Informacion mbi ngjarjet, arrestimet, ndalimet dhe procedimet në 24 orët e fundit 18 Prill 2017

Policia e Shtetit: 1Drejtoria PPSH.1
Vijon masivisht dorëzimi vullnetar i armëve dhe municioneve luftarake. 
Gjatë ditëve të fundit janë dorëzuar në të gjithë vendin 69 armë zjarri, 40.119 fishekë, 30 granata, 56 krehëra, 23 ndezësa, 2 kallëpe tritol, 2 predha, 195 kapsolla detonatore si dhe 6 bomba tymuese.

Konkretisht në qarqet:

1- Qarku Kukës.
Janë dorëzuar 15 armë, 1103 fishekë, 16 krehëra, 11 granata dhe 105 kapsolla detonatore.

2- Qarku Tiranë.
Në Komisariatet e Policisë Tiranë janë dorëzuar vullnetarisht nga banorët 10 armë zjarri, 4439 fishekë, 10 krehëra, 2 kallëpë tritol dhe 90 kapsolla detonatore.

3- Qarku Dibër.
Janë dorëzuar në Komisariatin e Policisë Dibër 8 armë zjarri, 7 krehëra, 2184 fishekë, 5 granata, 22 ndezësa.

4- Qarku Fier.
Janë dorëzuar 8 armë zjarri, 1180 fishekë, 4 granata dhe 11 krehëra.

5- Qarku Berat.
Janë dorëzuar 5 armë zjarri, 600 fishekë dhe 6 bomba tymuese.

6- Qarku Shkodër.
Dorëzohen nga banorët 5 armë zjarri, 4 krehëra, 3250 fishekë, 2 granata dore.

7- Qarku Durrës.
Janë dorëzuar 5 armë zjarri, 8 krehëra, 525 fishekë dhe 2 granata dore.

8- Qarku Korçë.
Janë dorëzuar: 4 armë zjarri, 2 predha dhe 20 788 fishekë.

9- Qarku Elbasan.
Janë dorëzuar vullnetarisht 4 armë zjarri dhe 2880 copë fishekë.

10- Qarku Gjirokastër.
Janë dorëzuar 3 armë zjarri, 1 granatë dore, 1 ndezëse granate dhe 3070 fishekë.


11- Qarku Vlorë.
Është dorëzuar nga banorët 1 armë zjarri si dhe 60 fishekë.

12- Qarku Lezhë.
Është dorëzuar 1 armë zjarri, 40 fishekë dhe 5 granata.


Edhe njëherë Policia e Shtetit falënderon të gjithë ata banorë që kanë dorëzuar vullnetarisht armët dhe municionet luftarake si dhe iu bën thirrje të gjithë atyre që mbajnë armë pa leje t'i dorëzojnë ato brenda afatit të amnistisë 30 Prill 2017.

DREJTORIA E PERGJITHSHME PËR HETIMIN E KRIMIT TE ORGANIZUAR DHE KRIMET E RËNDA

DREJTORITË VENDORE TË POLICISË

Drejtoria Vendore e Policisë Tiranë
Komisariati Rajonal i Policisë Rrugore
Në vijim të komunikatës, që bën fjalë për aksidentin e ndodhur në rrugën e “Elbasanit”, më datë 17.04.2017, në spitalin e Traumës, ka vdekur shtetasi E.B, vjeç 20, banues në Tiranë. Materialet u referuan në Prokurorinë e Rrethit Gjyqësor Tiranë. Neni 290 i Kodit Penal.

Më datë 17.04.2017, u referuan materialet në Prokurorinë e Rrethit Gjyqësor Tiranë, për shtetasin G.S, vjeç 21, banues në Tiranë, pasi dyshohet se rreth orës 20:30, në rrugën “Grigor Heba”, duke drejtuar mjetin tip “Benz”, ka aksidentuar këmbësoren shtetasen K.D, vjeç 25, banuese në Tiranë dhe nuk ka qëndruar. Shtetasja K.D ndodhet në spital, jashtë rrezikut për jetën. Nenet 273 e 290 të Kodit Penal.

