Informacion mbi ngjarjet, arrestimet, ndalimet dhe procedimet në 24 orët e fundit 23 korrik 2017

I.    INFORMACIONE PËR NGJARJE TË JASHTËZAKONSHME DHE EMERGJENTE1Drejtoria PPSH.1

Drejtoria Vendore e Policisë Tiranë
1.    Më datë 22.07.2017, në rrugën “Adem Sina”, në firmën “Lybesha sh.p.k”, me administrator shtetasin E.L, vjeç 43, banues në Tiranë, ka rënë zjarr si pasojë e një shkëndije elektrike. Materialet u referuan në Prokurorinë e Rrethit Gjyqësor Tiranë, si ngjarje aksidentale.

2.    Më datë 22.07.2017, në Kamëz, pas kompleksit “Shpresa AL”, ka rënë zjarr në disa mbeturina, pranë të cilave ndodhen të parkuara disa mjete pune si traktorë dhe ekskavatorë. U dërgua shërbimet dhe zjarrfikëset. Punohet për shuarjen e zjarrit. Informacion paraprak.

3.    Më datë 22.07.2017, në fshatin Ibë, ka rënë zjarr në një masiv pylli me pisha, ku janë djegur rreth 5 hektar me pisha dhe shkurre, pa rrezik për banesat dhe shtyllat e tensionit te lartë. Punohet për fikjen dhe përcaktimin shkakut të rënies së zjarrit. Materialet i kaluan Prokurorisë së Rrethit Gjyqësor Tiranë.
4.    Më datë 22.07.2017, ora 09.00, në rrugën “Vangjel Noti’’, pranë shinave të trenit, ka rënë zjarr në një kasolle me dërrasa, pranë banesës së shtetases M.M, vjeç 43, ku brenda janë djegur disa vegla pune. Nga veprimet e kryera rezulton se shkaku i zjarrit ka qenë aksidental. Materialet i kaluan Prokurorisë së Rrethit Gjyqësor Tiranë.
5.    Më datë 23.07.2017, në Valias, te Qëndra Tregtare ka rënë zjarr në marketin e shtetasit U.R vjeç 38, banues në Kamëz, ku ka patur vetëm dëme materiale. Nga veprimet e kryera rezultoi se shkaku i rënies së zjarrit të jetë aksidental. Materialet do ti kalojnë Prokurorisë së Rrethit Gjyqësor Tiranë, për ngjarje aksidentale.
6.    Më datë 22.07.2017, ora 18.40, në Kamëz, në një parcelën me bar, e  shtetasit M.M, vjeç 21, ka rënë zjarr ku janë djegur 2 dy. barr dhe më pas zjarri është përhapur në landifillin e përpunimit të plehrave Kamëz, ku ka patur vetëm dëme materiale. Nga veprimet e kryera rezultoi se shkaku i rënies së zjarrit të jetë aksidental. Materialet do ti kalojnë Prokurorisë së Rrethit Gjyqësor Tiranë, për ngjarje aksidentale.
Drejtoria Vendore e Policisë Durrës
1.    Më datë 22.07.2017, në fshatin Memje, Rrashbull, ka rënë zjarr e po digjen ferra e shkurre. U dërgua shërbimet dhe zjarrfikëset. Punohet për shuarjen e zjarrit. Informacion paraprak.
2.    Më datë 22.07.2017, ne fshatin Memje, Njisia Administrative Rrashbull, Durrës, ka rënë zjarr e po digjen ferra e shkurre, janë njoftuar zjarrfikësja dhe policia për të shkuar në vendngjarje. Punohet për shuarjen e zjarrit. Informacion paraprak.
Drejtoria Vendore e Policisë Korçë
1.    Më datë 22.07.2017, ora 02:56, në fshatin Sheqeras-Maliq, ka rënë zjarr dhe është djegur një banesë një katërshe në pronësi të shtetasve A. N., A. N. e J. Dh., ku ka patur vetëm dëme materiale. Në vendngjarje shkuan 2 mjete të shëmimit zjarrfikës të cilat bënë të mundur izolimin e zjarrit nga banesat e tjera. Punohet për sqarimin e rrethanave të kësaj ngjarjes. Informacion paraprak.
Drejtoria Vendore e Policisë Berat
1.    Më datë 22.07.2017, ora 17:00, në fshatin Bistrovicë dhe në fshatin Gajdë, Ura Vajgurore, ka rënë zjarr ku po digjen shkurre. U njoftuan shërbimi zjarrfikës. Punohet për shuarjen e zjarrit. Informacion paraprak.
2.    ora 07:55, në fshatin Moravë, Njësia Administrative Otllak, në objektin magazinë, pronë e shtetasit R.H, vjeç 52,. Nga veprimet rezultojë se, zjarri është shkaktuar nga një shkëndijë elektrike. Materialet u referuan në Prokurorinë e Rrethit Gjyqësor Berat, për vlerësim.
Drejtoria Vendore e Policisë Fier
1.    Më datë 22.07.2017, në lagjen “Kryengritja”, në vendin e quajtur “Salca”, ka rënë zjarr ku po digjen shkurre. U dërguan shërbimet dhe zjarrfikëset. Punohet për shuarjen e zjarrit. Informacion paraprak.
Drejtoria Vendore e Policisë Lezhë
1.    Më datë 22.07.2017, ora 13.00, në Rubik, poshtë nënstacionit elektrik, ka rënë zjarr duke u djegur një sipërfaqe rreth 200 m2 me ferra dhe barë i thatë, nuk ka patur probleme në njerez, banesa, i cili u fik nga shërbimi zjarrfikës. Materialet referohen në Prokurorinë e Rrethit Gjyqësor Lezhë, për vlerësim.
2.    Më datë 22.07.2017, në lagjen nr. 1, Laç, në katin e parë të një pallati 9 katesh, në një dyqan të marrë me qera nga shtetasi M.B, vjeç 53, banues në Milot, ka rënë zjarr, ku ka patur dëme materiale. Materialet referohen në Prokurorinë e Rrethit Gjyqësor Kurbin për vlerësim.
Drejtoria Vendore e Policisë Shkodër
1.    Më datë 22.07.2017, ora 16.00, në fshatin Barbullush, në vendin e quajtur 'Kodra e varrezave",  Vau i Dejës, ka rënë zjarr në një zone kodrinore ku janë djegur shkure e fier. Materialet i kaluan Prokurorisë Rrethit Gjyqësor Shkodër, për vlerësim.
Drejtoria Vendore e Policisë Kukës
1.    Më datë 22.07.2017, ora 10:17, në Margegaj, Tropojë, në vendin e quajtur “Maja e Hekurave”, është shfaqur një vatër zjarri, Janë njoftuar Prefektura, Bashkia, Sherbimi Zjarrfikës, Drejtoria i Emergjencave civile Tiranë. Për shkak të terrenit të thyer malor nuk mund të fiket nga banorët. Kërkohet ndërhyrje nga ajri. Informacion paraprak.
Drejtoria Vendore e Policisë Dibër
1.    Më datë 22.07.2017, ora 20:00, në Muhurr, njësia administrative Muhurr e Lurë, në malin e Runjës, ka rënë një vatër e re zjarri, po digjen shkurre dhe trungje drurësh të thatë. Punohet për shuarjen e zjarrit. Informacion paraprak.
Mat,Rreth orës 13.40,  jemi njoftuar se në aksin rrugor Milot-Burrel, një automjet në lëvizje e sipër, ka marrë flak. Menjëherë kanë shkuar shërbimet e policisë dhe grupi hetimor në vendin e ngjarjes, konkretisht në vendin e quajtur "Kongrazhd",  ku kanë konstatuar duke u djegur një automjet tip "Range Rover", me drejtues shtetasin A.K, 32 vjeç, banues në Peshkopi. Drejtuesi i automjetit në përpjekie për të shuar  flakët ka marrë dëmtime të lehta sipërfaqësore në njërën dorë.  Shërbimet e policisë  e kanë transportuar në spitalin e Burrelit, për të marrë ndihmë mjeksore, ku pas marrjes së ndihmës së parë është larguar nga Spitali.
Drejtuesi i automjetit po udhëtonte i vetëm në automjet. Automjeti është djegur pothuaj plotësisht. Nga veprimet e kryera  dhe nga deklarimet e drejtuesit të mjetit rezulton se shkaku  i rënjes së zjarrit në automjet ka ardhur si pasojë e një shkëndijë elektrike në sistemin  elektrik të mjetit.  Për të gjitha veprimet e kryera është  komunikuar me Prokurorin e gatshëm, dhe materialet proceduriale do ti kalojnë Prokurorisë Rrethit Gjyqësor Mat, si "Ngjarje Aksidentale"

