Policia Kufitare godet një tjetër tentativë për trafik ndërkombëtar të lëndëve narkotike. 19.07.2017

Hani i Hotit - Shkodër.ceku 19.07.2017 4

Policia Kufitare godet një tjetër tentativë për trafik ndërkombëtar të lëndëve narkotike.

Arrestohet në flagrancë një shtetas  Ukrainas me banim në  Çeki.

Sekuestrohen rreth 19 kg Cannabis Sativa.

Më datë 19.07.2017, në PKK Hani i Hotit, në dalje të Republikës Shqipërisë, shërbimet e Policisë Kufitare me shërbim në vijën e dytë, kanë përzgjedhur për kontroll të detajuar automjetin tip Opel të marrë me qera në Çeki,, nga shtetasi Ukrainas E. R., cili kishte destinacion Malin e Zi.

Gjatë kontrollit të imtësishëm të automjetit, shërbimet e policisë konstatuan 24 pako të dyshuara me lëndë narkotike, të fshehura në pjesën e parakolpit dhe pjesën e pasme.

Pakot ishin të mbështjella me letër natriban, ku pas peshimit rezultoi rreth 19 kilogramë lëndë e dyshuar  narkotike e llojit Cannabis Sativa.

Në përfundim të veprimeve të para hetimore të kryera nga Specialistët e Sektorit për Hetimin e Narkotikëve, u bë arrestimi në flagrancë i drejtuesit të mjetit:

E. R., 42 vjeç,  banues në Pragë, Çeki.

Materialet iu referuan Prokurorisë së Krimeve të Rënda Tiranë, për veprën penale "Trafikimi i narkotikëve” mbetur në tentativë e parashikuar nga neni 283/a 22 i Kodit Penal.

ceku 19.07.2017 3

ceku 19.07.2017

ceku 19.07.2017 2

 

Arkiva

Gusht 2017
He Ma Me En Pr Sh Di
31 1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31 1 2 3

Fushata Sensibilizuese

Video te tjera ...