Informacion mbi ngjarjet, arrestimet, ndalimet dhe procedimet në 24 orët e fundit 18.07.2017

INFORMACIONE PËR NGJARJE TË JASHTËZAKONSHME DHE EMERGJENTE 1Drejtoria PPSH.1

Drejtoria Vendore e Policisë Tiranë

Më datë 16.07.2017, ora 10:05, në Vorë, në Marikaj, ka rënë zjarr në një arë me bar. Punohet për shuarjen e zjarrit. Nuk ka rrezik për banorët apo banesat.

Tiranë, në fshatin Kryezi i Epërm, ka rënë zjarr në një sipërfaqe pylli me shkurre dhe pemë, janë njoftuar zjarrëfikset dhe emergjencat civile të Bashkisë,  të cilat po punojnë për shuarjen e zjarrit.

Drejtoria Vendore e Policisë Durrës

Më datë 17.07.2017, ora 10:50, në fshatin Grepse, Nikel, Krujë, për shkak të erës së fortë është riaktivizuar zjarri, ku digjen shkurre e pyje. Janë njoftuar shërbimi zjarrfikës si dhe shërbimi pyjor dhe mundësia e vetme për ta fikur është nëpërmjet ajrit.

Drejtoria Vendore e Policisë Vlorë

Më datë 11.07.2017, ora 16:00, në fshatin Vodicë, në vendin e quajtur “Sollak” dhe “Hija e Hiqmetit”, është djegur një sipërfaqe prej 15 ha, me shkurre dhe 220 rrënjë ullinj 7-8 vjeçar, pronë e shtetasit A.S, vjeç 54, banues në Vodicë. Punohet për identifikimin dhe kapjen e autorëve. Neni 151 i Kodit Penal.

Më datë 17.07.2017, ora 15: 00, në vendin e quajtur “Ura”, Finiq Sarandë, në një parcelë me ullinj ka rënë zjarr ku janë djegur rreth 300 rrënjë ullinj 10 vjeçar. Zjarri u arrit të fikej.

Më datë 14.07.2017, shtetasja N.Q, vjeç 62, banuese në Sarandë, kallëzon se më datë 29.06.2017, ka rënë zjarr në parcelën me ullinj në fshatin Kalasë, ku janë djegur 6 ullinj, disa vjeçar. Punohet për identifikimin dhe kapjen e autorit.Neni 151 Kodit Penal.

Drejtoria Vendore e Policisë Lezhë

Më datë 17.07.2017, në fshatin Torovicë Lezhë ka rëne zjarr, ku si pasoje e erës se fortë zjarri është përhapur dhe është djegur banesa e shtetasit P.M, vjeç 50, ku ka vetëm dëme materiale.

Më datë 16.07.2017, Lezhë, në fshatin Manati, në një zonë të pyllëzuar, ka rënë zjarr, në një sipërfaqe prej rreth 1,1 ha me shkurre dhe barishte dhe në 1 dynym me pishë të butë. Punohet për përcaktimin e shkakut të rënies së zjarrit. Materialet i referohen Prokurorisë së Rrethit Gjyqësorë Lezhë, për veprime të mëtejshme. Neni 206/b i Kodit Penal.

Më datë 17.07.2017, ora 12:15, në Rubik, Mirditë, në një zonë të pyllëzuar, në afërsi të lagjes “Përgjoka”, në një sipërfaqe prej rreth 1 ha me shkurre dhe pisha, ka rënë zjarr. Materialet u referuan në Prokurorinë e Rrethit Gjyqësorë Lezhë, për veprime të mëtejshme.

Më datë 17.07.2017, ora 22.15, në Gajush, Lezhë, në një sipërfaqe prej rreth 320 m², me ferra dhe barishte ka rënë zjarr, i cili është shuar nga shërbimi zjarrfikës pa arritur të shkaktojë dëme në banesa, objekte dhe pemëtari. Materialet u referuan në Prokurorinë e Rrethit Gjyqësorë Lezhë, për vlerësim.

Drejtoria Vendore e Policisë Shkodër

Më datë 17.07.2017, ora 07:10, në fshatin Vilez, njësia Administrative Postribë, Shkodër, është riaktivizuar zjarri në mal, në afërsi të banesave të fshatit, terreni është i vështirë, nuk shkon mjeti zjarrfikës. Janë njoftuar Emergjencat Civile të Prefekturës dhe Prefekti Shkodër. Kërkohet ndërhyrje nga ajri. Nuk ka probleme në banesa, aktualisht.

Më datë 17.07.2017, ora 18:00, në fshatin Grude e Re  dhe në lagjen Tepe ka rene zjarr në një fushe me bar dhe shkurre pa probleme ne banesa, ndërsa ne kodrat e lagjes Tepe, po digjen shkurre ku rrezikohen edhe banesat. Në vendngjarje janë dërguar shërbimet e MNZ. Punohet për shuarjen e zjarrit.

Shkodër

Arrestohet në flagrancë një shtetas i dyshuar si shkaktar i zjarrit të qellimshëm.

Më datë 17.07.2017, nga Seksioni për hetimin dhe parandalimin e krimeve në Komisariatin e Policisë Shkodër  u bë arrestimi në flagrancë i shtetasit P.P 64 vjeç, banues në fshatin Hot i Ri Njësia Administrative Rrethina Shkodër.

Ky shtetas dyshohet se rreth orës 18:00, në fshatin Hot i Ri i ka vendosur zjarrin disa shkurreve ku është djegur nga zjarri një sipërfaqe me rreth 5 dynym  barë dhe shkurre.

Materialet proceduriale i kaluan Prokurorisë së  Rrethit Gjyqësor Shkodër për veprën penale "Shkatërrim prone me zjarr" parashikuar nga  neni 151/1 i Kodit Penal.

VEPRA PENALE QË LIDHEN ME SEZONIN TURISTIK VEROR

Drejtoria Vendore e Policisë Tiranë

Kavajë.

Informacion.

Arrestohen 3 shtetas.

Më datë 17.07.2017,  në plazhin e Spilles, 3 shtetas në bashkëpunim me njëri-tjetrin, kanë marrë në mjetin tip “Rover”, pa targa, shtetasin A. D., 54 vjeç, të cilin e kanë dhunuar fizikisht dhe më pas e kanë mbajtur jashtë vullnetin të tij, në vende të ndryshme .

Nga specialistët për hetimin e krimit Kavajë u ngrit puna për kapjen e këtyre shtetasve të cilët më datë 18.07.2017 bënë të mundur arrestimin e shtetasve:

Z.Xh., 31 vjeç.

B.Ç., 32 vjeç.

B.M., 25 vjeç.

Materialet u referuan në Prokurorinë e Rrethit Gjyqësor Kavajë, për veprën penale " Heqje paligjshme e lirisë", parashikuar nga neni 110/2 i Kodit Penal.

DEPARTAMENTI PËR HETIMIN E KRIMIT TE ORGANIZUAR DHE KRIMET  E RËNDA

DREJTORITË VENDORE TË POLICISË

Drejtoria Vendore e Policisë Tiranë

Seksioni për krimet ndaj jetës

Tiranë.

Informacion.

Arrestohet autori i plagosjes të ndodhur në rrugën "Mihal Grameno".

Më datë 17.07.2017, në rrugën "Mihal Grameno" gjatë një konflikti të çastit shtetasi E.M ka goditur me thikë shtetasin I. K., 28 vjeç, i cili aktualisht ndodhet  jashtë rrezikut për jetën.

Nga ana e specialistëve të hetimit të krimeve kundër jetës u ngrit puna për kapjen dhe arrestimin e autorit,  të cilët më datë 18.07.2017 bënë të mundur arrestimin e shtetasit:

E.M, 33 vjeç.

Materialet u referuan në ngarkim të tij pranë Prokurorisë së Rrethit Gjyqësor Tiranë për veprën penale “Plagosje të rëndë me dashje” dhe “Prodhimi, mbajtja blerja apo shitja pa leje e  armëve të ftohta” parashikuar nga nenet 88 dhe 279/1 i Kodit Penal.

Seksioni për krimet ndaj pronës

Tiranë.

Zbardhet ngjarja e ndodhur më datë 17.07.2017, ku mbeti i plagosur pronari i një argjendarie.

Ndalohet një shtetas i dyshuar si autor i tentativës së vjedhjes me armë në rrugën e "Dibrës".

Më datë 17.07.2017, është tentuar të vidhet me armë një argjendari në rrugën e Dibrës, ku autori  ka plagosur me armë zjarri, pronarin e saj, shtetasin V. K., 28 vjeç, i cili ndodhet jashtë rrezikut për jetën.

