Informacion mbi ngjarjet, arrestimet, ndalimet dhe procedimet në 24 orët e fundit 21 Prill 2017

DORËZIMI I ARMËVE 1Drejtoria PPSH.1
Vijon masivisht dorëzimi vullnetar i armëve në të gjithë vendin.
Dorëzohen dhjetëra armë e municione.
Paralelisht me dorëzimin e armëve ka vijuar gjithashtu trokitja derë me derë nga Specialistët e Policisë së Zonave për të ndërgjegjësuar banorët për domosdoshmërinë e dorëzimit të armëve që mbajnë pa leje.


DREJTORIA E PERGJITHSHME PËR HETIMIN E KRIMIT TE ORGANIZUAR DHE KRIMET E RËNDA

DREJTORITË VENDORE TË POLICISË

Drejtoria Vendore e Policisë Tiranë
Seksioni për trafikun e paligjshëm
Më datë 20.04.2017, u referuan materialet në Prokurorinë e Rrethit Gjyqësor Tiranë, për shtetasin L.A, administrator i një shoqërie, banues në Itali, pasi dyshohet se më datë 30.06.2014, i ka shitur dy kamion tip “Astra” kundrejt faturave, të cilat janë denoncuar si të vjedhura më datë 12.05.2015, në Itali, shtetasit E.E, vjeç 43, banues në Tiranë. Me cilësinë e provës materiale janë sekuestruar mjetet. Nenet 141/a e 145 të Kodit Penal.

Më datë 20.04.2017, u referuan materialet në Prokurorinë e Rrethit Gjyqësor Tiranë, për shtetasin Xh.H, vjeç 33, banues në Tiranë, pasi dyshohet se motori tip “Yamaha”, rezulton i vjedhur në Itali. Me cilësinë e provës materiale u sekuestrua motori. Neni 141/a i Kodit Penal.

 Më datë 20.04.2017, u referuan materialet në Prokurorinë e Rrethit Gjyqësor Tiranë, për shtetasin R.Sh, vjeç 29, banues në Tiranë, pasi dyshohet se mjeti tip “Benz”, të cilin ky shtetas ja ka shitur shtetasit M.L, rezulton i vjedhur në Maqedoni. Me cilësinë e provës materiale u sekuestrua mjeti. Neni 141/a i Kodit Penal.

Seksioni për krimin ekonomik e financiar
Më datë 20.04.2017, u referuan materialet në Prokurorinë e Rrethit Gjyqësor Tiranë, për shtetasen F.L, vjeç 54, banuese në Tiranë, pasi dyshohet se ka falsifikuar firmën e shtetases S.A, vjeç 66, banuese në Tiranë. Neni 186 i Kodit Penal.

Komisariati Rajonal i Policisë Rrugore
Më datë 20.04.2017, u arrestua në flagrancë shtetasi M.K, vjeç 35, banues në Tiranë, pasi, në autostradën Durrës -Tiranë, te një lokal, u kap duke drejtuar në gjendje të dehur, mjetin tip “Volkswagen”. Neni 291 i Kodit Penal.

Më datë 20.04.2017, rreth orës 09:30, në rrugën “Vangjel Noti”, shtetasi E.M, vjeç 33, banues në Tiranë, duke drejtuar motorin tip “ Piaggo”, është përplasur me mjetin tip “Land Rover”, me drejtues shtetasin U.V, vjeç 48, për pasojë janë dëmtuar drejtuesi i motorit dhe pasagjerja shtetasja D.T, vjeç 61, të cilët pas mjekimit në spital u larguan në banesë. Materialet u referuan në Prokurorinë e Rrethit Gjyqësor Tiranë, për vlerësim.

Më datë 21.04.2017, u arrestua në flagrancë shtetasi Y.Q, vjeç 34, banues në Tiranë, pasi, në rrugën “Dedë Gjoluli”, u kap duke drejtuar në gjendje të dehur mjetin tip “Volkswagen” Neni 291 i Kodit Penal.

Drejtoria Vendore e Policisë Durrës
Seksioni i hetimit të ngjarjeve në qarkullimin dhe AIS
Më datë 20.04.2017, u arrestua në flagrancë shtetasi Z.Sh, vjeç 58, banues në Durrës, pasi, në lagjen nr. 8, pranë një shkolle, u kap duke drejtuar në gjendje të dehur mjetin tip “Benz”. Neni 291 i Kodit Penal.

Drejtoria Vendore e Policisë Elbasan
Seksioni për narkotikët
Finalizohet me sukses operacioni i koduar “PARKINGU”
Sekuestrohen 20 kg lëndë narkotike e dyshuar Cannabis Sattiva dhe 3 automjete.
Arrestohen në flagrancë tre shtetas, si dhe shpallet në kërkim një tjetër.
Në vijim të punës për goditjen e veprimtarisë kriminale të prodhimit dhe shitjes së lëndëve narkotike dhe vendosjen para përgjegjësisë penale të autorëve, nga efektivët e Seksionit Kundër Narkotikëve, në Drejtorinë Vendore të Policisë Elbasan, në kuadër të një hetimi proaktiv të ndjekur me metoda speciale të hetimit u finalizua me sukses operacioni policor i koduar “PARKINGU”
Si rezultat i këtij operacioni u bë arrestimi në flagrancë i shtetasve:
A.T, 30 vjeç banues në Durrës
Arrestimi i tij u bë pasi gjatë kontrollit të ushtruar nga efektivat e policisë në bagazhin e mjetit tip “Renault” të parkuar pranë parkingut të spitalit të Librazhdit u gjet dhe u sekuestrua një sasi lënde narkotike e mbështjellë me ngjitës natribani, e dyshuar “Cannabis Sattiva”
Xh.H, 35 vjeç banues në Durrës
Ky shtetas dyshohet të ketë drejtuar automjetin i cili në pjesën e poshtme të tapicerisë në dysheme ishte modifikuar dhe përshtatur për fshehjen e lëndës narkotike
S.H, 37 vjeç banues në Durrës.
Ky shtetas duke drejtuar automjetin, dyshohet të ketë shoqëruar automjetin në të cilin ndodhej lënda narkotike nga qyteti i Durrësit në drejtim të Librazhdit.
Gjithashtu u bë shpallja në kërkim dhe po punohet për kapjen e shtetasit:
A.L, 45 vjeç banues në Durrës
Ky shtetas dyshohet të ketë konsumuar elementët e veprës penale “Prodhimi dhe shitja e narkotikëve” parashikuar nga neni 283/2 i Kodit Penal.
Grupi hetimor sekuestroi në cilësinë e provës materiale:
20 kg lëndë e dyshuar narkotike e dyshuar “Cannabis Sattiva”, si dhe 3 automjete.
Materialet i kaluan Prokurorisë së Rrethit Gjyqësor Elbasan për veprime të mëtejshme për veprën penale "Prodhimi dhe shitja e narkotikëve", kryer në bashkëpunim, parashikuar nga neni 283/2 i Kodit Penal

Seksioni i hetimit të ngjarjeve në qarkullimin dhe AIS
Më datë 20.04.2017, u referuan materialet në Prokurorinë e Rrethit Gjyqësor Elbasan, për shtetasin A.U, vjeç 24, banues në fshatin Sericë, pasi dyshohet se, në fshatin Mengël, duke drejtuar mjetin tip “Benz”, është përplasur me mjetin tip “Nissan”, të drejtuar nga shtetasi I.B, vjeç 24, banues në fshatin Mengël, për pasojë janë dëmtuar shtetasit T.M e B.M, vjeç  21 e 28, banues në fshatin Labinot Fushë, pasagjerë në mjetin tip “Benz”, të cilët ndodhen në spital nën kujdesin e mjekëve. Neni 290 i Kodit Penal.