.II. DEPARTAMENTI PËR HETIMIN E KRIMIT TE ORGANIZUAR DHE KRIMET E RËNDA
DREJTORITË VENDORE TË POLICISË

Drejtoria Vendore e Policisë Tiranë

Seksioni për krimet ndaj jetës

Tiranë. Finalizohet operacioni policor i koduar "PAGESA".
Zbardhet tentativa e vrasjes me pagesë kundrejt një shtetasi. Arrestohen në flagrancë 5 shtetas. Sekuestrohet arma e krimit, pistoletë. Në lidhje me ngjarjen e ndodhur në datën 20.07.2017,  në rrugën Tafaj, përballë shkollës së mesme "Partizani" Tiranë, ku është tentuar të vritet me armë zjarri shtetasi M. P, ju informojmë se:
Menjëherë pas ndodhjes së ngjarjes, nga Drejtoria Vendore e Policisë Tiranë u organizua puna për  zbardhjen, dokumentin dhe arrestimin e autorëve,  ku u zhvillua  dhe u finalizua operacioni "Pagesa". Si rezultat i reagimit të menjëhershëm  të strukturave të policisë, kryerjes së veprimeve profesionale dhe hetimore paraprake në bashkëpunim të ngushtë me Prokurorinë e Rrethit Gjyqësor Tiranë, grumbullimit të provave  në vendngjarje, si dhe nga informacionet e marra nga vetë strukturat policore, është bërë e mundur që brenda 24 orëve të zbardhet dhe të dokumentohet e gjithë ngjarja. Është dokumentuar i gjithë mekanizmi i ngjarjes, ku kemi të bëjmë me një vrasje me pagesë, mbetur në tentativë, nga një grup i struktruar kriminal. Si rezultat i operacionit u arrestuan  të gjithë antarët e  grupit,  duke filluar nga porositësi,  ekzekutori dhe  përkrahësit pas kryerjes së krimit , më konkretisht:
E. Z, 30 vjeç, lindur e banues në Tiranë. Ky shtetas është personi që ka porositur vrasjen e shtetasit Mishel Prela, kundrejt shumës prej 80.000( tetëdhjetë mijë) eurosh, shumë të cilën  do t'ia jepte shtetasit Sh.B. dhe bashkëpuntorve të tij. Sh.B, 34 vjeç, lindur në Peshkopi e banues në Tiranë,  i cila  ka qenë në rolin e ekzekutorit , të cilit i është gjendur dhe sekuestruar  arma e krimit tip pistoletë model 54(TT). M. T. , 32 vjeç, lindur dhe banues në Tiranë, i cili  është  bashkëpuntor në tentativën e vrasjes. T. H, 41 vjeç, lindur dhe banues në Tiranë, i cili  ka bërë të mundur largimin nga vendi i ngjarjes pas kryerjes së krimit , të autorëve të krimit.  E. T, 22 vjeç, lindur në Peshkopi e banues në Tiranë, vëllai I M. T, pjestar aktiv i këtij  grupi kriminal . Motive i kësaj ngjarje është hakmarrja.
Materialet në ngarkim të këtyre shtetasëve do ti kalojnë Prokurorisë së Rrethit Gjyqësor Tiranë për veprime të mëtejshme, për veprën penale të “Vrasje me paramendim  mbetur në tentative, kryer në bashkëpunim”  dhe “Armbajtje pa leje",  parashikuar nga nenet 78 /22/25 dhe 278,  të Kodit Penal.