Drejtoria Vendore e Policisë Durrës
Seksioni për narkotikët
Më datë 17.04.2017, rreth orës 11:00, në Bishtëpallë, në bregdet, u gjetën 12 kg e 680 gr lëndë e dyshuar narkotike e llojit Cannabis Sattiva. Punohet për identifikimin dhe kapjen e autorëve. Materialet u referuan në Prokurorinë e Rrethit Gjyqësor Durrës. Neni 283/1 i Kodit Penal.

Seksioni i hetimit të ngjarjeve në qarkullimin dhe AIS
Më datë 17.04.2017, u arrestua në flagrancë shtetasi H.M, vjeç 31, banues në Kavajë, pasi, në lagjen nr. 13, Durrës, është kapur duke drejtuar pa leje drejtimi dhe në gjendje të dehur, mjetin tip “Benz”. Neni 291 i Kodit Penal.

Drejtoria Vendore e Policisë Elbasan
Seksioni i hetimit të ngjarjeve në qarkullimin dhe AIS
Më datë 17.04.2017, u referuan materialet në Prokurorinë e Rrethit Gjyqësor Elbasan, për  shtetasin S.N, vjeç 42, banues në Tiranë, pasi dyshohet se, në aksin rrugor Librazhd–Elbasan, në fshatin Xibrakë, duke drejtuar mjetin tip “BMV”, është përplasur me mjetin tip “Toyota”, me drejtuese shtetasen V.M, vjeç 42, banuese në Tiranë, ku si pasojë janë aksidentuar pasagjerët, shtetasi N.M dhe vajza e tij e mitur, vjeç 49 e 13, banues në Tiranë, të cilët ndodhen në spital, nën kujdesin e mjekëve. Neni 290 i Kodit Penal.

Drejtoria Vendore e Policisë Berat
Seksioni për narkotikët
Më datë 17.04.2017, u referuan materialet në Prokurorinë e Rrethit Gjyqësor Berat dhe punohet për kapjen e shtetasit A.M, vjeç 46, banues në Patos, rezident në fshatin Bistrovicë, Ura Vajgurore, pasi dyshohet se, në banesën në Bistrovicë, ju gjetën 1 automatik model 56, 15 fishekë model 56, 9 fishekë pistolete model 54, 10 fishekë për armë kundërajrore, 10 kapsolla detonatorë dhe 3 kg e 269 gr lëndë narkotike e llojit Marijuanë, të cilat janë bllokuar bashkë me dy aparate telefoni ‘’Nokia’’ e ‘’ZTE’’, si dhe për shkak të detyrës, ka kundërshtuar me dhunë punonjësin e policisë. Nenet 278/23, 283/1 e 234 të Kodit Penal.

Drejtoria Vendore e Policisë Fier
Seksioni për narkotikët
Më datë 17.04.2017, u referuan materialet në Prokurorinë e Rrethit Gjyqësor Fier, për shtetasin G.F, 26 vjeç, pasi dyshohet se më datë 16.04.2017, në Levan, iu gjet e sekuestrua me cilësinë e provës materiale 0.35 gr lëndë narkotike e llojit Cannabis Sattiva. Neni 283/1 i Kodit Penal.

Drejtoria Vendore e Policisë Lezhë
Seksioni i hetimit të ngjarjeve në qarkullimin dhe AIS
Më datë 17.04.2017, u referuan materialet në Prokurorinë e Rrethit Gjyqësor Lezhë, për shtetasin P.P, vjeç 60, banues në fshatin Kodhel, pasi dyshohet se, në autostradën Lezhë-Shkodër, te kryqëzimi i Gjadrit, duke drejtuar mjetin tip “Ford”, është përplasur me mjetin tip “Benz”, drejtuar nga shtetasi B.P, vjeç 56, banues në Bushat, Shkodër, për pasojë janë aksidentuar shtetasit këmbësori P.D e pasagjerja A.P, vjeç 60 e 56, të cilët ndodhen në spital jashtë rrezikut për jetën. Neni 290/1 i Kodit Penal.

Më datë 18.04.2017, u referuan materialet në Prokurorinë e Rrethit Gjyqësor Lezhë, për shtetasin A.N, vjeç 25, banues në Lezhë, pasi dyshohet se më datë 17.04.2017, rreth orës 23:30, në rrugën Milot-Lezhë, duke drejtuar mjetin tip “Volkswagen”, është përplasur me një mjet tjetër tip “Volkswagen”, me drejtues shtetasin N.V, vjeç 49, banues në Gilan, Kosovë, ku për pasojë është dëmtuar pasagjerja shtetasja V.H, vjeç 44, banuese në Tiranë, e cila ndodhet në spital, jashtë rrezikut për jetën. Neni 290/1 i Kodit Penal.

