi dhe shitja e narkotikëve”, pasi në afërsi të fshatit Mborje Korçë, u gjetën 4 qese plastmasi të mbushura me mbetje të dyshuara bimë të llojit Cannabis Sattiva, me peshë 96 kg, të hedhura në lumë, në gjendje të lagur. Punohet për identifikimin dhe kapjen e autorit. Neni 283 i Kodit Penal.


Më datë 12.04.2017, u ndalua shtetasi në kërkim A.Gj, vjeç 46, banues në Kamenicë, pasi Gjykata e Rrethit Gjyqësor Korçë, e ka dënuar 9 muaj burg, për veprën penale “Vjedhja”. Neni 134/2 i Kodit Penal.

Komisariati i Policisë Berat
Më datë 12.04.2017, u referuan materialet në Prokurorinë e Rrethit Gjyqësor Berat, për shtetasin A.Rr, vjeç 27, banues në fshatin Dushnik, pasi dyshohet se në këtë fshat, u kap duke ndërtuar një objekt pa leje. Neni 199/a i Kodit Penal.

Komisariati i Policisë Ura Vajgurore
Më datë 12.04.2017, u referuan materialet në Prokurorinë e Rrethit Gjyqësor Berat, për shtetasit R.B e R.B, vjeç 52 e 29, banuese në  Ura Vajgurore, pasi dyshohet se kanë kanosur me fjalë dhe me mesazhe telefonike shtetasin L.H, vjeç 50. Nenet 84 e 275 të Kodit Penal.

Komisariati i Policisë Fier
Më datë 12.04.2017, u referuan materialet në Prokurorinë e Rrethit Gjyqësor Fier, për shtetasin Xh.S, vjeç 51, banues në Patos, pasi dyshohet se, në lagjen “Grizë”, ka goditur me sende të forta, shtetasin P.K, vjeç 54, banues në fshatin Ngraçie, Mallakastër. Neni 89 i Kodit Penal.

Komisariati i Policisë Lushnjë
Më datë 12.04.2017, u referuan materialet në Prokurorinë e Rrethit Gjyqësor Lushnjë, për shtetasin J.M, vjeç 41, banues në Lushnjë, pasi dyshohet se, në lagjen “Gafurr Muço”, në një supermarket, nga punonjësit e OSHE-së, u konstatua vjedhje e energjisë elektrike. Neni 137/2 i Kodit Penal.

Komisariati i Policisë Vlorë
Më datë 12.04.2017, u referuan materialet në Prokurorinë e Rrethit Gjyqësor Vlorë, për shtetasin A.R, pasi dyshohet se më datë 11.04.2017, në lagjen “Partizani”, ka goditur me thikë shtetasit I.H e K.H, vjeç 27 e 22, banues në Vlorë, të cilët ndodhen në spital nën kujdesin e mjekëve. Punohet për kapjen e shtetasit A.R. Neni 89 i Kodit Penal.

Më datë 12.04.2017, gjatë natës, në Orikum, shtetasit E.A, vjeç 29, i kanë vjedhur mjetin lundrues tip “Gomone” me dy motorrë. Punohet për identifikimin dhe kapjen e autorit. Neni 134 i Kodit Penal.

Komisariati i Policisë Sarandë
Më datë 11.04.2017, gjatë natës, në fshatin Aliko, është vjedhur me thyerje banesa e shtetases A. Sh, vjeç 50, ku kanë marrë disa bizhuteri dhe një sasi lekësh. Punohet për identifikimin dhe kapjen e autorit. Neni 134 i Kodit Penal.

Më datë 11.04.2016, në lagjen Nr. 1, është vjedhur me thyerje banesa e shtetases Sh.P, vjeç 67, banuese në Kosovë, ku kanë marrë një televizor. Punohet për identifikimin dhe kapjen e autorit. Neni 134 i Kodit Penal.

Më datë 12.04.2017, u referuan materialet në Prokurorinë e Rrethit Gjyqësor Sarandë, për shtetasin A.B, vjeç 26, banues në fshatin Shalës, pasi dyshohet se nëpërmjet telefonit, ka fyer e kanosur shtetasen B.E, vjeç 40. Neni 275 i Kodit Penal.