Menjëherë nga ana e policisë është ngritur grupi hetimor i cili ka ngritur punën për zbardhjen e ngjarjes.

Si rezultat  i veprimeve të shpejta  dhe profesionale të kryera  është bërë e  mundur  zbardhja dhe domumentimi i ngjarjes.

Po si rezultat i reagimit të menjëhershëm dhe veprimeve  profesionale të kryera u bë kapja dhe ndalimi si autor i dyshuar i shtetasit:

A.N., 28 vjeç, banues në Vlorë, i dënuar më parë për veprat penale të "Vjedhjes", "Kundërshtimi punonjësit të rendit publik" dhe "Moskallzim krimi".

Materialet  i kaluan  Prokurorisë së Rrethit Gjyqësor, në ngarkim të tij, për veprën penale "Vjedhje me armë" dhe "Plagosje e rëndë me dashje", parshikuar nga neni 140 dhe 88 i Kodit Penal.

Komisariati Rajonal i Policisë Rrugore

Më datë 17.07.2017, u referuan materialet në Prokurorinë e Rrethit Gjyqësor Tiranë, për shtetasin F.M, vjeç 20, banues në Tiranë, pasi dyshohet se në rrugën e “Barigadave”, u kap duke drejtuar pa leje drejtimi motomjetin tip “Piaxho”. Neni 291 i Kodit Penal.

Më datë 17.07.2017, u referuan materialet në Prokurorinë e Rrethit Gjyqësor Tiranë, për shtetasin B.T, vjeç 64, banues në Tiranë, pasi dyshohet se, në oborrin e SQU-së, duke drejtuar mjetin tip “Toyota”, ka aksidentuar këmbësorin K.M, vjeç 58, banues në Tiranë, i cili pas mjekimit në spital u largua në banesë. Neni 290 i Kodit Penal.

Më datë 17.07.2017, u arrestua në flagrancë H.N vjeç 65, banues në Elbasan, pasi në fshatin Ibë, duke drejtuar mjetin tip “Benz”, është përplasur me mjetet tip “Benz”, me drejtues A.B, vjeç 68 dhe me mjetin tip “Golf” me drejtues G.Z, vjeç 35 ku si pasojë është dëmtuar pasagjerja e mjetit  Z.P, vjeç 68, e cila ndodhet në spital në gjendje të rëndë shëndetësore. Neni 290 i Kodit Penal.

Më datë 17.07.2017, u referuan materialet në Prokurorinë e Rrethit Gjyqësor Tiranë, për shtetasen M.F, vjeç 41, banuese në Tiranë, pasi dyshohet se në rrugën “Asim Vokshi”, duke drejtuar mjetin tip “Volksvagen”, ka aksidentuar këmbësorin A.N, vjeç 18, i cili ndodhet në spital, jashtë rrezikut për jetën. Neni 290 i Kodit Penal.

Më datë 17.07.2017, u arrestua në flagrancë shtetasi A.M, vjeç 32, banues në Bathore, pasi te Kthesa e Kamzës,  duke drejtuar mjetin tip “Benz” ka aksidentuar këmbësoren A.Z, vjeç 20 banuese në Tiranë, e cila ndodhet në spital në gjendje të rëndë shëndetësore. Neni 290 i Kodit Penal.

Më datë 17.07.2017, u referuan materialet në Prokurorinë e Rrethit Gjyqësor Tiranë, për shtetasin M.SH, vjeç 21, banues në Yrshek, pasi dyshohet se prane nje qendre tregtare, u kap duke drejtuar pa leje drejtimi, motorin tip “Lifan”. Neni 291 i Kodit Penal.

Më datë 17.07.2017, u referuan materialet në Prokurorinë e Rrethit Gjyqësor Tiranë, për shtetasin S.Xh, vjeç 18, banues në Tiranë, pasi dyshohet se në Kombinat, u kap duke drejtuar pa leje drejtimi, motorin tip “Piagio”. Neni 291 i Kodit Penal.

Më datë 17.07.2017, u arrestua në flagrancë shtetasi F.O vjeç 22, banues në Babrru, pasi në fshatin Prezë, duke drejtuar pa leje drejtimi motorin tip “Papaq”, pa targë, ka dalë nga rruga, për pasojë është dëmtuar pasagjeri R.M vjeç 22, banues në Tiranë, i cili ndodhet në spital jashtë rrezikut për jetën. Nenet 291 e 290 të Kodit Penal.

Drejtoria Vendore e Policisë Durrës

Seksioni kundër krimit ekonomik e financiar

Më datë 17.07.2017, u referuan materialet në Prokurorinë e Rrethit Gjyqësor Durrës, për shtetasin XH.B, vjeç 54, banues në Tiranë, përfaqësues i nje policie private, pasi dyshohet se ka bërë kallëzim shtetasi P.N, vjeç 52, banues në Hamallaj, Durrës, se nuk i janë paguar  nje sasi lekesh rrogë dhe nje sasi lekesh sigurime shoqërore për punën e bërë si polic privat. Nenet 143 e 180 të Kodit Penal.

Më datë 17.07.2017, u referuan materialet në Prokurorinë e Rrethit Gjyqësor Durrës, për shtetasit A.L dhe R.L vjeç 45 e 36, banues në Gjirokastër e Durrës, pasi dyshohet se ka bërë kallëzim shtetasi F.Z, vjeç 43, banues në Durrës, se i kanë marrë nje sasi eurosh për blerjen e një apartamenti dhe nuk i kanë dorëzuar apartamentin. Nenet 143 e 180 të Kodit Penal.

Seksioni i hetimit të ngjarjeve në qarkullimin dhe AIS

Më datë 17.07.2017, u referuan materialet në Prokurorinë e Rrethit Gjyqësor Krujë, për shtetasen A.L, vjeç 26, banues në Laç, pasi dyshohet se, në fshatin Larushk, Krujë, duke drejtuar mjetin tip “Volksvagen”, ka aksidentuar shtetasin F.K vjeç 62 banues në Borçë, Durrës dhe shtetasen e mitur vjeç 4, banues në Borçë, Durrës, e cila pas ndihmës mjekësore është larguar për në banesë, kurse F.K ndodhet në spital, jashtë rrezikut për jetën. Neni 290 i Kodit Penal.

Më datë 17.07.2017, u referuan materialet në Prokurorinë e Rrethit Gjyqësor Durrës, për shtetasin K.Z vjeç 19, banues në Tiranë, pasi dyshohet se në rrugën Shkafane-Gjiri i Lalzit, duke drejtuar mjetin tip “Hyundai” ka dal nga rruga e për pasojë është dëmtuar vet drejtuesi dhe pasagjerët P.Z, L.C dhe H.C, vjeç 22, 17 e 24, banuese në Tiranë, të cilët ndodhen në spital, jashtë rrezikut për jetën. Neni 290/1 i Kodit Penal.

Më datë 18.07.2017, u referuan materialet në Prokurorinë e Rrethit Gjyqësor Durrës, për shtetasit XH.V dhe S.A vjeç 30 e 24 banues në Durrës, pasi dyshohet se në lagjen Nr. 10, duke drejtuar mjetet tip “Benz”, dhe “Volksvagen” janë përplasur, për pasojë janë dëmtuar S.A dhe pasagjerët A.B dhe P.M, vjeç 26 e 28, banues në Durrës, të cilët ndodhen në spital, jasht rrezikut për jetën. Neni 290/1 i Kodit Penal.

Drejtoria Vendore e Policisë Elbasan

Sektori për krimin ekonomik e financiar

Elbasan

Finalizohet me sukses operacioni policor i koduar “Koordinatorja”

Ndalohet një shtetase.

Specialistët e Sektorit për Krimin Ekonomik dhe Financiar, në Drejtorinë Vendore të Policisë Elbasan, finalizuan me sukses operacionin policor të koduar “Koordinatorja”.

Si rezultat i këtij operacioni, u bë ndalimi i shtetases:

K. K.,  28 vjeçe  banuese  në Elbasan.

Ndalimi i saj, u bë në kuadër të një proçedimi penal, pasi Gjykata e Rrethit Gjyqësor Elbasan me vendim penal më datë 14.07.2017, ka caktuar masën e sigurisë “Arrest në burg” për veprat penale “Ushtrimi i ndikimit të paligjshëm ndaj personave që ushtrojnë funksione publike” dhe “Mashtrimi” parashikuar nga nenet 245/1 dhe 143/2 të Kodit Penal.