Drejtoria Vendore e Policisë Dibër
Seksioni i hetimit të ngjarjeve në qarkullimin dhe AIS
Më datë 17.04.2017, u arrestua në flagrancë shtetasi A.L, vjeç 25, banues në Fushë Bulqizë, pasi më 16.04.2017, në vendin e quajtur “Lokali i Pishave”, duke drejtuar mjetin tip “Benz”, ka goditur shtetasin J.D, vjeç 75, banues në Tiranë, i cili ndodhet në spital, nën kujdesin e mjekëve. Nenet 290 e 273 të Kodit Penal.

DREJTORIA E PERGJITHSHME PËR SIGURINË PUBLIKE

KOMISARIATET E POLICISË

Komisariati i Policisë Nr. 1
Më datë 17.04.2017, u referuan materialet në Prokurorinë e Rrethit Gjyqësor Tiranë, për shtetasen B.H, vjeç 24, banuese në Tiranë, pasi dyshohet se në ambientet e qendre tregtare, në market, u kap duke vjedhur nga punonjësi i sigurisë. Neni 134 i Kodit Penal.

Më datë 17.04.2017, u plotësua kërkesë padia për lëshimin e Urdhërit të mbrojtjes së menjëhershme, për shtetasen S.K, vjeç 36, banuese në Tiranë, pasi dyshohet se ish bashkëshorti S.Ç, vjeç 43, ka ushtruar dhunë psikologjike ndaj saj. Materialet i kaluan Gjykatës së Rrethit Gjyqësor Tiranë. Ligji nr. 9669, datë 18.12.2006, “Për masa ndaj dhunës në marrëdhëniet familjare”.

Më datë 17.04.2017, në Shkozë, tek banesat sociale, është hedhur nga kati i dytë, shtetasja R.L, vjeç 41(me probleme mendore) e cila ndodhet në spital nën kujdesin e mjekëve. Materialet u referuan në Prokurorinë e Rrethit Gjyqësor Tiranë.

Më datë 17.04.2017, u referuan materialet në Prokurorinë e Rrethit Gjyqësor Tiranë dhe punohet për shoqërimin e shtetasit S.C, vjeç 34, banues në Tiranë, pasi dyshohet se, në Shkozë, duke drejtuar kamionin, në pronësi të një firme, u kap nga punonjësi i Policisë Bashkiake duke hedhur inerte dhe dhera pa autorizim. Neni 199 i Kodit Penal.

Më datë 17.04.2017, u referuan materialet në Prokurorinë e Rrethit Gjyqësor Tiranë dhe punohet për shoqërimin e shtetasit F.A, vjeç 27, banues në Tiranë, i dënuar më parë, pasi, në rrugën “Gramoz Pashko”, dyshohet se ka goditur me grushte e shkelma, shtetasin F.K, vjeç 56, banues në Tiranë. Neni 89 i Kodit Penal.

Komisariati i Policisë Nr. 3
Më datë 17.04.2017, gjatë natës, në rrugën “Kastriotët”, është tentuar të vidhet lokali, pronë e shtetasit A.Rr, vjeç 46, banues në Tiranë. Punohet për identifikimin dhe kapjen e autorit. Nenet 134 e 22 të Kodit Penal.

Më datë 17.04.2017, u referuan materialet në Prokurorinë e Rrethit Gjyqësor Tiranë, për shtetasin K.A, vjeç 51, banues në Tiranë, pasi dyshohet se, në banesë, në rrugën “Ramazan Shijaku”, punonjësit e OSHEE-së, kanë konstatuar lidhje të paligjshme të energjisë elektrike. Neni 137/1 i Kodit Penal.

Më datë 18.04.2017, rreth orës 01:00, në rrugën e “Dibrës”, te një pallat, në katin e parë, në një dyqan ka rënë zjarr, ku janë djegur disa libra. Punohet për sqarimin e shkakut të rënies së zjarrit. Informacion paraprak.