Komisariati Rajonal i Policisë Rrugore.

1.    Më datë 22.07.2017, u arrestua në flagrancë shtetasi A. Gj., vjeç 47, banues në Tiranë, i dënuar më parë, pasi rreth orës 11:30, në rrugën “Sadik Petrela”, u kap duke drejtuar pa leje drejtimi, motorin tip “Honday”. Neni 291 i Kodit Penal.
2.    Më datë 21.07.2017, u arrestua në flagrancë shtetasi E. H., vjeç 30, banues në Tiranë, pasi rreth orës 21:05, në rrugën “Bardhyl”, u kap duke drejtuar pa leje drejtimi dhe pa targa motorin tip “Piaggo”. Neni 291 i Kodit Penal.
3.    Më datë 22.07.2017, u referuan materialet në Prokurorinë e Rrethit Gjyqësor Tiranë, për shtetasin B.N., vjeç 33, banues në Tiranë, pasi më datë 21.07.2017, rreth orës 20:00, në rrugën “Ali Demi”, duke drejtuar me leje drejtimi mjetin tip “Volswagen” me targë ka aksidentuar këmbësoren B. K., vjeç 82, banuese në Tiranë, e cila ndodhet në spital nën kujdesin e mjekëve. Neni 290 i  Kodit Penal.
4.    Më datë 22.07.2017, u arrestua në flagrancë shtetasi A. I., vjeç 56, banues në Tiranë, pasi më datë 21.07.2017, rreth orës 22:50, në rrugën “Ibrahim Rrugova”, në kryqëzimin e urës së Tajvanit, duke drejtuar me leje drejtimi dhe në gjendje të dehur mjetin tip “Benz”, nuk i është bindur urdhrit të punonjësve të policisë rrugore. Nenet 291 e 242 të Kodit Penal.  
5.    Më datë 22.07.2017, u arrestua në flagrancë shtetasi E. K., vjeç 27, banues në Tiranë, me arsim 12 klasë, pasi rreth orës 03:50, në rrugën “George Ë. Bush”, u kap duke drejtuar në gjendje të dehur mjetin tip “Benz”. Neni 291 i Kodit Penal.
6.    Më datë 22.07.2017, u referuan materialet në Prokurorinë e Rrethit Gjyqësor Tiranë, për shtetasin B. S., vjeç 64, banues në Tiranë, pasi rreth orës 09:55, në rrugën “Sadik Petrela”, u kap duke drejtuar pa leje drejtimi motorin tip “Dayang”. Neni 291 i Kodit Penal.
Drejtoria Vendore e Policisë Durrës
Seksioni i hetimit të ngjarjeve në qarkullimin dhe AIS
1.    Më datë 22.07.2017, u referuan materialet në Prokurorinë e Rrethit Gjyqësor Durrës, për shtetasin R. D., vjeç 28, banues në Durrës, pasi në rrugën Durrës Spitallë, duke drejtuar mjetin tip “Volsvagen”, është përplasur me motorin tip “Yinxiang”, me drejtues A. Ç., vjeç 21, banues në Durrës, i cili ndodhet në spital jashtë rrezikut për jetën. Neni 290 i Kodit Penal.
Drejtoria Vendore e Policisë Elbasan
Seksioni i hetimit të ngjarjeve në qarkullimin dhe AIS
1.    Më datë 23.07.2017, u referuan materialet në Prokurorinë e Rrethit Gjyqësor Elbasan, për shtetasin G. B., vjeç 15, banues në fshatin Rrajcë, pasi në datë 22.07.2017,  ora  18:30, në qytetin e Përrenjasit, u kap duke drejtuar pa leje drejtimi mjetin tip “Nisan”. Neni 291 i Kodit Penal.
 Seksioni kundër krimeve ndaj personit
1.    Më datë 22.07.2017, ora 03:30 , u referuan materialet në Prokurorinë e Rrethit Gjyqësor Elbasan, dhe punohet për kapjen e shtetasit A. M., vjeç 51, banues në Elbasan, pasi në datë 22.07.2017, rreth orës 14.00, fshati Xibrrakë, në lokalin “Bahçe-Mbret”, në bashkëpunim me shtetas të tjerë, ka tentuar të vrasë me armë zjarri shtetasin K. M., vjeç 46, banues në Elbasan. Me cilësinë e provës materiale u gjetën e bllokuan  2 gëzhoja pistolete 9.21 mm. Punohet për identifikimin dhe kapjen e bashëautorëve. Nenet 76, 22, 25 e 278 të Kodit Penal.
Lidhur me këtë ngajrje, vijon Operacioni i Drejtorisë Vendore të Policisë Elbasan, në bashkëpunim me forcat speciale Renea. Forca të shumta policie po punojnë për kapjen  e  shtetasit  A.M.,  51 vjeç  banues  në  Elbasan si i dyshuar  për ngjarjen  e  ndodhur  më datë 22.07.2017 në Elbasan – Xibrakë.
Drejtoria Vendore e Policisë Fier

Seksioni për narkotikët.