Më datë 21.04.2017, u referuan materialet në Prokurorinë e Rrethit Gjyqësor Elbasan, për shtetasin R.I, vjeç 44, banues në Librazhd, pasi dyshohet se më datë 20.04.2017, rreth orës 19:30, në rrugën nacionale, në fshatin Hotolisht, duke drejtuar nën ndikimin e alkoolit, mjetin tip “Toyota”, është përplasur me një mjet tjetër tip “Toyota”, të drejtuar nga shtetasi E.L, vjeç 40, banues në Tiranë, për pasojë janë dëmtuar shtetasit pasagjerë I.L, L.L, K.L dhe drejtues shtetasin R.I, vjeç 30, 12 e 10, banues në Tiranë, të cilët pas mjekimit u larguan në banesë, kurse shtetasi R.I, ndodhet në spital nën kujdesin e mjekëve. Nenet 290 e 291 të Kodit Penal.

Drejtoria Vendore e Policisë Korçë
Seksioni kundër krimit ekonomik e financiar
Më datë 20.04.2017, u referuan materialet në Prokurorin e Rrethit Gjyqësor Korçë, për shtetasin V.Ç, vjeç 61, banues në Maliq. Neni 248 i Kodit Penal.

Seksioni i hetimit të ngjarjeve në qarkullimin dhe AIS
Më datë 20.04.2017, u referuan materialet në Prokurorinë e Rrethit Gjyqësor Korçë, për shtetasin F.D, vjeç 54, banues në Fier, pasi dyshohet se rreth orës 15:00, në aksin rrugor Korçë -Pogradec, në fshatin Sovjan, duke drejtuar mjetin tip “Ford”, është përplasur me kamionin tip “Benz”, të drejtuar nga shtetasi M.H, vjeç 54, banues në Elbasan, për pasojë janë dëmtuar shtetasit M.Sh dhe J.T, vjeç 49 e 50, banues në Indi e Kamerun, të cilët ndodhen në spital nën kujdesin e mjekëve. Neni 290 i Kodit Penal.

Drejtoria Vendore e Policisë Berat
Seksioni për narkotikët
Më datë 20.04.2017, u referuan materialet në Prokurorinë e Rrethit Gjyqësor Berat, për shtetasin R.N, vjeç 21, banues në Berat, pasi dyshohet se, në lagjen “30 Vjetori”, nga kontrolli fizik ju gjet e sekuestruan 2 doza lëndë narkotike e llojit Marijuanë. Neni 283/1 i Kodit Penal.

Drejtoria Vendore e Policisë Fier
Seksioni i hetimit të ngjarjeve në qarkullimin dhe AIS
Më datë 20.04.2017, u referuan materialet në Prokurorinë e Rrethit Gjyqësor Lushnjë, për shtetasin Q.Ç, vjeç 62, banues në fshatin Çinar, pasi dyshohet se rreth orës 14:00, pranë rezervuarit të Thanës, duke drejtuar motorin tip “Lifan”, ka dalë nga rruga, për pasojë është dëmtuar drejtuesi dhe pasagjeri shtetasi L.R, vjeç 70, të cilët ndodhen në spital nën kujdesin e mjekëve. Neni 290 i Kodit Penal.

Drejtoria Vendore e Policisë Vlorë
Seksioni për narkotikët
Më datë 21.04.2017, u arrestua shtetasi E.T, vjeç 22, banues në fshatin Sevaster, pasi gjatë kontrollit në banesë u gjetën dhe u sekuestruan 20kg e 400 gr lëndë e dyshuar narkotike Cannabis Sattiva. Materialet proceduriale iu referuan Prokurorisë së Gjykatës së Rrethit Gjyqësor Vlorë për veprën penale “Prodhimi dhe shitja e narkotikëve”. Neni 283/1 i Kodit Penal.

Seksioni kundër krimeve ndaj personit
Më datë 20.04.2017, u arrestua në flagrancë shtetasi V.P, vjeç 18, banues në Vlorë, pasi, në lagjen “29 Nëntori”, pas një konflikti për motive të dobëta, ky shtetas ka goditur me mjet shpues "metal", shtetasin M.H, vjeç 18, banues në Vlorë, i cili ndodhet në spital nën kujdesin e mjekëve. Neni 88 i Kodit Penal.

Më datë 20.04.2017, rreth orës 23:20, në lagjen "Ujë i Ftohtë", në ambientet e një lokali pas një konflikti të çastit, një person ende i paidentifikuar nga ana jonë ka qëlluar me armë zjarri në drejtim të palës tjetër.
Për pasojë ka mbetur i vdekur shtetasi E.Gj, 33 vjeç banues në Vlorë.
Si dhe janë plagosur 3 shtetas të tjerë të cilët janë dërguar në Spitalin Rajonal Vlorë për ndihmë mjekësore:
1. F.H., 28 vjeç.
2. A.L., 26 vjeçe.
3. A.Ll., 32 vjeç.
Të tre të plagosurit ndodhen jashtë rrezikut për jetën.
Policia ndodhet në vendngjarje duke kryer hetimet në lidhje me sqarimin e rrethanave.
Deri në këto momente janë shoqëruar 3 persona me të cilët po punohet për zbardhjen e ngjarjes.
Jane ngritur pika kontrolli, si dhe forca të shumta policore po krehin zonën përreth vendngjarjes për kapjen e autorit. Informacion paraprak.

Seksioni i hetimit të ngjarjeve në qarkullimin dhe AIS
Më datë 20.04.2017, u referuan materialet në Prokurorinë e Rrethit Gjyqësor Vlorë, për shtetasin B.B, vjeç 17, banues në Vlorë, pasi dyshohet se më datë 19.04.2017, rreth orës 23:00, në rrugën “Ismail Qemali”, duke drejtuar mjetin tip “Porsh”, është përplasur me mjetet (e parkuara) tip “Alfa Romeo”, “Fiat”, “Suzuki”, “Benz” dhe “Volkswagen”. Neni 291 i Kodit Penal.

Më datë 20.04.2017, u arrestua në flagrancë shtetasi A.S dhe u referuan materialet në Prokurorinë e Rrethit Gjyqësor Vlorë, për shtetasin E.S, vjeç 51 e 29, banues në Vlorë, pasi, në rrugën Vlorë- Kaninë, shtetasi A.S duke drejtuar motorin tip “Yamaha” pa leje drejtimi dhe nën efektin e alkoolit, është përplasur me derën e mjetit tip “Benz”, të drejtuar nga shtetasi E.S. Nenet 291 e 290 të Kodit Penal.

Drejtoria Vendore e Policisë Gjirokastër
Seksioni i hetimit të ngjarjeve në qarkullimin dhe AIS
Më datë 20.04.2017, u referuan materialet në Prokurorinë e Rrethit Gjyqësor Gjirokastër, për shtetasin K.Gj, vjeç 37, banues në Durrës, pasi dyshohet se rreth orës 17:00, tek Ura e Bënçës, duke drejtuar mjetin tip Ford”, ka aksidentuar shtetasin A.H, vjeç 46, i cili ndodhet në spital nën kujdesin e mjekëve. Neni 290 i Kodit Penal.

Drejtoria Vendore e Policisë Lezhë
Seksioni i hetimit të ngjarjeve në qarkullimin dhe AIS
Më datë 20.04.2017, u referuan materialet në Prokurorinë e Rrethit Gjyqësor Lezhë, për shtetasin A.L, vjeç 43, banues në Shkodër, pasi dyshohet se, në rrugën nacionale, në fshatin Mabe, duke drejtuar  mjetin “Benz”, është përplasur me mjetin tip “Benz” që drejtohej nga shtetasi E.Rr, vjeç 28, banues në Shkodër, për pasojë është dëmtuar, pasagjeri shtetasi Y.B,vjeç 48, i cili ndodhet në spital nën kujdesin e mjekëve. Neni 290/1 i Kodit Penal.

Më datë 20.04.2017, u arrestua në flagrancë shtetasi S.P, vjeç 33, banues fshatin Orosh, pasi, në autostradë, në vendin e quajtur Zajz, duke drejtuar kamionin tip “Man”, është përplasur me mjetin  tip “Volkswagen”, që drejtohej nga shtetasi S.K, vjeç 33, banues Tiranë, për pasojë ka gjetur vdekjen drejtuesi, shtetasi S.K dhe ndodhen në spital nën kujdesin e mjekëve, shtetasit E.T, Z.Z dhe Sh.D, vjeç 26, 58 e 42, banues në Kukës e Tiranë. Nenet 290 e 290/3 të Kodit Penal.