Komisariati i Policisë Nr. 4
Më datë 17.04.2017, në rrugën “Karaman Ylli”, ka vdekur shtetasi R.Xh, vjeç 33. Nga veprimet e kryera rezulton, se vdekja ka ardhur nga shkaqet natyrale. Materialet u referuan në Prokurorinë e Rrethit Gjyqësor Tiranë.

Më datë 17.04.2017, u referuan materialet në Prokurorinë e Rrethit Gjyqësor Tiranë dhe punohet për shoqërimin e shtetasve Zh.S dhe A.Q, vjeç 22 e 19, banues në Tiranë, të dënuar më parë, pasi dyshohet se gjatë natës në rrugën “Musa Agolli”, kanë vjedhur disa vegla pune, në garazhin në pronësi të shtetasit I.M, vjeç 61, banues në Tiranë. Nenet 134 e 25 të Kodit Penal.

Komisariati i Policisë Nr. 5
Më datë 17.04.2017, u referuan materialet në Prokurorinë e Rrethit Gjyqësor Tiranë dhe punohet për shoqërimin e shtetasit Sh.Ç, vjeç 32, banues në Bathore, i dënuar më parë, pasi, shtetasi D.K, kallëzon se, gjatë natës në rrugën “2 Prilli” Bathore, dyshohet se ka vjedhur disa matës uji, të disa banesave. Neni 134 i Kodit Penal.

Komisariati i Policisë Nr. 6
Më datë 17.04.2017, u referuan materialet në Prokurorinë e Rrethit Gjyqësor Tiranë dhe punohet për shoqërimin e shtetasit E.M, vjeç 19, banues në Tiranë, i dënuar më parë për vjedhje, pasi dyshohet se gjatë natës në rrugën “Naim Frashëri”, ka vjedhur banesën e shtetases D.Y, vjeç 36, ku ka marr një aparat “Ipad”, portofolin me një sasi lekësh dhe kartën e identitetit. Neni 134 i Kodit Penal.

Komisariati i Policisë Vorë
Më datë 17.04.2017, gjatë natës, në fshatin Domje, shtetasit I.M, vjeç 50, banues në Tiranë, kanë vjedhur mjetin tip “Ford Focus”, i cili u gjet i braktisur në rrugën e “Elbasanit”, pranë një restoranti. Punohet për identifikimin e kapjen e autorit. Neni 134 i Kodit Penal.

Komisariati i Policisë Kavajë
Më datë 17.04.2017, u referuan materialet në Prokurorinë e Rrethit Gjyqësor Kavajë, për shtetasin D.M, vjeç 28, banues në Tiranë, pasi dyshohet se rreth orës 07:45, në autostradën Kavajë-Rrogozhinë, duke drejtuar mjetin tip “Benz”, ka goditur nga mbrapa mjetin tip “Volkswagen”, me drejtues shtetasin B.T, vjeç 42, banues në Durrës, i cili pas mjekimit në spital, u largua në banesë. Neni 290 i Kodit Penal.

Në vijim të komunikatës, që bën fjalë për largimin nga banesa të shtetases A.H, më datë 17.04.2017, u gjet e dorëzua familjarëve, e cila deklaron se është larguar me dëshirën e saj. Materialet u referuan në Prokurorinë e Rrethit Gjyqësor Kavajë.

Komisariati i Policisë Durrës
Më datë 17.04.2017, u referuan materialet në Prokurorinë e Rrethit Gjyqësor Durrës, për shtetasen Xh.B, vjeç 58, banuese në Durrës, pasi dyshohet se, në lagjen nr. 14, ka kanosur me fjalë, shtetasen E.A, vjeç 36. Neni 84 i Kodit Penal.

Më datë 17.04.2017, u arrestua në flagrancë shtetasi L.D, vjeç 16, banues në Durrës, pasi, në lagjen 13 Plazh, në marketin, pronë i shtetases R.A, vjeç 54, ka vjedhur një aparat telefoni të markës “Samsung J7”. Neni 134 i Kodit Penal.

Më datë 17.04.2017, shtetasi A.B, vjeç 53, banues në Durrës ka bërë kallëzim, se para disa ditëve në lokalin në pronësi, në lagjen 13, shtetasi L.D, vjeç 17, banues në Durrës, i ka vjedhur një sasi lekësh. Neni 134 i Kodit Penal.

