Informacion mbi ngjarjet, arrestimet, ndalimet dhe procedimet në 24 orët e fundit 12 Korrik 2017

1Drejtoria PPSH.1INFORMACIONE PËR NGJARJE TË JASHTËZAKONSHME DHE EMERGJENTE

Drejtoria Vendore e Policisë Tiranë
Më datë 11.07.2017, ora 14:40, në fshatin Brarë, Dajt, ka rënë zjarr ku digjen në shkurre. Punohet nga banorët për shuarjen e zjarrit, pasi zjarrfikëset nuk hynë dot për shkak të terrenit të thyer. Për momentin nuk ka probleme.

Drejtoria Vendore e Policisë Fier
Më datë 11.07.2017, ora 22:00, në fshatin Kosovë e Vogël, Lushnjë, ka rënë zjarr ku janë djegur shkurre dhe ullinj. Në vendngjarje u dërguan shërbimet e policisë dhe zjarrfiksja. Punohet për shuarjen e zjarrit dhe monitorimin e situatës.

Drejtoria Vendore e Policisë Vlorë
Më datë 11.07.2017, ora 12:35, mbi fshatin Tërbaç, Himarë, ka rënë zjarr në një zonë me pisha dhe rrezikohen një depo me bimë medicinale dhe dy banesa. Në vendngjarje janë dërguan shërbimet e policisë dhe shërbimi zjarrfikës. Punohet për shuarjen e zjarrit.

Më datë 11.07.2017, ora 14:05, mbi fshatin Mavrovë, Selenicë, ka rënë zjarr në një zonë me ullinj e shkurre, ku janë djegur disa ullinj dhe rrezikohet që zjarri të përhapet në drejtim të fshatit Kropisht. Në vendngjarje janë dërguar shërbimet e policisë dhe shërbimi zjarrfikës. Punohet për shuarjen e zjarrit.

Më datë 11.07.2017, ora 16:05, në fshatin Vodicë, Selenicë, ka rënë zjarr në një zonë me pisha dhe shkurre, ku janë duke u djegur pylli me pisha dhe rrezikohet që zjarri të përhapet në drejtim të fshatit. Në vendngjarje janë dërguar shërbimet e policisë dhe shërbimi zjarrfikës. Punohet për shuarjen e zjarrit.

Më datë 11.07.2017, ora 16:00, në afërsi të fshatit Xarrë, Konispol, në anë të Malit të Miles, ka rënë zjarr ku po digjet një sipërfaqe 1 ha me shkurre. Në vendngjarje kanë shkuar shërbimi zjarrfikës dhe forcat e policisë. Nuk ka të dëmtuar. Punohet për shuarjen e zjarrit.

Më datë 11.07.2017, ora 16:05, në fshatin Vodicë, Selenicë, ka rënë zjarr, ku zjarri është me përmasa të mëdha dhe janë djegur sipërfaqe të mëdha më ullinj. Zjarrfikset nuk mund të shkojnë pasi terreni është i vështirë. Banorët e zonës punojnë për të ndaluar zjarrin me mjete rrethanore.

Drejtoria Vendore e Policisë Gjirokastër
Më datë 11.07.2017, ora 14:45, në fshatin Goricë, Dropull, është shfaqur një vatër zjarri ku po digjen shkurre e barëra dhe pranë janë disa banesa të cilat rrezikohen. Në vendngjarje kanë shkuar shërbimet e policisë dhe zjarrfikëse. Punohet për shuarjen e zjarrit dhe monitorimin e situatës.

Më datë 11.07.2017, ora 15:55, në faqen e malit mbi Urën e Dragotit, Tepelenë, është shfaqur një vatër zjarri ku po digjen shkurre e barëra. Në vendngjarje kanë shkuar shërbimet e policisë dhe zjarrfikëse, të cilat punojnë për shuarjen e zjarrit.

Më datë 11.07.2017, u referuan materialet në Prokurorinë e Rrethit Gjyqësor Gjirokastër, për shtetasin B.H vjeç 66, banues në fshatin Dragot, Tepelenë, pasi dyshohet se në fshatin Peshtan, në vendin e quajtur “Qerre”, ka vënë zjarrin, ku si pasojë janë djegur 2000 m² sipërfaqe me shkurre. Neni 151 i Kodit Penal.

Drejtoria Vendore e Policisë Dibër
Më datë 11.07.2017, ora 11:45, zjarri i rënë më datë 10.07.2017 në malin e fshatit Kurdari, Klos, ku janë djegur dushk e shkurre, është përhapur dhe po rrezikohen banesa të lagjes “Qaf-Dardhë” të fshatit. Shërbimet e policisë pyjore e të rendit, punojnë për të lokalizuar zjarrin dhe po monitorojnë situatën. Është njoftuar emergjenca në Prefekturë.

Më datë 11.07.2017, ora 18:20, në malin e fshatit Kërçisht, Maqellarë, ka rënë zjarr ku po digjen pisha e dushk dhe zjarri po i afrohet vijës së kufirit me Maqedoninë piramida 13. Shërbimet e policisë pyjore e të rendit, punojnë për të lokalizuar zjarrin.

DEPARTAMENTI PËR HETIMIN E KRIMIT TE ORGANIZUAR DHE KRIMET E RËNDA
DREJTORITË VENDORE TË POLICISË

Drejtoria Vendore e Policisë Tiranë
Komisariati Rajonal i Policisë Rrugore
Më  datë 11.07.2017, u referuan materialet në Prokurorinë e Rrethit Gjyqësor  Vlorë, për shtetasin A.H, vjeç 49 banues në Vlorë, pasi dyshohet se  më datë 10.07.2017, në lagjen ‘’Ujë i Ftohtë’’, në bregdet, ka ndërtuar 8 kolona betoni, pa leje. Neni 199/a i Kodit Penal.

Më datë 10.07.2017, u arrestua në flagrancë shtetasi I.H, vjeç 28, banues në Tiranë, pasi te kthesa e Kamzës në rrugën “Kastriotët”, duke drejtuar me leje drejtimi mjetin tip “Volksvagen Bora”, ka aksidentuar këmbësorët XH.K dhe E.K, vjeç 77 e 5, banues në Tiranë, për pasojë më datë 11.07.2017, fëmija E.K, vdiq në spital, ndërsa XH.K  ndodhet në gjendje të rëndë për jetën. Neni 290/2 i Kodit Penal.

Më datë 11.07.2017, u referuan materialet në Prokurorinë e Rrethit Gjyqësor Tiranë, për shtetasen M.M, vjeç 31, banues  në Tiranë, pasi dyshohet se  më datë 10.07.2017, në rrugën “Teodor Keko”, duke drejtuar me leje drejtimi mjetin tip “Toyota”, ka aksidentuar drejtuesin e ciklomotorit tip “Dayang”, shtetasin E.K, vjeç 35 banues në Tiranë, i cili pas ndihmës mjekësore në spital, u largua pa probleme për jetën. Neni 290 i Kodit Penal.

Më datë 10.07.2017, u referuan materialet në Prokurorinë e rrethit Gjyqësor Tiranë, për shtetasit E.P e S.L, vjeç 22  e 33, banues në Tiranë, pasi dyshohet se  më datë 10.07.2017, në autostradën Tiranë-Durrës, shtetasi E.P, duke drejtuar me leje drejtimi mjetin tip ‘’Ford’’, është përplasur me mjetin tip “Golf”, me drejtues S.L, i cili ka goditur mjetin tip “Fiat”, me drejtues shtetasin E.S, vjeç 33 banues në Krujë, për pasojë janë aksidentuar E.P dhe pasagjerët I.S, E.D, K.D e XH.H, vjeç 25, 34, 29 e 18, të cilët u dërguan në spital, për ndihmë mjekësore. Neni 290 i Kodit Penal.