Më datë 20.04.2017, rreth orës 07:00, në rrugën Shënkoll–Tale, shtetasin E.N, vjeç 33, banues në fshatin Tale, duke drejtuar mjetin tip “Renault”, ka rënë në kanalin me uji, për pasojë ka humbur jetën. Materialet u referuan në Prokurorinë e Rrethit Gjyqësor Lezhë. Nenet 290 e 291 të Kodit Penal.

Drejtoria Vendore e Policisë Shkodër
Seksioni për narkotikët
Më datë 20.04.2017, u referuan materialet në Prokurorinë e Rrethit Gjyqësor Shkodër, për shtetasin N.P, vjeç 28, banues në Vukpalaj, Malësi e Madhe pasi dyshohet se, në Vukpalaj, 400 m larg banesës u gjetën e bllokuan në cilësinë e provës materiale 207 gr lëndë narkotike e llojit Marijuanë dhe dy pushkë model 56. Nenet 283 e 278 të Kodit Penal.

Drejtoria Vendore e Policisë Kukës
Sektori për krimin ekonomik e financiar
Më datë 20.04.2017, u referuan materialet në Prokurorinë e Rrethit Gjyqësor Kukës, për shtetasin S.M, vjeç 56, banues në Kukës, administrator i një SHPSF, pasi dyshohet se në këtë shoqëri, ka punonjës që i ka paguar në kundërshtim me Ligjin nr. 75/2014, Neni 18, “Për shërbimin privat të sigurisë fizike”. Nenet 248 e 180 të Kodit Penal.

Drejtoria Vendore e Policisë Dibër
Seksioni kundër krimit ekonomik e financiar
Më datë 20.04.2017, u referuan materialet në Prokurorinë e Rrethit Gjyqësor Dibër, për shtetasin P.Ç, vjeç 44, banues në fshatin Sllovë, pasi dyshohet se për periudhën Gusht 2015-Janar 2016, duke shpërdoruar detyrën, nuk i ka dhënë pensionin shtetasit M.P, vjeç 78. Neni 135 i Kodit Penal.

DREJTORIA E PERGJITHSHME PËR SIGURINË PUBLIKE

KOMISARIATET E POLICISË

Komisariati i Policisë Nr. 1
Më datë 20.04.2017, shtetësia E.B, vjeç 72, banuese në Tiranë, kallëzon se i është larguar nga banesa djali, shtetasi A.B, vjeç 52, me probleme mendore. Punohet për gjetjen e tij. Materialet u referuan në Prokurorinë e Rrethit Gjyqësor Tiranë.

Më datë 20.04.2017, u ndalua shtetasi A.S, vjeç 30, banues në fshatin Petrelë, pasi, në Lundër, në lavazhin ku punon, i ka vjedhur telefonin “Samsung C 5”, shtetases G.M, vjeç 32, banues në Tiranë. Neni 134 i Kodit Penal.

Më datë 20.04.2017, u referuan materialet në Prokurorinë e Rrethit Gjyqësor Tiranë, për shtetasin E.N, vjeç 35, pasi dyshohet se, në rrugën “Murat Toptani”, në një lokal, ka tentuar të vjedh një shishe me pije alkoolike. Nenet 134 e 22 të Kodit Penal.

Më datë 20.04.2017, u arrestua në flagrancë shtetasi F.H, vjeç 24, banues në Tiranë, pasi, në Sauk, tek “Lapidari”, nga kontrolli fizik ju gjet e sekuestrua në cilësinë e provës materiale 1 dozë lëndë e dyshuar narkotike e llojit Cannabis Sattiva. Neni 283 i Kodit Penal.

Komisariati i Policisë Nr. 2
Më datë 20.04.2017, u referuan materialet në Prokurorinë e Rrethit Gjyqësor Tiranë, për shtetasin K.Th, vjeç 43, banues në Tiranë, pasi dyshohet se në rrugën “Muhamet Gjollesha”, te një lokal, ka goditur me grusht, shtetasin K.Sh, vjeç 20, banues në Tiranë. Neni 89 i Kodit Penal.

Komisariati i Policisë Nr. 3
Më datë 20.04.2017, u ndalua shtetasi në kërkim B.B, vjeç 30, banues në Tiranë, pasi Gjykata e Rrethit Gjyqësor Tiranë, e ka dënuar me 2 muaj burg, për veprën penale “Vjedhja”. Neni 134/1 i Kodit Penal.

Më datë 20.04.2017, u plotësua kërkesë padia për lëshimin e urdhërit të mbrojtjes së menjëhershme për shtetasen Xh.B, vjeç 22, banuese në Tiranë, pasi dyshohet se bashkëshorti E.B, vjeç 30, ka ushtruar dhunë fizike e psikologjike ndaj saj. Materialet u referuan në Gjykatën e Rrethit Gjyyqësor Tiranë. Ligji Nr. 9669, datë 18.12.2006. “Për masa ndaj dhunës në marrëdhëniet familjare”.

Më datë 20.04.2017, u referuan materialet në Prokurorinë e Rrethit Gjyqësor Tiranë, për shtetasen M.S, vjeç 45, banuese në Tiranë, pasi dyshohet se duke lënë çezmën hapur, i ka dëmtuar tavanin e banesës, shtetasit E.M, vjeç 36, banues në Tiranë. Neni 150 i Kodit Penal.

Komisariati i Policisë Nr. 4
Më datë 20.04.2017, u referuan materialet në Prokurorinë e Rrethit Gjyqësor Tiranë, për shtetasin H.B, vjeç 58, banues në Tiranë, pasi dyshohet se në rrugën “Ferit Xhajko”, për shkak të detyrës, ka kundërshtuar punonjësin e policisë Bashkiake. Neni 235 i Kodit Penal.

Më datë 20.04.2017, u arrestua në flagrancë shtetasi S.K, vjeç 54, banues në Tiranë, pasi ka ushtruar dhunë fizike dhe psikologjike ndaj djalit, shtetasit K.K, vjeç 34, të cili u plotësua urdhëri i menjëhershëm i mbrojtjes. Ligji Nr. 9669, datë 18.12.2006. “Për masa ndaj dhunës në marrëdhëniet familjare”. Neni 130/a i Kodit Penal.

Më datë 20.04.2017, u arrestua në flagrancë shtetasi B.K, vjeç 32, dhe banues në Tiranë pasi, në fshatin Qafmollë, ka kanosur dhe i ka marrë armën e shërbimit, shtetasit Xh.Q, vjeç 58, banues në Tiranë, polic privat. Nenet 84 e 278 të Kodit Penal.

Komisariati i Policisë Nr. 5
Më datë 20.04.2017, rreth orës 12:00, në Kamzë, u gjet i braktisur mjeti tip “Land Rover”, ku nga verifikimi rezulton se është në pronësi të një firme. Punohet për sqarimin e rrethanave të ngjarjes, identifikimin dhe kapjen e autorit. Materialet u dërguan në Komisariatin e Policisë Nr. 3.

Më datë 20.04.23017, u arrestua në flagrancë shtetasi A.Z, vjeç 37, banuese në Tiranë, pasi në banesë, ka dhunuar vajzën shtetasen e mitur C.Z, vjeç 17, të cilës ju plotësua kërkesë padia për lëshimin e menjëhershëm të urdhërit të mbrojtjes. Materialet u referuan në Gjykatën e Rrethit Gjyqësor Tiranë. Ligji Nr. 9669, datë 18.12.2006. “Për masa ndaj dhunës në marrëdhëniet familjare” dhe Neni 130/a/1 i Kodit Penal.

Komisariati i Policisë Nr. 6
Më datë 20.04.2017, shtetësia O.G, vjeç 38, banuese në Tiranë, kallëzon se më datë 14.04.2017, te sheshi “Shqiponja”, në mjetin tip “Volvo”, i kanë vjedhur portofolin me një sasi lekësh dhe disa dokumente. Punohet për identifikimin dhe kapjen e autorit. Neni 134  i Kodit Penal.

Në vijim të komunikatës, që bën fjalë për largimin nga banesa të shtetasit P.L, më datë 20.04.2017, u paraqit në komisariat dhe deklaron se është larguar me dëshirën e tij. Materialet u referuan në Prokurorinë e Rrethit Gjyqësor Tiranë.