Më datë 18.04.2017, u plotësua kërkesë-padia për lëshimin e urdhërit të mbrojtjes së menjëhershme për shtetasen V.Gj, vjeç 34, banuese në Durrës, pasi dyshohet se bashkëshorti shtetasi F.Gj, vjeç 44, ka ushtruar dhunë fizike e psikologjike ndaj saj. Materialet i kaluan Gjykatës së Rrethit Gjyqësor Durrës. Ligji Nr. 9669, datë 18.12.2006. “Për masa ndaj dhunës në marrëdhëniet familjare”.

Komisariati i Policisë Krujë
Më datë 17.04.2017, u referuan materialet në Prokurorinë e Rrethit Gjyqësor Krujë, për shtetasin Sh.B, vjeç 58, banues në Tiranë, pasi dyshohet se rreth orës 17:30, në rrugën Fushë Krujë-Tiranë në afërsi të urës Tapizës, duke drejtuar mjetin tip “Volkswagen”, është përplasur me mjetin tip “Benz”, me drejtues shtetasin S.V, vjeç 57, banues në fshatin Tapizë, ku për pasojë janë aksidentuar shtetaset L.V dhe F.D, vjeç 50 të cilat ndodhen në spital jashtë rreziku  për jetën. Neni 290 i Kodit Penal.

Komisariati i Policisë Shijak
Më datë 17.04.2017, u referuan materialet në Prokurorinë e Rrethit Gjyqësor Durrës, për shtetasin N.B, vjeç 57, banues në fshatin Koxhas, pasi dyshohet se, në Koxhas, po ndërtonte një objekt pa leje. Neni 199/a i Kodit Penal.

Më datë 17.04.2017, u arrestua në flagrancë shtetasi H.Gj, vjeç 34, banues në Shijak, pasi, në Shijak, duke drejtuar në gjendje të dehur mjetin tip “Alfa Romeo” pa targë, është përplasur me një motorkarro ku është dëmtuar vetë. Neni 291 i Kodit Penal.

Komisariati i Policisë Elbasan
Më datë 17.04.2017, gjatë natës, në lagjen “Skënderbej”, është vjedhur me thyerje banesa e shtetasit B.D, vjeç 46, ku kanë marrë një sasi lekësh. Punohet për identifikimin dhe kapjen e autorit. Neni 134 i Kodit Penal.

Më datë 17.04.2017, gjatë natës, në qendër Belsh, pranë banesës, shtetasit M.Z, vjeç 24, i kanë vjedhur mjetin tip “Benz”. Punohet për identifikimin dhe kapjen e autorit. Neni 134 i Kodit Penal.

Më datë 17.04.2017, u referuan materialet në Prokurorinë e Rrethit Gjyqësor Elbasan, për vlerësim, për  shtetasin Sh.Xh, vjeç 42, banues në fshatin Gjergjan, pasi dyshohet se më datë 16.04.2017, ka ngacmuar me fjalë banale dhe gjeste të turpshme, një shtetase të mitur vjeç 13.

Më datë 17.04.2017, shtetasi A.A, vjeç 31, banues në fshatin Kadundi Ri, ka bërë kallëzim se, i është larguar nga banesa bashkëshortja, shtetasja A.A, vjeç 26. Punohet për gjetjen e saj. Materialet ju kaluan Prokurorisë së Rrethit Gjyqësor Elbasan.

Komisariati i Policisë Librazhd
Më datë 17.04.2017, u referuan materialet në Prokurorinë e Rrethit Gjyqësor Elbasan, për shtetasin L.Sh, vjeç 57, banues në fshatin Dorëz, pasi dyshohet se me datë 15.04.2017,  në fshatin Dorëz, ka goditur me grushte shtetasin N.Sh, vjeç 73. Neni 89 i Kodit Penal.