Më datë 13.04.2017, u referuan materialet në Prokurorinë e Rrethit Gjyqësor Sarandë, për shtetasin A.Z, vjeç 38, banues në fshatin Gjashtë, pasi dyshohet se, më datë 12.04.2017, në lagjen Nr. 2, ka kanosur me fjalë, shtetasin B.V, vjeç 31, banues në Sarandë. Neni 84 i Kodit Penal.

Komisariati i Policisë Tepelenë
Më datë 12.03.2017, u referuan materialet në Prokurorinë e Rrethit Gjyqësor Gjirokastër, për shtetasin E.K, vjeç 35, banues në Tiranë, pasi dyshohet se, në Memaliaj, ka goditur me sende të forta, shtetasin A.D, vjeç 55, banues në Memaliaj, i cili ndodhet në spital nën kujdesin e mjekëve. Neni 90 i Kodit Penal.

Komisariati i Policisë Lezhë
Më datë 11.04.2017, shtetasi E.Gj, vjeç 21, banues në Lezhë, kallëzon se më datë 08.04.2017, gjatë natës, në oborrin e banesës i kanë vjedhur mjetin tip “BMW”. Punohet për identifikimin dhe kapjen e autorit. Neni 134 i Kodit Penal.

Më datë 12.04.2017, në banesë, në gjendje të rënduar emocionale shtetësia K.M, vjeç 29, ka përdorur mbi dozë medikamentesh mjekësore, për pasojë ndodhet në spital nën kujdesin e mjekëve. Materialet u referuan në Prokurorinë e Rrethit Gjyqësor Lezhë për vlerësim.

Më datë 12.04.2017, u ndalua shtetasi në kërkim, E.P, vjeç 34, banues fshatin Troshan, pasi Gjykata e Rrethit Gjyqësor Lezhë, e ka dënuar me 6 muaj burg për veprën penale ”Dhuna në familje”. Neni. 130/a/2 i Kodit Penal.

Komisariati i Policisë Kurbin
Më datë 12.04.2017, rreth orës 12:00, në territorin e Bashkisë Kurbin, Njësia Administrative  Milot, fshati Selitë, lagja “Lester”, në një parcelë pronë publike, ambient i hapur, territor i Stacionit të Policisë Milot, u gjetën të mbira në kërcej të vjetër dhe u asgjësuan 148 bimë të dyshuara narkotike të llojit Cannabis Sattiva. Neni 284 i Kodit Penal.

Komisariati i Policisë Shkodër
Më datë 11.04.2017, orën 17:20, në lagjen “Skënderbeg”, tek rrethrrotullimi i një shkolle, mjeti tip “Mitsubish”, nuk i është bindur patrullës së policisë, për të ndaluar, i cili u gjet i braktisur në fshatin Juban. Punohet për identifikimin e kapjen e autorit. Neni 242  i  Kodit Penal.

Më datë 12.04.2017, u arrestua në flagrancë shtetasi D.D, vjeç 32, banues në fshatin Halil, Krujë, pasi,  në qytet, u kap duke drejtuar pa leje drejtimi dhe nën efektin e alkoolit, motorin tip “Tonshen”. Neni 291 i Kodit Penal.

Më datë 12.04.2017, u referuan materialet në Prokurorinë e Rrethit Gjyqësor Shkodër, për shtetasin P.L, vjeç 29, banues në fshatin Mali Kolaj, pasi dyshohet se më datë 11.04.2017, ka bërë njoftim të rremë në Sallën e Komandimit Shkodër. Neni 272 i Kodit Penal.

Më datë 12.04.2017, u referuan materialet në Prokurorinë e Rrethit Gjyqësor Shkodër, për shtetasin N.Rr, banues në fshatin Shtoj i Vjetër, pasi dyshohet se, në banesë, nga punonjësit e OSHEE-së, u konstatua vjedhje e energjisë elektrike. Punohet për kapjen e tij. Neni 137 i Kodit Penal.

Më datë 12.04.2017, u referuan materialet në Prokurorinë e Rrethit Gjyqësor Shkodër, për shtetasin V.Xh, vjeç 38, banues në fshatin Hot i Ri, pasi dyshohet se, në banesë, nga punonjësit e OSHEE-së, u konstatua vjedhje e energjisë elektrike. Neni 137 i Kodit Penal.