Më datë 20.04.2017, u ndalua shtetasi O.K, vjeç 28, banuesë në Tiranë, pasi, në rrugën “Hamdi Cenoimeri”, i ka vjedhur portofolin me një sasi lekësh, disa dokumente dhe çelësat e banesës, shtetases L.M, vjeç 76, banuese në Tiranë. Neni 134 i Kodit Penal.

Më datë 20.04.2017, u referuan materialet në Prokurorinë e Rrethit Gjyqësor Tiranë, për shtetasit O.M e E.M, vjeç 62 e 54, banues në Pezë Helmës, pasi dyshohet se, në fshatin Pezë Helmës, me vetëgjyqësi duan ti shesin një personi tjetër, tokën e shtetasit G.K, vjeç 49, banues në Tiranë, pasi ky i fundit, nuk i ka bërë pagesën e plotë. Neni 277 i Kodit Penal.

Më datë 20.04.207, u referuan materialet në Prokurorinë e Rrethit Gjyqësor Tiranë, për shtetasin F.D, pasi dyshohet se, në fshatin Gropaj, në bashkëpunim, ka goditur me grusht shtetasin F.N. Punohet për saktësimin e gjeneraliteteve të shtetasit F.D, identifikimin dhe kapjen e tyre. Neni 90 i Kodit Penal.

Komisariati i Policisë Kavajë
Më datë 20.04.2017, shtetësia M.K, vjeç 52, banuese në Golem, kallëzon se më datë 19.04.2017, i është larguar nga banesa djali, shtetasi E.D, vjeç 25, me probleme mendore. Punohet për gjetjen e tij. Materialet u referuan në Prokurorinë e Rrethit Gjyqësor Kavajë.

Më datë 20.04.2017, u referuan materialet në Prokurorinë e Rrethit Gjyqësor Kavajë, për shtetasin E.A, vjeç 39, banues në Kavajë, pasi dyshohet se, në spital, për shkak të detyrës ka kanosur shtetasin, V.K, vjeç 62. Neni 238 i Kodit Penal.

Komisariati i Policisë Rrogozhinë
Më datë 20.04.2017, në Rogozhinë, kanë tentuar të vjedhin në banesën e shtetasit Sh.T, vjeç 56. Punohet për identifikimin dhe kapjen e autorit. Nenet 134/1 e 22 të Kodit Penal.

Më datë 20.04.2017, rreth orës 15:30, në fshatin Gosë, është gjetur i mbytur në një kanal vadidës nga familjarët një shtetas , i cili nga hetimet paraprake rezulton të jetë shtetasi N.M, 78 vjeç, banues në fshatin Gosë të Rrogozhinës
Ky shtetas është larguar nga banesa ditën e djeshme duke qenë dhe në gjendje jo të mirë shëndetsore (skleroze),
Nuk vihen re shenja dhune dhe trupi i pajetë është dërguar në morg për kryerjen e autopsisë nga specialist të mjeksisë ligjore.
Policia është duke punuar për sqarimin e rrethanave të ngjarjes.

Komisariati i Policisë Durrës
Më datë 19.04.2017, rreth orës 19:40, në fshatin Katund i Ri, në banesën e shtetasit A.S, vjeç 60, si pasojë e një shkëndije elektrike, ka rënë zjarr dhe ka dëme materiale. Materialet u referuan në Prokurorinë e Rrethit Gjyqësor Durrës, si ngjarje aksidentale.

Finalizohet me sukses operacioni i koduar”Brava”.
Kryenin vjedhje banesash në lagje të ndryshme të qytetit të Durrësit.
Specialistët për Krimet në Komisariatin e Durrësit zbardhin dhe dokumentojnë  20 vjedhje banesash.
Ndalohen dy shtetas dhe shpallen në kërkim dy bashkëpunëtorët e tyre.
Sekuestrohen një armë zjarri, fishekë, Cannabis Sattiva, automjete, pjesë e sendeve të vjedhura, vlera monetare dhe mjetet që kryenin veprimtarinë kriminale.
Specialistët për Krimet në Komisariatin e Policisë Durrës, në vijim të punës së tyre për zbardhjen  dhe dokumentimin e plotë të ngjarjeve të ndodhura në territorin e tyre, me qëllim vënien para përgjegjësisë penale të autorëve, pas një pune hetimore disa mujore kanë bërë të mundur zbardhjen dhe dokumentimin e plotë ligjor të 18 vjedhje banesash të kryera në lagje të ndryshme të qytetit të Durrësit.
Janë ndaluar dy prej autorëve të dyshuar dhe shpallur në kërkim bashkëpunëtorët e tyre.
Ndalohen shtetasit:
• R.H 29 vjeç, banues në Kamëz, Tiranë, i dënuar më parë për vjedhje;
• G.K 30 vjeç, banues në Tiranë, i dënuar më parë për vjedhje, aktualisht me masë sigure ”Arrest shtëpie”për veprën penale”Vjedhja”.
Gjithashtu janë shpallur në kërkim dhe po punohet për kapjen e bashkëpunëtorëve të tyre, shtetasit:
• S.T. 27 vjeç, banues në Tiranë;
• D.I. 24 vjeç, banues në Tiranë.
Të arrestuarit janë kapur në kushtet e flagrancës duke vjedhur banesat e shtetaseve L.B në lagjen Nr.1 Durrës dhe R.B. në lagjen Nr.6 Durrës.
Gjithashtu, Specialistët për Hetimin e Krimeve në sajë të veprimeve hetimore të specializuara kanë bërë të mundur zbardhjen dhe dokumentimin e 18 vjedhjeve të dyshuara të kryera nga shtetasit e mësipërm, në lagje të ndryshme të qytetit të Durrësit, konkretisht:
1. Më datë 01.11.2016, në lagjen Nr.6, Durrës dyshohet se kanë vjedhur me thyerje banesën e shtetasit Ll. R. 59 vjeç, ku kanë marrë 1 000 € dhe disa bizhuteri.
2. Më datë 18.11.2016, në lagjen Nr.17, Durrës dyshohet se kanë vjedhur me thyerje banesën e shtetasit Q.Ç. 65 vjeç, ku kanë marrë 83 000 lekë.
3. Më datë 24.11.2016, në lagjen Nr.1, Durrës dyshohet se kanë vjedhur me thyerje banesën e shtetases M.Sh. 51 vjeçe, ku kanë marrë 100 000 lekë dhe disa bizhuteri.
4. Më datë 27.12.2016, në lagjen Nr.1, Durrës dyshohet se kanë vjedhur me thyerje banesën e shtetasit H..L. ku kanë marrë 1 Televizor.
5. Më datë 01.01.2017, në lagjen Nr.6, Durrës dyshohet se kanë vjedhur me thyerje banesën e shtetasit D.Ç. 46 vjeç, ku kanë marrë 1 300 000 lekë dhe disa bizhuteri.
6. Më datë 07.02.2017, në lagjen Nr.5, Durrës dyshohet se kanë vjedhur me thyerje banesën e shtetasit G.T. 43 vjeç, ku kanë marrë 40 000 lekë dhe 400 €.
7. Më datë 22.02.2017, në lagjen Nr.7, Durrës dyshohet se kanë vjedhur me thyerje banesën e shtetasit A.Sh. 65 vjeç, ku kanë marrë dy televizorë.
8. Më datë 06.03.2017, në lagjen Nr.12, Durrës dyshohet se kanë vjedhur me thyerje banesën e shtetasit B.A. ku kanë marrë sende me vlerë rreth 225 000 lekë.
9. Më datë 08.03.2017, në lagjen Nr.17, Durrës dyshohet se kanë vjedhur me thyerje banesën e shtetasit A.V. 27 vjeç, ku kanë marrë disa bizhuteri dhe një lap-top.
10. Më datë 09.03.2017, në lagjen Nr.18, Durrës dyshohet se kanë vjedhur me thyerje banesën e shtetasit S.K. 50 vjeç, ku kanë marrë 100 000 lekë dhe disa bizhuteri.
11. Më datë 09.03.2017, në lagjen Nr.4, Durrës dyshohet se kanë vjedhur me thyerje banesën e shtetasit G.B. 39 vjeç, ku kanë marrë disa bizhuteri.
12. Më datë 15.03.2017, në lagjen Nr.9, Durrës dyshohet se kanë vjedhur me thyerje banesën e shtetasit M.S. 74 vjeç.
13. Më datë 23.03.2017, në lagjen Nr.5, Durrës dyshohet se kanë vjedhur me thyerje banesën e shtetasit S.L. 53 vjeç, ku kanë marrë dy televizorë.
14. Më datë 03.04.2017, në lagjen Nr.6, Durrës dyshohet se kanë vjedhur me thyerje banesën e shtetases Y.K. 52 vjeçe, ku kanë marrë disa oriendi shtëpiake.
15. Më datë 12.04.2017, në lagjen Nr.17, Durrës dyshohet se kanë vjedhur me thyerje banesën e shtetasit E.M. 34 vjeç, ku kanë marrë 50 000 lekë.
16. Më datë 14.04.2017, në lagjen Nr.1, Durrës dyshohet se kanë vjedhur me thyerje banesën e shtetasit A.L. 25 vjeç, ku kanë marrë disa bizhuteri.
17. Më datë 18.04.2017, në lagjen Nr.6, Durrës dyshohet se kanë vjedhur me thyerje banesën e shtetasit V.C. 54 vjeç, ku kanë marrë 80 000 lekë dhe disa bizhuteri.
18. Më datë 18.04.2016, në lagjen Nr.5, Durrës dyshohet se kanë vjedhur me thyerje banesën e shtetasit Z.Ç. ku kanë marrë 150 000 lekë dhe disa bizhuteri.
Mekanizmi i kryerjes së veprave penale:
Autorët e dyshuar e kryenin veprimtarinë e tyre kriminale me thyerje të bravave të apartamenteve, me mjete të ndryshme si: çelësa të adoptuar, fisha alumini, flutura shtrënguese, kaçavida, çelësa anglez, doreza. Në këtë mënyrë ato hynin brenda në banesë dhe vidhnin sende me vlerë. Sendet e vjedhura i transportonin me dy automjete dhe i dërgonin në një banesë në lagjen Nr.13, Plazh.
Pas hetimeve të kryera në mënyrë të vazhdueshme është zbuluar se autorët kishin një apartament në lagjen Nr.13, Plazh, Durrës, ku pas kontrollit të ushtruar janë gjetur dhe sekuestruar në cilësinë e provave materiale:
• një armë zjarri pistoletë, model 54;
• gjashtë fishekë, model 54, kalibri 7.62 mm;
•një automjet tip Golf;
• një automjet tip Toyota;
• veglat me të cilat realizonin hapjen e dyerve duke thyer bravat (çelësa të adoptuar, fisha alumini, flutura shtrënguese, kaçavida, çelësa Anglez, dy palë dorashka);
• një sasi prej 130 000 lekë të reja;
•300 dollarë amerikane;
• 150 €;
•rreth 300 gr lëndë narkotike e dyshuar e llojit Cannabis Sattiva;
•bizhuteri të ndryshme si: 20 varëse, 50 unaza, 18 byzylyke, 60 palë vëth, 10 medalione, 19 ora, 7 parfume, 6 telefona celularë, 6 karta komunikimi, 1 kamera, 2 aparatë fotografikë karte abonimi TV, Playstation etj.
Materialet i kaluan Prokurorisë së Rrethit Gjyqësor Durrës për veprime të mëtejshme për veprat penale"Vjedhja", “Prodhim dhe shitje të armëve dhe municionit luftarak” dhe ”Prodhim dhe shitje të lëndëve narkotike” të kryera në bashkëpunim parashikuar në nenet 134/2, 278/4 dhe 283 të Kodit Penal.

