Informacion mbi ngjarjet, arrestimet, ndalimet dhe procedimet në 24 orët e fundit 17 Korrik 2017

INFORMACIONE PËR NGJARJE TË JASHTËZAKONSHME DHE EMERGJENTE1Drejtoria PPSH.1

Drejtoria Vendore e Policisë Tiranë
Më datë 16.07.2017, ora 18:15, në fshatin Pinet, ka rënë zjarr ku digjen shkurre. Në vendngjarje janë dërguar shërbimet zjarrfikëset. Punohet për fikjen e zjarrit.

Më datë 17.07.2017, ora 02:00, në Kodër Marikaj, ka rënë zjarr ku digjen në shkurre,  zjarrfikëset nuk mund të hyjnë po merren masa për të shuar zjarrin me mjete rrethanore.

Drejtoria Vendore e Policisë Durrës
Më datë 16.07.2017, ora 19:30, në Krastë, ka rënë zjarr, ku janë djegur shkurre dhe pisha. Mjetet zjarrfikëse bënë të mundur fikjen e zjarrit. Materialet u referuan në Prokurorinë e Rrethit Gjyqësor Krujë, për vlerësim.

Më datë 16.07.2017, ora 20:15, në fshatin Draç Ishëm, ka rënë zjarr ku digjen ferra e shkurre. Në vendngjarje u dërguan mjetet zjarrfikëse. Punohet për fikjen e zjarrit.

Drejtoria Vendore e Policisë Berat
Informacion paraprak.
Më datë 16.07.2017 ora 23:56, në Poliçan, Skrapar, ka rënë zjarr në kasollet e disa shtetasve, i cili në orën 23:58, u fik nga shërbimi zjarrfikës. Punohet për sqarimin e rrethanave të rënies së zjarrit, identifikimin dhe kapjen e autorit. Informacion paraprak.

Drejtoria Vendore e Policisë Fier
Më datë 15.07.2017, ora 11:00, në fshatin Jarua, ka rënë zjarr në ullishtën e shtetasit B.S, vjeç 42 banues në Levan, ku është djegur një sipërfaqe prej 5 dynym me 60 rrënjë ullinj. Punohet për përcaktimin e shkakut të rënies së zjarrit, identifikimin dhe kapjen e autorëve. Neni 151 i Kodit Penal.

Drejtoria Vendore e Policisë Vlorë
Më datë 16.07.2017, ora 17:50, në kodrat pranë fshatit Borsh, është konstatuar një vatër zjarri, ku rrezikohet një banesë. Në vendngjarje u dërguan shërbimet e policisë dhe zjarrfikësja, për shuarjen e zjarrit dhe monitorimin e situatës.

Drejtoria Vendore e Policisë Lezhë
Më datë 16.07.2017, ora 18:00, në fshatin Berzanë, si pasojë e një shkëndije nga përcjellësit elektrik që vijnë nga kabina, ka rënë zjarr në  shkollën fillore, ku është djegur një pjesë e shkollës. Materialet u referuan në Prokurorinë e Rrethit Gjyqësor Lezhë, si ngjarje aksidentale.

Më datë 16.07.2017, ora 18:20, në fshatin Mabe, ka rënë zjarr në një sipërfaqe prej 3000 m2  me shkurre dhe bar. Nga veprimet dyshohet se zjarri mund të ketë ndodhur si pasojë e hedhjes nga pakujdesia e ndonjë cigareje. Materialet u referuan në Prokurorinë e Rrethit Gjyqësor Lezhë, si ngjarje aksidentale.


Më datë 16.07.2017, ora 08:00, në fshatin Grykë Lumi, ka rënë zjarr në një sipërfaqe prej 200 m2 me shkurre dhe barë, në pronësi të shtetases V.S, vjeç 40. Dyshohet që zjarri të jetë si pasojë e djegies së disa mbeturinave në rrugë. Materialet u referuan në Prokurorinë e Rrethit Gjyqësor Lezhë, si ngjarje aksidentale.

Më datë 16.07.2017, ora 08:00, në  fshatin Kodër Dajç, ka rënë zjarr në një sipërfaqe prej 500 m2 me shkurre, dyshohet se zjarr ka ndodhur si pasojë e hedhjes së ndonjë cigareje. Materialet u referuan në Prokurorinë e Rrethit Gjyqësor Lezhë.

Më datë 16.07.2017, ora 22:45, në fshatin Grykë Manati, ka rënë zjarr në pyll, i cili favorizohet nga era. Shërbimet zjarrfikëse punojnë për shuarjen e zjarrit.  

Më  datë 16.07.2017,nga Seksioni për Hetimin e Krimeve në Komisariatin e Policisë Lezhë ,  u arrestua në flagrancë shtetasi F.S, 55 vjeç,  banues në Kallmet  Lezhë.
Ky shtetas dyshohet se në  orën 18:00,  në parcelën në pronësi të tij  përballë shinave të trenit të linjës Shkodër-Lezhë, ka ndezur zjarr për djegien e kashtës së grurit , i cili ka dalë jashtë kontrollit duke djegur dhe 30 copë traversa prej druri të shinave të trenit të kësaj linje.
 Materialet proceduriale i kaluan Prokurorisë së  Rrethit Gjyqësor Lezhë për veprën penale "Shkatërrim prone me zjarr" parashikuar nga  neni 151/1 i Kodit Penal.

Më datë 13.07.2017, ora 16:00, në fshatin Nënshenjt, Mirëditë, ka rënë zjarr në një sipërfaqe prej 4 ha me pisha e shkurre, i cili u shua më datë 15.07.2017, ora 21:00, ku është djegur 1 ha me pisha e shkurre. Punohet për përcaktimin e shkakut të rënies së zjarrit, identifikimin dhe kapjen e autorëve. Neni 206/b i Kodit Penal.

Më datë 15.07.2017, ora 14:30, në Milot Kurbin, afër shkollës, ka rënë zjarr në një sipërfaqe prej 1.2 ha me pisha, ku janë djegur shkurre, barishte e mbetje. Nga veprimet e kryera rezulton se, zjarri ka rënë nga pakujdesia e banorëve të zonës. Materialet u referuan në Prokurorinë e Rrethit Gjyqësor Kurbin, për vlerësim.

Drejtoria Vendore e Policisë Shkodër
Më datë 16.07.2017, ora 10:30, në fshatin Trush, tek “Ura e Gjolulit”, ka rënë zjarr, ku digjen barishte e shkurre, nuk ka probleme për banesa. Shërbimet punojnë për shuarjen e zjarrit.

Më datë 16.07.2017, ora 17:10, në fshatin Vilëz, ka rënë zjarr në malin afër xhamisë fshatit, ku digjen shkurre e barishte. Kërkohet ndërhyrje nga ajri pasi terreni është i vështirë.

Më datë 16.07.2017, ora 00:30, fshati Vig, në vendin e quajtur “Kodra e Qelës”, ka rënë zjarr, ku janë djegur 15 ha me shkurre, kullota dhe 2 dynym me pisha. Punohet për përcaktimin e shkakut të rënies së zjarrit, identifikimin dhe kapjen e autorit. Materialet u referuan në Prokurorinë e Rrethit Gjyqësor Shkodër. Neni 151 i Kodit Penal.

VEPRA PENALE QË LIDHEN ME SEZONIN TURISTIK VEROR

Drejtoria Vendore e Policisë Lezhë
Më datë 16.07.2017, në fshatin Kune, para pallatit në ndërtim te nje shoqerie private, nga era e fortë ka rënë armatura dhe ka dëmtuar mjetet tip “Volksvagen dhe Benz” të shtetasve B.H dhe F.M, vjeç 31 e 29, banues në Kosovë e Austri. Neni 150 i Kodit Penal.

DEPARTAMENTI PËR HETIMIN E KRIMIT TE ORGANIZUAR DHE KRIMET E
RËNDA
DREJTORITË VENDORE TË POLICISË

Drejtoria Vendore e Policisë Tiranë
Seksioni për narkotikët
Më datë 16.07.2017, u ndaluan shtetasit F.M dhe A.M, vjeç 51 e 40 banues në Tiranë, pasi Gjykata e Shkallës së Parë për Krimet e Rënda, ka caktuar masën e sigurisë “Arrest në shtëpie”, për veprat penale “Prodhimi dhe shitja e narkotikëve” dhe “Trafikimi i Narkotikëve” të kryera në bashkëpunim. Nenet 283, 25, 283/a dhe 25 të Kodit Penal.