Fier, Sekuestrohen armë, drogë dhe municione luftarake.
Policia e Fierit finalizon me sukses operacionin antidrogë të koduar "Pazari".
Sekuestrohen 75.5 kg Cannabis Sativa, 1 armë zjarri pistoletë, 2 automjete, 5 aparate telefoni, 1000 euro dhe 100 franga franceze.
Arrestohen në flagrancë 3 prej autorëve të dyshuar, shpallet në kërkim 1 tjetër.
Specialistët e Sektorit për Hetimin e Narkotikëve dhe Trafiqeve në Drejtorinë Vendore të Policisë Fier, arrestuan në flagrancë shtetasit:
S.V, 57 vjeç, banues në lagjen "16 Prilli" Fier.
S.ç, 43 vjeç, banues në lagjen "Perash", Shkodër.
K.H, 32 vjeç, banues në lagjen "Perash" Shkodër.
Në vijim të punës për goditjen e veprimtarisë kriminale të prodhimit dhe shitjes së lëndëve narkotike, mbi bazën e informacioneve të mara në rrugë operative u bë i mundur finalizimi me sukses i operacionit antidrogë të koduar "Pazari".
Gjatë kontrolli të ushtruar në lagjen "16 Prilli" në banesën e shtetasit S.V dhe në lokalin në pronësi të tij “Gentvis”, Patos , u gjetën dhe u sekuestruan në cilësinë e provës materiale 75.5 Kg lëndë narkotike e dyshuar Cannabis Sativa.
Gjatë operacionit, bashkë me shtetasin S.V, ishin edhe shtetasit S.Ç dhe K.H të cilët dyshohen si bashkëpunëtor të kësaj veprimtarie kriminale.
Gjithashtu, gjatë kontrollit të ushtruar në banesën e shtetasit E.V, 31 vjeç,(djali i shtetasit Skënder Vrenozi), u gjet dhe u sekuestrua një armë zjarri tip pistoletë TT me 1 krëhër dhe 5 fishekë. Shtetasi E.V u shpall në kërkim dhe po punohet për kapjen e tij për veprën penale "Prodhimi dhe mbajtja pa leje e armëve dhe municionit luftarak". Materialet proceduriale i kaluan për hetime të mëtejshme Prokurorisë pranë Gjykatës së Shkallës së Parë Fier për veprën penale "Prodhimi dhe shitja e lëndëve narkotike" e kryer në bashkëpunim, parashikuar nga Neni 283/2 i Kodit Penal.


Seksioni i hetimit të ngjarjeve në qarkullimin dhe AIS
1.    Më datë 22.07.2017, u referuan materialet në Prokurorinë e Rrethit Gjyqësor Fier, për  shtetasin A. G., vjeç 24, banues në fshatin Mbrastar Ura, Fier, pasi në rrugën Fier-Libofsh, në fshatin Petov, duke drejtuar mjetin tip “Benz” ka humbur kontrollin e mjetit, ka dalë nga rruga e për pasojë është dëmtuar pasagjeri,  shtetasi me iniciale S. A.  G, vjeç 18, i cili ndodhet në spital, nën kujdesin e mjekëve. Neni 290 i  Kodit Penal.

Drejtoria Vendore e Policise Vlore

Seksioni për narkotikët.

Vlorë.
Vijon operacioni masiv antidrogë në territorin e Qarkut Vlorë.
Operacioni nga Drejtoria Vendore e Policisë Vlorë në bashkëpunim me Policinë Kufitare dhe Delta Forcë. Në operacion u përdorën edhe qentë antidrogë të Policisë.
Gjatë kontrollit të territorit , Policia evidenton 21 thasë të mbushur me bimë narkotike,   Cannabis Sattiva,  boçe, kërcell e gjethe të thata si dhe mbetje të bimëve narkotike, me peshë totale rreth  210 kilogramë. Lënda narkotike u gjet e hedhur në ujë të ndenjur në shtratin e Lumit Shushicë.
Në kuadër të planeve të masave që Drejtoria e Policisë Vendore Vlorë ka marrë për parandalimin dhe goditjen e kultivimit dhe trafikimit të lëndëve narkotike, duke u nisur edhe nga komunikimi i bërë nga Drejtori i Policisë Vendore Vlorë sëbashku me Prefekten e Qarkut Vlorë me banorët e zonës gjatë një takimi sensibilizues një ditë më parë,  strukturat e Policisë kanë vazhduar kontrollet në mënyrë më të imtësishme në zonën e Shushicës.
Në shtratin e Lumit -Shushicë, në disa pellgje me ujë të ndenjur, shërbimet e Policisë në bashkëpunim me Repartin Delta dhe Policinë Kufitare  kanë konstatuar të hedhura në  ujë, rreth 21 thasë me lëndë narkotike Cannabis Sattiva. Menjëherë është njoftuar Prokurori në lidhje  me sasinë dhe  rrethanat e gjeties së lëndës narkotike.
Me urdhër të Prokurorit nga gjitha sasia e lëndës narkotike të gjetur u mor në cilësinë e provës matetiale për ekzaminime laboratorike rreth 30 kilogramë.
Ndërsa pjesa tjetër nuk i plotësonte kushtet për marrjen në cilësinë e provës materiale, ku me porosi të Prokurorit, grupi hetimor kreu veprimet e mëtejshme në vendngjarje.
Gjithashtu gjatë kontrollit të ushtruar në territorin e zonës janë gjendur disa vatra zjarri duke u djegur lëndë narkotike Cannabis Sattiva. Policia po punon për zbulimin dhe kapjen e autorëve të cilëve u përket sasia e lëndës narkotike e hedhur në ujë në shtratin e lumit Shushicë. Materialet u referuan në Prokurori për veprën penale  "Prodhimi dhe shitja e Narkotikëve'', parashikuar nga neni 283/1  i Kodit Penal.  
                      