Më datë 11.07.2017, u referuan materialet në Prokurorinë e Rrethit Gjyqësor Tiranë, për shtetasin I.H vjeç 32, banues në Tiranë, pasi dyshohet se  te mbikalimi i Kasharit, duke drejtuar me leje drejtimi mjetin tip ‘’Opel‘’ është përplasur me mjetin tip ‘’Benz‘’, me drejtues shtetasin K.K, vjeç 61, banues në Durrës, si pasojë është aksidentuar pasagjeri B.D, vjeç 69, i cili pas mjekimit në spital u largua në banesë. Neni 290 i Kodit Penal.

Më datë 11.07.2017, u referuan materialet në Prokurorinë e Rrethit Gjyqësor Tiranë, për shtetasin A.D, vjeç 38, banues në fshatin Brarë, pasi dyshohet se  në rrugën ‘’Myslym Keta‘’, u kap duke drejtuar pa leje drejtimi motorin tip ‘’Lifan’’. Neni 291 i Kodit Penal.

Drejtoria Vendore e Policisë Elbasan
Seksioni i hetimit të ngjarjeve në qarkullimin dhe AIS
Më datë 11.07.2017, u referuan materialet në Prokurorinë e Rrethit Gjyqësor Elbasan, për shtetasin SH.B, vjeç 22, banues në fshatin Bradashesh, pa leje drejtimi, pasi dyshohet se  më datë 10.07.2017, në rrugën lokale Elbasan-Funar, u kap duke drejtuar  në gjendje të dehur motorin  tip “Hali”. Neni 291 i Kodit Penal.

Më datë 11.07.2017, u referuan materialet në Prokurorinë e Rrethit Gjyqësor Elbasan, për shtetasin Z.D, vjeç 64, banues në Gramsh, me leje drejtimi, pasi dyshohet se në lagjen Shënkoll, duke drejtuar mjetin tip “Benz”, ka aksidentuar këmbësoren  shtetasen F.Q, vjeç 50, banuese në Elbasan, e cila ndodhet në spitalin në Tiranë, jashtë rrezikut për jetën. Neni 290/1 i Kodit Penal.

Më datë 12.07.2017, u referuan materialet në Prokurorinë e Rrethit Gjyqësor Elbasan, për shtetasin A.B , vjeç 22 , banues në Gramsh, pasi dyshohet se  më datë 11.07.2017, në rrugën “Rinia”, duke drejtuar me leje drejtimi  mjetin tip “Volksvagen”, ka aksidentuar këmbësoren S.LL vjeç 24 banuese në Librazhd, e cila ndodhet në spitalin për ndihmë mjekësore. Neni 290/1 i Kodit Penal.

Drejtoria Vendore e Policisë Korçë
Seksioni kundër krimit ekonomik e financiar
Më datë 11.07.2017, u referuan materialet në Prokurorinë e Rrethit  Gjyqësor Korçë, për shtetasit R.K e J.G, vjeç 51 e 44, banues në Korçë, administrator lokali në lagjen nr. 11 e 13, pasi dyshohet se  kanë ushtruar aktivitet tregtar pa dokumentacion përkatës. Neni 180 i Kodit Penal. 

Seksioni i hetimit të ngjarjeve në qarkullimin dhe AIS
Më datë 11.07.2017, u referuan materialet në Prokurorinë e Rrethit  Gjyqësor Korçë, për shtetasin E.F, vjeç 30 banues në Korçë,  pasi dyshohet se në lagjen nr. 9, duke drejtuar me leje drejtimi mjetin tip “Benz”, është përplasur me mjetin tip “Honda”, të drejtuar nga shtetasi E.B vjeç 37 banues në Korçë, i larguar nga vendi i aksidentit, ku ka patur dëme materiale. Neni 273  i Kodit Penal.

Drejtoria Vendore e Policisë Fier
Seksioni për narkotikët
Divjakë
Sekuestrohen 2.2 kg Cannabis Sativa, ndalohet autori i dyshuar.
Specialistët e Sektorit për Hetimin e Narkotikëve në Drejtorinë Vendore të Policisë Fier, ndaluan shtetasin e shpallur në kërkim:
F.P, 61 vjeç, banues në Kuçovë.
Në bazë të informacioneve të mara në rrugë operative, në datën 11.07.2017, nga kontrolli i ushtruar në fshatin Spolat, Divjakë, në një tokë të mbjellë me ullinj, të cilën e kishte marrë me qera shtetasi F.P, u gjet dhe u sekuestrua në cilësinë e provës materiale 2.2 kg lëndë narkotike e dyshuar Canabis Sativa e futur në një bidon plastik nën tokë.

Materialet i Kaluan Prokurorisë pranë Gjykatës së Shkallës së Parë Lushnje për veprën penale "Prodhimi dhe shitja e lëndëve narkotike" parashikuar nga Neni 283/1 i Kodit Penal.

Seksioni kundër krimit ekonomik e financiar
Më datë 11.07.2017, u referuan materialet në Prokurorinë e Rrethit Gjyqësor Fier, për shtetasin K.P, vjeç 46, banues në fshatin Muçaj, pasi dyshohet se  është pajisur me pasaportë biometrike dhe letërnjoftim elektronik, me gjeneralitetet e vëllait. Neni 189 i Kodit Penal.

Seksioni i hetimit të ngjarjeve në qarkullimin dhe AIS
Më datë 10.07.2017, u referuan materialet në Prokurorinë e Rrethit Gjyqësor Lushnjë, për shtetasin V.P, vjeç 78, banues në Divjakë, pasi dyshohet se  në rrugën Gërmenj-Divjakë, duke lëvizur me biçikletë është përplasur me moto mjetin tip “Yinxiang”, me drejtues shtetasin F.V vjeç 30, banues në fshatin Staravec, Divjakë, me leje drejtimi, për pasojë janë aksidentuar lehtë drejtuesi i motorit e pasagjerja A.V vjeç 51, banuese në Staravec dhe V.P ndodhet në spital, nën kujdesin e mjekëve. Neni 290 i Kodit Penal.

Më datë 10.07.2017, u referuan materialet në Prokurorinë e Rrethit Gjyqësor Fier, për shtetasin GJ.M, vjeç 69, banues në Fier, pasi dyshohet se  në rrugën “Todi Shkurti”, duke drejtuar mjetin tip “Zip” është përplasur me mjetin tip “BMV”, që drejtohej nga shtetasi A.K, vjeç 44, banues në Fier, për pasojë është aksidentuar pasagjerja L.M vjeç 68 banuese në Fier, e cila ndodhet në spital, nën kujdesin e mjekëve. Neni 290/1 i Kodit Penal.

Drejtoria Vendore e Policisë Vlorë
Seksioni i hetimit të ngjarjeve në qarkullimin dhe AIS
Më datë 11.07.2017, u ndalua shtetasi A.H, vjeç 30, banues në Sarandë, me masë sigurie “Arrest shtëpie’’, pasi Gjykata e Rrethit Gjyqësor Sarandë, e ka dënuar 7 ditë  burg, për veprën penale “Drejtimi i automjeteve në mënyrë të parregullt “. Neni 291 i Kodit Penal.

Drejtoria Vendore e Policisë Gjirokastër
Seksioni për narkotikët
Gjirokastër.
Ndalohet një shtetas i shpallur në kërkim.
Nga specialistët e seksionit të Hetimit të Narkotikëve u bë ndalimi i shtetasit në kërkim :
LL.N 20 vjeç, banues në fshatin Humelicë, Gjirokatstër.
Ndalimi i këtij shtetasi u bë pasi :
Gjykata e Rrethit Gjyqësor Gjirokastër ka vendosur masën e sigurisë “Arrest me burg” për veprën penale “Prodhimi dhe shitje e lëndëve narkotikëve”.
Materialet i kaluan Prokurorisë së Rrethit Gjyqësor Gjirokastër për veprime të mëtejshme.