Komisariati Rajonal i Policisë Rrugore
Më datë 16.07.2017, u arrestua në flagrancë shtetasi E.H, vjeç 28, banues në Tiranë, me leje drejtimi, pasi u kap duke drejtuar në gjendje të dehur, mjetin tip “Benz”. Neni 291 i Kodit Penal.

Më datë 16.07.2017, u referuan materialet në Prokurorinë e Rrethit Gjyqësor Tiranë, për shtetasin SH.M, vjeç 36 banues në Tiranë, pasi dyshohet se në rrugën “Konferenca e Pezës”, duke drejtuar me leje drejtimi fuoristradën tip “Land Rover” ka goditur mjetin tip “Toyota” me drejtues shtetasin A.B, vjeç 31, banues në Tiranë, ku është aksidentuar pasagjerja M.L, vjeç 31, banuese në Tiranë, e cila pas mjekimit në spital u largua në banesë. Neni 290 i Kodit Penal.

Më datë 16.07.2017, u arrestua në flagrancë shtetasi SH.S vjeç 56 banues në Tiranë, pasi në rrugën e “Elbasanit”, u kap duke drejtuar pa leje drejtimi motorin tip “ Yamaha”. Neni 291 i Kodit Penal.

Më datë 16.07.2017, u arrestua  në flagrancë shtetasi B.H, vjeç 52, banues në Tiranë, pasi në rrugën e “Elbasanit”, u kap duke drejtuar pa leje drejtimi motorin tip “ Lifan”. Neni 291 i Kodit Penal.

Më datë 16.07.2017, u arrestua në flagrancë shtetasi D.K, vjeç 36, banues në Kamzë, pasi në rrugën e “Elbasanit”, u kap duke drejtuar pa leje drejtimi motorin tip “Alesin”. Neni 291 i Kodit Penal.

Më datë 16.07.2017, u arrestua në flagrancë shtetasi R.Ç, vjeç 51, banues në Tiranë, pasi te Sheshi “Shqiponja”, u kap duke drejtuar në gjendje të dehur, mjetin tip “Volksvagen”. Neni 291 i Kodit Penal.

Më datë 16.07.2017, u arrestua në flagrancë shtetasi A.Ç, vjeç 32 banues në Tiranë, pasi në rrugën “Ali Demi”, u kap duke drejtuar pa leje drejtimi, motorin tip “Dayang”. Neni 291 i Kodit Penal.

Më datë 16.07.2017, u arrestua në flagrancë shtetasi K.Z vjeç 51, banues në Tiranë, pasi në rrugën “5 Maji”, u kap duke drejtuar pa leje drejtimi, motorin tip “Lifan”. Neni 291 i Kodit Penal.

Më datë 16.07.2017, u arrestua në flagrancë shtetasi E.L vjeç 32, banues në Tiranë, pasi në rrugën “Ali Demi”, u kap duke drejtuar pa leje drejtimi, motorin tip “Yamaha”. Neni 291 i Kodit Penal.

Më datë 17.07.2017, u arrestua në flagrancë shtetasi G.T, vjeç 51, banues në Tiranë, pasi u kap duke drejtuar pa leje drejtimi, motorin tip “Dayang”. Neni 291 i Kodit Penal.

Informacion paraprak.
Më datë 17.07.2017, në autostradën Durrës-Tiranë, në Vorë, është gjetur i përplasur me trafikndarësen dhe i braktisur mjeti tip “Fiat” në pronësi të shtetases S.L. Punohet për sqarimin e rrethanave të ngjarjes, identifikimin dhe kapjen e drejtuesit.

Drejtoria Vendore e Policisë Durrës
Seksioni kundër krimeve ndaj personit
Specialistët për Hetimin e Krimeve të Rënda në Drejtorinë Vendore të Policisë Durrës arrestuan në flagrancë shtetasin:
M.B 27 vjeç, banues në fshatin Xhafzotaj, Shijak.
Më datë 16.07.2017, në një lokal në lagjen Nr.12, pas një konflikti të çastit për motive të dobëta ka tentuar të vrasë me thikë, duke e goditur në trup shtetasin E.R. 30 vjeç, banues në Durrës.
Për paosjë, I dëmtuari ndodhet në Spitalin Rajonal Durrës nën kujdesin e mjekëve.
Materialet I kaluan Prokurorisë së Rrethit Gjyqësor Durrës për veprime të mëtejshme për veprën penale ” Vrasja me dashje” e mbetur në tentativë parashikuar në nenin 76, 22 të Kodit Penal.

Seksioni i hetimit të ngjarjeve në qarkullimin dhe AIS
Më datë 16.07.2017, u referuan materialet në Prokurorinë e Rrethit Gjyqësor Durrës, për shtetasin Q.R, vjeç 49 banues në Tiranë, me leje drejtimi, pasi dyshohet se në lagjen nr. 13, u kap duke drejtuar në gjendje të dehur, mjetin tip “Ford”. Neni 291 i Kodit Penal.

Specialistët e Sektorit të Policisë Rrugore në Drejtorinë Vendore të Policisë Durrës arrestuan në flagrancë shtetasin:
H.B 41 vjeç, banues në Plazh.
Më datë 16.07.2017, rreth orës 19:30, duke drejtuar mjetin tip Fiat ka goditur mjetet tip Benz dhe Ford me drejtues shtetasit M.N. dhe K. R.
H.B rezultoi se ishte në gjendje të dehur.
Materialet i kaluan Prokurorisë së Rrethit Gjyqësor  Durrës për veprime të mëtejshme për veprën penale “Drejtimi I autiomjeteve në mënyrë të parregullt” parashikuar në nenin 291 të Kodit Penal.

Më datë 16.07.2017, u referuan materialet në Prokurorinë e Rrethit Gjyqësor Durrës, për shtetasit M.GJ  dhe P.Ç, vjeç 26 e 17, banues në Durrës, pasi dyshohet se në rrugën e dëshmorëve, M.GJ duke drejtuar mjetin tip “BMW” është përplasur me motorin tip “Nagati”, që drejtohej pa leje drejtimi, nga P.Ç, për pasojë janë dëmtuar drejtuesi i motorit dhe pasagjeri S.K, vjeç 39, banues në Durrës, të cilët ndodhen në spital jashtë rreziku për jetën. Nenet 290 e 291 të Kodit Penal.

Drejtoria Vendore e Policisë Elbasan
Seksioni i hetimit të ngjarjeve në qarkullimin dhe AIS
Më datë 16.07.2017, u arrestua  në flagrancë shtetasi RR.Ç, vjeç 63, banues në Peqin, pasi në aksin rrugor Cerrik-Gostimë, u kap nga shërbimet e policisë  duke drejtuar pa leje drejtimi, mjetin tip “Opel”. Neni 291 i Kodit Penal.

Drejtoria Vendore e Policisë Korçë
Seksioni për narkotikët
Qafë-Thanë
Shërbimet e Policisë Kufitare në Qafë-Thanë, në bashkëpunim me specialistët e seksionit për
Narkotikët në Drejtorinë Vendore të Policisë Korçë, bënë kapjen dhe arrestimin në flagrancë të shtetasve :
T.A, 19 vjeç,
N.S 20 vjeç dhe
A.F, 21 vjeç, të tre banues në Shkup.
Më datë 16.07.2017, këta shtetas janë paraqitur në pikën e kalimit kufitar me mjetin tip
“Mitsubishi” (në pronësi të shtetasit N.S). Gjatë kontrollit trupor të ushtruar shtetasit T.A, iu gjetën dhe sekuestruan në cilësinë e provës materiale 4 (katër) qese me peshë 16.6 gr lënde narkotike e dyshuar si Cannabis Sativa.
Dy shtetasit e tjerë, kanë patur dijeni për këtë fakt dhe nuk kanë kallëzuar në organet e Policisë.
Materialet i kaluan Prokurorisë të Rrethit Gjyqësor Pogradec për veprat penale : “Prodhimi dhe shitja e narkotikëve” në ngarkim të shtetasit T.A dhe “Moskallëzimi i krimit” në ngarkim të dy shtetasve të tjerë, parashikuar nga nenet 283 e 300 të Kodit Penal.