Komisariati i Policisë Vau Dejës
Më datë 12.04.2017, rreth orës 14:00, në territorin e Bashkisë Vau Dejës, Njësia administrative Vig-Mnelë, fshati Mnelë e Madhe, vendi i quajtur Lum, pronë publike, ambient i hapur (pyll), territor i Komisariatit të Policisë Vau Dejës, u gjetën të mbira në mënyrë të çrregullt dhe u asgjësuan me zjarr, 136 bimë të dyshuara narkotike të llojit Cannabis Sattiva. Materialet u referuan në Prokurorinë e Rrethit Gjyqësor Shkodër, për vlerësim.

Komisariati i Policisë Pukë
Në vijim të Planit Veprimit të Drejtorisë Vendore Shkodër "Për parandalimin e kultivimit të bimëve narkotike"
Sot datë 12.04.2017 nga shërbimet e Komisariatit Policisë Pukë gjatë të kontrollit të territorit për parandalimin e kultivimit të bimëve narkotike, në banesën e shtetasit Gj.D, u gjetën dhe u sekuestruan në cilësinë e provës materiale:
Një armë gjahu tip çifte dhe 2 armë automatike mod 56, 2 krehëra me 45 fishekë.
Për këtë rast u bë arrestimi në flagrancë i shtetasit Gj.D, 51 vjeç, banues në Lezhë për veprën penale "Prodhim dhe mbajtje pa leje të armëve luftarake dhe municioneve" dhe "Prodhim dhe mbajtje pa leje të armëve të gjuetisë dhe sportive" parashikuara nga neni 280, 278/3, të Kodit Penal. Materialet i kaluan Prokurorisë Rrethit Gjyqësor Pukë për veprime të mëtejshme.

Komisariati i Policisë Kukës
Më datë 11.04.2017, shtetasi A.N, vjeç 49, Kryetari i Njësisë Administrative Shishtavec, ka njoftuar se, si pasojë e tërmetit të datës 10.04.2017, është shembur godina e njësisë administrative. Materialet u referuan në Prokurorinë e Rrethit Gjyqësor Kukës, për ngjarje aksidentale.

Më datë 12.04.2017, u referuan materiale në Prokurorinë e Rrethit Gjyqësor Kukës, për shtetasin R.J, vjeç 19, banues në Kukës, pasi dyshohet se nëpërmjet telefonit, ka kanosur shtetasen B.N, vjeç 17. Punohet për kapjen e tij. Nenet 84 e 275 të Kodit Penal.

Komisariati i Policisë Mat
Më datë 12.04.2017, u referuan materialet në Prokurorinë e Rrethit Gjyqësor Mat, për shtetasin L.K, vjeç 56, pasi dyshohet se në banesë, ka ushtruar dhunë fizike e psikologjike ndaj bashkëshortes, F.K, vjeç 45. Neni 130/a i Kodit Penal.


DREJTORIA E PERGJITHSHME PER KUFIRIN&MIGRACIONIN

Komisariati i Kufirit&Migracionit Rinas
Më datë 12.04.2017, nga Interpol Tirana, u ekstradua për në Gjermani, shtetasi në kërkim ndërkombëtar A.M, vjeç 27, banues në Kosovë, i cili ju dorëzua oficerëve gjerman.

Më datë 12.04.2017, në P.K.K Rinas, u kap shtetasi në kërkim E.V, vjeç 32, banues në Valias, pasi Gjykata e Rrethit Gjyqësor Tiranë, e ka dënuar me 8 muaj burg për veprën penale “Ndërtimi i paligjshëm”. Neni 199/a/2 i Kodit Penal.

Më datë 12.04.2017, në P.K.K Rinas, u kap shtetasi në kërkim Sh.E, vjeç 29, banues në Durrës, pasi Gjykata e Rrethit Gjyqësor Durrës, e ka dënuar me 10 ditë burg për veprën penale “Veprime në kundërshtim me vendimin e gjykatës”. Neni 321/2 i Kodit Penal.