Seksioni kundër krimit ekonomik e financiar
Më datë 11.07.2017, u referuan materialet në Prokurorinë e Rrethit Gjyqësor Gjirokastër, për shtetasen K.T, vjeç 20, banuese në Gjirokastër, pasi dyshohet se  më datë 05.08.2016, ka aplikuar për t’u pajisur me pasaportë biometrike me të dhëna falsifikuara. Neni 189 i Kodit Penal.

Më datë 11.07.2017, u referuan materialet në Prokurorinë e Rrethit Gjyqësor Gjirokastër, për shtetasit V.A e A.A, vjeç 63 e  38 banues në Gjirokastër, pasi dyshohet se  në vitin 2012 e 2013, duke qenë me detyrë ekonomist pranë     nje kompanie private, kanë prerë siguracione në emër të agjentit A.A, vjeç 45, banues në Gjirokastër, dhe nuk kanë arkëtuar lekët në llogari të kompanisë, si pasojë A.A figuron debitor. Neni 135 i Kodit Penal.

Drejtoria Vendore e Policisë Lezhë
Seksioni kundër krimeve ndaj personit
Lezhë
Zbardhet ngjarja e ndodhur sot në orën 05:15 në fshatin Kalivaç në Lezhë ku mbeti i plagosur shtetasi A.Gj.
Identifikohet dhe arrestohet njëri nga autorët e dyshuar të tentativës për vrasje
Më datë 11.07.2017, rreth orës 05:15, jemi njoftuar se në Kalivaç në Lezhë, është plagosur  me armë zjarri shtetasi A.Gj. 47 vjeç , banues në Kalivaç Lezhë.
Më të marrë njoftimin , nga strukturat e Drejtorisë së Policisë së Lezhës , është formuar grupi hetimor, ku është shkuar në vendin e ngjarjes dhe janë kryer të gjitha veprimet hetimore për të bërë të mundur zbardhjen e kësaj ngjarje kriminale dhe vendosjen para përgjegjësisë ligjore të autorëve.
Nga hetimet ka rezultuar se, kur shtetasi A.Gj. ka qenë duke udhëtuar i vetëm me automjetin e tij tip Benz furgon, në Kalivaç , është  qëlluar disa herë me armë zjarri nga 2 persona  , ku si rezultat i të shtënave ka ngelur i plagosur në pjesën e këmbës.
Është dërguar menjëherë në spitalin Rajonal Lezhë, për dhënien e ndihmës mjekësore dhe aktualisht ndodhet jashtë rrezikut për jetën.
Si rezulat i veprimeve të shpejta profesionale e  hetimore, si  dhe duke   bashkëpunuar  me  Prokurorinë  e Rrethit Gjyqësor Lezhë ,  është bërë i mundur identifikimi dhe lokalizimi i autorit të dyshuar,  ku falë koordinimit efikas të punës me policinë e Kukësit , u arrestua  në flagrancë në tentativë për tu larguar jashtë vendit nëpërmjet pikës së kalimit Kufitar Morinë Kukës , dhe konkretisht shtetasi:
GJ.V 40 vjeç ,  banues në Kalivaç - Lezhë.
Nga terësia e veprimeve të deritanishme, dyshohet që ngjarja të ketë ndodhur për motive të dobëta midis shtetasit A.Gj. dhe shtetasit GJ.V.
Në vendin e ngjarjes janë gjetur dhe sekuestruar në cilësinë e provës materiale automjeti i  shtetasit të dëmtuar si dhe tre gëzhoja armë zjarri.
Materialet hetimore e proçeduriale do ti kalohen për ndjekje të mëtejshme Prokurorisë së  Rrethit Gjyqësor Lezhë për veprat penale  “Vrasje me dashje e mbetur në tentativë e kryer në bashkëpunim ' "Prodhim dhe mbajtje pa leje e armëve luftarake” parashikuar nga nenet 76/22/25 dhe 278 të Kodit Penal.
Vazhdojnë hetimet për sqarimin e plotë të fakteve dhe rrethanave të kësaj ngjarje, si dhe  identifikimin e arrestimin e personave të tjerë të përfshirë në këtë ngjarje kriminale.

Drejtoria Vendore e Policisë Shkodër
Seksioni i hetimit të ngjarjeve në qarkullimin dhe AIS
Më datë 11.07.2017, u referuan materialet në Prokurorinë e Rrethit Gjyqësor Shkodër, për shtetasen F.P, vjeç 48, banuese në Shkodër, pasi dyshohet se  më datë 10.07.2017, në rrugën “Prekë Cali”, duke drejtuar pa leje drejtimi mjetin tip “Fiat Punto”, është përplasur me biçikletistin S.K, vjeç 56, banues në Shkodër, i cili pas ndihmës mjekësore u largua pa probleme për jetën. Neni 290/1 e 291 të Kodit Penal.

Më datë 11.07.2017, u arrestua në flagrancë shtetasi B.H, vjeç 47, banues në Shkodër, pasi në segmentin rrugor Vrak–Shkodër, në fshatin Dobraç, duke drejtuar pa leje drejtimi mjetin tip “Loncin”, ka aksidentuar këmbësoren I.M vjeç 42, banuese në Dobraç, e cila ndodhet në spital për ndihmë mjekësore. Nenet 290 e 291 të Kodit Penal.

Më datë 11.07.2017, u arrestua në flagrancë shtetasi T.N vjeç 63, banues në fshatin Ishull-Lezhë, pasi në lagjen “Guerrile”, duke drejtuar me leje drejtimi mjetin tip “Volksvagen”, ka aksidentuar shtetasin SH.SH, vjeç 76, banues në Shkodër, i cili ndodhet në spital në gjendje të rëndë për jetën. Neni 290/2 i Kodit Penal.

Më datë 11.07.2017, u referuan materialet në Prokurorinë e Rrethit Gjyqësor Shkodër, pasi dyshohet se  në lagjen “Salo Halili”, një motoçikletë i larguar nga vendi i aksidentit, ka aksidentuar shtetasen L.M, vjeç 49 banuese në Shirokë e cila ndodhet në spital për ndihmë mjekësore. Punohet për identifikimin dhe kapjen e autorit. Nenet 290 e 273 të Kodit Penal.

Drejtoria Vendore e Policisë Dibër
Seksioni i hetimit të ngjarjeve në qarkullimin dhe AIS

Mat
Informacion paraprak
Rreth orës 22.50,  jemi njoftuar se në fshatin Suç ka ndodhur një aksident.
Menjëherë kanë shkuar shërbimet e Komisariatit të Policisë Mat dhe grupi hetimor  në vendin e ngjarjes ku kanë kanë konstatuar se:
Në fshatin Suç, Bashkia Klos shtetasi M.Ll,  duke drejtuar një motorrçikletë  ka humbur kontrollin dhe  është përplasur me një mjet tip "Zetor", me drejtues shtetasin P.Gj, rreth 49 vjeç, banues në  fshatin Suç.
Si pasojë e përplasjes ka mbetur i vdekur drejtuesi i motorrit shtetasi M.Ll, rreth 32 vjeç, banues në fshatin Suç.
Drejtuesi i mjetit tip 'zetor', është shoqëruar në Komisariat për veprime të mëtejshme.
Grupi hetimor vijon hetimet në vendngjarje, për të përcaktuar shkakun e aksidentit.

DEPARTAMENTI PËR SIGURINË PUBLIKE
KOMISARIATET E POLICISË

Komisariati i Policisë Nr. 2
Më datë 11.07.2017, u referuan materialet në Prokurorinë e Rrethit Gjyqësor Tiranë, për shtetasin B.B, vjeç 32, banues në Tiranë, pasi dyshohet se  tek rruga “Sami Frashëri”, ka shqetësuar me muzikë të lartë banorët, duke prishur qetësinë publike. Neni 274 i Kodit Penal.