Seksioni i hetimit të ngjarjeve në qarkullimin dhe AIS
Specialistët e Sektorit të Qarkullimit Rrugor arrestuan në flagrancë shtetasin:
N.M, 71 vjeç, banues në Poliçan, Skrapar, pasi:
Në aksin rrugor Fier - Roskovec, në hyrje të fshatit Zharrës, duke drejtuar automjetin
tip Benz është përplasur me motomjetin tip Lonçina që drejtohej nga shtetasi E.M, 39 vjeç, banues në fshatin Sheqishte, Fier, i cili ndodhet në Spitalin Rajonal Fier nën kujdesin e mjekeve.
Materialet i kaluan Prokurorisë pranë Gjykatës së Shkallës së Parë Fier për veprën
penale “Shkelje e rregullave të qarkullimit rrugor” parashikuar nga Neni 290 i Kodit Penal.

Drejtoria Vendore e Policisë Berat
Seksioni i hetimit të ngjarjeve në qarkullimin dhe AIS
Më datë 17.07.2017 u arrestua në flagrancë shtetasi I.S, vjeç 28 banues në fshatin Vodicë, pasi në rrugën Berat-Poliçan, duke drejtuar mjetin tip “Benz” ka aksidentuar shtetasit F.K, S.K dhe A.H, vjeç 48, 15 e 15 banues në Uznovë, të cilët ndodhen në spital jashtë rrezikut për jetën. Neni 290 i Kodit Penal.

Drejtoria Vendore e Policisë Fier
Seksioni i hetimit të ngjarjeve në qarkullimin dhe AIS
Më datë 16.07.2017, u referuan materialet në Prokurorinë e Rrethit Gjyqësor Fier, për shtetasin TH.SH, vjeç 54 banues në Fier, me leje drejtimi, pasi dyshohet se në autostradën Levan-Tepelenë, në fshatin Buzmadh, duke drejtuar mjetin tip “Skoda” ka dalë nga rruga, për pasojë ka gjetur vdekjen nëna e drejtuesit, A.SH, vjeç 89 dhe ndodhet në spital nën kujdesin e mjekëve djali i mitur S.Sh, vjeç 8. Neni 290/1 i Kodit Penal.

Drejtoria Vendore e Policisë Vlorë
Seksioni kundër krimeve ndaj pronës
Më datë 16.07.2017, u ekzekutua vendimi i Gjykatës Rrethit Gjyqësor Vlorë, për ndryshimin e masës së sigurisë nga “Arrest në burg” në “Detyrim paraqitje në policinë gjyqësore“, për shtetasin Z.F vjeç 36, banues në Vlorë, për veprën penale “Vjedhja me armë” e kryer në bashkëpunim, ngjarje e datës 30.06.2017. Nenet 140 e 25 të Kodit Penal
 
Drejtoria Vendore e Policisë Gjirokastër
Seksioni i hetimit të ngjarjeve në qarkullimin dhe AIS
Gjirokastër.
Në aksin rrugor Gjirokastër – Kakavie, në afërsi të fshatit Dervician, një automjet ka aksidentuar për vdekje shtetasin A.Q, 87 vjeç, banues në Sarandë.
Autori është larguar nga vendi i ngjarjes.
Po punohet për identifikimin dhe  kapjen e autorit.
Materialet i kaluan Prokurorise së Rrethit Gjyqësor, Gjirokastër për veprime të mëtejshme.

Drejtoria Vendore e Policisë Lezhë
Seksioni për narkotikët
Seksioni për narkotikët
Më datë 16.07.2017, u referuan materialet në Prokurorinë e Rrethit Gjyqësor Lezhë, për shtetasit G.M e A.F vjeç 26 e 27, banues në Lezhë, pasi në qytet në Lezhë ,  kur punonjësi i patrullës së përgjithme ka ndërhyrë për të kapur shtetasin në kërkim G.M, me masë sigurie “Arrest në burg”, ka kundërshtuar me forcë dhe është larguar duke u ndihmuar nga A.F, me mjetin tip “Benz” i cili u gjet i braktisur më pas. Nga kontrolli ju gjet 22.49 gr. lëndë narkotike e llojit Heroinë. Me cilësinë e provës materiale, u bllokua edhe mjeti tip “Benz” që përdorej nga G.M. Punohet për kapjen e G.M dhe A.F. Nenet 236/2, 302 e 283 të Kodit Penal.

Seksioni i hetimit të ngjarjeve në qarkullimin dhe AIS
Më datë 16.07.2017, u referuan materialet në Prokurorinë e Rrethit Gjyqësor Lezhë, për shtetasin E.H, vjeç 19, banues në Lezhë, pasi dyshohet se në superstradë, tek rotondo në Ishull Shëngjin, duke drejtuar mjetin tip “Audi A6” ka dalë nga rruga, për pasojë është aksidentuar drejtuesi dhe pasagjerët, D.M dhe V.B, vjeç 17 e 17, banues në Lezhë, të cilët pas mjekimit në spital, u larguan në banesa. Neni 290/1 i Kodit Penal.

Më datë 16.07.2017, u arrestua në flagrancë shtetasi GJ.D, vjeç 41, banues në Rrasfik, Mirditë, pasi në rrugën Lezhë-Milot, u kap duke drejtuar pa leje drejtimi, motorin tip “Dayang”. Neni 291 i Kodit Penal.

Më datë 16.07.2017, u referuan materialet në Prokurorinë e Rrethit Gjyqësor Kurbin, për shtetasin A.B, vjeç 51, banues në Shkodër, pasi dyshohet se, në rrugën Milot-Laç, te mbikalimi i Patokut, duke drejtuar me leje drejtimi mjetin tip “Benz” është përplasur me mjetin tip “Alfa Romeo” që drejtohej me leje drejtimi nga shtetasi A.K, vjeç 30, banues në fshatin Kurdari, Mat, për pasojë është aksidentuar pasagjerja E.K, vjeç 24, banuese në Kurdari, e cila ndodhet në spital nën kujdesin e mjekëve. Neni 290/1 i Kodit Penal.

Lezhë
Informacion përfundimtar në lidhje me aksidentin e ndodhur
Më datë 16.07.2017, rreth orës 18:33, në aksin rrugor Interurban dytësor Lezhë-Shkodër, në afërsi të Kryqëzimit të Kodhelit me Gjadrin - Lezhë, ka ndodhur një aksident automobilistik.
Nga hetimet paraprake të kryera , dyshohet  se mjeti Audi që drejtohej nga shtetasi
K.B , duke kryer parakalim të gabuar , është përplasur me mjetin Volkswagen Polo që drejtohej nga shtetasi kosovar B.F.
Kurse mjeti Benz që drejtohej nga shtetasi B.B., ( vëllai i drejtuesit të mjetit Audi), ka qenë duke ecur pas mjetit Audi , dhe pasi ka parë përplasjen , ka ndaluar për tu dhënë ndihmën e
parë të dëmtuarve , por nuk ka siguruar mjetin , i cili ka rënë në kanalin vaditës, buzë rrugës.Nuk ka pasur të lënduar në njerëz pasi kishin dalë nga mjeti të gjithë.
Si pasojë e aksidentit ka mbetur i vdekur në vend drejtuesi i mjetit Volkswagen shtetasi B.F. 39 vjeç , banues në Kosovë si dhe është dëmtuar pasagjeri në këtë mjet  , vëllai i drejtuesit , shtetasi B.F. 37 vjeç i cili ndodhet në spitalin e Lezhës nën kujdesin e mjekëve.
Gjithashtu janë lënduar  drejtuesi i mjetit Audi dhe pasagjerët po në këtë mjet,  ku nga këta,  shtetasi K.B ,  44 vjeç  dhe  pasagjeria S.B. 35 vjeçe ,banues në Shkodër,  ndodhen në Spitalin
Rajonal Lezhë nën kujdesin e mjekëve jashtë rrezikut për jetën.
Ndërsa shtetasit V.M. 70 vjeçe,  N.T. 17 vjeçe dhe  A.B. 3  vjeç,  banues në Shkodër ndodhen në Qendrën e Traumës në Tiranë nën kujdesin mjekësor.
Shtetasi K.B,  u arrestua në flagrancë , për veprën penale “Shkelja e rregullave të
qarkullimit rrugor” parashikuar nga neni 290/3 i Kodit Penal.
Materialet proceduriale do ti kalojnë Prokurorisë së Rrethit Gjyqësor Lezhë , për veprime të mëtejshme.