Më datë 20.04.2017, gjatë natës, në fshatin Shënvlash, kanë vjedhur me thyerje banesat e shtetasve L.P dhe A.P, vjeç 63 e 73, ku kanë marrë një sasi lekësh dhe një orë dore. Punohet për identifikimin dhe kapjen e autorëve. Neni 134 i Kodit Penal.

Në vijim të komunikatës, që bën fjalë për vjedhjen në fshatin Xhavzotaj, të mjetit tip “Citroen”, të një kompanie, më datë 20.04.2017,  në Kamzë, mjeti u gjet në një parking. Punohet për identifikimin e kapjen e autorit. Materialet u referuan në Prokurorinë e Rrethit Gjyqësor Durrës, për vlerësim.

Komisariati i Policisë Krujë
Më datë 20.04.2017, Specialistët për Krimet në Komisariatin e Policisë Krujë, në vijim të punës së tyre për kapjen e personave të shpallur në kërkim dhe vënien para përgjegjësisë penale të autorëve, kanë bërë të mundur kapjen dhe ndalimin e një shtetasi, i dyshuar për veprën penale të vrasjes me dashje, e mbetur në tentativë.
Është ndaluar shtetasi:
• A.Gj 31 vjeç, banues në Krujë.
Ndalimi i tij u bë pasi: Gjykata e Rrethit Gjyqësor Krujë me Vendimin Nr. 274, datë 08.10.2015, ka vendosur masën e sigurisë “Arrest me burg” për shtetasin e mësipërm, pasi dyshohet të ketë kryer veprën penale të “Vrasjes me dashje” të mbetur në tentativë” dhe “Mbajtjes pa leje të armëve në ambjente të hapura pubike pa leje të organeve kompetente shtetërore”, të parashikuara në nenet 76, 22 dhe 278/5 të Kodit Penal.
A.Gj dyshohet si autor i ngjarjes së ndodhur më datë 05.10.2015, ku rreth orës 21:00, në lagjen Nr.1, në qendër të qytetit të Krujës, për motive të dobëta dyshohet se ka tentuar të vrasë me armë zjarri duke e qëlluar dhe plagosur shtetasin E.N. 25 vjeç, banues në Krujë.
Materialet i kaluan Prokurorisë së Rrethit Gjyqësor Krujë për veprime të mëtejshme.

Komisariati i Policisë Elbasan
Më datë 20.04.2017, shtetasi A.L, vjeç 42, banues në Elbasan,  kallëzon se më datë 30.03.2017, i është larguar nga banesa vajza, shtetasja A.L, vjeç 16. Punohet për gjetjen e saj. Materialet u referuan në Prokurorinë e Rrethit Gjyqësor Elbasan.

Më datë 20.04.2017, u referuan materialet në Prokurorinë e Rrethit Gjyqësor Elbasan, për shtetasin A.V, vjeç 35, banues në fshatin Godolesh, pasi dyshohet se, në këtë fshat, u kap duke ndërtuar një objekt pa leje. Neni 199/a i Kodit Penal.

Më datë 20.04.2017, u referuan materialet në Prokurorinë e Rrethit Gjyqësor Elbasan, për shtetasin M.Ç, banues në fshatin Vidhas, pasi dyshohet se, në këtë fshat u kap duke ndërtuar një objekt pa leje. Neni 199/a i Kodit Penal.

Më datë 20.04.2017, u arrestua në flagrancë shtetasi E.Gj,  vjeç 21, banues në fshatin Thanë, pasi, në banesë, ka ushtruar dhunë fizike e psikologjike ndaj dajës, shtetasit S.M, vjeç 41. Neni 130/a i Kodit Penal.

Më datë 21.04.2017, u referuan materialet në Prokurorinë e Rrethit Gjyqësor Elbasan, për shtetasin B.M, vjeç 47, banues në Tiranë. Neni 84 i Kodit Penal.

Komisariati i Policisë Korçë
Më datë 20.04.2017, u arrestua në flagrancë shtetësia B.S, vjeç 31, banuese në Korçë, pasi në lagjen nr. 6, në banesën e shtetasit, G.L, ka vjedhur një bizhuteri, e cila punonte si pastruese. Neni 134 i Kodit Penal.

Komisariati i Policisë Maliq
Më datë 20.04.2017, shtetësia T.B, vjeç 56, banuese në Korçë, kallëzon se, më datë 10.04.2017, në fshatin Leminot, shtetasi L.R, vjeç 47, i ka prerë disa pemë frutore. Neni 150 i Kodit Penal.

