Policia e Shtetit: prej orës 06:00 ka filluar procesi i dorëzimit të qendrave të votimit nga ana e punonjësve të policisë, duke i dorëzuar me procesverbal Komisioneve të Qendrave të Votimit.

Policia e ShtetitStema Policia

Më datë 25.06.2017, prej orës 06:00 ka filluar procesi i dorëzimit të qendrave të votimit nga ana e punonjësve të policisë, duke i dorëzuar me procesverbal Komisioneve të Qendrave të Votimit.

Procesi i dorëzimit të Qendrave të Votimit të cilat ishin marrë në ruajtje gjatë natës së mbrëmshme, ka vijuar pa asnjë problem.

Nga shërbimet e policisë gjatë natës nuk janë evidentuar probleme që lidhen me përmbushjen e detyrave në kuadër të procesit zgjedhor.

Dorëzimi i objekteve zgjedhore të marra në ruajtje është bërë konform rregullave të përcaktuara dhe punonjësit e policisë tashmë janë larguar nga Qendrat e Votimit dhe KZAZ-të e janë vendosur në Komisariate, stacione policore dhe në ambientet e përcaktuara. (përjashto qendrat ku vijon procesi)

Gjatë gjithë kohës lëvizja e punonjësve të policisë në zbatim të akteve normative do të bëhet me automjete me mbishkrimin “automjet i Policisë së Shtetit i angazhuar me detyra zgjedhore” dhe vendosja e forcave të policisë do të bëhet në Komisariate/Stacione Policie dhe në ambientet e përcaktuara, ku do të jetë i vendosur mbishkrimi “vendqëndrim i policisë për zgjedhjet”.

Në çdo rast ndërhyrja e forcave të policisë për rivendosjen e rregullit brenda Qendrës së Votimit do të bëhet me vendim të Komisionit të Qendrës së Votimit.
Krahas përmbushjes së detyrave në kuadër të procesit zgjedhor, strukturat policore gjatë natës së mbrëmshme kanë qenë totalisht të angazhuara për garantimin e rendit e të sigurisë publike dhe kanë kryer detyrat në përmbushje të misionit të Policisë së Shtetit.
Policia e Shtetit është e angazhuar maksimalisht për garantimin e rendit e të sigurisë gjatë gjithë procesit zgjedhor.

Arkiva

Shtator 2017
He Ma Me En Pr Sh Di
28 29 30 31 1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 1

Fushata Sensibilizuese

Video te tjera ...