Drejtoria Vendore e Policisë Shkodër
Seksioni për narkotikët
Shkodër
Policia Kufitare  godet një tjetër tentativë për trafik ndërkombëtar të lëndëve narkotike.
Operacion i koduar "Bukoviç".
Sekuestrohen 4 kilogramë e 124 gramë  lëndë narkotike e dyshuar Heroinë.
Gjithashtu sekuestrohen 32 kilogramë lëndë narkotike e dyshuar Cannabis Sativa.
Shpallen në kërkim dy shtetas që transportonin lëndën narkotike.
Në vijim të punës për parandalimin dhe goditjen e trafikit ndërkombëtar të lëndëve narkotike, Drejtoria Rajonale Për Kufirin dhe Migracionin Shkodër në bashkëpunim me Sektorin për Hetimin e Narkotikëve kanë goditur një tjetër rast të tentativës për trafik të lëndëve narkotike.
Nga shërbimet e Policisë Kufitare  të Drejtorisë Rajonale për Kufirin dhe Migracionin Shkodër, që patrullojnë në vijën e gjelbër  është marrë  informacion  në rrugë operative  se në vendin e quajtur “Bukoviç”, Njësia Administrative Kastrat, Malësi e Madhe, rreth 100-150m larg kufirit të gjelbër, dy shtetas  po transportonin lëndë narkotike në drejtim të Malit të Zi.
Shërbimet e Policisë Kufitare menjëherë janë vënë në ndjekje të tyre si dhe  kanë kërkuar mbështetje me forca të tjera ku është njoftuar edhe Sektori për Hetimin e Narkotikëve në Drejtorinë Vendore  të Policisë Shkodër.
Dy shtetasit që po transportonin lëndën narkotike sapo kanë diktuar se po ndiqeshin nga Policia  kanë braktisur lëndën narkotike dhe duke përfituar nga terreni i vështirë malor dhe me shkurre të dendura, kanë arritur ti shpëtojnë ndjekjes së  Policisë.
Grupi hetimor ka gjetur në vendngjarje  dy thasë ku brenda tyre kishte lëndë narkotike dhe pas peshimit rezultuan me peshë 32 kilogramë  Cannabis Sativa.
Gjithashtu në afërsi të thasëve u gjetën dhe dy qese  plastmasi me  lëndë narkotike, ku pas peshimit rezultuan 4 kilogramë 124 gr të llojit Heroinë.
Lënda narkotike  u sekuestrua në cilësinë e provës materiale.
Specialistët për Hetimin e Narkotikëve në përfundim të veprimeve të para hetimore , bazuar edhe mbi bazën e informacioneve të marra në rrugë operative kanë shpallur në kërkim dy të rinj nga Shkodra ku për arsye hetimi nuk jepen të dhëna të mëtejshme.
Po vijon puna për  kapjen dhe  vënien e tyre para përgjegjësisë penale.
Materialet iu referuan Prokurorisë Krimeve të Rënda  Tiranë, për veprën penale ”Trafikimi i narkotikëve”mbetur në tentativë dhe në bashkëpunim e parashikuar nga neni 283/a e 22 e 25 i Kodit Penal.

Drejtoria Vendore e Policisë Kukës
Seksioni për narkotikët
Në vijim të komunikatës datë 15.10.2015, që bën fjalë për veprën penale “Trafikimi i narkotikëve” e kryer në bashkëpunim, më datë 16.07.2017, Gjykata për Krimet e Rënda, ka caktuar masë sigurie “Arrest në shtëpi”, për shtetasit F.M, A.M e A.C vjeç 61, 40 e 51, banues në Tiranë, Tiranë e fshatin Helshan Has, pasi nga veprimet e kryera rezulton se, në bashkëpunim, kanë trafikuar në Kosovë 44 kg. e 371 gr. lëndë narkotike e llojit Cannabis Sativa. Nenet 283/a/2 e 25 të Kodit Penal.

DEPARTAMENTI PËR SIGURINË PUBLIKE
KOMISARIATET E POLICISË

Komisariati i Policisë Nr. 1
Më datë 16.07.2017, u referuan materialet në Prokurorinë e Rrethit Gjyqësor Tiranë, për shtetasit K.P e H.P, vjeç 26 e 30, banues në Tiranë, pasi dyshohet se, kanë goditur me grusht shtetasen A.B vjeç  19, banuese në Tiranë. Neni 90 i Kodit Penal.

Më datë 16.07.2017, u referuan materialet në Prokurorinë e Rrethit Gjyqësor Tiranë, për shtetasin H.GJ, vjeç 47, banues në Tiranë, pasi dyshohet se në Shkozë, ka goditur me grusht shtetasin B.A, vjeç 67, banues në Tiranë. Neni 90 i Kodit Penal.

Më datë 16.07.2017, shtetësia M.A, vjeç 39, banuese në Shkozë (banesat sociale), kallëzon se, më datë 15.07.2017, i është larguar nga banesa djali i mitur, F .A, vjeç 14. Punohet për gjetjen e tij. Materialet u referuan në Prokurorinë e Rrethit Gjyqësor Tiranë.

Më datë 16.07.2017, shtetësia E.B, vjeç 29, banuese në Shkozë (banesat sociale), kallëzon se, më datë 15.07.2017, i është larguar nga banesa vajza e mitur, K .B, vjeç 13. Punohet për gjetjen e saj. Materialet u referuan në Prokurorinë e Rrethit Gjyqësor Tiranë.

Më datë 16.07.2017, shtetësia V.A, vjeç 40, banuese në Shkozë (banesat sociale), kallëzon se, më datë 15.07.2017, i është larguar nga banesa vajza e mitur, P .A, vjeç 13. Punohet për gjetjen e saj. Materialet u referuan në Prokurorinë e Rrethit Gjyqësor Tiranë.

Më datë 16.07.2017, u referuan materialet në Prokurorinë e Rrethit Gjyqësor Tiranë, për shtetasin D.M, vjeç 17, banues në Tiranë, pasi dyshohet se në rrugën e “Elbasanit”, nga kontrolli fizik ju gjet e bllokua në cilësinë e provës materiale 1 doze lëndë narkotike e llojit Cannabis Sativa. Neni 283/1 i Kodit Penal.

Komisariati i Policisë Nr. 2
Më datë 16.07.2017, u referuan materialet në Prokurorinë e Rrethit Gjyqësor Tiranë, për shtetasin A.P, vjeç 41 banues në Tiranë, pasi dyshohet se rrugën ”Sulejman Delvina”, nga kontrolli fizik ju gjet e sekuestrua 1 doze lëndë narkotike e llojit Cannabis  Sativa. Neni 283 i Kodit Penal.

Më datë 16.07.2017, u referuan materialet në Prokurorinë e Rrethit Gjyqësor Tiranë, për shtetasin M.S vjeç 25, banues në Tiranë, pasi dyshohet se duke drejtuar mjetin tip “Benz” për shkak të detyrës, nuk i është bindur urdhrit të punonjësit të policisë rrugore, për të kontrolluar mjetin. Neni 242 i Kodit Penal.

Më datë 16.07.2017, në rrugën ”Viktor Eftimiu”, është vjedhur banesa e shtetasit E.G, vjeç 45, ku kanë marrë 1 lap-top, 1 Ipad, disa bizhuteri dhe 2 ora dore të markës “Swatch”. Punohet për identifikimin dhe kapjen e autorit. Neni 134 i Kodit Penal.