Komisariati i Policisë Devoll
Më datë 20.04.2017, u referuan materialet në Prokurorinë e Rrethit Gjyqësor Korçë, për shtetasin Th.Z, vjeç 64, banues në fshatin Ponçar, pasi dyshohet se, në këtë fshat, u kap duke ndërtuar një objekt pa leje. Neni 199/a i Kodit Penal.

Komisariati i Policisë Pogradec
Më datë 20.04.2017, rreth orës 08:25, në rrugën nacionale, në Qafë Thanë, ka rënë zjarr dhe është djegur kamioni tip “Renault”, që drejtohej nga shtetasi J.Z, vjeç 64, banues në Maqedoni. Nga veprimet e kryera rezultoi se zjarri ka rënë si pasojë e një defekti në sistemin  elektrik. Materialet u referuan në Prokurorinë e Rrethit Gjyqësor Pogradec, si ngjarje aksidentale.

Më datë 20.04.2017, u referuan materialet në Prokurorinë e Rrethit Gjyqësor Pogradec, për shtetasin E.S, vjeç 60, banues në Tiranë, pasi dyshohet se në Pogradec, ka ndërtuar një objekt pa leje. Neni 199/a i Kodit Penal.

Më datë 20.04.2017, referuan materialet në Prokurorinë e Rrethit Gjyqësor Pogradec, për shtetasit Q.F e O.Gj, vjeç 59 e 23, banues në fshatin Lin, pasi dyshohet se në këtë fshat, kanë ndërtuar një objekt pa leje. Neni 199/a i Kodit Penal.

Komisariati i Policisë Berat
Më datë 20.04.2017, u plotësua kërkesë padia për lëshimin e urdhërit të mbrojtjes së menjëhershëm për shtetasen Y.P, vjeç 36, banuese në Berat, pasi dyshohet se në banesë, ish bashkëshorti, shtetasi J.P, vjeç 44, banues në  Berat, ka ushtruar dhunë psikologjike ndaj saj. Materialet u referuan në Gjykatën e Rrethit Gjyqësor Berat. Ligji Nr. 9669, datë 18.12.2006, “Për masa ndaj dhunës në marrëdhëniet familjare”.

Në vijim të informacionit, që bënë fjalë për vjedhjen e çantës me një sasi lekësh, disa dokumente, çelësat e banesës dhe celularin në mjetin tip “Ford”, në lagjen “Dëshmorët e Kombit”, të shtetasit E.Q, më datë 20.04.2017, u ndalua shtetasi K.K, vjeç 33, banues në Berat. Neni 134 i Kodit Penal.

Më datë 20.04.2017, rreth orës 09:00, në lagjen “Çlirimi” në lumin Osum, tek “Deriku i Prerë”, u gjet e mbytur pa shenja dhune, shtetësia V.N, vjeç 85, banuese në Berat, e larguar nga banesa më datë 19.04.2017. Materialet u referuan në Prokurorinë e Rrethit Gjyqësor Berat.

Më datë 20.04.2017, u ndalua shtetasi I.F, vjeç 35, banues në Berat, pasi Gjykata e Rrethit Gjyqësor Berat, e ka dënuar me 1 muaj burg, për veprën penale “Mosdhënia e mjeteve për jetesë”. Neni 125 i Kodit Penal.

Komisariati i Policisë Ura Vajgurore
Më datë 20.04.2017, u referuan materialet në Prokurorinë e Rrethit Gjyqësor Berat, për shtetasin E.Ç, vjeç 24, banues në fshatin Kutalli, pasi dyshohet se në këtë fshat, në lokal u kap duke ushtruar aktivitet pa leje të lojërave të fatit. Me cilësinë provë materiale u sekuestruan dy monitorë dhe dy printer. Nenet 197 e 198 të Kodit Penal.

Më datë 20.04.2017, rreth orës 01:00, në fshatin Kutalli, në një lokal, të shtetasit E.Ç, vjeç 24, banues në Ura Vajgurore, dy persona nën kërcënimin e armëve, kanë vjedhur 30000 lekë dhe një xhup. Punohet për identifikimin dhe kapjen e autorëve. Neni 139 i Kodit Penal.

Më datë 20.04.2017, rreth orës 23:50, në fshatin Polizhan, në banesën e shtetasit A.Sh, tre persona të armatosur dhe me maska, kanë vjedhur disa bizhuteri, një sasi lekësh dhe mjetin tip “Opel”, i cili u gjet braktisur në fshatin Fier Shegan Lushnjë. Punohet për sqarimin e rrethanave të ngjarjes, identifikimin e kapjen e autorëve. Informacion paraprak.

Komisariati i Policisë Kuçovë
Më datë 20.04.2017, gjatë natës, në qytet, në banesën e shtetases J.B, vjeç 78, kanë vjedhur një televizor. Punohet për identifikimin dhe kapjen e autorit. Neni 134 i Kodit Penal.

Komisariati i Policisë Fier
Më datë 20.04.2017, u plotësua kërkesë padia për lëshimin e urdhërit të mbrojtjes së menjëhershëm për shtetasen S.Sh, vjeç 28, banuese në Fier, pasi dyshohet se bashkëshorti, shtetasi A.Sh, vjeç 43, ka ushtruar dhunë fizike e psikologjike në mënyrë të vazhdueshme ndaj saj. Materialet u referuan në Gjykatën e Rrethit Gjyqësor Fier. Ligji Nr. 9669, datë 18.12.2006, ”Për masa ndaj dhunës në marrëdhëniet familjare”.

Më datë 20.04.2017, u referuan materialet në Prokurorinë e Rrethit Gjyqësor Fier, për shtetasin I.P, vjeç 48, banues në Fier, pasi dyshohet se më datë 15.04.2017, në lagjen “Mbrostar Ura”, tek pika e inerteve të shtetasit Th.Ç, vjeç 56, banues në Fier, për shkak të një borxhi, ka marrë disa pajisje. Neni 277 i Kodit Penal.

Komisariati i Policisë Lushnjë
Më datë 20.04.2017, u referuan materialet në Prokurorinë e Rrethit Gjyqësor Lushnjë, për shtetasin P.Rr, vjeç 55, banues në fshatin Hysgjokaj, pasi dyshohet se, në banesë, u kap duke kryer punime pa leje. Neni 199/a i Kodit Penal.

Më datë 20.04.2017, u referuan materialet në Prokurorinë e Rrethit Gjyqësor Lushnjë, për shtetasin N.M, vjeç 40, banues në fshatin Kurtinë, pasi dyshohet se, në fshatin Hysgjokaj, u kap duke ndërtuar një objekt pa leje. Neni 199/a i Kodit Penal.

Më datë 20.04.2017, u referuan materialet në Prokurorinë e Rrethit Gjyqësor Lushnjë, për shtetasin H.Xh, vjeç 48, banues në fshatin Hysgjokaj, pasi dyshohet se, në këtë fshat, u kap duke ndërtuar një objekt pa leje. Neni 199/a  i Kodit Penal.

Më datë 20.04.2017, u referuan materialet në Prokurorinë e Rrethit Gjyqësor Lushnjë, për shtetasin A.T, vjeç 57, banues në fshatin Pirrë, pasi dyshohet se pranë banesës, u kap duke ndërtuar një objekt pa leje. Neni 199/a/1 i Kodit Penal.

Komisariati i Policisë Vlorë
Më datë 18.04.2017, gjatë natës, në fshatin Ramicë, kanë vjedhur 10 soleta, që mbulonin kanalin e ujit të HEC Lepenicë. Punohet për identifikimin dhe kapjen e autorit. Neni 134 i Kodit Penal.

Më datë 20.04.2017, u ndalua shtetasi R.A, vjeç 46, banues në Vlorë, pasi Gjykata e Rrethit Gjyqësor Vlorë, ka dhënë masën e sigurisë ’’Arrest në burg’’ për veprën penale ‘’Vjedhja e energjisë elektrike’’. Neni 137/2 i Kodit Penal.