Kjo shtetase, dyshohet të ketë mashtruar shumë persona, pasi duke u prezantuar si koordinatore e një shoqate dhe pasi merrte kontakt me njerëz të ndryshëm dyshohet ti ketë marrë 500 - 2000 Euro  në këmbim të një vendi pune në administratë shtetërore.  Këtë aktivitet, dyshohet ta ketë bërë nga muaji Maj 2016 – Mars 2017.

Materialet i kaluan Prokurorisë së Rrethit Gjyqësor Elbasan për veprime të mëtejshme.

Seksioni kundër krimit ekonomik e financiar

Më datë 17.07.2017, u referuan materialet në Prokurorinë e Rrethit Gjyqësor Elbasan, për shtetasen K.K vjeç 28, banuese në  Elbasan, pasi dyshohet se ka bërë kallëzim shtetasja E.GJ, vjeç 22 banuese në Librazhd, se në muajin qershor 2016, i ka marrë 500 Euro në këmbim të një vendi pune në administratë shtetërore. Nenet 245/1 e 143/2 të Kodit Penal.

Seksioni kundër pastrimit të parave

Më datë 17.07.2017, u ndalua shtetasja në kërkim A.A, vjeç 50 banuese në Korçë, pasi Gjykata e Rrethit Gjyqësor Korçë, e ka dënuar me 4 muaj burg për veprën penale  “Përvetësimi  i  parave ose mallrave që rrjedhin nga vepra penale ose veprimtaria kriminale”. Neni 287/b/1 i Kodit Penal.

Drejtoria Vendore e Policisë Berat

Seksioni i hetimit të ngjarjeve në qarkullimin dhe AIS

Më datë 17.07.2017, u arrestua në flagrancë shtetasi E.A, vjeç 28 banues në Berat, pasi në lagjen “Uznovë”, duke drejtuar pa leje drejtimi motorçikletën, tip “Piaggio”, pa targë, ka aksidentuar shtetasin M.A, vjeç 26, banues në Berat, pasi mori mjekim në spital u largua për në banesë. Neni 291 i Kodit Penal.

Drejtoria Vendore e Policisë Fier

Seksioni kundër krimit ekonomik e financiar

Më datë 17.07.2017, u referuan materialet në Prokurorinë e Rrethit Gjyqësor Fier, për shtetasin T.L vjeç 80 banues në fshatin Daullas, Libofshë, pronar i një makinë bluarje dhe furrë buke, pasi dyshohet se më datë 15.07.2017, shtetasi V.ZH, vjeç 73, banues në fshatin Ndërnënas, Libofshë, ka bërë kallëzim se e ka mashtruar duke i marrë 15 kv. grurë. Nenet 181, 180 e 143 të Kodit Penal.

Më datë 17.07.2017, u referuan materialet në Prokurorinë  e Rrethit Gjyqësor Fier, për shtetasin A.K, vjeç 47 banues Fier, pasi dyshohet se ka aplikuar për t’u pajisur me pasaportë biometrike me të dhënat personale të falsifikuara. Neni 189 i Kodit Penal.

Seksioni i hetimit të ngjarjeve në qarkullimin dhe AIS

Më datë 17.07.2017, u referuan materialet në Prokurorinë e Rrethit Gjyqësor Fier, për  shtetasin SH.K, vjeç 30, banues në fshatin Dërmenas, Fier, pasi dyshohet se, në rrugën Fier-Seman, tek Ura e Baçinozit, duke drejtuar mjetin tip “Citroen”, ka dalë nga rruga e për pasojë është dëmtuar dhe ndodhet në spital, nën kujdesin e mjekëve. Neni 290/1 i Kodit Penal.

 Më datë 17.07.2017, u referuan materialet në Prokurorinë e Rrethit Gjyqësor Fier, për  shtetasin  O.M vjeç 27 banues në Fier, pasi dyshohet se në Fier, në lagjen “29 Nëntori”, duke drejtuar mjetin tip “Benz”, ka aksidentuar biçiklistin S.K, vjeç 56, banues në Fier, i cili ishte me biçikletë e për pasojë është dëmtuar dhe ndodhet në spitalin Fier, nën kujdesin e mjekëve. Neni 290/1 i  Kodit Penal.

Seksioni për narkotikët

Vlorë.

Vijon operacioni masiv antidrogë.

Finalizohet  operacioni "JAVA".

Sekuestrohen 300 kg lëndë narkotike e dyshuar Cannabis Sattiva.

Arrestohet në flagrancë poseduesi i lëndës narkotike.

Në  vijim të operacionit masiv antidrogë të zhvilluar nga Policia e Vlorës e mbështetur edhe nga FNSh  gjatë gjithë javës në territorin e Llakatundit  për  goditjen  e prodhimit dhe  shitjes apo trafikimit të lëndëve narkotike,  më datë 17.07.2017,  Seksioni për Hetimin e Narkotikëve në Drejtorinë Vendore të Policisë Vlorë në bashkëpunim me strukturat e Drejtorisë së Kufirit dhe Migracionit,  kanë zhvilluar dhe finalizuar një tjetër operacion policor në fshatin Grabian, Vlorë.

Si rezultat i operacionit në një pjesë toke (ullishte) u  gjetën të fshehur dhe u sekuestruar 24 thasë të mbushur me lëndë narkotike të dyshuar Cannabis Sattiva, me peshë totale 300 kilogramë.

Nga hetimet e para të kryera nga Specialistët e Seksionit për Hetimin e Narkotikëve  ka rezultuar që sasia e lëndës narkotike dyshohet se i përkiste shtetasit A.D, 52 vjeç, banues ne fshatin Grabian,Vlorë, i cili  është arrestuar në flagrancë për veprën penale '' Prodhim dhe shitja e narkotikëve'' , parashikuar nga neni 283 i Kodit Penal.

Policia e Vlorës  po vijon  kontrollin e territorit  në të gjithë territorin me qëllim evidentimin dhe  goditjen e shitjes dhe trafikimit të lëndëve narkotike.

Seksioni kundër krimeve ndaj personit

Në vijim të komunikatës datë 21.04.2017, që bënë fjalë për vrasjen me armë zjarri të  shtetasit E.GJ, më datë 17.07.2017, u ndalua shtetasi E.Ç, vjeç 23, banues në Tiranë. Neni 300 i Kodit Penal.

Seksioni i hetimit të ngjarjeve në qarkullimin dhe AIS

Më datë 17.07.2017, u referuan materialet në Prokurorinë e Rrethit Gjyqësor Vlorë, për shtetasin E.D, vjeç 23, banues në Vlorë, pasi dyshohet se më datë 15.07.2017, duke drejtuar mjetin tip “Ford”, ka goditur motorin ku për pasojë është dëmtuar drejtuesi i tij, shtetasi E.H, vjeç 34, banues në Babicë. Neni 290 i Kodit Penal.

Drejtoria Vendore e Policisë Lezhë

Seksioni kundër krimit ekonomik e financiar

Më datë 17.07.2017, u referuan materialet në Prokurorinë e Rrethit Gjyqësor Lezhë, për shtetasen B.D, vjeç 73, banues në fshatin Spiten, Lezhë, pasi dyshohet se ka bërë kallëzim shtetasi A.GJ, vjeç 33, banues ne Zejmen, se në bashkëpunim me bashkëshortin, shtetasin B.D vjeç 75, aktualisht i vdekur, kanë falsifikuar një testament, për lënie trashëgimie të një pasurie në fshatin Spiten. Neni 186 i Kodit Penal.

Seksioni i hetimit të ngjarjeve në qarkullimin dhe AIS

Më datë 17.07.2017, u arrestua në flagrancë shtetasi Z.P, vjeç 24, banues në Lester, Kurbin, pasi në Laç, u kap duke drejtuar pa leje drejtimi, motorin tip “Honda”, pa targë. Neni 291 i Kodit Penal.

Drejtoria Vendore e Policisë Shkodër

Seksioni për narkotikët

Më datë 18.07.2017 u arrestua në flagrancë shtetasi A.D, vjeç 27, banues në Spanjë, pasi në PKK Muriqan, ju gjet e bllokua në cilësinë e provës materiale 2 doza lëndë narkotike e llojit Cannabis Sativa. Neni 283 i Kodit Penal.