Drejtoritë Vendore për Kufirin&Migracionin Durrës
Më datë 12.04.2017, u referuan materialet në Prokurorinë e Rrethit Gjyqësor Durrës dhe punohet për zbulimin e autorit, pasi dyshohet se mjeti tip “Audi”, sekuestruar më datë 15.09.2016, shtetasit A.R, vjeç 38, banues në Itali, rezulton i vjedhur në Gjermani. Neni 141/a i Kodit Penal.

Drejtoritë Vendore për Kufirin&Migracionin Korçë
Më  datë 12.04.2017, në P.K.K Kapshticë, u kap shtetasi në kërkim A.Gj, vjeç 46, banues në fshatin Kamenicë, pasi Gjykata e Rrethit Gjyqësor Korçë, e ka dënuar me 9 muaj burg për veprën penale  “Vjedhja”. Neni 134/2 i Kodit Penal.

Më datë 12.04.2017, u arrestua në flagrancë shtetasi E.S, vjeç 40, banues në Korçë, pasi P.K.K Goricë, ju gjet e sekuestrua një leje drejtimi ndërkombëtare e dyshuar e falsifikuar. Neni 186 i Kodit Penal.


Përmbledhje e rezultateve të arritura të punës të Strukturave të Policisë gjatë 24 orëve të fundit.

Policia e Shtetit në të gjithë vendin vijon zbatimin e masave të përcaktuara në Planin e masave, për “Rritjen e parametrave të sigurisë”, mbajtjen nën kontroll të situatës kriminale, kapjen e personave të shpallur në kërkim dhe atyre që qarkullojnë me armë, goditjen e trafikut të lëndëve narkotike e trafìqeve të paligjshme, parandalimin e aksidenteve rrugore”.

Në këtë kontekst, gjatë 24 –orëve në të gjithë vendin kanë funksionuar pika kontrolli dhe të lëvizshme, ku është bërë e mundur kapja dhe arrestimi i 33 personave, është sekuestruar lëndë narkotike dhe armë zjarri.

Nga Policia Rrugore në të gjithë vendin duke përdorur Dragerat dhe Radarët janë arrestuar në flagrancë për drejtim mjeti në gjendje të dehur, pa leje drejtimi 9 drejtues mjetesh.

Nga kontrollet e kryera nga strukturat e Drejtorive Vendore të Policisë janë arrestuar 9 persona për narkotikët, krimin ekonomik-financiar dhe trafiqet e paligjshme.
4 persona për vjedhje dhe dhunë në familje.
2 persona për armëmbajtje pa leje dhe 1 person për mitëdhënie.
Janë kapur 8 persona në kërkim.
Janë sekuestruar rreth 135 kg lëndë e dyshuar Cannabis Sattiva, 6 armë zjarri, 2 krehëra, 295 fishekë dhe një predhë artilerie.
Po gjatë kontrolleve janë shoqëruar për verifìkim 58 persona.

Gjatë 24- Orëve u finalizuan me sukses Operacionet konkretisht:
Finalizohet me sukses Operacioni policor i koduar “Porosia”.
Është arrestuar në flagrancë një shtetas i cili kontrabandonte nga shteti maqedonas naftë, të cilën e depozitonte dhe tregtonte në mënyrë të jashtëligjshme në qytetin e Pogradecit.
Nga Specialistët e Sektorit kundër Krimit Ekonomik-Financiar në Drejtorinë Vendore të Policisë Korçë.

Finalizohet me sukses Operacioni policor kundër shfrytëzimit për prostitucion.
Janë arrestuar në flagrancë 2 shtetas dhe është proceduar një shtetase në gjendje të lirë.
Nga Sektori Për Hetimin e Narkotikëve dhe Trafiqeve në Drejtorinë Vendore të Policisë Shkodër, në bashkëpunim me Prokurorinë e Rrethit Gjyqësor Shkodër

Edhe në ditët në vijim do vijojë puna e Policisë së Shtetit për rritjen e parametrave të sigurisë në vend.

 

 

Arkiva

Maj 2017
He Ma Me En Pr Sh Di
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31 1 2 3 4

Fushata Sensibilizuese

Video te tjera ...