Më datë 16.07.2017, u referuan materialet në Prokurorinë e Rrethit Gjyqësor Tiranë, për shtetasen L.B, vjeç 38 banuese në Tiranë, pasi dyshohet se, në rrugën “Frosina Plaku”, ka goditur me grusht, shtetasen R.Ç, vjeç 50, banuese në Tiranë. Neni 90 i Kodit Penal.

Komisariati i Policisë Nr. 5
Më datë 16.07.2017, u plotësua kërkesë padia për lëshimin e urdhrit të mbrojtjes së menjëhershme, për shtetasen E.T, vjeç  27, pasi dyshohet se bashkëshorti B.T, vjeç 34 ka ushtruar dhunë psikologjike ndaj saj. Materialet u referuan në Gjykatën e Rrethit Gjyqësor Tiranë. Ligji nr. 9669, datë 18.12.2006, “Për masa ndaj dhunës në marrëdhëniet familjare”.

Më datë 16.07.2017, u referuan materialet në Prokurorinë e Rrethit Gjyqësor Tiranë, për shtetasin e mitur A.T, vjeç 15, pasi dyshohet se në Kamzë, tek marketi i shtetasit F.B, vjeç 41, ka vjedhur një shishe me pije alkoolike. Neni 134 i Kodit Penal.

Komisariati i Policisë Nr. 6
Më datë 16.07.2017, u referuan materialet në Prokurorinë e Rrethit Gjyqësor Tiranë, për shtetasit F.XH dhe F.ZH vjeç 43 e 52, banues në Tiranë, pasi dyshohet se në rrugën “Llazi Miho”, kanë kanosur me fjalë njeri tjetrin. Neni 84 i Kodit Penal.

Më datë 16.07.2017, u referuan materialet në Prokurorinë e Rrethit Gjyqësor Tiranë, për shtetasin E.V, vjeç 41, banues në Yzberisht, pasi dyshohet se gjatë natës, në Kashar, ka vjedhur banesën e shtetasit SH.K, vjeç 24, ku ka marrë 2 celularë dhe nje sasi lekesh. Punohet për kapjen e E.V. Neni 134 i Kodit Penal.

Komisariati i Policisë Kavajë
Më datë 16.07.2017, u referuan materialet në Prokurorinë e Rrethit Gjyqësor Kavajë, për shtetasin M.M, vjeç 30, banues në Kavajë, pasi dyshohet se në dalje të qytetit, duke drejtuar me leje drejtimi mjetin tip “Opel” ka aksidentuar shtetasin L.S, vjeç 39, banues në Kavajë, i cili ndodhet në spital nën kujdesin e mjekëve. Neni 290 i Kodit Penal.

Më datë 16.07.2017, në fshatin Luz i Vogël, pranë lokalit të shtetasit D.X, vjeç 53, banues në Kavajë, një person me fuoristradë tip “Benz ML” dyshohet se ka qëlluar një herë me armë zjarri ne ajer. Nga veprimet paraprake ne vendngjarje nuk eshte gjetur asnje gezhoje. Punohet për sqarimin e rrethanave te ngjarjes dhe vertetesise se informacionit. Materialet u referuan në Prokurorinë e Rrethit Gjyqësor Kavajë, për vlerësim.

Më datë 16.07.2017, u referuan materialet në Prokurorinë e Rrethit Gjyqësor Kavajë, për shtetasin I.XH, vjeç 27, banues në Tiranë, pasi dyshohet se në Golem, tek nje lokal ka goditur me gotë, shtetasin E.G vjeç 19, banues në Kavajë, i cili pas mjekimit në spital u largua në banesë. Punohet për kapjen e I.XH. Neni 89 i Kodit Penal.

Komisariati i Policisë Durrës
Më datë 16.07.2017, gjatë natës, në fshatin Manzë, në shkollën 9 vjeçare kanë vjedhur një pompë uji dhe një bolier. Punohet për identifikimin dhe kapjen e autorëve. Neni 134 i Kodit Penal.

Më datë 16.07.2017, u referuan materialet në Prokurorinë e Rrethit Gjyqësor Durrës, për shtetasin SH.K, vjeç 61, banues në fshatin Manzë, pasi dyshohet se më datë 15.06.2017, në Manzë, u kap duke ndërtuar një objekt pa leje. Neni 199/a i Kodit Penal.

Më datë 16.07.2017, në lagjen nr. 4, shtetasi S.S, vjeç 63, banues në Shkodër,  mashinist, duke drejtuar lokomotivë me vagona, ka aksidentuar këmbësorin B.K, vjeç 64, banues në Durrës, i cili ndodhet në spital nën kujdesin e mjekëve. Materialet u referuan në Prokurorinë e Rrethit Gjyqësor Durrës, për vlerësim.

Më datë 16.07.2017, gjatë natës, në lagjen nr. 13, parkuar para banesës, shtetasit Z.XH vjeç 21 kanë tentuar ti vjedhin mjetin tip “BMW”. Punohet për identifikimin dhe kapjen e autorit. Nenet 134 e 22 të Kodit Penal.

Më datë 16.07.2017, në fshatin Arapaj, në banesë shtetësia Z.D, vjeç 47, aksidentalisht ka rënë nga shkallët e katit të dytë dhe ka humbur jetën në spital. Materialet u referuan në Prokurorinë e Rrethit Gjyqësor Durrës, për ngjarje aksidentale.

Më datë 16.07.2017, në lagjen nr. 8 është vjedhur dyqani i shtetasit L.Z, vjeç 41, banues në Durrës, ku kanë marrë nje sasi lekesh. Punohet për identifikimin dhe kapjen e autorit. Neni 134 i Kodit Penal.

Më datë 16.07.2017, në lagjen nr. 13, në banesë shtetësia K.T, vjeç 16, është vetëhelmuar me medikamente mjekësore, e cila pas mjekimit në spital u kthye në banesë. Materialet u referuan në Prokurorinë e Rrethit Gjyqësor Durrës. Neni 99 i Kodit Penal.

Komisariati i Policisë Shijak
Më datë 16.07.2017, shtetasi F.M, vjeç 42, kallëzon se më datë 13.07.2017, i është larguar nga banesa bashkëshortja, M.S, vjeç 38. Punohet për gjetjen e saj. Materialet u referuan në Prokurorinë e Rrethit Gjyqësor Durrës.

Komisariati i Policisë Elbasan
Më datë 16.07.2017, u plotësua kërkesë padia për lëshimin e urdhrit të mbrojtjes së menjëhershme për shtetasen L.B vjeç 41, pasi dyshohet se bashkëshorti V.B, vjeç 50 ka ushtruar dhunë fizike e psikologjike ndaj saj. Materialet u referuan në Gjykatën e Rrethit Gjyqësor  Elbasan. Ligji nr. 9669, datë 18.12.2006, “Për masa ndaj dhunës në marrëdhëniet familjare”.

Më datë 16.07.2017, u referuan materialet në Prokurorinë e Rrethit Gjyqësor Elbasan, për shtetasin T.G, vjeç 42, banues në Elbasan, pasi dyshohet se në banesë, nënës, Z.G, vjeç 79, i ka vjedhur nje sasi lekesh. Punohet për kapjen e T.G. Neni 134 i Kodit Penal.

Komisariati i Policisë Cërrik
Më datë 16.07.2017, u referuan materialet në Prokurorinë e Rrethit Gjyqësor Elbasan, për shtetasin A.M, vjeç 47 banues në fshatin Gjyrale, me aftësi të kufizuara(shurdh-memec) pasi dyshohet se në këtë fshat, ka plagosur me thikë, shtetasin V.T, vjeç 18, banues në Gjyrale. Nenet 89 e 279 të Kodit Penal.

Komisariati i Policisë Korçë
Më datë 16.07.2017,  u arrestua në flagrancë shtetasi F.K, vjeç 32, banues në Fier, pasi në lagjen nr. 6, tek kryqëzimi Korçë- Ersekë, u kap duke drejtuar në gjendje të dehur mjetin tip “Benz”. Neni 291 i Kodit Penal.

Më datë 16.07.2017, gjatë natës, në lagjen nr. 18, para banesave, një mjet ka goditur mjetet e parkuara tip “Benz” dhe “Ford” të shtetasve E.Ç e DH.DH, vjeç 41 e 63. Punohet për identifikimin dhe kapjen e autorit. Neni 273 i Kodit Penal.