Seksioni kundër krimit ekonomik e financiar

Më datë 17.07.2017, u ekzekutua urdhri i prokurorit për shtetasen A.K, vjeç 30, banuese në Shkodër, administratore e nje agjencie turistike pasi Gjykata e Apelit Shkodër, ka caktuar masën e sigurisë “Arrest me burg”, për veprën penale “Mashtrimi”. Neni 143/2 i Kodit Penal.

DEPARTAMENTI PËR SIGURINË PUBLIKE

KOMISARIATET E POLICISË

Komisariati i Policisë Nr. 1

Më datë 17.07.2017, u arrestua në flagrancë shtetasi A.R vjeç 20, banues në Tiranë, pasi në rrugën “Vllazën Huta”, në ambientet e Komisariatit, për shkak të detyrës, ka goditur me grusht punonjësin e policisë së rendit publik.Neni 236 i Kodit Penal.

Më datë 17.07.2017, u arrestua në flagrancë shtetasi G.M, vjeç 32, banues në Tiranë, pasi dyshohet se në rrugën ‘’Mihal Grameno‘’, ka vjedhur 1 mikrovalë të markës ‘’Boch‘’ dhe disa bizhuteri, të cilat ju sekuestruan në cilësinë e provës materiale. Neni 134/1 i Kodit Penal.

Në vijim të komunikatës që bën fjalë për largimin nga banesa të shtetasit të mitur F.A, më datë 17.07.2017, u gjet dhe dorëzua familjarëve, i cili deklaron se është larguar me dëshirën e tij. Materialet u referuan në Prokurorinë e Rrethit Gjyqësor Tiranë.

Në vijim të komunikatës që bën fjalë për largimin nga banesa të shtetases së mitur K.B, më datë 17.07.2017, u gjet dhe dorëzua familjarëve, e cila deklaron se është larguar me dëshirën e saj. Materialet u referuan në Prokurorinë e Rrethit Gjyqësor Tiranë.

Më datë 17.07.2017, u referuan materialet në Prokurorinë e Rrethit Gjyqësor Tiranë, për shtetasin B.LL vjeç 42, banues në Tiranë, pasi dyshohet se, në autobusin e linjës Baldushk-Tiranë, për shkak të detyrës, ka goditur me grusht faturinon G.Q, vjeç 18, banues në Tiranë. Neni 237 i Kodit Penal.

Më datë 17.07.2017, u referuan materialet në Prokurorinë e Rrethit Gjyqësor Tiranë, për shtetasin M.D vjeç 32, banues në Laç, pasi dyshohet se ju gjet e bllokua në cilësinë e provës materiale 1 doze lëndë e dyshuar narkotike e llojit Cannabis Sattiva. Neni 283 i Kodit Penal.

Komisariati i Policisë Nr. 2

Më datë 17.07.2017, u arrestua në flagrancë shtetasja L.M, vjeç 53 banuese në Tiranë, pasi dyshohet se në rrugën ‘‘Preng Bib Doda“, në banesë, u konstatua lidhje e paligjshme e energjisë elektrike. Neni 137/1 i Kodit Penal.

Më datë 17.07.2017, u referuan materialet në Prokurorinë e Rrethit Gjyqësor Tiranë, për shtetasin J.N, vjeç 21, banues në Tiranë, pasi dyshohet se në banesë, ka ushtruar dhunë fizike e psikologjike ndaj gjyshit, M.SH, vjeç 80. Punohet për kapjen e J.N. Neni 130/a i Kodit Penal.

Më datë 17.07.2017, u referuan materialet në Prokurorinë e Rrethit Gjyqësor Tiranë dhe punohet për kapjen e shtetasit A.D, vjeç 28, banues në Tiranë, pasi dyshohet se më datë 30.03.2017, nëpërmjet mashtrimit, i ka marrë me qera dhe nuk ja ka kthyer, mjetin tip “Mitubishi”, shtetasit A.B, vjeç 50 banues Tiranë. Me cilësinë e provës materiale u sekuestrua mjeti. Neni 143 i Kodit Penal.

Më datë 18.07.2017, u referuan materialet në Prokurorinë e Rrethit Gjyqësor Tiranë, për shtetasin E.S vjeç 39 banues në Tiranë, pasi dyshohet se më datë 17.07.2017, në rrugën “Medar Shtylla”, ka goditur me grusht, shtetasin E.H, vjeç 24, banues në Tiranë. Neni 90 i Kodit Penal.

Komisariati i Policisë Nr. 3

Më datë 17.07.2017, u arrestua në flagrancë shtetasi E.GJ, vjeç 26, banues në Tiranë, pasi më datë 16.07.2017, në Sheshin ”Nënë Tereza”, duke drejtuar mjetin tip “Volksvagen”,nuk i është bindur urdhrit të punonjësve të policisë së rendit publik, për të ndaluar mjetin, është larguar, duke kaluar disa semafor me të kuq dhe në rrugën ”Asim Vokshi”, ka goditur mjetin e parkuar tip ”Renault”, duke i shkaktuar dëme materiale. Nenet 236, 242, 273 e 150 e 274 të Kodit Penal.

Më datë 16.07.2017, në rrugën “Dritan Hoxha”, punëtorët e nje firme private, gjatë gërmimeve, kanë konstatuar një predhë luftarake e cila u sekuestrua në cilësinë e provës materiale. Materialet i referohen Prokurorisë së Rrethit Gjyqësor Tiranë për veprime të mëtejshme.

Më datë 17.07.2017, u arrestua në flagrancë shtetasi E.K, vjeç 34, banues në Tiranë, pasi dyshohet se më datë 16.07.2017, në banesë, ka ushtruar dhunë fizike e psikologjike ndaj babait, Ç.K, vjeç 72, i cili ndodhet në spital nën kujdesin e mjekëve. Neni 130/a i Kodit Penal

Më datë 17.07.2017, u referuan materialet në Prokurorinë e Rrethit Gjyqësor Tiranë, për shtetasen D.Q vjeç 29, banuese në Tiranë, pasi dyshohet se ka kanosur me telefon, shtetasen B.LL, vjeç 33, banuese në Tiranë. Neni 275 i Kodit Penal.

Më datë 17.07.2017,  në rrugën ”Iliria”,  kanë vjedhur lokalin e shtetasit A.B, vjeç 44, banues në Tiranë, ku i kanë marrë nje shume lekesh. Punohet për identifikimin dhe kapjen e autorit. Neni 134 i Kodit Penal.

Më datë 18.07.2017, u arrestua në flagrancë shtetasi B.M, vjeç 45, banues në Tiranë, pasi dyshohet se më datë 17.07.2017, në rrugën “Jordan Misja”, në banesë, punonjësit e OSHEE-së, kanë konstatuar ndërhyrje në matësin e energjisë elektrike. Neni 137 i Kodit Penal.

Komisariati i Policisë Nr. 4

Më datë 17.07.2017, u plotësua kërkesë-padia për lëshimin e urdhrit të mbrojtjes së menjëhershme për shtetasen S.G, vjeç 61, banuese në Tiranë, pasi dyshohet se i biri A.Ç, vjeç 46 ka ushtruar dhunë psikologjike ndaj saj. Materialet i kaluan Gjykatës së Rrethit Gjyqësor Tiranë. Ligji Nr. 9669, datë 18.12.2006. “Për masa ndaj dhunës në marrëdhëniet familjare”.

Më datë 17.07.2017, në rrugën “Selaudin Zorba”, ka rënë zjarr në një banesë private, që përdoret për zyra nga nje spital privat, ku është djegur 1 kosh mbeturinash dhe disa kuti kartoni. Nga veprimet e kryera rezultoi se, zjarri ka qenë aksidental. Materialet u referuan në Prokurorinë e Rrethit Gjyqësor Tiranë.

Në vijim të komunikatës së dhënë që bën fjalë për veprën penale “Vjedhja”, më datë 17.07.2017, u referuan materialet në Prokurorinë e Rrethit Gjyqësor Tiranë, për shtetasin e mitur F.A, vjeç 16, i cili u kap me biçikletën e vjedhur, të shtetasit G.C. Neni 287/b i Kodit Penal

Më datë 17.07.2017  u ndalua shtetasi në kërkim E.P, vjeç 62, banues në Tiranë, pasi Gjykata e Apelit Tiranë, e ka dënuar me 3 muaj burg, për veprën penale “Drejtimi i automjeteve në mënyrë të parregullt". Neni 291 i Kodit Penal.