Më datë 20.04.2017, u plotësua kërkesë padia për lëshimin e urdhërit të mbrojtjes së menjëhershme për shtetasen M.Sh, vjeç 30, banuese në Vlorë, pasi dyshohet se bashkëjetuesi, shtetasi F.A, vjeç 43, ka ushtruar dhunë fizike e psikologjike ndaj saj. Materialet u referuan në Gjykatën e Rrethit Gjyqësor Vlorë. Ligji Nr. 9669, datë 18.12.2006. “Për masa ndaj dhunës në marrëdhëniet familjare”.

Komisariati i Policisë Sarandë
Më datë 20.04.2017, u referuan materialet në Prokurorinë e Rrethit Gjyqësor Sarandë, për shtetasin F.C, vjeç 40, banues në Sarandë, pasi dyshohet se, në lagjen nr. 3, ka goditur me grusht shtetasin A.K, vjeç 44, banuese në Sarandë. Neni 90 i Kodit Penal.

Komisariati i Policisë Gjirokastër
Më datë 20.04.2017, u referuan materialet në Prokurorinë e Rrethit Gjyqësor Gjirokastër, për shtetasen M.Z, vjeç 56, banuese në fshatin Këllëz, pasi dyshohet se më datë 18.03.2017, në këtë fshat, ka kanosur e fyer, shtetasin Ll.Ç, vjeç 64. Nenet 84 e 119 të Kodit Penal.

Më datë 20.04.2017, u ndaluan shtetasit F.Gj dhe A.L, vjeç 34 e 19, banues në fshatin Labovë e Madhe dhe Patos, Fier, pasi në datë 18.04.2017, në fshatin Picar, në banesën e shtetasit E.V, vjeç 85, në bashkëpunim, kanë vjedhur disa sende shtëpiake. Në banesën e shtetasit F.Gj, u gjet e sekuestrua një armë gjahu pa leje. Nenet 134, 25 dhe 280 të Kodit Penal.

Komisariati i Policisë Kurbin
Më datë 20.04.2017, gjatë natës, në fshatin Delbnisht, është vjedhur me thyerje banesa e shtetasit Gj.G, vjeç 52, ku kanë marrë 3 pajisje elektro-shtëpiake. Punohet për identifikimin dhe kapjen e autorit. Neni 134 i Kodit Penal.

Më  datë 20.04.2017, gjatë natës, në lagjen nr. 4, pranë banesës, shtetasit F.K vjeç 51, i kanë vjedhur 4 bagëti të trasha dhe, në fshatin Blinisht, pranë gurores u gjet e braktisur një bagëti. Punohet për identifikimin dhe kapjen e autorëve. Neni 134 i Kodit Penal.

Më datë 21.04.2017, u arrestua në flagrancë shtetasi V.M, vjeç 42, banues në Mamurras, pasi më datë 20.04.2017, në banesë, ka ushtruar dhunë fizike e psikologjike ndaj bashkëjetueses, shtetases V.M, vjeç 35. Neni 130/a/1 i Kodit Penal.

Komisariati i Policisë Mirditë
Më datë 21.04.2017, në vijim të punës së pandërprerë për evidentimin dhe goditjen e veprimtarisë kriminale të prodhimit dhe shitjes së lëndëve narkotike dhe vendosjen para përgjegjësisë penale të autorëve, nga efektivët Komisariatit të Policisë Mirditë në bashkëpunim me efektivët e Seksionit kundër narkotikëve në Drejtorinë Vendore të Policisë Lezhë, në bazë të informacioneve të siguruara në rrugë operative, u bë i mundur arrestimi në flagrancë i shtetasit:
P.N, 30 vjeç, banues në Mirditë
Gjatë kontrollit të ushtruar në ambientët e jashtme të banesës në një magazinë, iu gjet e bllokua në cilësinë e provës materiale 19 kg lëndë e dyshuar narkotike e llojit Cannabis Sattiva e futur në 4 qese plasmasi.
Materialet proceduriale iu referuan Prokurorisë së Rrethit Gjyqësor Lezhë për veprën penale " Prodhim dhe shitje e lëndëve narkotike " parashikuar nga neni 283/1 i Kodit Penal.

Komisariati i Policisë Shkodër
Finalizohet me sukses operacioni i koduar “LIMITLESS”
Arretohen në flagrancë 2 shtetas dhe shpallet në kërkim një tjetër.
Sekuestrohen 540 fidanë dhe 300 bimë në gjendje të tharë, lëndë narkotike Cannabis Sattiva dhe 1 armë zjarri.
Sot me datë 20.04.2017 në bazë të Planit të Veprimit të Drejtorisë Vendore të Policisë Shkodër, nga shërbimet e Komisariatit të Policisë Shkodër, nga informacionet e marra në rrugë operative u finalizua me sukses operacioni i koduar "Limitless" ku u bë e mundur arrestimi në flagrancë i shtetasve:
A.M, 20 vjeç, banues në fshatin Gimaj, Njësia Administrative Shalë, Bashkia Shkodër, për veprën penale “Kultivim i bimëve narkotike”, “Prodhim dhe mbajtja pa leje e armëve luftarake dhe municionit” e kryer në bashkëpunim e parashikuar nga nenet 284, 25 dhe 278 të Kodit Penal.
L.A, 19 vjeç, banues në fshatin Bardhaj, Njësia Administrative Rrethina, Bashkia Shkodër, për veprën penale “Kultivim i bimëve narkotike”, “Prodhim dhe mbajtja pa leje e armëve luftarake dhe municionit” e kryer në bashkëpunim parashikuar nga nenet 284, 25 dhe 278 të Kodit Penal.
Si dhe u bë shpallja në kërkim e shtetasit:
Gj.M, 62 vjeç, banues në fshatin Gimaj, Njësia Administrative Shalë Shkodër, “Kultivim i bimëve narkotike”, “Prodhim dhe mbajtja pa leje e armëve luftarake dhe municionit” e kryer në bashkëpunim parashikuar nga nenet 284, 25 dhe 278 të Kodit Penal.
Gjatë kontrolleve të ushtruara në lagjen “Gag” të fshatit Gimaj, Njësia Administrative Shalë Shkodër, u konstatuan tre parcela të ndryshme ku ishin kultivuar 540 rrënjë fidanë të dyshuar të llojit Cannabis Sattiva.
Gjatë kontrolleve të ushtruara në banesën e shtetasit A.M janë gjetur dhe sekuestruar në cilësinë e provës materiale një armë zjarri model 56 me një krehër me 30 fishekë dhe 300 bimë në gjendje të tharë e dyshuar si Cannabis Sattiva.
Gjithashtu u procedua në gjendje të lirë shtetasi:
P.A, 49 vjeç, banues në Abat, Njësia Administrative Bashkia Shkodër, me detyrë administrator i Njësisë Administrative Shalë për veprën penale "Moskallzim krimi", e parashikuar nga neni 300 i Kodit Penal.
Materialet iu referuan Prokurorisë së Rrethit Gjyqësor Shkodër për veprime të mëtejshme.

Më datë 20.04.2017, u referuan materialet në Prokurorinë e Rrethit Gjyqësor Shkodër, për shtetasin F.E, vjeç 57, banues në fshatin Beltojë, pasi dyshohet se në këtë fshat, u kap duke ndërtuar një objekt pa leje. Neni 199/a i Kodit Penal.

Komisariati i Policisë Malësi e Madhe
Në datë 20.04.2017, nga shërbimet e Komisariatit të Policisë Malësi e Madhe pas njoftimit të marrë dhe masave të shpejta është bërë e mundur parandalimi i një ngjarje të mundshme kriminale dhe konkretisht:
Pasi pas një konflikti të ndodhur në fshatin Lohë e Sipërme, Njësia Administrative Shkrel, Malësi e Madhe, ndërmjet shtetases M.J, 26 vjeçe dhe shtetasit A.J, për motive pronësie, ky i fundit ka qëlluar tre herë në ajër me armë zjarri duke e kanosur për jetën shtetasen M.J.
Nga ana shërbimeve policore në mënyrë të menjëhershme për parandalimin e përshkallëzimit të këtij konflikti është shkuar në vendngjarje dhe pasi janë vënë në ndjekje të shtetasit të dyshuar A.J, është arritur që të kapet në flagrancë, bashkë me armën e krimit.
Si rezultat i veprimeve hetimore të kryera u bë arrestimi në flagrancë i shtetasit:
A.J, 35 vjeç, banues në Lohë e Sipërme, Njësia Administrative Shkrel, Malësi e Madhe.
Gjithashtu u bë sekuestrimi në cilësinë provës materiale i armës së zjarrit të tipit Pushkë gjysëm automatike.
Materialet iu referuan Prokurorisë Rrethit Gjyqësor Shkodër për veprat penale "Kanosja", "Prishja e qetësisë publike" dhe "Prodhimi dhe mbajtja pa leje e armëve luftarake dhe e municionit", të parashikuar nga nenet 84, 274 e 278 te Kodit Penal.