Më datë 16.07.2017, u plotësua kërkesë padia për lëshimin e urdhrit të mbrojtjes së menjëhershme, për shtetasen Z.T, vjeç 41, pasi dyshohet se ish-bashkëshorti L.J, vjeç 46, ka ushtruar dhunë fizike e psikologjike ndaj saj. Materialet u referuan në Gjykatën e Rrethit Gjyqësor Korçë. Ligji nr. 9669, datë 18.12.2006, “Për masa ndaj dhunës në marrëdhëniet familjare”.  

Komisariati i Policisë Devoll
Më datë 15.07.2017, në fshatin Çipan, ka rënë zjarr në magazinën e shtetasit P.M, vjeç 66, ku është djegur baza ushqimore. Punohet për përcaktimin e shkakut të rënies së zjarrit, identifikimin dhe kapjen e autorit.  Neni 151 i Kodit Penal.

Komisariati i Policisë Pogradec
Pogradec
Më datë 16.07.2017, në fshatin Rëmenj, duke prerë dru, nga pakujdesia është rrëzuar dhe ka
marrë dëmtime shtetasi Xh.H, 69 vjeç, banues në Rëmenj. Ky i fundit u dërgua në Spitalin e
Pogradecit për mjekim, por si pasojë e dëmtimeve që kishte marrë, ka ndërruar jetë.Materialet i kaluan Prokurorisë së Rrethit Gjyqësor Pogradec.

Komisariati i Policisë Ersekë
Më datë 16.07.2017, në fshatin Selenicë, shtetasi B.N vjeç 66 banues në Selenicë, duke punuar me autokombajnë ka rënë në kontakt me energjinë elektrike dhe ka gjetur vdekjen. Materialet u referuan në Prokurorinë e Rrethit Gjyqësor Korçë, si ngjarje aksidentale.

Komisariati i Policisë Berat
Më datë 16.07.2017, u plotësua kërkesë padia për lëshimin e Urdhrit të mbrojtjes së menjëhershme, për shtetasin XH.SH, vjeç 86, pasi dyshohet se vajza, E.M, vjeç 53 ka ushtruar dhunë psikologjike ndaj tij. Materialet u referuan në Gjykatën e Rrethit Gjyqësor Berat. Ligji nr. 9669, datë 18.12.2006, ‘’Për masa ndaj dhunës në marrëdhëniet familjare”.

Më datë 16.07.2017, u plotësua kërkesë padia për lëshimin e urdhrit të mbrojtjes së menjëhershme, për shtetasen L.B vjeç 30, pasi dyshohet se vëllai B.B, vjeç 33, ka ushtruar dhunë psikologjike ndaj saj. Materialet u referuan në Gjykatën e Rrethit Gjyqësor Berat. Ligji nr. 9669, datë 18.12.2006, ‘’Për masa ndaj dhunës në marrëdhëniet familjare”

Komisariati i Policisë Kuçovë
Më datë 16.07.2017, u plotësua kërkesë padia për lëshimin e urdhrit të mbrojtjes së menjëhershme, për shtetasen E.M, vjeç 30, pasi dyshohet se ish bashkëjetuesi Y.L, vjeç 36, banues në fshatin Nikël, Krujë ka ushtruar dhunë  psikologjike ndaj saj. Materialet u referuan në Gjykatën e Rrethit Gjyqësor Berat. Ligji nr. 9669, datë 18.12.2006, ‘’Për masa ndaj dhunës në marrëdhëniet familjare”.

Kuçovë
Lëvizte në qytete me armë zjarri me vete.
Arrestohet në flagrancë poseduesi.
Sekuestrohet arma e zjarrit e markës “Beretta”.
Më datë 16.07.2017, Specialistët për Krimet në Komisariatin e Policisë Kuçovë, në vijim të kontrolleve të ushtruara me qëllim mbajtjen nën kontroll të situatës kriminale dhe informacioneve të siguruara në rrugë operative kanë arrestuar në flagrancë shtetasin:
XH.K  21 vjeç, banues në Kuçovë, pasi në lagjen “Tafil Skëndo”, nuk i është bindur urdhrit të punonjësve të policisë duke u larguar me vrap dhe ka hedhur një pistoletë të markës Beretta, e cila u sekuestrua në cilësinë e provës materiale.
Gjithashtu në çantën marsup iu gjet dhe një fishek i kalibrit 9 mm.
Materialet i kaluan Prokurorisë së Rrethit Gjyqësor Berat, për veprat penale “Mosbindja ndaj urdhrit të punonjësit të policisë së rendit publik” dhe “Prodhimi dhe mbajtja pa leje e armëve luftarake dhe municionit”, parashikuar nga nenet 242 e 278 të Kodit Penal.

Komisariati i Policisë Skrapar
Më datë 16.07.2017, në fshatin Selan, në vendin e quajtur “Moçalet”, shtetasi T.Y vjeç 75 banues në këtë fshat, duke kullotur bagëtitë është goditur nga rrufeja dhe ka gjetur vdekjen. Materialet u referuan në Prokurorinë e Rrethit Gjyqësor Berat.

Komisariati i Policisë Fier
Fier
Specialistët për Hetimin e Krimeve në Komisariatin e Policisë Fier, arrestuan në
flagrancë shtetasin:
V.N., 54 vjeç, banues në Fier.
Arrestim i këtij shtetasi u bë pasi ka ushtruar dhunë fizike e psikologjike ndaj bashkëshortes së tij, shtetases E.N, 43 vjeçe.
Materialet i kaluan Prokurorisë pranë Gjykatës së Shkallës së Parë Fier për veprën
penale “Dhunë në familje” parashikuar nga Neni 130/a/4 i Kodit Penal.

Komisariati i Policisë Lushnjë  
Më datë 16.07.2017 në banesë, shtetësia B.M, vjeç 16 ka konsumuar medikamente mjekësore dhe ndodhet në spital nën kujdesin e mjekëve. Materialet u referuan në Prokurorinë e Rrethit Gjyqësor Lushnjë, për vlerësim.

Më datë 16.05.2017, në fshatin Krutje, në banesë është vetëhelmuar me fotoksinë shtetësia T.K vjeç 32, e cila  ndodhet në spital nën kujdesin e mjekëve. Materialet u referuan në Prokurorinë e  Rrethit Gjyqësor  Lushnjë, për vlerësim.

Komisariati i Policisë Vlorë
Më datë 16.07.2017, shtetësia XH.P, vjeç 21, banuese në Bulqizë, kallëzon se më datë 15.07.2017, në Llogara, ne nje lokal i kanë vjedhur një “Iphone 6”. Punohet për identifikimin dhe kapjen e autorit. Neni 134 i Kodit Penal.

Më datë 16.07.2017, u arrestua në flagrancë shtetasi B.XH, vjeç 61, banues Vlorë. Policia ka bërë të mundur arrestimin e tij në flagrancë, në rrugën ''Vasil Tolla'' në lagjen ''24 Maji'' , pasi këtij shtetasi nga Gjykata e Shkallës së Parë Vlorë i është vendosur masa ''Arrest shtëpie'' me vendim nr.158 datë 21.05.2017, për veprën penale ''Vjedhja'', parashikuar nga neni 134/2 i Kodit Penal.Arrestimi i tij është bërë për arsye se nuk ka zbatuar vendimin e Gjykatës për masën e sigurisë të caktuar ndaj tij për mos largimin nga vendi i qëndrimit.
Materialet u referuan në Prokurori për veprën penale '' Largimi i të burgosurit nga vendi i qëndrimit'' , parashikuar nga neni 223 i Kodit Penal.

Më datë 16.07.2017, u plotësua kërkesë padia për lëshimin e urdhrit të mbrojtjes së menjëhershëm, për shtetasen S.M, vjeç 30, pasi dyshohet se ish bashkëjetuesi R.H, vjeç 39 banues në Vlorë, ka ushtruar dhunë psikologjike dhe fizike ndaj saj. Materialet u referuan në Gjykatën e Rrethit Gjyqësor Vlorë. Ligji nr. 9669, datë 18.12.2006, “Për masa ndaj dhunës në marrëdhëniet familjare”.