Më datë 17.07.2017, në fshatin Brar, në vendin e quajtur "Vila", u gjetën të dëmtuara 200 rrënjë domate, të kultivuara nga shtetasi S.XH, vjeç 39 banues në fshatin Brar. Nga veprimet e kryera rezultoi se bimët janë dëmtuar nga bagëtitë që kanë qenë duke kullotur në afërsi të kësaj toke. Materialet u referuan në Prokurorinë e Rrethit Gjyqësor Tiranë, për veprime të mëtejshme.

Komisariati i Policisë Nr. 5

Më datë 17.07.2017, u referuan materialet në Prokurorinë e Rrethit Gjyqesor Tiranë, për shtetasen M.K, vjeç 23, banuese në Tiranë, pasi dyshohet se bashkeshorti, E.K vjeç 31,  kallëzon se më datë 16.07.2017, në banesë, M.K, është larguar me djalin e tyre të mitur, 3 vjeç. Punohet për kapjen e saj. Neni 127 i Kodit Penal.

Më datë 17.07.2017, u referuan materialet në Prokurorinë e Rrethit Gjyqësor Tiranë, për shtetasin P.D, vjeç 47, banues në Tiranë, pasi dyshohet se në banesë, ka ushtruar dhunë fizike e psikologjike ndaj bashkëshortes, Z.S, vjeç 63. Neni 130/a/1 i Kodit Penal.

Më datë 17.07.2017, u referuan materialet në Prokurorinë e Rrethit Gjyqësor Tiranë, për shtetasin RR.GJ, vjeç 66, banues në Tiranë, administrator i nje firme private, pasi dyshohet se shtetasi S.B vjeç 57, banues në Kamzë, kallëzon se në lagjen Nr.4 Kamzë, kjo firmë duke prodhuar zift për shtrimin e rrugëve, ka krijuar ndotje të ajrit, duke e bërë të pamundur jetesën në këtë lagje. Neni 201 i Kodit Penal.

Më datë 17.07.2017, u referuan materialet në Prokurorinë e Rrethit Gjyqësor Tiranë, për shtetasin Z.M, vjeç 29, banues në Paskuqan, pasi dyshohet se në Paskuqan, ka goditur me grusht, shtetasin  E.N, vjeç 18, banues në Paskuqan, i cili ndodhet në spital jashtë rrezikut për jetën. Neni 89 i Kodit Penal.

Komisariati i Policisë Vorë

Më datë 17.07.2017, u plotësua kërkesë-padia për lëshimin e urdhrit të mbrojtjes së menjëhershme për shtetaset S.P dhe E.P, vjeç 71 e 37,  pasi dyshohet se vajza, L.XH, vjeç 46, ka ushtruar dhunë psikologjike ndaj tyre. Materialet i kaluan Gjykatës së Rrethit Gjyqësor Tiranë. Ligji Nr. 9669, datë 18.12.2006, “Për masa ndaj dhunës në marrëdhëniet familjare”.

Më datë 17.07.2017, u plotësua kërkesë-padia për lëshimin e urdhrit të mbrojtjes së menjëhershëm, për shtetasen DH.I, vjeç 35, pasi dyshohet se bashkëshorti A.I, vjeç 42 ka ushtruar dhunë psikologjike ndaj saj. Materialet i kaluan Gjykatës së Rrethit Gjyqësor Tiranë. Ligji Nr. 9669, datë 18.12.2006, “Për masa ndaj dhunës në marrëdhëniet familjare”.

Komisariati i Policisë Kavajë

Më datë 16.07.2017, në fshatin Zambish Rrogozhinë, është rrëzuar aksidentalisht nga biçikleta, i mituri vjeç 5, ku për pasojë ka marrë dëmtime dhe ndodhet në spital, nën kujdesin e mjekëve. Materialet i referohen Prokurorisë së Rrethit Gjyqësor Kavajë, për veprime të mëtejshme.

Më datë 17.07.2017, u plotësua kërkesë-padia për lëshimin e urdhrit të mbrojtjes së menjëhershme për shtetasen SH.G, vjeç 51, pasi dyshohet se djali A.G, vjeç 28, ka ushtruar dhunë psikologjike ndaj saj. Materialet i kaluan Gjykatës së Rrethit Gjyqësor Kavajë. Ligji Nr. 9669, datë 18.12.2006, “Për masa ndaj dhunës në marrëdhëniet familjare”.

Komisariati i Policisë Durrës

Më datë 17.07.2017, në lagjen Nr.6, i parkuar , në rrugën “Shoqëria Bashkimi”, është djegur plotësisht mjeti tip “Benz”, në pronësi të ndërmarrjes së rrugëve, Bashkia Durrës dhe janë  djegur pjesërisht  mjetet tip “Benz” dhe “BMW” në pronësi të shtetasve A.K dhe G.SH, vjeç 30 e 45, banues në Durrës. Punohet për përcaktimin e shkakut të rënies së zjarrit, identifikimin dhe kapjen e autorëve. Neni 151 i Kodit Penal.

Specialistët për Krimet në Komisariatin e Policisë Durrës arrestuan në

flagrancë shtetasin:

V.N 30 vjeç, banues në Rrashbull, Durrës.

V.N ka ushtruar  dhunë fizike ndaj bashkëshortes së tij, shtetases F.N. 31 vjeçe.

Materialet i kaluan Prokurorisë së Rrethit Gjyqësor Durrës për veprime të

mëtejshme për veprën penale “ Dhunë në familje” parashikuar në nenin 130/a/4 të Kodit Penal.

Në vijim të komunikatës  që bënë fjalë për largim nga banesa të shtetasit GJ.L, më datë 17.07.2017, u paraqit vetë dhe deklaron se është larguar me dëshirën e tij, i cili u la i lirë për në banesë. Materialet i kaluan Prokurorisë së Rrethit Gjyqësor Durrës.

Më datë 17.07.2017, u referuan materialet në Prokurorinë e Rrethit Gjyqësor Durrës, për shtetasin M.A, vjeç 32, banues në fshatin Manëz, pasi dyshohet se, në banesë, ka tentuar ti japë fund jetës duke pirë ilaçe anti depresiv dhe ndodhet në spital, jashtë rrezikut për jetën. Nenet 99 e 22 të Kodit Penal.

Më datë 17.07.2017, gjatë natës, në fshatin Shkallnurë, kanë marrë kasetafonin në mjetin tip “Benz”, në pronësi të shtetasit I.S, vjeç 30, banues në Lushnjë. Materialet i kaluan Prokurorisë Rrethit Gjyqësor Durrës, për vlerësim. 

Më datë 17.07.2017, u referuan materialet hetimore në Prokurorinë e Rrethit Gjyqësor Durrës,  për shtetasin H.L, vjeç 44,  banues në Durrës, pasi dyshohet se, në lagjen nr 8, duke drejtuar motorçikletën tip “Honda”, ka aksidentuar këmbësoret N.S dhe K.Ç, vjeç 41 e 51 banuese në Lushnjë e Kavajë, të cilat ndodhen në spital, jashtë rrezikut për jetën. Neni 290  i  Kodit Penal.

Më datë 17.07.2017, në Shënavlash, është konstatuar vjedhja e banesës së shtetasit A.K, vjeç 24, ku kanë marrë 1 celular, 1 televizor plazmë dhe 1 laptop .Punohet për identifikimin dhe kapjen e autorëve. Neni 134  i Kodit Penal.

Më datë 17.07.2017, në fshatin Arapaj, shtetasja S.S, vjeç 16, aksidentalisht ka rënë nga ballkoni i katit të dytë të banesës, është dëmtuar e ndodhet në spital, nën kujdesin e mjekëve. Materialet i kaluan Prokurorisë Rrethit Gjyqësor Durrës, për ngjarje aksidentale.

Specialistët për Krimet në Komisariatin e Policisë Durrës arrestuan në

flagrancë shtetasin:

E.N 19 vjeç,banues në Durrës.

Më datë 17.07.2017, në lagjen Nr. 4, me një mjet të fortë (biçak), i ka vjedhur me dhunë një telefon celular ”Iphone 5”,dhe një sasi lekësh shtetasit R.E. 57 vjeç, banues në Golem.

Materialet I kaluan Prokurorisë së Rrethit Gjyqësor  Durrës për veprime të

mëtejshme për veprën penale “ Vjedhja me dhunë “ parashikuar në nenin 139 të

Kodit Penal.

Komisariati i Policisë Krujë

Më datë 17.07.2017, në Fushë Krujë, ka rënë zjarr në mjetin tip “Man”, me drejtues shtetasin H.A, vjeç 51 banues në Mamuras, Laç, ku janë djegur 5 goma. Nga veprimet e kryera rezultoi se zjarri ka rënë si pasojë e defekt teknik në mjet. Materialet  kaluan Prokurorisë së Rrethit Gjyqësor  Krujë, për vlerësim.