Drejtoria Vendore e Policisë Gjirokastër
Seksioni për narkotikët
1.    Më datë 22.07.2017, u ndalua shtetasi në kërkim D. K., vjeç 55, banues në fshatin “Valare”, Gjirokastër, pasi Gjykatës të Rrethit Gjyqësor Gjirokastër, e ka dënuar me 3 vjet e 4 muaj burg, për veprën penale “Prodhimi dhe shitja e narkotikëve”. Neni 283/1 i Kodit Penal.
Drejtoria Vendore e Policisë Lezhë
Seksioni i hetimit të ngjarjeve në qarkullimin dhe AIS
1.    Më datë 22.07.2017, u arrestua në flagrancë shtetasi V. D. dhe u referuan materialet në Prokurorinë e Rrethit Gjyqësor Tiranë, për shtetasin E. D., vjeç 57 e 41, banues në Rrëja e Veles e Perlat, Mirditë, V. D., me leje drejtimi, pasi rreth në fshatin Velë, duke drejtuar në gjendje të dehur mjetin tip “Fiat”, është përplasur me motorin tip “Harly Davitson”, i drejtuar nga E. D., i cili ka shkelur rregullat e qarkullimi rrugor, për pasojë është aksidentuar e ndodhet në spital në gjendje të rëndë. Nenet 291 e 290/1 të Kodit Penal.
Drejtoria Vendore e Policisë Shkodër
Seksioni për narkotikët
1.    Në vijim të komunikatës datë 21.07.2017, më datë 22.07.2017, në PKK Hot, u ndalua shtetasi në kërkim M. N., vjeç 48, banues në fshatin Qerret, Vau Dejës, i dyshuar për veprën penale të “Prodhimi dhe shitja e narkotikëve”, i cili, me urdhër te Prokurorit të çështjes, do ndiqet në gjendje të  lire. Neni 283/2 i Kodit Penal.
Drejtoria Vendore e Policisë Kukës
Seksioni kundër krimit ekonomik e financiar
1.    Më datë 22.07.2017, u referuan materialet në Prokurorinë e Rrethit Gjyqësor Kukës, për shtetasin P. V., vjeç 22, banues në Kukës, pasi në rrugën Morin-Kukës, në Gjegjan, u kap me mjetin tip “Benz”, duke transportuar 800 kv. tërshërë që dyshohet se është kontrabandë e cila iu bllokuan me cilësinë e provës materiale. Neni 178 i Kodit Penal.