Vlorë
Më datë 16.07.2017, rreth orës 17:10, jemi njoftuar për një person të vetëvarur në banesë.
Menjëherë shërbimet e policisë janë afruar në vendin e ngjarjes dhe kanë konstatuar se:
Ngjarja ka ndodhur në lagjen “Lirimi” ku në banesën e tij është gjetur i vetëvarur me
litarë shtetasi N.H., 53 vjeç.
Në momentin e kryerjes së aktit, personi ka qenë i vetëm në banesë dhe është konstatuar i pajetë nga fqinjët.
Grupi hetimor ndodhet në vendngjarje duke kryer veprimet e mëtejshme në lidhje me
sqarimin e rrethanave.Paraprakisht dyshohet se akti eshte kryer ne kushtet e depresionit.

Policia ka bërë të mundur arrestimin në flagrancë të dy shtetasve për vepra të ndryshme penale.
E.A, 23 vjeç, banues në Orikum.
Policia ka bërë të mundur arrestimin në flagrancë të tij pasi më datë 16.07.2017 , në banesën e tij ka ushtruar dhunë fizike dhe psikologjike ndaj babait, shtetasit V.Ç., 53 vjeç. Materialet u referuan në Prokurorinë e Rrethit Gjyqësor Vlorë për veprën penale '' Dhuna në familje'', parashikuar nga neni 130/a i Kodit Penal.

Vlorë
Më datë 16.07.2017, rreth orës 20:40, jemi njoftuar se është vetëvrarë një shtetas.
Menjëherë grupi hetimor është nisur drejt vendit dhe kanë konstatuar se ngjarja ka
ndodhur në fshatin Babicë e Madhe Vlorë, ku në banesën e tij është gjetur i vetëvrarë
me armë gjahu shtetasi F.A., 52 vjeç.
Viktima është konstatuar i pajetë nga të afërmit e tij dhe sipas deklarimeve të para të
tyre dyshohet se personi vuante nga shëndeti mendor.
Grupi hetimor po kryen veprimet e mëtejshme për zbulimin e rrethanave të ngjarjes.

Më datë 17.07.2017, u plotësua kërkesë padia për lëshimin e urdhrit të mbrojtjes së menjëhershme për shtetasen N.GJ, pasi dyshohet se ish bashkëjetuesi, shtetasi K.M, vjeç 31, ka ushtruar dhunë fizike e psikologjike ndaj saj. Materialet u referuan në Gjykatën e Rrethit Gjyqësorë Vlorë. Ligji nr. 9669, datë 18.12.2006. 

Vlorë
Më datë 17.07.2017, rreth orës 01:00, në lagjen "Ujë i Ftohtë" në banesën e tij, shtetasi F.L., 38 vjeç, ka rënë në kontakt me rrymën elektrike dhe për pasojë ka ndërruar jetë.
Nga hetimet e kryera, dyshohet se ngjarja ka ndodhur nga pakujdesia pasi personi ka qenë duke ndërhyrë në një kabull elektrik.
Kryhen veprimet e mëtejshme në lidhje me sqarimin e rrethanave të ngjarjes.

Komisariati i Policisë Sarandë
Më datë 16.07.2017, gjatë natës, në lagjen nr. 4, është vjedhur dyqani, i shtetases M.A,  vjeç 44 banuese në Sarandë, ku kanë marrë nje sasi lekesh. Punohet për identifikimin dhe kapjen e autorit. Neni 134 i Kodit Penal.

Komisariati i Policisë Gjirokastër
Më datë  16.07.2017, u referuan materialet në Prokurorinë e Rrethit Gjyqësor Gjirokastër, për shtetasin E.D, vjeç 33, banues në Berat, pasi dyshohet se më datë 15.07.2017,  në lagjen “18 Shtatori”, në banesën e shtetases M.B, vjeç 31, ka vjedhur nje sasi lekesh dhe një laptop. Punohet për kapjen e E.D. Neni 134/2 i Kodit Penal.

Informacion paraprak
Më datë 16.07.2017, shtetësia K.RR, vjeç 25 banuese në Gjirokastër, Inspektore policie në Gjirokastër, kallëzon se në lagjen “18 Shtatori”, në banesë i kanë vjedhur nje sasi lekësh dhe pistoletën tip  TT e cila nga data 08.07.2017-16.07.2017, ka qenë me leje në Sarandë. Punohet për sqarimin e rrethanave të ngjarjes, identifikimin dhe kapjen e autorit.

Komisariati i Policisë Tepelenë
Më datë 15.07.2017, shtetësia Q.A vjeç 75, banuese në Memaliaj, kallëzon se më datë 11.07.2017, në banesë, i kanë vjedhur nje sasi lekesh. Punohet për identifikimin dhe kapjen e autorit. Neni 134 i Kodit Penal.

Komisariati i Policisë Lezhë
Më datë 16.07.2017, në spital është dërguar i vdekur, shtetasi Z.L, vjeç 55, banues në Tiranë, i cili ka qenë në një darkë familjare, në banesën e nipit, F.B në fshatin Tale. Nga veprimet e kryera rezultoi se vdekja ka ardhur nga shkaqe natyrale. Materialet u referuan në Prokurorinë e Rrethit Gjyqësor Lezhë, për vlerësim.

Më datë 16.07.2017, u referuan materialet në Prokurorinë e Rrethit Gjyqësor Lezhë,  për shtetasin E.K vjeç 33, pasi dyshohet se në banesë, ka ushtruar dhunë fizike dhe psikologjike ndaj bashkëshortes, B.K, vjeç 29, të cilës ju plotësua kerkesë padia për lëshimin e urdhrit të menjëhershëm të mbrojtjes.  Materialet u referuan në Gjykatën e Rrethit Gjyqësor Lezhë. Ligji nr. 9669, datë 18.12.2006, “Për masa ndaj dhunës në marrëdhëniet familjare”. Punohet për kapjen e E.K. Neni 130/a i Kodit Penal.

Komisariati i Policisë Shkodër
Më datë 16.07.2017, u referuan materialet në Prokurorinë e Rrethit Gjyqësor Shkodër, për shtetasin H.B, vjeç 18, pasi dyshohet se më datë 15.07.2017, në lagjen “Partizani”, në lokalin e nënës shtetases A.B, vjeç 48, ka dëmtuar një frigorifer dhe disa pije alkoolike. Neni 150 i Kodit Penal.

Më datë 16.07.2017, u referuan materialet në Prokurorinë e Rrethit Gjyqësor Shkodër, për shtetasin GJ.M, vjeç 29, banues në fshatin Bardhaj, pasi dyshohet se më datë 01.05.2017, me akt noterial i ka marrë borxh nje sasi euro, shtetasit GJ.L vjeç 44, banues në Omaraj, Malësi e Madhe dhe nuk ja ka kthyer. Neni 143 i Kodit Penal.

Më datë 16.07.2017, u referuan materialet në Prokurorinë e Rrethit Gjyqësor Shkodër, për shtetasin A.Ç, vjeç 55, banues në  Shkodër, pasi dyshohet se në qytet, për shkak të detyrës, nuk i është bindur urdhrit të punonjësit të policisë së rendit publik. Neni 242 i Kodit Penal.

Më datë 16.07.2017, u referuan materialet në Prokurorinë e Rrethit Gjyqësor Shkodër, për shtetasin G.V vjeç 74, banues në fshatin Pulaj, pasi dyshohet se në banesë, nga punonjësit e OSHEE-së, u konstatua ndërhyrje në matësin e energjisë elektrike. Neni 137 i Kodit Penal.

Më datë 16.07.2017, u referuan materialet në Prokurorinë e Rrethit Gjyqësor Shkodër, për shtetasin N.K vjeç 56, banues në fshatin Pulaj, pasi dyshohet se në banesë, nga punonjësit e OSHEE-së, u konstatua ndërhyrje në matësin e energjisë elektrike. Neni 137 i Kodit Penal.

Më datë 16.07.2017, në lagjen ‘Tre Heronjtë”, në një lavazh automjetesh është vetëhelmuar me fotoksinë, shtetasi V.N, vjeç 22  i cili ndodhet në spital, në gjendje të rëndë. Materialet u referuan në Prokurorinë e Rrethit Gjyqësor Shkodër, për vlerësim.