Më datë 17.07.2017, u referuan materialet në Prokurorinë e Rrethit Gjyqësor Krujë, për shtetasin D.GJ, vjeç 62, banues në Derven, pasi dyshohet se në Derven, ka kanosur dhe plagosur lehtë me një thikë buke, shtetasin A.GJ, vjeç 20, banues në Derven, cili mori mjekim pa probleme për jetën. Nenet 84 e 89 të Kodit Penal.

Më datë 17.07.2017,u referuan materialet në Prokurorinë e Rrethit Gjyqësor Krujë dhe punohet për kapjen e shtetasve SH.D dhe L.D, vjeç 46 e 56,banues në Tiranë,pasi dyshohet se gjatë kontrollit të territorit,në fshatin Barkanesh,Bashkia Krujë,në vendin e quajtur “Përroi Gurrës”,në një vend të shpyllëzuar,pronë e familjes R.D,territor i Komisariatit Policisë Krujë,në një sipërfaqe 50 m²,u gjetën të kultivuara dhe u asgjësuan 20 bimë narkotike të llojit Cannabis Sativa,me gjatësi 40–120 cm.Nenet 284 dhe 25 të Kodit Penal.

Komisariati i Policisë Shijak

Më datë 17.07.2017, u referuan materialet në Prokurorinë e Rrethit Gjyqësor Durrës, për shtetasin I.A vjeç 37, banues në Koxhas, pasi dyshohet se shtetasja R.A, vjeç 34, banuese në Koxhas, ka bërë kallëzim se në banesën e saj, e ka sharë e ofenduar, duke shkelur urdhrin e mbrojtjes së Gjykatës. Neni 321 i Kodit Penal.

Më datë 17.07.2017,u referuan materialet në Prokurorinë e Rrethit Gjyqësor Durrës, për shtetasin  E.XH, vjeç 38, banues në Shijak, pasi dyshohet se shtetasi Z.G, vjeç 71, banues në Shijak, kallëzon se më datë 14.07.2017, E.XH u ka vënë zjarrin disa pjesëve këmbimi  të vjetra, në oborrin e banesës së tij. Neni 151 i  Kodit Penal.

Komisariati i Policisë Elbasan

Më datë 17.07.2017, në lagjen “5 Maji”, në afërsi të banesës së shtetasit XH.S, vjeç 82 ka rënë zjarr, për pasojë është djegur gardhi rrethues i saj. Materialet ju kaluan Prokurorisë së Rrethit Gjyqësor Elbasan.

Më datë 17.07.2017, në lagjen “Shenkoll”, në anë të rrugës “Thoma Kalefi”, u gjendën të hedhura dhe sekuestruan në cilësinë e provës materiale 4 kallëpe të dyshuara lëndë plasëse dhe 2 fitila zjarr përcjellës. Punohet për identifikimin e kapjen e autorit. Neni 278 i Kodit Penal.

Më datë 17.07.2017, u referuan materialet në Prokurorinë e Rrethit Gjyqësor Elbasan, për shtetasin E.B, vjeç 41, banues në fshatin Kusarth, pasi dyshohet se në banesë, punonjësit e kompanisë OSHEE-së,  kanë konstatuar ndërhyrje në aparatin matës të energjisë elektrike. Neni 137 i Kodit Penal.

Komisariati i Policisë Cërrik

Specialistët për Krimet, në Komisariatin e Policisë Cërrik, bënë arrestimin në

flagrancë të shtetasit:

G.B, 40 vjeç banues në fshatin Shtërmen

Arrestimi i tij, u bë pasi në Cërrik, duke drejtuar mjetin, u ndalua dhe u konstatua duke drejtuar mjetin në gjëndje të dehur. Ky shtetas, dyshohet të mos i jetë bindur urdhërit të punonjësit të policisë për ta shoqëruar në Komisariat.

Materialet i kaluan Prokurorisë së Rrethit Gjyqësor Elbasan për veprime të mëtejshme për veprën penale “Mosbindja ndaj urdhërit të punonjësit të policisë së rendit publik” dhe “Drejtimi i automjetit në gjëndje të dehur” parashikuar nga nenet 242 dhe 291 të Kodit Penal.

Komisariati i Policisë Peqin

Më datë 17.07.2017, u referuan materialet në Prokurorinë e Rrethit Gjyqësor Elbasan, për shtetasin K.GJ vjeç 71, banues në Peqin, dyshohet se, në banesë, ju gjet dhe sekuestrua në cilësinë e provës materiale, 1 armë gjahu pa leje. Neni 280 i Kodit Penal.

Komisariati i Policisë Librazhd

Më datë 17.07.2017, u plotësua kërkesë-padia për lëshimin e urdhrit të mbrojtjes për shtetasen A.M vjeç 41, pasi dyshohet se ish dhëndri E.L vjeç 22 ka ushtruar dhunë fizike e psikologjike ndaj saj. Materialet i kaluan Gjykatës së Rrethit Gjyqësor  Elbasan. Ligji nr. 9669, datë 18.12.2006, “Për masa ndaj dhunës ne marrëdhëniet familjare”.

Më datë 17.07.2017, u referuan materialet në Prokurorinë e Rrethit Gjyqësor Elbasan, për shtetasin E.L, vjeç 22 pasi dyshohet se nëpërmjet telefonit, ka fyer e kërcënuar ish vjehrrën e tij, shtetasen A.M, vjeç 41, banuese në Librazhd. Neni 275 i Kodit Penal.

Më datë 17.07.2017,u referuan materialet në Prokurorinë e Rrethit Gjyqësor Elbasan, për shtetasin F.I, vjeç 36, banues në Tiranë, pasi dyshohet se në Qafë Thanë, duke drejtuar mjetin tip “Ford ”, është përplasur me mjetin tip “Land Rover”, me drejtues shtetasin Z.T vjeç 50, banues në Tiranë, për pasojë janë dëmtuar pasagjerët O.I, R.I, G.I dhe L.T, vjeç 31, 12, 9 dhe 19, banues në Tiranë, të cilët kanë marrë mjekim dhe janë jashtë rrezikut për jetën. Neni 290 i Kodit Penal.

Komisariati i Policisë Gramsh

Më datë 17.07.2017, u referuan materialet në Prokurorinë e Rrethit Gjyqësor Elbasan dhe punohet për kapjen e shtetasit B.D, vjeç 36, banues në fshatin Cerunjë, pasi dyshohet se në lagjen “Holta”, në lokal, ka tentuar të godasë me thikë shtetasin Z.G, vjeç 40 banues ne fshatin Qarret. Nenet 76 e 22 të Kodit Penal.

Komisariati i Policisë Korçë

Më datë 17.07.2017, u plotësua kërkesë-padia për lëshimin e urdhrit të mbrojtjes së menjëhershme për shtetasen L.M vjeç 57, banuese në Korçë, pasi dyshohet se kunata, I.T vjeç 60 ka ushtruar dhunë psikologjike ndaj saj. Materialet i kaluan Gjykatës së Rrethit Gjyqësor Korçë. Ligji Nr. 9669, datë 18.12.2006. “Për masat ndaj dhunës në marrëdhëniet familjare”.

Më datë 12.07.2017, në fshatin Zaroshkë, Pustec, është djegur 0.5 ha shkurre me lartësi 1-2 m. si dhe 0.5 dynym arë e mbjellë me grurë, në pronësi të shtetasit B.A, vjeç 74, banues në Zaroshkë. Punohet për identifikimin dhe kapjen e autorit. Materialet u referuan në Prokurorinë e Rrethit Korçë. Neni 151 i Kodit Penal.

Më datë 17.07.2017, gjatë natës, në lagjen nr. 6, shtetasit F.M, vjeç 51, i kanë vjedhur mjetin tip “Benz”. Punohet për identifikimin dhe kapjen e autorit. Neni 134 i Kodit Penal.

Më datë 17.07.2017, shtetasi A.S, vjeç 27, banues në Korçë, administrator i nje firme private interneti,  kallëzon se gjatë natës në lagjet 6, 8, 10 dhe 17, është dëmtuar kabulli i linjës së shtrirë nga kjo firmë për telefon, TV dhe internet. Punohet për identifikimin dhe kapjen e autorit. Neni 150 i Kodit Penal.