Më datë 17.04.2017, u referuan materialet në Prokurorinë e Rrethit Gjyqësor Elbasan, për  shtetasen K.B, vjeç 30, banuese në Korçë, pasi dyshohet se rreth orës 15:40, në aksin rrugor Librazhd–Elbasan, te ura e Murrashit, duke drejtuar mjetin  tip “Nissan”, është përplasur me një mjet tjetër tip “Nissan”, me drejtues shtetasin G.C, vjeç 35, banues në fshatin Polis, ku si pasojë është aksidentuar pasagjerja, shtetasja E.Sh, vjeç 26,  e cila ndodhet në spital nën  kujdesin e mjekëve. Neni 290 i Kodit Penal.

Komisariati i Policisë Korçë
Më datë 17.04.2017, u plotësua kërkesë-padia për lëshimin e Urdhërit të mbrojtjes së menjëhershme, për shtetasen R.B, vjeç 48, banuese në Korçë pasi dyshohet se ish bashkëshorti shtetasi L.B, vjeç 53, ka ushtruar dhunë psikologjike ndaj saj. Materialet i kaluan Gjykatës së Rrethit Gjyqësor Korçë. Ligji nr. 9669, datë 18.12.2006, “Për masat ndaj dhunës në marrëdhëniet familjare”.

Komisariati i Policisë Maliq
Më datë 17.04.2017, në fshatin Pojan, në banesë, është gjetur nga familjarët i vdekur, shtetasi D.M, vjeç 60. Nga veprimet e kryera rezulton, se vdekja ka ardhur nga shkaqe natyrale. Materialet u referuan në Prokurorinë e Rrethit Gjyqësor Korçë, për vlerësim.

Komisariati i Policisë Berat
Më datë 17.04.2017, u ndalua shtetasi në kërkim, B.Z, vjeç 20, banues në Berat, pasi në territorin e Bashkisë Berat, në lagjen ‘’Barikadë’’, në banesën e pa banuar të shtetasit A.T, ambient i mbyllur, territor i Komisariatit të Policisë Berat, në 11 kubikë ka mbjellë 12 bimë të dyshuara narkotike të llojit Cannabis Sattiva, si dhe për shkak të detyrës, ka kundërshtuar me dhunë punonjësit e policisë së rendit publik. Materialet u referuan në Prokurorinë e Rrethit Gjyqësor Berat. Nenet 284 e 236 të Kodit Penal.

Më datë 17.04.2017, u plotësua kërkesë padia për lëshimin e urdhërit të mbrojtjes së menjëhershëm për shtetasin M.D, vjeç 62, banuese në  Berat, pasi dyshohet se në banesë, djali, shtetasi A.D, vjeç 37, banues në Berat, ka ushtruar dhunë psikologjike ndaj tij. Materialet i kalojnë Gjykatës së Rrethit Gjyqësor Berat. Ligji Nr. 9669, datë 18.12.2006. “Për masa ndaj dhunës në marrëdhëniet familjare”.

Më datë 17.04.2017, u arrestuan në flagrancë shtetasit L.L dhe M.M, vjeç 22 e 34, banues në Berat, pasi, mbrapa stadiumit, kanë tentuar të fusin me forcë në makinë, duke goditur me grushte, shtetasin Xh.L, vjeç 24, banues në Berat, dhe e akuzonin se kishte dijeni për vjedhjen e banesës tyre, ndodhur para disa muajsh. Nenet 110/2, 22, 277, 89 e 25 të Kodit Penal.

Komisariati i Policisë Lushnjë
Më datë 17.04.2017, u referuan materialet në Prokurorinë e Rrethit Gjyqësor Lushnjë për shtetasin R.B, vjeç 21, banues në Sarandë, pasi dyshohet se, në rrugën Lushnjë-Berat, në fshatin Fiershegan, duke drejtuar mjetin tip “Benz”, është përplasur me mjetin tip “Ford”, me drejtues shtetasin A.N, vjeç 33, banues në fshatin Kosovë e Vogël, për pasojë është dëmtuar pasagjeri në mjetin tip “Benz”, shtetasi A.P, vjeç 19, i cili ndodhet në spital, nën kujdesin e mjekëve. Neni 290 i Kodit Penal.

Më datë 17.04.2017, rreth orës 07:30, në fshatin Kamçisht, në kasollen e bagëtive afër banesës, në gjendje depresioni, është vetëvarur shtetasja Dh.P, vjeç 53. Materialet u referuan në Prokurorinë e Rrethit Gjyqësor Lushnjë, për vlerësim.