IV. DEPARTAMENTI PËR SIGURINË PUBLIKE

KOMISARIATET E POLICISË

Komisariati i Policisë Nr. 1
1.    Më datë 22.07.2017, gjatë ditës, në rrugën “Tefta Tashko”, është vjedhur banesa e shtetases E.S, vjeç 24, banues në Tiranë, ku janë marr 6 unaza dhe 3 varëse floriri. Punohet për identifikimin dhe kapjen e autorëve. Neni 134 i Kodit Penal.
2.    Më datë 22.07.2017, u referuan materialet në Prokurorinë e Rrethit Gjyqësor Tiranë, për shtetasin E.B., vjeç 35, banues në Tiranë, pasi rreth orës 19.50, në rrugën “Budi”, në banesën e tij, është konstatuar duke kryer punime, pa leje. Neni 199/ a i Kodit Penal.
3.    Më datë 23.07.2017, u arrestua në flagrancë shtetasi G. M., vjeç 32, banues në Tiranë, i dënuar më parë, pasi gjatë kontrollit të ushtruar nuk u gjet në banesë, duke thyer vendimin e Gjykatës së Rrethit Gjyqësor Tiranë, e cila kishte vendosur masën e sigurisë “Arrest shtëpie”. Neni 323 i Kodit Penal.
4.    Më datë 23.07.2017, në fshatin Mushqeta Bërzhitë, aksidentalisht ka rënë nga krevati dhe ka gjetur vdekjen e menjëhershme fëmija i mitur S.V, vjeç 3. Nga veprimet e kryera rezultoi se shkaku i vdekjes është aksidentale. Materialet do ti kalojnë Prokurorisë së Rrethit Gjyqësor Tiranë, për veprim.
Komisariati i Policisë Nr. 3
1.    Më datë 22.07.2017, u arrestua në flagrancë shtetasi J.P., vjeç 29, banues në Tiranë, pasi më datë 21.07.2017, në rrugën “Don Bosko”, u kap duke tentuar të vjedhë mjetin tip “Benz”, pa targë, në pronësi të shtetasit E.S, vjeç 29, banues në Tiranë. Me cilësinë  e provës materialet u gjetën e bllokuan mjeti motor tip “Peugeot”, i cili dyshohet të jetë i vjedhur, disa karta identiteti dhe dy kasetofonë, si dhe rezulton se është autor i ngjarjeve 6 ngjarjeve të tjera. Nenet 134 e 22 të Kodit Penal.
2.    Më datë 22.07.2017, u referuan materialet në Prokurorinë e Rrethit Gjyqësor Tiranë, për shtetasin T.B., vjeç 25, banues në Tiranë, pasi në rrugën “Egnatia”, ju gjet e bllokua 0.5 gr. bimë e dyshuar narkotike e llojit Cannabis Sativa. Neni 283 i Kodit Penal.
3.    Më datë 22.07.2017, u referuan materialet në Prokurorinë e Rrethit Gjyqësor Tiranë, për shtetasin A.H., vjeç 33, banues në Kamëz, pasi në rrugën “Dritan Hoxha”, te rrethrrotullimi i sheshit “Shqiponja”, për shkak të detyrës, nuk i është bindur urdhrit të punonjësit të policisë  rrugore. Neni 242 i Kodit Penal.   
Komisariati i Policisë Nr. 4
1.    Më datë 22.07.2017, u referuan materialet në Prokurorinë e Rrethit Gjyqësor Tiranë, për shtetasin H.N., vjeç 27, banues në Tiranë, pasi më datë 21.07.2017, në rrugën “Muhamet Deliu”, në banesë, u konstatua rilidhje e paligjshme e energjisë elektrike. Neni 137 i Kodit Penal.  
Komisariati i Policisë Nr. 5
1.    Më datë 22.07.2017, u referuan materialet në Prokurorinë e Rrethit Gjyqësor Tiranë, për shtetasin F.H., vjeç 10.06.1985, banues në Kamëz, pasi rreth orës 16:00, në rrugën “Bulevardi Blu”, për shkak të detyrës, ka kundërshtuar punonjësit e policisë rendit. Neni 236 i Kodit Penal.
2.    Më datë 22.07.2017, ora 21.00, në Bathore në banesë është vet’helmuar me përzierës karburantesh shtetësia R.D., vjeç 57, e cila ndodhet në spital jashtë rrezikut për jetën. Materialet do ti kalojnë Prokurorisë së Rrethit Gjyqësor Tiranë, për ngjarje aksidentale..  
Komisariati i Policisë Nr. 6
1.    Më datë 22.07.2017, shtetasi L. Ç., vjeç 47, banues në Tiranë, me profesion shofer, kallëzon se rreth orës 02:00, në Unazë të Re, i kanë vjedhur mjetin tip “Land Rover”, ku në mjet kishte portofolin me 30.000 lekë, kartën e identitetit, kartën e mbushjes së karburantit “Alpet”, telefonin e markës “Dooge” e lejen e drejtimit. Punohet për identifikimin, kapjen e autorit dhe gjetjen e mjetit. Neni 134 i Kodit Penal.
2.    Më datë 22.07.2017, u referuan materialet në Prokurorinë e Rrethit Gjyqësor Tiranë, për shtetasit A.D.,  dhe A.L., vjeç 21 e 46, banues në Tiranë, pasi rreth orës 17:30, në rrugën “Sabaudin Gabrani”, shtetasi A.D ka thyer sinjalet e mjetit me targa, kurse shtetasi A.L, ka goditur me grushte shtetasin A.D. Nenet 90 e 150 të Kodit Penal.  

Komisariati i Policisë Kavajë

Kavajë. Finalizohet operacioni policor i koduar “TND”.
Arrestohen në flagrancë tre  specialistë të Drejtorisë së Hetimit Tatimor  Tiranë për “Korrupsion pasiv i personave që ushtrojnë funksione publike” dhe “Shpërdorimi i detyrës”
Më datë 21.07.2017  gjatë  orëve të mbrëmjes  nga sterukturat e Policisë  është finalizuar operacioni  policor i koduar “TND”,  i cili u zhvillua pas një denoncimi të bërë nga një subjekt privat  drejtpërsëdrejti tek Kryeministri i Republikës së Shqipërisë Z.Edi Rama.
Me marrjen djeni në lidhje me denoncimin u organizuar puna nga  Drejtoria për  Krimin e Ekonomik  në Drejtorinë e Përgjithshme të Policisë së Shtetit , në  bashkëpunim me Drejtorinë Vendore të Policisë Tiranë   dhe Prokurorinë Pranë Gjykatës së Shkallës së Parë Kavajë, u finalizua me sukses operacioni policor i koduar “TND”,  ku u arrestuan  në flagrancë shtetasit:
-E. H, 37 vjeç,  lindur në Vlorë dhe banues në Tiranë, me detyrë specialist në Drejtorinë e Hetimit Tatimor Tiranë.
-E. P, 29 vjeç, lindur në Berat dhe banues në Tiranë, me detyrë inspektor i zbatimit të hetimit tatimor në Drejtorinë Rajonale Tiranë.
-A. D, 49 vjeç, lindur dhe banues në Tiranë, me detyrë inspektor i zbatimit të hetimit tatimor në Drejtorinë Rajonale Tiranë.
Arrestimi i këtyre personave u bë, pasi, më datë 21.07.2017, ora 17.00, të tre këta punonjës kanë shkuar për kontroll, pranë një subjekti privat  në Spille Kavajë, me administratore shtetasen  A. M., duke shpërdoruar detyrën  i kanë marrë administratores shumën prej 40 mijë lekë ( të rinj ) .Vijon puna për dokumentimin nëse ka raste të tjera të ngjashme të abuzimit me detyrën  ndaj bizneseve. Materialet hetimore i kaluan Prokurorisë pranë Gjykatës së Shkallës së Parë Kavajë për veprën penale “Korrupsion pasiv i personave që ushtrojnë funksione publike” dhe “Shpërdorimi i detyrës”, parashikuar nga nenet 259 dhe 248 e 25 të Kodit Penal, për ndjekje dhe hetime të mëtejshme.  Policia e Shtetit u bën thirrje çdo sipërmarrjeje apo subjekti tregëtar, që gjendet në kushte shtërguese si pasojë e sjelljes abusive të punonjësve të shtetit, të denoncojnë pa ngurim dhe i siguron të gjithë për gadishmërinë për të reaguar në kohë reale  e në mbështetje të çdo viktime të shpërdorimit të detyrës.