Komisariati i Policisë Vau Dejës
Më datë 16.07.2017, në fshatin Kosmaç, në banesë ka vdekur shtetasi B.M vjeç 80. Nga veprimet e kryera rezultoi se vdekja është nga infarkti kardiak. Materialet u referuan në Prokurorinë e Rrethit Gjyqësor Shkodër, për vdekje natyrale.

Komisariati i Policisë Pukë
Më datë 16.07.2017, u referuan materialet në Prokurorinë e Rrethit Gjyqësor Pukë, për shtetasen E.L, vjeç 30, pasi dyshohet se më datë 15.07.2017, në banesë, ka ushtruar dhunë fizike ndaj djalit, E.L vjeç 11. Neni 130/a i Kodit Penal.

Komisariati i Policisë Malësi e Madhe
Më datë 16.07.2017, në aksin rrugor Bajzë–Tamarë, në vendin e quajtur “Kushe”, të miturit Xh.Sh dhe E.D, vjeç 14 e 13, banues në fshatin Hot, duke luajtur me biçikleta, janë rrëzuar e ndodhen në spital jashtë rrezikut për jetën. Materialet u referuan në Prokurorinë e Rrethit Gjyqësor Shkodër, për ngjarje aksidentale.

Komisariati i Policisë Kukës
Më datë 16.07.2017, gjatë natës, në qytet, shtetasit G.D vjeç 40 i kanë vjedhur mjetin tip “Benz” (kamionçinë). Punohet për identifikimin dhe kapjen e autorit. Neni 134 i Kodit Penal.

Komisariati i Policisë Dibër
Më datë 16.07.2017, në Peshkopi, në banesë ka vdekur shtetasi S.D, vjeç 54, me profesion ndihmës mjek. Nga veprimet e kryera rezultoi se vdekja ka ardhur nga një atak kardiak. Materialet u referuan në Prokurorinë e Rrethit Gjyqësor Dibër.

Komisariati i Policisë Mat
Mat
Finalizohet me sukses operacioni i koduar "Nata e Fundit"
Kapen në flagrancë duke vjedhur një transformator në një kabinë elektrike.
Arrestohen në flagrancë 4 shtetas
4 shtetasit e arrestuar janë autor të dyshuar edhe të vjedhjes së një transformatori tjetër (i vjedhur me datë 16.06.2017)
Operacioni nga Komisariati i Policisë Mat
Shërbimet e Komisariatit të Policisë Mat, kanë marrë informacion në rrugë operative se në fshatin Bashkim, njësia Administrative Baz, po kryhet një vjedhje.
Menjëherë nga ana e tyre është organizuar puna ku kanë shkuar në vendin e ngjarjes, konkretisht në fshatin Bashkim, ku kanë konstatuar 4 shtetas duke vjedhur një Transformator të një kabine elektrike të O.SH.E.E-së, Mat.
Falë veprimeve të shpejta hetimore dhe profesionale të kryera nga specialistët e policisë janë arrestuar në flagrancë shtetasit:
Y.H, 47 vjeç, banues në Kamëz-Tiranë (i dënuar më parë)
A.H 50 vjeç, banues në Kamëz Tiranë (i dënuar më parë)
B.T, 40 vjeç, banues në Ndroq-Tiranë (i dënuar më parë)
A.M, 31 vjeç, banues në Kashar-Tiranë.
Gjatë kqyerjes së vendit të ngjarjes janë gjetur dhe sekuestruar në cilësinë e provës materiale
-një automjet "Volkswagen",
-një kapuç (maskë ngjyrë e zezë)
-një palë doreza
-gërshërë metalike
-shkop druri (rreth të cilit mbështillet tel në formë të çrregullt).
Si rezultat i punës së bërë nga shërbimet e policisë dyshohet   se shtetasit e mësipërm janë autorë të vjedhjes së një transformatori  tjetër në  një kabine elektrike, ngjarje e ndodhur me datë 10.06.2017, në vendin e quajtur  Dush i Kuq-Klos.
Vijon puna për sqarimin dhe dokumentimin e plotë të aktivitetit kriminal të këtij grupi.
Materialet hetimore i kaluan Prokurorisë Rrethit Gjyqësor Mat për veprën penale "Vjedhje" e mbetur në tentativë, kryer në bashkëpunim, parashikuar nga nenet 134, 22, 25 të Kodit Penal.
DEPARTAMENTI PER KUFIRIN DHE MIGRACIONIN

Komisariati i Kufirit dhe Migracionit Rinas
Më datë 16.07.2017, u arrestua me qëllim ekstradimi shtetasi në kërkim ndërkombëtar, V.H vjeç 39, banues në Strug, Maqedoni, pasi autoritetet maqedonase e kanë shpallur në kërkim për veprën penale “Mbajtja pa leje e armëve të zjarrit”. Neni 396 i Kodit Penal Maqedonas.

Më datë 16.07.2017, u referuan materialet në Prokurorinë e Rrethit Gjyqësor Tiranë, për shtetasin J.H, vjeç 27, banues në Gjirokastër, pasi dyshohet se më datë 03.04.2017, në afërsi të fshatit Kakavi, ka kaluar kufirin shtetëror në mënyrë të paligjshme. Neni 297 i Kodit Penal.

Drejtoritë Vendore për Kufirin dhe Migracionin Durrës
Më datë 16.07.2017, u referuan materialet në Prokurorinë e Rrethit Gjyqësor Durrës, për shtetasin L.K, vjeç 25, banues në Mitrovicë, Kosovë, pasi dyshohet se më datë 15.07.2017, në P K K Port, ka tentuar të kalojë kufirin shtetëror për në Itali, në mënyrë të paligjshëm. Neni 297 i Kodit Penal.

Më datë 16.07.2017, u arrestua në flagrancë shtetasi B.G, vjeç 27, banues në Kosovë, pasi dyshohet se në P K K Port,  ka tentuar të kalojë kufirin shtetëror, me një pasaportë dhe një leje qëndrimi zvicerane të falsifikuara, të cilat u bllokuan me cilësinë e provës materiale. Nenet 189 e 297 të Kodit Penal

Drejtoritë Vendore për Kufirin dhe Migracionin Korçë
Kapshticë
Ndalohet një prej autorëve të dyshuar të ngjarjes së ndodhur më datë 20.04.2017 në një lokal të qytetit të Vlorës, ku u vra me armë zjarri një shtetas si edhe u plagosën tre të tjerë.
Shërbimet e Policisë Kufitare në Kapshticë, në hyrje të Republikës së Shqipërisë bënë ndalimin e shtetasit të shpallur në kërkim :
E.Ç, 23 vjeç, banues në Tiranë (me precedent të mëparshëm kriminal)
Ndalimi i tij u bë pasi, ky shtetas rezulton i shpallur në kërkim në lidhje me ngjarjen e datës 20.04.2017, ndodhur në lagjen “Uji i Ftohtë” në Vlorë, ku në ambjentet e një lokali është vrarë me armë zjarri shtetasi E.Gj si edhe janë plagosur tre shtetas të tjerë.
Nga veprimet hetimore dyshohet se ky shtetas mund të ketë konsumuar elementë të veprave penale : “Vrasja në rrethana cilësuese” dhe “Prodhimi dhe mbajtja pa leje e armëve luftarake dhe e municionit” parashikuar nga nenet 79/dh; 278 të Kodit Penal.
Veprimet e mëtejshme proceduriale në lidhje me këtë rast i ndjek Drejtoria Vendore e Policisë Vlorë.

Drejtoritë Vendore për Kufirin dhe Migracionin Shkodër
Më datë 16.07.2017, në Hani i Hotit, në sektorin Sukobinë, u kapën 3 shtetas algjerianë, emigrantë të paligjshëm, të cilët pas intervistimit dhe verifikimit, u dërguan në Qendrën e Mbyllur për të Huajt në Karreç.

Arkiva

Dhjetor 2017
He Ma Me En Pr Sh Di
27 28 29 30 1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Fushata Sensibilizuese

Video te tjera ...