Më datë 12.07.2017, në Komuna e Parisit, është dëmtuar mjeti tip “Peugeot”, në pronësi të shtetasit A.M, banues në Tiranë. Nga veprimet e kryera rezultoi, se mjeti është dëmtuar nga rënia e një degë peme e thatë. Materialet i kalojnë Prokurorisë së Rrethit Gjyqësor Tiranë, për ngjarje aksidentale.

Në vijim të komunikatës që bën fjalë për ngjarjen aksidentale nga pajkujdesia, në bulevardin “Gjergj Fishta”, më datë 11.07.2017, në Qendrën e Traumës, ka ndërruar jetë shtetasi E.M vjeç 34, banues në Tiranë, i punësuar me kontratë te nje firme private. Materialet u referuan në Prokurorinë e Rrethit Gjyqësor Tiranë.  

Më datë 10.07.2017, u ndalua shtetasi në kërkim A.Z, vjeç 32, banues në Vlorë, pasi Gjykata e Rrethit Gjyqësor Tiranë, e ka dënuar 2 vjet e 6 muaj burg, për veprën penale “Përndjekja”. Materialet u referuan në Prokurorinë e Rrethit Gjyqësor Tiranë.  

Komisariati i Policisë Nr. 3
Më datë 11.07.2017, shtetasja G.E, vjeç 17, banuese në Tiranë, në gjendje depresioni, ka tentuar të presë damarët me xham, e cila pas mjekimit në spital u largua në banesë dhe ka deklaruar se nuk është ndikuar nga askush. Materialet u referuan në Prokurorinë e Rrethit Gjyqësor Tiranë, për vlerësim.

Më datë 11.07.2017, u referuan materialet në Prokurorinë e Rrethit Gjyqësor Tiranë, për shtetasen L.M, vjeç 48, banues në Laknas, pasi dyshohet se në rrugën “Pandi Dardha”, për shkak të detyrës, ka kundërshtuar punonjësit e policisë Bashkiake. Neni 235 i Kodit Penal.

Më datë 11.07.2017, u plotësua kërkesë-padia për lëshimin e Urdhrit të mbrojtjes së menjëhershme, për shtetasen O.D, vjeç 26 banuese në Tiranë, pasi dyshohet se  ish bashkëshorti J.S, vjeç 35, ka ushtruar dhunë fizike e psikologjike ndaj saj. Materialet i kaluan Gjykatës së Rrethit Gjyqësor Tiranë. Ligji nr. 9669, datë 18.12.2006, “Për masa ndaj dhunës në marrëdhëniet familjare”.

Komisariati i Policisë Nr. 4
Më datë 11.07.2017, u referuan materialet në Prokurorinë e Rrethit Gjyqësor dhe punohet për kapjen e shtetasit A.M, vjeç 54, banues në Tiranë, pasi dyshohet se  më datë 10.07.2017, në rrugën “Siri Kodra”,  u kap nga punonjësit e OSHEE-së, duke vjedhur energji elektrike. Neni 137/1 i Kodit Penal.

Më datë 10.07.2017, në rrugën “5 Maji”, duke punuar marangoz te nje firme private, ka prerë gishtat e dorës shtetasi I.I, vjeç 51, banues në Tiranë. Materialet u referuan në Prokurorinë e Rrethit Gjyqësor, për ngjarje aksidentale

Më datë 11.07.2017, u plotësua kërkesë-padia për lëshimin e urdhrit të mbrojtjes së menjëhershme për shtetasen B.K, vjeç 28, banuese në Tiranë, pasi dyshohet se  bashkëshorti V.D vjeç 31, ka ushtruar dhunë fizike e psikologjike ndaj saj. Materialet i kaluan Gjykatës së Rrethit Gjyqësorë Tiranë. Ligji Nr. 9669, datë 18.12.2006. “Për masa ndaj dhunës në marrëdhëniet familjare”.

Tiranë
Arrestohet në flagrancë një shtetas.
Më datë 10.07.2017 shërbimet e Policisë kanë arrestuar në flagrancë shtetasin M.K., 54 vjeç, i cili ka dhunuar fizikisht vajzën e tij, shtetasen E. K., 18 vjeç.
Materialet u referuan në ngarkim të tij, në Prokurorinë e Rrethit Gjyqësor Tiranë, për veprën penale të " Dhunës në familje ", parashikuar nga neni 130/ a i Kodit Penal.

Më datë 10.07.2017, shtetaset E.SH e K.K, vjeç 31 e 24, banuese në Tiranë, kallëzojnë se, E.SH i ka dhënë borxh K.K dhe kjo e fundit kallzon se e ka kanosur. Materialet u referuan në Prokurorinë e Rrethit Gjyqësor Tiranë, për vlerësim.

Më datë 11.07.2017, në rrugën “Hysen Xhura”, shtetasja S.LL vjeç 32, banuese në Tiranë, është kanosur nëpërmjet një letre të vendosur në mjetin tip “Benz”.Punohet për identifikimin dhe kapjen e autorit. Materialet u referuan në Prokurorinë e Rrethit Gjyqësor Tiranë. Neni 84 i Kodit Penal.

Më datë 11.07.2017, u referuan materialet në Prokurorinë e Rrethit Gjyqësor Tiranë, për shtetasin F.Ç, vjeç 33 banues në Tiranë, pasi dyshohet se  ka ushtruar dhunë fizike ndaj babait D.Ç, vjeç 56. Neni 130/a i Kodit Penal.

Më datë 11.07.2017,  u ndalua shtetasi A.B, vjeç 23, banues në Tiranë,  pasi Gjykata e Rrethit Gjyqësor Tiranë, e ka dënuar 1 vit e 6 muaj burg, për veprën penale “Vjedhja”. Neni 134/2 i Kodit Penal.  

Komisariati i Policisë Nr. 5
Më datë 11.07.2017, u referuan materialet në Prokurorinë e Rrethit Gjyqësor Tiranë dhe punohet për kapjen e shtetasit L.P, pasi dyshohet se  më datë 10.07.2017, në rrugën “Mahmut Allushi”, punonjësit e OSHEE-së,  kanë konstatuar lidhje të paligjshme të energjisë elektrike. Neni 137 i Kodit Penal.

Më datë 10.07.2017, shtetasi I.U, vjeç 36, banues në Tiranë, kallëzon se te banesa në Fushë Farkë, i kanë vjedhur dy lopë. Punohet për identifikimin dhe kapjen e autorëve. Neni 134 i Kodit Penal.

Komisariati i Policisë Nr. 6
Më datë 11.07.2017, në rrugën “Tre deshmoret”, shtetasi B.K, vjeç 92, banues në Tiranë, është rrëzuar aksidentalisht në banesë dhe ka humbur jetën në spital. Materialet u referuan në Prokurorinë e Rrethit Gjyqësor Tiranë, për vlerësim.

Informacion paraprak
Në vijim të komunikatës që bën fjalë për dhunë fizike e psikologjike ndaj bashkëjetueses D.S, më datë 11.07.2017, gjatë tentativës për shoqerimin dhe arrestimin e tij konkretisht  shtetasin B.B, vjeç 32, banues në Tiranë, ky i fundit ka goditur me grusht punonjësin e policisë dhe është larguar. Punohet për kapjen e B.B. Materialet u referuan në Prokurorinë e Rrethit Gjyqësor Tiranë. Nenet 130/a, 323 e 237 të Kodit Penal.