1.    Më datë 22.07.2017, gjatë natës, në Golem, në afërsi të kompleksit “Natyra”, shtetasit E.L., vjeç 52, banues në Tiranë, i kanë vjedhur mjetin tip “Benz”.Punohet për identifikimin e kapjen e autorit. Neni 134 i Kodit Penal.
2.    Më datë 22.07.2017, ora 08:10, u arrestua në flagrancë shtetasi K. D., vjeç 18, banues në Kavajë, pasi rreth orës 07:30, në Kavajë, u kap duke drejtuar pa leje drejtimi dhe pa targa motorin tip “Yingxiang”. Neni 291 i Kodit Penal.
3.    Më datë 22.07.2017, u referuan materialet në Prokurorinë e Rrethit Gjyqësor Kavajë, për shtetasin B.M., vjeç 38, banues në Rrogozhinë, pasi në lagjen Nr.1, ka goditur me grusht shtetasin F. H., vjeç 61, banues në Rrogozhinë,. Neni 90 i Kodit Penal.
4.    Më datë 22.07.2017, u referuan materialet në Prokurorinë e Rrethit Gjyqësor Kavajë, për shtetasin E. R., vjeç 35, banues në Kavajë, pasi rreth orës 08:00, në Kavajë, shtetasit Q. D., vjeç 49, banues në Kavajë, , i ka marrë një mobilie, (bufe) në të cilën kishte 4800 lekë, të cilat nuk pranon t’ia kthejë. Neni 134/1 i Kodit Penal.
5.    Më datë 22.07.2017, u arrestua në flagrancë shtetasi I.M., vjeç 26, banues në Kavajë, pasi rreth orës 10:45, në Kavajë, afër kryqëzimit të “Qelqit”, u kap duke drejtuar pa leje drejtimi mjetin tip Volswagen. Neni 291 i Kodit Penal.
Komisariati i Policisë Rrogozhinë
1.    Më datë 22.07.2017, u referuan materialet në Prokurorinë e Rrethit Gjyqësor Kavajë, për shtetasin Xh. H., vjeç 56, banues në fshatin Gosë pasi po në këtë fshat, ka ngacmuar seksualisht me fjalë shtetasen M.R., vjeç 33. Neni 108/a/1 i Kodit Penal.


Komisariati i Policisë Durrës.

1.Më datë 22.07.2017, u referuan materialet në Prokurorinë e Rrethit Gjyqësor Durrës, për shtetasen S. Z. vjeç 68  banuese në Durrës,  pasi u konstatua se po bënte punime pa leje në banesë.  Neni 199/a i K.P.

2.Më datë 22.07.2017, u referuan materialet në Prokurorinë e Rrethit Gjyqësor Durrës, për shtetasin A. I. vjeç 32, banues në Shijak,  pasi njofton për humbjen e mjetit tip “Ford” të parkuar në Maminas, të cilin pas një ore e ka gjetur tek diga e liqenit në fshatin Karpen. Neni 272 i K.P.

3.Më datë 22.07.2017, shtetasi S. H. , vjeç 38, banues në Durrës, ka bërë kallëzim se i është larguar nga banesa bashkëshortja J. H.  vjeçe 30.Po punohet për gjetjen e saj. Materialet u referuan në Prokurorinë e Rrethit Gjyqësor Durrës, për vlerësim.

4.Më datë 22.07.2017 u plotësua kërkesë-padia për lëshimin  e urdhrit të mbrojtjes së menjëhershme për shtetasen M. A. vjeç 41, banuese në Durrës, pasi bashkëshorti A. A. vjeç 47 ka ushtruar dhunë fizike dhe psikologjike. Materialet i kaluan Gjykatës së Rrethit Gjyqësor Durrës. Ligji nr. 9669, datë 18.12.20106, “Për masat ndaj dhunës në marrëdhëniet  familjare”.

5.Më datë 22.07.2017, u referuan materialet në Prokurorinë e Rrethit Gjyqësor Durrës, për shtetasin A. Ç. vjeç 52 banues në Shijak, pasi në orën 04:00, në banesën e tij, persona të paidentifikuar, kanë gjuajtur me armë zjarri banesën dhe nuk ka kallëzuar krimin. Në vendin e ngjarjes u gjetën e bllokuan 19 gëzhoja automatiku. Punohet për identifikimin dhe kapjen e autorëve. Neni 300, 301, 278/4, 150 dhe 84 i Kodit Penal.

6.Më datë 22.07.2017, në fshatin Shkallnurë, pranë pallatit të tij, shtetasit A. M. vjeç 47  banues në Tiranë, i kanë vjedhur mjetin tip “BMV”.Po punohet për identifikimin dhe kapjen e autorit. Neni 134 i Kodit Penal.
 
7.Më datë 22.07.2017, rreth orës 20:30, shtetasit B.B. vjeç 35,  banues  në Durrës, persona të paidentifikuar, brenda avllisë së banesës i kanë hedhur një granatë ofensive,  e cila nuk ka plasur. Po punohet për identifikimin dhe kapjen e autorit. Neni 278 i Kodit Penal.


Komisariati i Policisë Krujë.