Komisariati i Policisë Kukës
Më datë 20.04.2017, u referuan materialet në Prokurorinë e Rrethit Gjyqësor Kukës, për shtetasin E.K, vjeç 26, banues në Kukës, pasi dyshohet se, në lagjen nr. 2, ka goditur me grusht, shtetasin P.G, vjeç 35, banues në fshatin Nangë. Neni 90 i Kodit Penal.

Komisariati i Policisë Has
Më datë 20.04.2017, u referuan materialet në Prokurorinë e Rrethit Gjyqësor Kukës, për shtetasin R.S, banues në fshatin Gjinaj, pasi dyshohet se, në këtë fshat, me pretendimin se i ka dëmtuar pronën, i ka marrë bagëtinë e trashë, shtetasit F.S. Neni 277 i Kodit Penal.

Komisariati i Policisë Mat
Më datë 20.04.2017, gjatë natës, në lagjen “Partizani” është vjedhur me thyerje dyqani i shtetasit E.Sh, vjeç 59, ku kanë marrë mallra të ndryshme. Punohet për identifikimin dhe kapjen e autorit. Neni 134 i Kodit Penal.

DREJTORIA E PERGJITHSHME PER KUFIRIN&MIGRACIONIN

Komisariati i Kufirit&Migracionit Rinas
Më datë 20.04.2017, u ekstradua për në Gjermani, shtetësia M.W, vjeç 42, banuese në Poznan, Poloni, pasi më datë 19.08.2015, është shpallur në kërkim ndërkombëtar nga Interpol Wiesbades, Gjermani, për veprën penale “Organizimi i migrimit të paligjshëm‘‘. Nenet 93, 95 e 14 të Kodit Penal Gjerman.

Më datë 20.04.2017, u ekstradua nga Italia dhe u dorëzua Drejtorisë së Përgjithshme të Burgjeve, shtetasit A.B, vjeç 32, banues në Pukë, pasi Gjykata e Apelit Romë, Itali, e ka dënuar me 10 vjet, 8 muaj e 20 ditë burg për veprat penale “Trafik lëndësh narkotike” dhe “Organizimi dhe drejtimi i organizatës kriminale”. Kodi Penal Italian.

Drejtoritë Vendore për Kufirin&Migracionin Korçë
Më datë 20.04.2017, u referuan materialet në Prokurorinë e Rrethit Gjyqësor Korcë, për shtetasin T.M, vjeç 28, banues në Pogradec, pasi dyshohet se më datë 25.03.2017, në fshatin Vidohovë, ka kaluar kufirin shtetëror në mënyrë të paligjshme. Neni 297 i Kodit Penal.

Më datë 20.04.2017, u referuan materialet në Prokurorinë e Rrethit  Gjyqësor Pogradec, për shtetasin E.M, vjeç 31, banues në Korçë, kthyer deportiv nga Maqedonia, pasi dyshohet se më datë 12.04.2017, në fshatin Vërnik, ka kaluar kufirin  shtetëror në mënyrë  të paligjshme. Neni 297 i Kodit Penal.

Drejtoritë Vendore për Kufirin&Migracionin Vlorë
Më  datë 20.04.2017, u referuan materialet në Prokurorinë e Rrethit Gjyqësor Sarandë, për shtetasit M.P, R.Gj, A.M dhe O.M, vjeç 27, 31, 29 e 25, banues në Durrës, Dibër e Berat, kthyer deportiv nga Greqia, pasi dyshohet se më datë 19.04.2017, në afërsi të P.K.K Konispol, kanë kaluar kufirin shtetëror në mënyrë të paligjshme. Neni 297 i Kodit Penal.

Drejtoritë Vendore për Kufirin&Migracionin Gjirokastër
Më datë 20.04.2016, u referuan materialet në Prokurorinë e Rrethit Gjyqësor Përmet, për shtetasin A.H, vjeç 27, banues në Cërrik, Elbasan, pasi dyshohet se më datë 10.04.2017, në afërsi të P.K.K Kakavije, ka kaluar kufirin shtetëror në mënyrë të paligjshëm. Neni 297 i Kodit Penal.


Përmbledhje e rezultateve të arritura të punës të Strukturave të Policisë gjatë 24 orëve të fundit.

Policia e Shtetit në të gjithë vendin vijon zbatimin e masave të përcaktuara në Planin e masave, për “Rritjen e parametrave të sigurisë”, mbajtjen nën kontroll të situatës kriminale, kapjen e personave të shpallur në kërkim dhe atyre që qarkullojnë me armë, goditjen e trafikut të lëndëve narkotike e trafìqeve të paligjshme, parandalimin e aksidenteve rrugore”.

Në këtë kontekst, gjatë 24 –orëve në të gjithë vendin kanë funksionuar pika kontrolli dhe të lëvizshme, ku është bërë e mundur kapja dhe arrestimi i 29 personave, është sekuestruar lëndë narkotike dhe armë zjarri.

Nga Policia Rrugore në të gjithë vendin duke përdorur Dragerat dhe Radarët janë arrestuar në flagrancë për drejtim mjeti në gjendje të dehur, pa leje drejtimi 5 drejtues mjetesh.

Nga kontrollet e kryera nga strukturat e Drejtorive Vendore të Policisë janë arrestuar 7 persona për narkotikët.
Janë kapur 10 persona për vjedhje dhe dhunë në familje.
Eshtë arrestuar 1 person për krime ndaj personit dhe 2 persona për kanosje.
4 persona në kërkim.
Janë sekuestruar rreth 60 kg lëndë e dyshuar Cannabis Sattiva, 4 armë zjarri, 1 krehërë dhe 36 fishekë.
Po gjatë kontrolleve janë shoqëruar për verifìkim 65 persona.
Gjatë 24-Orëve janë finalizuar me sukses Operacionet konkretisht:

Finalizohet me sukses Operacioni i koduar “PARKINGU”
Janë sekuestruar 20 kg lëndë narkotike e dyshuar Cannabis Sattiva dhe 3 automjete.
Janë arrestuar në flagrancë tre shtetas, si dhe shpallet në kërkim një tjetër.
Nga efektivët e Seksionit Kundër Narkotikëve, në Drejtorinë Vendore të Policisë Elbasan,

Finalizohet me sukses operacioni i koduar”Brava”.
Janë zbardhur dhe dokumentuar 20 vjedhje banesash.
Janë ndaluar dy shtetas dhe janë shpallur në kërkim dy bashkëpunëtorët e tyre.
Janë sekuestruar një armë zjarri, fishekë, Cannabis Sattiva, automjete, pjesë e sendeve të vjedhura, vlera monetare dhe mjetet që kryenin veprimtarinë kriminale
Nga Specialistët për Krimet në Komisariatin e Durrësit.


Finalizohet me sukses Operacioni i koduar “LIMITLESS”
Janë arrestuar në flagrancë 2 shtetas dhe është shpallur në kërkim një tjetër.
Janë sekuestruar 540 fidanë e 300 bimë në gjendje të tharë, lëndë e dyshuar narkotike Cannabis Sattiva dhe 1 armë zjarri.
Nga Shërbimet e Komisariatit të Policisë Shkodër.

Edhe në ditët në vijim do vijojë puna e Policisë së Shtetit për rritjen e parametrave të sigurisë në vend.

 

Arkiva

Prill 2017
He Ma Me En Pr Sh Di
27 28 29 30 31 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30

Fushata Sensibilizuese

Video te tjera ...