Tiranë.
Policia zbardhi ngjarjen e ndodhur natën e kaluar në rrugën "Sabaudin Gabrani" ku mbetën të plagosur 2 shtetas.
Arrestohen 2 shtetas në flagrancë dhe  shpallen në kërkim 4 të tjerë.
Në datë 11.07.2017, rreth orës 23:29, në numrin e Emergjencave 112 u njoftua për 2 shtetas të plagosur me armë zjarri në rrugën "Sabaudin Gabrani".
Në vendin e ngjarjes shkuan disa shërbime policore, të cilat kryen të gjitha veprimet hetimore për zbardhjen e ngjarjes.
Nga veprimet e kryera ka rezultuar se shtetasit F.F. 25 vjeç dhe  E.F. 25 vjeç, duke udhëtuar me mjetin tip "Volksvagen Golf", janë konfliktuar për motive të dobëta me shtetasit M.Gj., 25 vjeç dhe Xh.V., 25 vjeç.
Konflikti ka precipituar deri në përdorimin e armëve të zjarrit ndërmjet tyre. Për pasojë kanë mbetur të plagosur dhe ndodhen në spital jashtë rrezikut për jetën shtetasit Xh.V., 25 vjeç dhe dhe J.G., 27 vjeç.
Policia sekuestroi në cilësinë e provës materiale 8 gëzhoja, 4 automjete të përdorura nga autorët dhe 2 telefona.
Shërbimet e policisë kanë arrestuar shtetasit:
-J.Sh. 25 vjeç
Xh. V., 27 vjeç
për veprën penale " Moskallëzim i krimit" , parashikuar nga neni 300 i Kodit Penal.
Vazhdon puna për gjetjen dhe vënien para përgjegjësisë ligjore të 4 personave të shpallur në kërkim.

Komisariati i Policisë Vorë
Më datë 11.07.2017, shtetasja P.G, vjeç 35, ka bërë kallëzim se në muajin Mars 2017, bashkëshorti V.G, vjeç 45, ka braktisur fëmijët e tyre dhe është larguar nga banesa. Punohet për gjetjen e tij. Neni 124 i Kodit Penal.

Komisariati i Policisë Kavajë
Më datë 11.07.2017, në fshatin Tilaj, Golem, është dëmtuar me xhamin e derës së banesës, shtetasi H.T vjeç 28, i sëmur mendor, i cili ndodhet në spitalin Psikiatrik, jashtë rrezikut për jetën. Materialet u referuan në Prokurorinë e Rrethit Gjyqësor Kavajë, për ngjarje aksidentale.

Komisariati i Policisë Rrogozhinë
Më datë 11.07.2017, u referuan materialet në Prokurorinë e Rrethit Gjyqësor Kavajë, për shtetasin R.C, vjeç 26, banues në fshatin Gremaj, pasi dyshohet se  në banesë, u konstatua duke kryer punime, pa leje. Neni 199/a i Kodit Penal.

Më datë 11.07.2017, u referuan materialet në Prokurorinë e Rrethit Gjyqësor Kavajë, për shtetasin N.SH vjeç 49 banues në fshatin Gremaj, pasi dyshohet se  në banesë, u konstatua duke kryer punime, pa leje. Neni 199/a i Kodit Penal.

Komisariati i Policisë Durrës
Më datë 11.07.2017, në lagjen nr. 4, pranë banesës, ka rënë zjarr dhe është djegur pjesërisht  mjeti tip “Benz”, në pronësi të shtetasit F.ZH, vjeç 49. Paraprakisht dyshohet se shkak ka qene nje defekt teknik. Materialet u referuan në Prokurorinë e Rrethit Gjyqësor Durrës. Neni 151 i Kodit Penal.

Në vijim të komunikatës që bën fjalë për largimin nga Qendra e Zhvillimit Rezidencial Durrës, të fëmijës E.Xh, më datë 11.07.2017, u gjet dhe dorëzua në këtë Qendër. Materialet u referuan në Prokurorinë e Rrethit Gjyqësor  Durrës.   

Më datë 11.07.2017, u plotësua kërkesë-padia për lëshimin e Urdhrit të mbrojtjes së menjëhershme, për shtetasen SH.S, vjeç  37, pasi dyshohet se  bashkëshorti D.S, vjeç 49, ka  ushtruar dhunë fizike e psikollogjike ndaj saj. Materialet i kaluan Gjykatës së Rrethit Gjyqësor Durrës. Ligji nr. 9669, datë 18.12.2006, Për masa ndaj dhunës në marrëdhëniet familjare.

Më datë 11.07.2017, u referuan materialet në Prokurorinë e Rrethit Gjyqësor Durrës, për shtetasin M.M, vjeç 30 banues në Hamallaj, pasi dyshohet se  në Hamallaj, pas një konflikti ka plagosur lehtë me grusht shtetasit E.L e A.D, vjeç 21  e 27, banues në Hamallaj. Neni 89 Kodit Penal.

Komisariati i Policisë Krujë
Më datë 11.07.2017, u  arrestua në flagrancë shtetasi L.B, vjeç 18, banues në fshatin Borizanë, pasi dyshohet se  në fshatin Borizanë, u kap duke djegur një furrë gëlqere me mbetje lëkure, goma e lëndë drusore. Neni 201 i Kodit Penal.

Më datë 11.07.2017, u arrestua në flagrancë shtetasi K.P dhe punohet për kapjen e shtetasit E.M, vjeç 23 e 24, banues në Thumanë e Fushë Thumanë, pasi dyshohet se  në Thumanë, në bashkëpunim, kanë vjedhur një celular në banesën e shtetasit SH.D vjeç 47. Neni 134/2 i Kodit Penal.

Krujë
Vijon kontrolli i territorit me qëllim parandalimin e rasteve të kultivimit të bimëve narkotike.
Asgjesohen 75 bimë narkotike Cannabis Sattiva.
Procedohet penalisht Kryeplaku i fshatit Brret.
Gjithashtu, fillon procedimi për një shtetas dhe shpallet në kërkim djali i tij.
Specialistët për Krimet në Komisariatin e Policisë Krujë, në vijim të zbatimit të planit të masave për kontrollin e territorit, me qëllim parandalimin e rasteve të kultivimit të bimëve narkotike, gjatë kontrollit të territorit ditën e djeshme  kanë goditur një tjetër rast.
Më datë 11.07.2017, gjatë kontrollit të ushtruar nga uniformat blu, në fshatin Brret,  Bashkia Krujë,  u gjetën dhe asgjesuan me anë të djegies 75 bimë narkotike të dyshuara të llojit Cannabis Sattiva.
Ka filluar  proçedimi penal në ngarkim të shtetasve:
F.K.  57 vjeç,  Kryeplak i fshatit Brret.
B.Xh. 76 vjeç, banues në fshatin Brret, Krujë
Gjithashtu është shpallur në kërkim dhe po punohet për kapjen e shtetasit:
O.Xh. 51 vjeç, banues në fshatin Brret, Krujë, djali i shtetasit B.Xh.
Materialet i kaluan Prokurorisë së Rrethit Gjyqësor Krujë për veprime të mëtejshme për veprat penale" Kultivimi i bimëve narkotike"dhe" Moskallëzimi i krimit" parashikuar në nenet 284 dhe 300 të Kodit Penal.

Më datë 11.07.2017, u plotësua kërkesë-padia për lëshimin e Urdhrit të mbrojtjes së menjëhershme, për shtetasen L.D vjeç  34, pasi dyshohet se  vjehrra B.D, vjeç 65,  ka  ushtruar dhunë fizike e psikologjike ndaj saj. Materialet i kaluan Gjykatës së Rrethit Gjyqësor Krujë. Ligji nr. 9669, datë 18.12.2006, “Për masa ndaj dhunës në marrëdhëniet familjare”.

Komisariati i Policisë Shijak
Në vijim të komunikatës që bën fjalë për dhunë psikologjike ndaj bashkëshortes L.D, më datë 11.07.2017, u ndalua shtetasi në kërkim L.D, vjeç 53. Neni 130/a i Kodit Penal.

Më datë 11.07.2017, u plotësua kërkesë-padia për lëshimin e Urdhrit të mbrojtjes së menjëhershme,  për shtetasin L.K, vjeç  53 banues në Durrës, pasi dyshohet se  nipi A.K, vjeç 20, ka  ushtruar dhunë fizike e psikologjike ndaj tij. Materialet i kaluan Gjykatës së Rrethit Gjyqësor Durrës. Ligji nr. 9669, datë 18.12.2006, “Për masa ndaj dhunës në marrëdhëniet familjare”.