Komisariati i Policisë Mallakastër
Më datë 17.04.2017, u arrestua në flagrancë shtetasi K.B, vjeç 23, banues në fshatin Zhupan, Fier, pasi, në rrugën Fier-Ballsh, në vendin e quajtur “Ofiçinë e Vjetër”, duke drejtuar pa leje drejtimi, mjetin tip “Honda”, ka dalë nga rruga, për pasojë është dëmtuar vetë dhe pasagjerja shtetasja A.L, vjeç 19, të cilët ndodhen në spital nën kujdesin e mjekëve. Nenet 290 e 291 të Kodit Penal.

Komisariati i Policisë Vlorë
Më datë 17.04.2017, u referuan materialet në Prokurorinë e Rrethit Gjyqësor Vlorë, për shtetasin I.P, vjeç 25, banues në Vlorë, pasi dyshohet se më datë 16.04.2017, në lagjen “1Maj”, ka thyer xhamin e parë të automjetit tip “Benz”, në pronësi të shtetasit K.S, vjeç 32, banues në Vlorë. Neni 150 i Kodit Penal.

Më datë 17.04.2017, u referuan materialet në Prokurorinë e Rrethit Gjyqësor Vlorë, për shtetasin R.R, vjeç 35, banues në Vlorë, pasi dyshohet se më datë 14.04.2017, në lagjen “28 Nëntori”, ka goditur me grushte shtetasin E.D, vjeç 29, banues në Vlorë. Neni 90 i Kodit Penal.

Më datë 15.04.2017, rreth orës 14:35, në lagjen “11 Janari”, ka rënë zjarr dhe janë djegur pjesërisht disa ullinj, në pronësi të shtetasit A.M, vjeç 27, banues në Vlorë. Punohet për përcaktimin e shkakut të rënies së zjarrit, identifikimin dhe kapjen e autorëve. Materialet u referuan në Prokurorinë e Rrethit Gjyqësor Vlorë Neni 151 i Kodit Penal.

Më datë 17.04.2017, shtetasja në kërkim Xh.Z, vjeç 22, banuese në Durrës, e larguar nga banesa më datë 15.11.2016, me dy fëmijët e saj të mitur, është paraqitur dhe ka deklaruar se, është larguar me dëshirën e saj. Materialet u referuan në Prokurorinë e Rrethit Gjyqësor Vlorë.

Më datë 17.04.2017, rreth orës 10:00 në fshatin Vajzë, shtetasi E.K, vjeç 23, banues në Vlorë,  duke drejtuar mjetin tip “Ford”, ka goditur dhe vrarë nga pakujdesia një qen, në pronësi të shtetasit E.C, vjeç 27. Materialet u referuan në Prokurorinë e Rrethit Gjyqësor Vlorë, për vlerësim.

Më datë 18.04.2017, u referuan materialet në Prokurorinë e Rrethit Gjyqësor Vlorë, për shtetasin E.Xh, vjeç 34, banues në Vlorë, pasi dyshohet se në datë 17.04.2017, në lagjen “Isa Boletini”, ka kanosur me fjalë për vrasje,  shtetasin L.N, vjeç 40. Neni 83/a i Kodit Penal.

Komisariati i Policisë Lezhë
Më datë 17.04.2017, shtetasja M.Gj, vjeç 42, ka bërë kallëzim se vajza shtetasja D.Gj, vjeç 19, banuese në Tiranë, i ka lënë në banesë fëmijën e mitur dhe është larguar. Punohet për kapjen e saj. Materialet u referuan në Prokurorinë e Rrethit Gjyqësor Lezhë. Neni 124/1 i Kodit Penal.

Komisariati i Policisë Kurbin
Më datë 17.04.2017, gjatë natës, në lagjen Sanxhak, në kasollen e bagëtive, shtetasit P.S, vjeç 62, i kanë vjedhur 4 bagëti të imëta. Punohet për identifikimin dhe kapjen e autorit. Materialet i kalojnë Prokurorisë së Rrethit Gjyqësor Kurbin. Neni 134 i Kodit Penal.