Më datë 18.07.2017, u referuan materialet në Prokurorinë e Rrethit  Gjyqësor, për shtetasin TH.N, vjeç 24, banues në Korçë,  pasi dyshohet se ka përndjekur për një periudhë prej 3-4 muajsh, për ta mbajtur në lidhje shtetasen A.R, vjeç 43 banuese në Korçë. Neni 121/a i Kodit Penal.

Komisariati i Policisë Devoll

Më datë 17.07.2017, gjatë natës, në Bilisht, është vjedhur me thyerje banesa e shtetasit J.K, vjeç 52, ku kanë marrë 1 orë dore, 1 varëse dhe 2 byzylykë floriri. Punohet për identifikimin dhe kapjen e autorit. Neni 134 i Kodit Penal.

Komisariati i Policisë Pogradec

Më datë 17.07.2017, u ndalua shtetasi në kërkim I.T, vjeç 42, banues në Pogradec, pasi Gjykata e Rrethit Gjyqësor Pogradec, e ka dënuar me 1 muaj, burg për veprën penale “Drejtimi i automjeteve në mënyrë të pa rregullt”. Neni 291 i Kodit Penal.

Komisariati i Policisë Fier

Fier

Specialistët e Sektorit të Qarkullimit Rrugor, arrestuan në flagrancë shtetasin:

L.A vjeç 50  vjeç, banues në lagjen “Loni Dhamo” Lushnje.

Arrestim i këtij shtetasi u bë pasi në datën 17.07.2017, në lagjen “Liri” në afërsi të Aziles, duke drejtuar mjetin tip Benz ka aksidentuar shtetasin

J.K, 77 vjeç, banues në “Mbrostar Ura” Fier, i cili udhëtonte me biçikletë.

Shtetasi J.K ndodhet në Spitalin Rajonal Fier nën kujdesin e mjekëve jashtë rrezikut

për jetën.

Shtetasi L.A është larguar nga vendi i aksidentit dhe më pas u bë e mundur kapja dhe arrestimi i tij nga shërbimet e qarkullimit rrugor.

Materialet i kaluan Prokurorisë pranë Gjykatës së Shkallës së Parë Fier për veprat

penale “Shkelje e rregullave të qarkullimit rrugor” dhe “Largimi nga vendi i aksidentit” parashikuar nga Nenet 290 e 273 të Kodit Penal.

Komisariati i Policisë Lushnjë 

Më datë 17.07.2017, u referuan materialet në Prokurorinë e Rrethit Gjyqësor Lushnjë, për shtetasin A.L, vjeç 18, banues në fshatin Dushk, pasi dyshohet se në fshatin Gramsh, ka goditur me grusht shtetasin E.B vjeç 21, banues në Gramsh. Neni 89 i Kodit Penal.

Komisariati i Policisë Divjakë

Më datë 17.07.2017, u plotësua kërkesë padia për lëshimin e urdhrit të mbrojtjes për shtetasen M.M, vjeç 47, banues në Divjakë, pasi dyshohet se e vjehrra, shtetasja M.M, vjeç 86, banuese në Divjakë, ka ushtruar dhunë psikologjike ndaj saj. Ligji nr. 9669, datë 18.12.2006. “Për masa ndaj dhunës ne marrëdhëniet familjare”.

Komisariati i Policisë Mallakastër

Më datë 17.07.2017, u referuan materialet në Prokurorinë e Rrethit Gjyqësor Fier, për shtetasen L.B vjeç 38 banues në fshatin Lavdan, pasi dyshohet se në banesë, nga kontrolli OSHEE-së, është konstatuar lidhje e paligjshme e energjisë elektrike. Neni 137 i Kodit Penal.

Komisariati i Policisë Vlorë

Më datë 17.07.2017, u referuan materialet në Prokurorinë e Rrethit Gjyqësor Vlorë, për shtetasin K.M, vjeç 31, banues në Vlorë, pasi dyshohet se më datë 16.07.2017, ka dhunuar bashkëjetuesen, shtetasen N.GJ, vjeç 18 banuese në Vlorë. Neni 130/a i Kodit Penal. 

Më datë 17.07.2017, në lagjen “Pavarësia 2”, grupi i OSHEE, gjatë kontrollit tek kabina elektrike, konstatoi se 13 matësve të energjisë elektrike, u kishin dëmtuar vulën. Punohet për identifikimin dhe kapjen e autorëve. Neni 156 i Kodit Penal.

Më datë 17.07.2017, shtetasja L.B, vjeç 54, banuese në Vlorë, kallëzon, se më datë 22.04.2017, pranë agjencisë Doganore në Port, shtetasi L.H vjeç 49, banues në Kurbin, për të kryer procedurën e transitit të automjetit tip “Renault Laguna”, nuk e ka mbyllur dhe nuk është paraqitur pranë doganës së Tiranës. Materialet u referuan Prokurorisë së Rrethit Gjyqësor Vlorë. Neni 143 i Kodit Penal.

Më datë 17.07.2017, u arrestua në flagrancë shtetasi V.S, vjeç 41,  banues në Vlorë, pasi dyshohet se në lagjen “Pavarësia”,  ne banesë, është konstatuar një linjë e dytë energjie elektrike që furnizonte një objekt të tij. Neni 137 i Kodit Penal.

Më datë 17.07.2017, u referuan materialet në Prokurorinë e Rrethit Gjyqësor Vlorë, për shtetasin L.S, vjeç 44 banues në fshatin Sherishtë, pasi dyshohet se në Sherishtë, ka kanosur shtetasin F.S, vjeç 21, banues në Sherishtë. Neni 84 i Kodit Penal.

Komisariati i Policisë Sarandë

Më datë 17.07.2017, në Ksamil, është vjedhur nje supermarket në pronësi të shtetases K.A, vjeç 54, banuese në Sarandë, ku kanë marrë kasafortën me nje sasi lekesh.

Në fshatin Çukë, në afërsi të hidroforit, është gjetur i braktisur mjetin tip “Ford”. Punohet për identifikimin dhe kapjen e autorëve. Neni 134/2 i Kodit Penal.

Komisariati i Policisë Gjirokastër

Më datë 17.07.2017, u ndalua shtetasi A.Ç vjeç 37, banues në fshatin Hormovë, Tepelenë, pasi dyshohet se më datë 14.07.2016, në lagjen “18 Shtatori”, ka vjedhur lokalin e shtetasit M.SH, vjeç 51, banues në Gjirokastër, ku  ka marrë nje sasi lekesh dhe disa sende të tjera.  Neni 134 i Kodit Penal.

Më datën 17.07.2017, u referuan materialet në Prokurorinë e Rrethit Gjyqësor Gjirokastër, për shtetasin D.G, vjeç 25, banues në  fshatin Picar, pasi dyshohet se nëpërmjet thirrjeve  telefonike, ka fyer e kanosur shtetasin SH.K, vjeç 42, banues në Picar, Gjirokastër. Neni 275 i Kodit Penal.

Komisariati i Policisë Lezhë

Më datë 17.07.2017, u arrestuan në flagrancë shtetasit GJ.B, K.E dhe E.T, vjeç 36, 21 e 26, banues në Tresh, Lezhë, Droje, Mamurras, Kurbin dhe Shëngjin, Lezhë, pasi dyshohet se shtetasi Gj.B, në Shëngjin, Lezhë, u kap duke drejtuar në gjendje të dehur mjetin tip “Reno”, ka kundërshtuar me forcë punonjësit e policisë së rendit publik, së bashku me dy pasagjerët e tij K.E dhe E.T. Nenet 236/2 dhe 291 të Kodit Penal. 

Më datë 17.07.2017, në Shëngjin, është vjedhur banesa e shtetasit B.N vjeç 61  ku kanë marrë nje sasi lekesh dhe 1varëse floriri. Punohet për identifikimin dhe kapjen e autorit. Neni 134 i Kodit Penal.

Më datë 17.07.2017, u plotësua kërkesë-padia për lëshimin e urdhrit të mbrojtjes së menjëhershme për shtetasin L.L vjeç 59 banues në Lezhë, pasi dyshohet se bashkëshortja GJ.L, vjeç 50, ka ushtruar dhunë psikologjike ndaj tij. Materialet i kaluan Gjykatës së Rrethit Gjyqësorë Lezhë. Ligji Nr. 9669, datë 18.12.2006, “Për masa ndaj dhunës ne marrëdhëniet familjare”

Komisariati i Policisë Kurbin

Më datë 17.07.2017, në superstradën Milot-Kukës, tek rrethrrotullimi në Fushë-Milot, Kurbin, është goditur me gurë në drejtim të mjetit autobus tip “Setra”, me drejtues shtetasin F.L, vjeç 34, banues në Kosovë, ku si pasojë është dëmtuar një pjesë e xhamit të parë të mjetit. Punohet për identifikimin dhe kapjen e autorit. Neni 150 i Kodit Penal.