Komisariati i Policisë Elbasan
Elbasan
Më datë 11.07.2017 rreth orës 02:30 në aksin rrugor Elbasan – Labinot  Fushë, persona të paidentifikuar të cilët kanë qenë duke lëvizur me një mjet të paidentifikuar, në lëvizje e sipër dyshohen të kenë qëlluar në ajër me armë zjarri.
Grupi  hetimor,  nga veprimet e para hetimore, gjatë kqyrjes së vendit të ngjarjes, gjeti dhe sekuestroi në cilësinë e provës materiale:
3 gëzhoja të kalibrit 7.62 mm
Vijojnë hetimet për identifikimin dhe kapjen e autorit/ve

Materialet i kaluan Prokurorisë së Rrethit Gjyqësor Elbasan për veprime të mëtejshme për veprën penale "Prodhimi dhe mbajtja pa leje e armëve luftarake dhe e municionit" parashikuar nga neni 278 i Kodit Penal.

Më datë 11.07.2017, u referuan materialet në Prokurorinë e Rrethit Gjyqësor Elbasan, për shtetasin  R.XH, vjeç 27 banues në Elbasan, pasi dyshohet se në lagjen “28 Nëntori”, ka kanosur shtetasin A.I, vjeç 40, banues në Elbasan. Neni 84 i Kodit Penal.

Elbasan
Specialistët për Krimet, në Komisariatin e Policisë Elbasan, bënë referimin e materialeve në Prokurorinë e Rrethit Gjyqësor Elbasan për vlerësim ndaj shtetasit K.G., 31 vjeç banues në Elbasan me detyrë Sekretar i Këshillit  Bashkiak Elbasan.
Ky shtetas, më datë 10.07.2017 në orën 23:00 në Elbasan dyshohet të ketë ofenduar shtetasin B.D., 61 vjeç banues në Tiranë, me detyrë Shef i Sektorit Operacional në Ministrinë e Mjedisit.

Më datë 11.07.2017, shtetasi LL.GJ, vjeç 67, banues në Tiranë, kallëzon se në lagjen “Emin Matraxhiu”, në pallatin që ka ndërtuar, shtetasi G.R, vjeç 35, banues në këtë pallat, ka hapur një dritare pa autorizim dhe ky i fundit deklaron se dritarja është hapur sipas projektit. Materialet u referuan në Prokurorinë e Rrethit Gjyqësor Elbasan, për vlerësim.

Komisariati i Policisë Cërrik
Më datë 11.07.2017, u referuan materialet në Prokurorinë e Rrethit Gjyqësor Elbasan, për shtetasin B.M vjeç 65, banues në fshatin Shtëpanjë, pasi dyshohet se  ka ndërtuar një objekt, pa leje. Neni 199/a i Kodit Penal.

Më datë 11.07.2017, u referuan materialet në Prokurorinë e Rrethit Gjyqësor Elbasan, për shtetasin M.XH vjeç 38, banues në fshatin Shtëpanjë, pasi dyshohet se  ka  ndërtuar një objekt, pa leje. Neni 199/a i Kodit Penal.

Komisariati i Policisë Librazhd
Më datë 11.07.2017, u referuan materialet në Prokurorinë e Rrethit Gjyqësor Elbasan, për shtetasin P.K, vjeç 57, banues në fshatin Qukës-Skënderbe, pasi dyshohet se  më datë 10.07.2017, në Qukës, ka kanosur me fjalë bashkëfshatarin SH.K, vjeç 73 Neni 84 i Kodit Penal.

Komisariati i Policisë Korçë
Vijon kontrolli i territorit me qëllim parandalimin e rasteve të kultivimit të bimëve narkotike.
Asgjësohen 120 bimë të dyshuara si narkotike Cannabis Sativa.
Më  datë 11.07.2017, specialistët e Seksionit për Krimet në Komisariatin e Policisë Korçë, në vijim të zbatimit të planit të masave për kontrollin e territorit kanë goditur një rast të kultivimit të bimëve narkotike.
Nga informacione të siguruara në rrugë operative, si edhe gjatë kontrollit të ushtruar në fshatin Voskopojë, konkretisht pranë vendit të quajtur “Përroi i Qershisë”, u gjetën dhe asgjësuan në vend me anë të djegies 120 rrënjë bime të dyshuara si narkotike Cannabis Sativa.
Nga ana e Policisë po punohet për identifikimin, kapjen e autorit/ëve si edhe dokumentimin e plotë të ngjarjes.
Materialet i kaluan Prokurorisë të Rrethit  Gjyqësor Korçë, për veprën penale: “Kultivimi i bimëve narkotike” parashikuar nga neni 284 i Kodit Penal.

Më datë 11.07.2017, në lagjen nr. 1 parku “Rinia”, shtetases F.Z vjeç 61, banuese në Korçë, i kanë vjedhur një varëse floriri. Punohet për identifikimin dhe kapjen e autorit. Neni 134/1 i Kodit Penal.

Më datë 11.07.2017, u plotësua kërkesë-padia për lëshimin e Urdhrit të mbrojtjes së menjëhershme, për shtetasen F.N, vjeç 76, banuese në Korçë, pasi dyshohet se  djali L.N vjeç 43 ka ushtruar dhunë psikologjike ndaj saj. Materialet i kaluan Gjykatës së Rrethit Gjyqësor Korçë. Ligji nr. 9669, datë 18.12.2006, “Për masa ndaj dhunës në marrëdhëniet familjare”.

Komisariati i Policisë Maliq
Më datë 11.07.2017,  u referuan materialet në Prokurorin e Rrethit  Gjyqësor Korçë, për shtetasin A.Ç vjeç 48, banues në Maliq, pasi dyshohet se në Maliq, u kap duke ushtuar aktivitet të paligjshëm lojëra fati. Me cilësinë e provës materiale ju bllokuan  6 makina elektronike. Neni 197 i Kodit Penal.

Komisariati i Policisë Pogradec
Më datë 11.07.2017,  u plotësua kërkesë-padia për lëshimin e Urdhrit të mbrojtjes së menjëhershme, për shtetasen A.M vjeç 47, pasi dyshohet se  bashkëshorti F.M vjeç 45, ka ushtruar dhunë fizike e psikologjike ndaj saj. Materialet i kaluan Gjykatës së Rrethit Gjyqësor Pogradec. Ligji nr. 9669, datë 18.12.2006, “Për masa ndaj dhunës në marrëdhëniet familjare”.

Më datë 11.07.2017,  u arrestua në flagrancë shtetasi K.N, vjeç 29, banues në Korçë, me masë sigurie “Arrest shtëpie”,  pasi është kapur në lagjen nr. 2, i larguar nga vendi i qëndrimit. Neni 323 i Kodit Penal.

Më datë 11.07.2017, u referuan materialet në Prokurorinë e Rrethit  Gjyqësor Pogradec, për shtetasin J.Q, vjeç 61, banues në fshatin Trebinjë, pasi dyshohet se u konstatua duke ndërtuar shtesë kati, pa leje. Neni 199/a i Kodit Penal.

Komisariati i Policisë Kuçovë
Më datë 11.07.2017, u referuan materialet në Prokurorinë e Rrethit Gjyqësor Berat, për shtetasit Sh.P, G.F dhe A.Sh, vjeç  15, 15 e 15, banues në Kuçovë, pasi dyshohet se  më datë 25.06.2017, lagjen “11 Janari”, në bashkëpunim, kanë vjedhur 5 dyer e 5 dritare duralumin, në banesën e shtetasit M.S, vjeç 51 të cilat i kanë shitur për skrap. Neni 134/2 i Kodit Penal.