Komisariati i Policisë Kukës
Më datë 17.04.2017, u referuan materialet në Prokurorinë e Rrethit Gjyqësor Kukës, pasi shtetasi A.T, vjeç 35, banues në Berat, ka bërë kallëzim se në Lapaj Bushtricë, kanë dëmtuar kabullin optik të HEC-it. Punohet për identifikimin dhe kapjen e autorëve. Neni 150 i Kodit Penal.

DREJTORIA E PERGJITHSHME PER KUFIRIN&MIGRACIONIN

Komisariati i Kufirit&Migracionit Rinas
Më datë 17.04.2017, u  referuan materialet  Prokurorisë së Rrethit Gjyqësor Tiranë, për shtetasin A.H, vjeç 25, banues në Mat, kthyer Inad nga policia belge, në PKK Rinas, pasi dyshohet se në pasaportë ju konstatua një vulë, e falsifikuar. Neni 190 i Kodit Penal.

Më datë 17.04.2017, në PKK Rinas në hyrje, u kap shtetasja në kërkim A.H, vjeç 29, banuese në Kavajë, e cila është larguar nga banesa.

Drejtoritë Vendore për Kufirin&Migracionin Vlorë
Policia Kufitare gotet një tjetër rast trafikimi të lëndëve narkotike, e mbetur në tentativë.
Sekuestrohen 368 kilogramë lëndë narkotike e dyshuar e llojit Cannabis Sattiva në Gjirin e Karaburunit.
Më datë 17.04.2017, në bazë të një informacioni paraprak të marrë, se në Gjirin e Karaburunit dyshohet se ndodheshin disa pako me lëndë narkotike, menjëherë u organizua puna dhe pas verifikimit të informacionit, shërbimet konstatuan 2 pako me lëndë narkotike e dyshuar e llojit Cannabis Sattiva në bregdetit e zonës së quajtur "Shën Jani".
Në bashkëpunim me DVP Vlorë, Delta Force dhe Gdf, filloi krehja e zonës ujore dhe tokësore dhe pas këtyre kërkimeve rreth 700 m larg nga bregu i detit, në ujë u gjetën edhe 22 pako të tjera të madhësive të ndryshme ku brenda përmbanin lëndë narkotike e dyshuar si Cannabis Sattiva.
Në total, 24 pako me peshë prej 368 kilogramë lëndë narkotike e dyshuar e llojit Cannabis Sattiva e cila u sekuestrua në cilësinë e provës materiale nga DVP Vlorë.
Vazhdojnë hetimet për kapjen e autorëve përgjegjës në lidhje me këtë ngjarje.

Përmbledhje e rezultateve të arritura të punës të Strukturave të Policisë gjatë 24 orëve të fundit.

Policia e Shtetit në të gjithë vendin vijon zbatimin e masave të përcaktuara në Planin e masave, për “Rritjen e parametrave të sigurisë”, mbajtjen nën kontroll të situatës kriminale, kapjen e personave të shpallur në kërkim dhe atyre që qarkullojnë me armë, goditjen e trafikut të lëndëve narkotike e trafìqeve të paligjshme, parandalimin e aksidenteve rrugore”.

Në këtë kontekst, gjatë 24 –orëve në të gjithë vendin kanë funksionuar pika kontrolli dhe të lëvizshme, ku është bërë e mundur kapja dhe arrestimi i 8 personave, është sekuestruar lëndë narkotike dhe armë zjarri.

Nga Policia Rrugore në të gjithë vendin duke përdorur Dragerat dhe Radarët janë arrestuar në flagrancë për drejtim mjeti në gjendje të dehur, pa leje drejtimi 4 drejtues mjetesh.

Nga kontrollet e kryera nga strukturat e Drejtorive Vendore të Policisë është arrestuar 1 person në kërkim dhe 2 persona për krime ndaj personit.
Është kapur 1 person për vjedhje.
Janë sekuestruar rreth 385 kg lëndë e dyshuar Cannabis Sattiva, 1 armë zjarri, 10 kapsolla detonatore dhe 34 fishekë.
Po gjatë kontrolleve janë shoqëruar për verifìkim 25 persona.

Edhe në ditët në vijim do vijojë puna e Policisë së Shtetit për rritjen e parametrave të sigurisë në vend.

 

Arkiva

Prill 2017
He Ma Me En Pr Sh Di
27 28 29 30 31 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30

Fushata Sensibilizuese

Video te tjera ...