Komisariati i Policisë Shkodër

Më datë 17.07.2017, u ndalua shtetasi në kërkim A.N, vjeç 27 banues në Shkodër, pasi Gjykata e Apelit Shkodër, ka urdhëruar ndalimin për veprën penale “Kundërshtimi  i punonjësit të policisë së rendit publik”. Neni 236 e 25 i Kodit Penal.

Më datë 17.07.2017, u arrestua në flagrancë shtetasi F.GJ, vjeç 46, banues në Shkodër, pasi dyshohet se në fshatin Rrjoll, ne nje lokal punonjësit e kompanisë OSHEE-së,  kanë konstatuar lidhje të paligjshme të energjisë elektrike. Neni 137 i Kodit Penal.

Më datë 17.07.2017, u arrestua në flagrancë shtetasi P.RR, vjeç 33, banues në Shkodër, pasi dyshohet se në fshatin Rrjoll, në nje lokal në pronësi, punonjësit e kompanisë OSHEE-së, kanë konstatuar lidhje të paligjshme të energjisë elektrike. Neni 137 i Kodit Penal.

Komisariati i Policisë Vau Dejës

Më datë 17.07.2017, u referuan materialet në Prokurorinë e Rrethit Gjyqësor Shkodër, për shtetasin P.L, vjeç 52, banues në fshatin Rranxa, pasi dyshohet se në fshatin Rranxa, u konstatua se po bënte ndërtim pa leje. Neni 199/a i Kodit Penal.

Komisariati i Policisë Kukës

Më datë 17.07.2017, në fshatin Gështenjë, në banesë, shtetasi S.I, vjeç 61, duke punuar aksidentalisht, ka rënë nga një lartësi prej 2.8 m, ku ka marrë dëmtime i cili ndodhet në spital, jashtë rrezikut për jetën. Materialet i kaluan Prokurorisë së Rrethit Gjyqësor Kukës, për ngjarje aksidentale.

Më datë 17.07.2017, gjatë natës, në fshatin Gjegjan, është vjedhur linja elektrike e Tensionit të ulët, ku kanë marrë 100 ml, tel elektrik bakri. Punohet për identifikimin dhe kapjen e autorit. Neni 134 i Kodit Penal.

Komisariati i Policisë Dibër

Më datë 17.07.2017, u referuan materialet në Prokurorinë e Rrethit Gjyqësor Dibër dhe punohet për kapjen e shtetasit D.I vjeç 22 banues në Tiranë, pasi dyshohet se në lagjen “Kamen”, duke drejtuar mjetin tip ”Fiat Punto”, nuk i është bindur urdhrit të punonjësit të policisë së rendit publik. Neni 242 të Kodit Penal.

Komisariati i Policisë Bulqizë

Më datë 17.07.2017, u referuan materialet në Prokurorinë e Rrethit Gjyqësor, Dibër, për shtetasin T.B, vjeç 71, banues në fshatin Lene, Mat, pasi dyshohet se në Lene, punonjësit e kompanisë OSHEE-së,  kanë konstatuar lidhje të paligjshme të energjisë elektrike që furnizonte banesën e tij. Neni 137 i Kodit Penal.

Më datë 17.07.2017,  u referuan materialet në Prokurorinë e Rrethit Gjyqësor, Dibër, për shtetasin M.RR, vjeç 62, banues në Kamzë, Tiranë, pasi dyshohet se, në fshatin Lene, Mat, punonjësit e kompanisë OSHEE-së, kanë konstatuar lidhje të paligjshme të energjisë elektrike që furnizonte banesën e tij. Neni 137 i Kodit Penal.

Komisariati i Policisë Mat

Mat

Ndalohet njëri nga autorët e dyshuar që për motive të dobëta kanosi nënë e bir

Specialistët për Hetimin e Krimit në Komisariatin e Policisë Mat, kanë ndaluar shtetasin në kërkim:

XH.B, 47 vjeç, banues në Burrel.

Ky shtetas ishte shpallur në kërkim policor pasi më datë 13.07.2017, në Komisariatin e Policisë Mat, është paraqitur dhe ka bërë kallzim shtetasja F.T, 56 vjeçe, banuese në Mat, ku ka deklaruar se, së bashku me djalin e saj, në vendin e quajtur "Kthesa e Sanës", Burrel,  për motive të dobëta  janë kanosur nga shtetasit XH.B, dhe L.B, të cilët dyshohen se i kanë kanosur nëpërmjet një arme.

Prokuroria e Rrethit Gjyqësor Mat ka regjistruar procedimin penal dhe ka vendosur ndalimin e shtetasit të lartë përmendur si i dyshuar se ka konsumuar veprat penale "Kanosje", kryer në bashkëpunim, dhe "Mbajtje pa leje dhe prodhimi i armëve shpërthyese dhe municionit", parashikuar nga nenet 84, 25, 278/1, të Kodit Penal.

Materialet i kaluan Prokurorisë për veprime të mëtejshme.

DEPARTAMENTI PER KUFIRIN DHE MIGRACIONIN

Komisariati i Kufirit dhe Migracionit Rinas

Më datë 17.07.2017, u kap shtetasja në kërkim XH.F, vjeç 26 banuese  në Tiranë,  pasi Gjykata e Shkallës së Parë Tiranë, e ka dënuar me 2 muaj burg për veprën penale “Largim nga vendi i aksidentit”. Neni 273 i Kodit Penal.

Më datë 17.07.2017, në PKK  Rinas, u kap shtetasja B.M vjeç 26, banuese ne Pogradec, e  shpallur në kërkim për veprën penale “Braktisja e fëmijëve të mitur”. Neni 124 i Kodit Penal.

Drejtoritë Vendore për Kufirin dhe Migracionin Durrës

Më datë 17.07.2017, u referuan materialet në Prokurorinë e Rrethit Gjyqësor Durrës, për shtetasin A.Ç, vjeç 19, banues në Laç,  pasi dyshohet se më datë 16.07.2017, ka hipur në mënyrë të kundërligjshme në traget duke ju shmangur kontrollit kufitar. Neni 297 i  Kodit Penal.

Më datë 17.07.2017, u referuan materialet në Prokurorinë e Rrethit Gjyqësor Durrës, për shtetasin N.Q, vjeç 22, banues në Tiranë, pasi dyshohet se më datë 15.07.2017, PKK Port Durrës, ka kaluar kufirin në mënyrë të kundërligjshme, duke ju shmangur kontrollit kufitar. Neni 297 i  Kodit Penal.

Më datë 17.07.2017, u referuan materialet në Prokurorinë Rrethit Gjyqësor Durrës, për shtetasin A.C, vjeç 23, banues në Rrëshen, pasi dyshohet se në dalje të Portit Durrës, u kap duke tentuar për të  kaluar kufirin në mënyrë të kundërligjshme për në Itali me një pasaporte biometrike,  dyshojmë se e ka përdorur duke shfrytëzuar ngjashmërinë. Neni 189 i Kodit Penal.

Drejtoritë Vendore për Kufirin dhe Migracionin Shkodër

Më datë 17.07.2017, në kufirin e gjelbër, në afërsi të S.P.K. Hani i Hotit, në sektorin e Hidrovorit, u kapen shtetasit e huaj, M.B, M.A, R.B dhe N.B,vjeç 22, 19, 25 e 25, me shtetësialgjeriane dhe siriane,të cilët kanë qenë emigrant në Greqi dhe më datë 15.07.2017, kanë kaluar kufirin shtetëror të RSH, në afërsi të PKK Kakavijë.Pas përfundimit të procedurave, u dërguan në qendrën e azilit Babrru.

Drejtoritë Vendore për Kufirin dhe Migracionin Kukës

Më datë 17.07.2017, u referuan materialet Prokurorisë  Rrethit Gjyqësorë Kukës, për shtetasin  SH.K, vjeç 53, banues në Tiranë, pasi dyshohet se , në PKK Morinë, gjatë kontrollit në sistem mjeti i tij tip “Audi”, rezulton me numër shasie të falsifikuar. Neni 190 i Kodit Penal.

 

Arkiva

Tetor 2017
He Ma Me En Pr Sh Di
25 26 27 28 29 30 1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31 1 2 3 4 5

Fushata Sensibilizuese

Video te tjera ...