Komisariati i Policisë Fier
Më datë 11.07.2017, u plotësua kërkesë padia për lëshimin e Urdhrit të mbrojtjes, për shtetasen N.A, vjeç 35, pasi dyshohet se  vëllai i bashkëshortit, shtetasi G.A, vjeç 43, banues në Fier, ushtron dhunë psikologjike ndaj saj. Materialet i kaluan Gjykatës së Rrethit Gjyqësor Fier. Ligji 9669, datë 18.12.2006, “Për masa ndaj dhunës në mardhëniet familjare”.

Më datë 11.07.2017, u referuan materialet në Prokurorinë e Rrethit Gjyqësor Fier, për shtetasin E.K, vjeç 29, banues në fshatin Suk-1 Rroskovec, pasi dyshohet se  në banesë, punonjësit e OSHEE-së, kanë konstatuar vjedhje të energjisë elektrike. Neni 137 i Kodit Penal

Komisariati i Policisë Lushnjë  
Më datë 11.07.2017, u referuan materialet në Prokurorinë e Rrethit Gjyqësor Lushnjë dhe punohet për kapjen e shtetasit XH.D, vjeç 49, pasi dyshohet se  më datë 11.07.2017, bashkëshortja GJ.D, vjeç 46, ka bërë kallëzim se, ka ushtruar dhunë ndaj saj dhe vajzës K. D, 11 vjeçe. Neni 130/a/4 i Kodit Penal.

Komisariati i Policisë Mallakastër
Më datë 10.07.2017, në fshatin Kutë, në një kamping buzë lumit Vjosë, shtetasit J.S, vjeç 42 i kanë vjedhur një biçikletë me një karrel me dy rrota, ku ndodheshin enë kuzhine, rroba dhe këpucë. Punohet për identifikimin dhe kapjen e autorit. Neni 134 i Kodit Penal.

Komisariati i Policisë Vlorë
Në vijim të komunikatës që bën për vjedhje me dhunë ndaj shtetasit F.B, më datë 11.07.2017, u referuan materialet në Prokurorinë e Rrethit Gjyqësor Vlorë, për këtë shtetas, pasi dyshohet se  ka dhënë kallëzim të rremë. Neni 305 i Kodit Penal.

Më datë 11.07.2017, u ndalua shtetasi në kërkim A.M, vjeç 28, banues në Vlorë, pasi Prokuroria e Rrethit Gjyqësor Vlorë, e ka dënuar 3 muaj e 25 ditë burg, për veprën  penale ‘’Dhuna në familje”. Neni 130/a  Kodit Penal.

Më datë 11.07.2017, u referuan materialet në Prokurorinë e Rrethit Gjyqësor Vlorë, për shtetasen N.C, vjeç 22, banuese në Vlorë, pasi dyshohet se  në lagjen “Hajro Çakërri”, ka thyer xhamin e derës së dyqanit të shtetases E.K, vjeç 40, banuese në Vlorë. Neni 150 i Kodit Penal.

Më datë 11.07.2017, u referuan materialet Prokurorisë së Rrethit Gjyqësor Vlorë, për shtetasen O.B vjeç 58 banuese në Vlorë, pasi dyshohet se  më datë 09.07.2017, në lagjen “24 Maji”, ka plagosur lehtë me sende të forta shtetasen F.B, vjeç 45, banuese në Vlorë. Neni 89 i Kodit Penal.

Më datë 11.06.2017, u referuan materialet  në Prokurorinë e Rrethit Gjyqësor Vlorë, për shtetasin E.H, vjeç 30, banues në Vlorë, pasi dyshohet se  në lagjen “29 Nëntori”, në vendin e quajtur “Omonia”, ka  goditur me grusht shtetasin K.H, vjeç 36, banues në Vlorë. Neni 90 i Kodit Penal.

Komisariati i Policisë Gjirokastër
Më datë 11.07.2017, u referuan materialet në Prokurorinë e Rrethit Gjyqësor Gjirokastër, për shtetasit D.B e A.B, vjeç 46 e 48 banues në Gjirokastër, pasi dyshohet se  te “Parku i Kualidimit të Mjeteve”, kanë goditur me grusht me njëri-tjetrin. Neni 90 i Kodit Penal.

Më datë 11.07.2017, në fshatin Fushë bardhë, në banesë, është vethelmuar me fotoksinë shtetasja S.D, vjeç 52 e cila vdiq rrugës për në spital. Materialet u referuan në Prokurorinë e Rrethit Gjyqësor Gjirokastër. Neni 99 i Kodit Penal.

Komisariati i Policisë Përmet
Më datë 11.07.2017, u plotësua kërkesë-padia për lëshimin e Urdhrit të mbrojtjes së menjëhershme, për shtetasen E.N, vjeç 48, banuese në Përmet, pasi dyshohet se  në mënyrë të vazhdueshme, bashkëshorti A.N, vjeç 54, ka ushtruar dhunë psikologjike ndaj saj. Materialet i kaluan Gjykatës së Rrethit Gjyqësor Përmet. Ligji nr. 9669, datë 18.12.2006, “Për masa ndaj dhunës në marrëdhëniet familjare”.

Komisariati i Policisë Lezhë
Më datë 11.07.2017, u arrestua në flagrancë shtetasi K.M, vjeç 23, banues në fshatin Kallmet, pasi në bulevard, u kap duke drejtuar pa leje drejtimi, ciklomotorin tip “Lifan”. Neni 291 i Kodit Penal.

Më datë 11.07.2017, në lagjen “Varosh”, është konstatuar vjedhja e banesës të shtetasit A.M, vjeç 41, ku kanë marrë një “Ipad” e një makinë qethse. Nga veprimet e kryera rezulton se, autori është shtetasi në kërkim P.D, vjeç 14, banues në Lezhë. Materialet u referuan në Prokurorinë e Rrethit Gjyqësor Lezhë. Neni 134 i Kodit Penal.

Më datë 11.07.2017, shtetasi F.L, vjeç 38, banues ne fshatin Manati, ka bërë kallëzim se gjatë natës, në një pikë rritje lulesh te kryqëzimi i Rrilës, kanë vjedhur një pompë plastike. Punohet për identifikimin dhe kapjen e autorit. Materialet u referuan në Prokurorinë e Rrethit Gjyqësor Lezhë. Neni 134 i Kodit Penal.

Komisariati i Policisë Kurbin
Kurbin
Ndërhyrja në kohë e policisë së Kurbinit parandalon përshkallëzimin e një konflikti
Arrestohet në flagrancë autori i konfliktit si dhe i sekuestrohet arma e zjarrit , e mbushur me fishek në fole
Më datë 11.07.2017, është marrë njoftim se në një lokal në Laç , ka një konflikt , ku njëri nga shtetasit ka dhe armë zjarri.
Menjëherë në vendngjarje kanë mbërritur shërbimet policore  që ka konstatuar se shtetasi J.GJ , pas një konflikti për motive të dobëta me shtetasin D.N. 20 vjeç , banues në Laç , brenda në lokal , e ka kanosur me armë zjarri pistoletë si dhe e ka goditur me pjesët metalike të saj.
Reagimi në kohë  i policisë së Komisariatit të Kurbinit , ka bërë të mundur arrestimin në flagrancë të shtetasit :
J.GJ , 19 vjeç , banues në Laç
Në flagrancë iu sekuestrua edhe arma e zjarrit pistoletë e markës  EKOL –Specila-99, e mbushur me fishek në fole , si dhe me 2 fishekë në krehër të cilat i mbante pa leje.
Materialet proçeduriale i kaluan Prokuorisë së Rrethit Gjyqësor Kurbin, për veprat  penale ““Prodhimi dhe mbajtja pa leje e armëve luftarake dhe municionit ”  “Kanosja”  dhe “Plagosje e lehtë me dashje”  parashikuar nga nenet   278/4, 84 e 89 te Kodit Penal.

Komisariati i Policisë Shkodër
Më datë 11.07.2017, u referuan materialet në Prokurorinë e Rrethit Gjyqësor Shkodër, për shtetasin M.M, vjeç 51, banues në Shkodër, pasi dyshohet se  u konstatua duke kryer punime në banesë, pa leje. Neni 199/a i Kodit Penal.

 Më datë 11.07.2017, u referuan materialet në Prokurorinë e Rrethit Gjyqësor Shkodër, për shtetasin J.M, vjeç 68, banues në fshatin Mushan, Dajç, pasi dyshohet se  u konstatua duke kryer punime në banesë, pa leje. Neni 199/a i Kodit Penal.

Më datë 11.07.2017, u referuan materialet në Prokurorinë e Rrethit Gjyqësor Shkodër, për shtetasin M.K vjeç 18, banues në Shkoder pasi dyshohet se  më datë 07.07.2017, në lagjen “Ndoc Mazi”, ka kanosur shtetasin G.D, vjeç 19, banues në Shkodër. Neni 84 i Kodit Penal.

Më datë 11.07.2017, u referuan materialet në Prokurorinë e Rrethit Gjyqësor Shkodër, për shtetasin P.G vjeç 60, banuese në fshatin Darragjat, pasi dyshohet se  në plazh Velipojë, punonjësit e OSHEE-së, kanë konstatuar vjedhje të energjisë elektrike. Neni 137 i Kodit Penal.

Më datë 11.07.2017, u referuan materialet në Prokurorinë e Rrethit Gjyqësor Shkodër, për shtetasin A.P, vjeç 41 banues në Vau Dejës, pasi dyshohet se  në qytet, për shkak të detyrës, ka kundërshtuar punonjësit e policisë bashkiake Shkodër. Neni 235 i Kodit Penal.

Komisariati i Policisë Kukës
Më datë 11.07.2017, u referuan materialet në Prokurorinë e Rrethit Gjyqësor Kukës, për shtetasin SH.SH, vjeç 91, banues në fshatin Bardhoc, pasi dyshohet se në banesë, punonjësit e OSHEE-së,  kanë konstatuar lidhje të paligjshme të energjisë elektrike. Neni 137 i Kodit Penal.

Komisariati i Policisë Tropojë
Informacion paraprak
Më datë 11.07.2017, në fshatin Çereç-Mulaj, Lekbibaj, një turist çek e ka kafshuar gjarpri dhe është larguar bashkë me një turiste në këmbë drejt Thethit, i cili ndodhet te familja e shtetasit L.G, në Çerek-Mulaj, në gjendje të rëndë shëndetësore. Është njoftuar spitali i qytetit “Bajram Curri”, për t’i dhënë ndihmën mjekësore. Punohet për sqarimin e rrethanave të ngjarjes.

Komisariati i Policisë Has
Më datë 11.07.2017, u referuan materialet në Prokurorinë e Rrethit Gjyqësor Kukës, për shtetasin R.G vjeç 55, banues në fshatin Branogë, pasi dyshohet se në banesë, nga punonjësit e OSHEE-së, u konstatua lidhje e paligjshme e energjisë elektrike. Neni 137/1 i Kodit Penal.

Komisariati i Policisë Dibër
Dibër
Ushtron dhunë  fizike ndaj bashkëshortes së tij.
Arrestohet nga Policia.
Nga Specialistët për Hetimin e Krimit në Komisariatin e Policisë Dibër, është bërë arrestimi në flagrancë i shtetasit :
E.M, 53 vjeç, banues në Peshkopi.
Arrestimi i tij u bë pasi në Komisariatin e Policisë Dibër, është paraqitur dhe ka bërë kallzim bashkëshortja e tij, shtetasja D.M, 37 vjeçe se bashkëshorti i saj në mënyrë të vazhdueshme, ka ushtruar dhunë fizike dhe psikologjike edhe në prezencë të fëmijëve të tyre të mitur.
Materialet hetimore i kaluan Prokurorisë Rrethit Gjyqësor Dibër, për veprën penale "Dhunë në familje", parashikuar nga neni 130/a, pika 4, i Kodit Penal.

Komisariati i Policisë Bulqizë
Më datë 11.07.2017, u referuan materialet në Prokurorinë e Rrethit Gjyqësor Dibër, për shtetasin H.C, vjeç 78, banues në fshatin Malcu, pasi dyshohet se  më datë 08.07.2017, në Krastë, i ka vënë zjarrin gardhit të shtetasit B.K, vjeç 58, banues në Krastë, duke i djegur 5 dru frutorë kumbull e qershi. Neni 150 i Kodit Penal.

Komisariati i Policisë Mat
Më datë 10.07.2017,  kodrat e fshatit Patin, Klos, ka rënë zjarr ku janë djegur 5 hektar me dru pishë e dushk. Punohet për përcaktimin e shkakut të zjarrit, identifikimin dhe kapjen e autorëve. Materialet u referuan në Prokurorinë e Rrethit Gjyqësor Mat. Neni 151 i Kodit Penal.

Më datë 11.07.2017, u referuan materialet në Prokurorinë e Rrethit Gjyqësor Mat, për vlerësim, pasi dyshohet se  më datë 10.07.2017, në aksin rrugor Klos-Bulqizë, në “Qaf-Buall”, nga një shkëndijë elektrike është djegur mjeti tip “Renault-Megan”, me drejtues shtetasin A.SH, vjeç 32, banues në Lushnjë.

Më datë 11.07.2017, gjatë natës, në lagjen “Drita”, është vjedhur banesa e shtetasit L.T, vjeç 55, banues në Burrel, ku kanë marrë një telefon celular. Punohet për identifikimin dhe kapjen e autorit. Neni 134 i Kodit Penal.

DEPARTAMENTI PER KUFIRIN DHE MIGRACIONIN

Drejtoritë Vendore për Kufirin dhe Migracionin Durrës
Më datë 11.07.2017, u referuan materialet në Prokurorinë e Rrethit Gjyqësor Lezhë, për shtetasit P.GJ e M.GJ, vjeç 40 e 34, banues në Lezhë, pasi dyshohet se  kanë braktisur fëmijën V.GJ, 14 vjeç, i cili më datë 08.02.2017, ka dalë jashtë shtetit sipas deklaratës noteriale të tyre dhe nuk është kthyer pranë familjes. Neni 124 i Kodit Penal.

Drejtoritë Vendore për Kufirin dhe Migracionin Vlorë
Më datë 11.07.2017, në SPKM Port, u kap shtetasi në kërkim L.D, vjeç 53 banues në Shijak, pasi dyshohet se  më datë 14.06.2017, ka ushtruar dhunë në familje. Neni  130/a i Kodit Penal.

Drejtoritë Vendore për Kufirin dhe Migracionin Shkodër
Më datë 11.07.2017, në SPKM Muriqan, u kap shtetasja në kërkim A.H, vjeç 19, pasi dyshohet se  më datë 01.07.2017, është larguar nga banesa.

Drejtoritë Vendore për Kufirin dhe Migracionin Kukës
Më datë 11.07.2017, u referuan materialet në Prokurorinë e Rrethit Gjyqësor Dibër, për shtetasin A.K, vjeç 22 banues në Peshkopi, pasi dyshohet se  në SPKM Bllatë, Dibër, u kap me pasaportë të falsifikuar. Neni 189 i Kodit Penal.

Më datë 11.07.2017, në PKK Morinë, u kap shtetasi në kërkim S.F, vjeç 30, banues në Lezhë, për veprat penale “Plagosja e rëndë me dashje” dhe “Prodhimi dhe mbajtja pa leje e armëve luftarake dhe e municionit”. Nenet 88 e 278 të Kodit Penal.

Arkiva

Nentor 2017
He Ma Me En Pr Sh Di
30 31 1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 1 2 3

Fushata Sensibilizuese

Video te tjera ...