1.Më datë 22.07.2017, u referuan materialet në Prokurorinë e Rrethit Gjyqësor Krujë, për shtetasin G. C.  vjeç 59, banues në Nikël, pasi në vendin e quajtur  “Kryqëzimi i Niklës”, u konstatua se ka ndërtuar një shtesë kati, pa leje. Neni 199/a i Kodit Penal.

Komisariati i Policisë Elbasan.

1-Më datë 22.07.2017 u referuan materialet  në Prokurorinë e Rrethit Gjyqësor Elbasan, për shtetasin G.S., 42 vjeç banues në fshatin Kështjellë, pasi më datë 21.07.2017 në fshatin Kështjellë, duke drejtuar mjetin bujqësor pa targa, ka humbur kontrollin e mjetit është aksidentuar vetë  dhe e ëma shtetasja S.S., 73 vjeçe pasagjere në këtë mjet dhe ndodhen në spital, nën kujdesin e mjekëve. Neni 290 i Kodit Penal.

2. Më datë 22.07.2017, ora 15:00, në fshatin Kryezjarr, në një përrua punonjësit e zjarrfikëses Elbasan, gjatë shuarjes së zjarrit ku është djegur një sipërfaqe e vogël me shkurre, kanë gjetur një armë zjarri automatik model 56, kalibër 7.62 mm. Materialet i kaluan Prokurorisë  së Rrethit Gjyqësor Elbasan, për vlerësim.  

3-Më datë 21.07.2017 në fshatin Benë, afër banesës së saj, është rrëzuar nga pema shtetasja A.I., 18 vjeçe e cila ndodhet në spital jashtë rrezikut për jetën. Materialet i kaluan Prokurorisë  së Rrethit Gjyqësor Elbasan, për ngjarje aksidentale.

Komisariati i Policisë Librazhd.

1-Më datë 22.07.2017 u referuan materialet hetimore  në Prokurorinë e Rrethit Gjyqësor Elbasan, për shtetasen  N.M., 39 vjeçe banuese në fshatin Xhyrë, pasi në fshatin Xhyrë ka ndërtuar një banesë pa leje. Neni 199/a i Kodit  Penal
 
Komisariati i Policisë Gramsh.
Më datë 22.07.2017,në fshatin Shemrizë, në barakën afër banesës së shtetasit D.Rr., 58 vjeç ku mbaheshin bimë medicinale dhe pula ka rënë zjarr, ku janë djegur 400 kg bimë medicinale dhe disa pula. Nga veprimet e kryera rezultoi, se zjarri ka rënë në mënyrë aksidentale. Materialet i kaluan Prokurorisë  së Rrethit Gjyqësorë Elbasan.

Komisariati i Policisë Korçë
1.    Më datë 22.07.2017, u referuan materialet në Prokurorinë e Rrethit  Gjyqësor Korçë, për shtetasin P.L, vjeç 70, banues në fshatin Kamenicë, pasi rreth orës 21:00, në Kamenicë, ka prishur rendin e qetësinë publike dhe thyer xhamat e kuzhinës së lokalit, të shtetasit I.XH, vjeç 51, banues Kamenicë.. Nenet 274 e 150 të Kodit Penal. 
Komisariati i Policisë Devoll
Më datë 22.07.2017, u referuan materialet në Prokurorinë e Rrethit Gjyqësor Korçë, për shtetasit R.T dhe U.T, vjeç 77 e 40, banues në Bilisht - Devoll, pasi në orën 15:30, në banesë, Refiku ka ushtruar dhunë fizike e psikologjike ndaj bashkëshortes, shtetases B.T, vjeç 73, ndërsa U.T, ka ushtruar dhunë fizike ndaj R.T, babait të tij. Neni 130/a i Kodit Penal. 

Komisariati i Policisë Berat
1.    Më datë 22.07.2017, u referuan materialet në Prokurorinë e Rrethit Gjyqësor Berat, për shtetasin K.K, vjeç 25, banues në Berat, pasi ka bërë kallëzim të rremë në polici, për vjedhjen e mjetin. Neni 272 i Kodit Penal.

Komisariati i Policisë Fier
1.Më datë 22.07.2017 u referuan materialet në Prokurorinë e Rrethit Gjyqësor Fier për shtetasin G.V, 43 vjeç, banues në  Fier, pasi  ky shtetas ka bërë kallëzim të rremë në polici. Neni 305 i Kodit Penal.

Komisariati i Policisë Patos
1.Më datë 20.07.2017 në fshatin Kuqan, lagja “Manekaj”, ka rënë zjarr ku janë djegur respektivisht 50 dhe 120 rrënjë ullinj shtetasve A.B dhe D.N, perkatesisht 51 dhe 66 vjeç, banues në Kuqar. Punohet për identifikimin dhe kapjen e autorëve. Materialet u referuan në Prokurorinë e Rrethit Gjyqësor Fier. Neni 151 i Kodit Penal.

Komisariati i Policisë Lushnjë  
1.Më datë 22.07.2017 në lagjen Karbunar e Madhe, shtetasi A.M, 61 vjeç, banues në lagjen Karbunar e Madhe, pasi duke ecur me biçikletë, është dëmtuar dhe ndodhet në spital, në kujdesin e mjekëve. Materialet ju referuan Prokurorisë Rrethit Gjyqësor Lushnjë për vlerësim.

2.Më datë 22.07.2017 u referuan materialet në Prokurorinë e Rrethit Gjyqësor Lushnjë për shtetasin V.T, 57 vjeç, vjeç 16.02.1960, banues në Lushnjë, pasi në fshatin  Karbunarë e Madhe, po ndërtonte një mur rrethues pa leje. Neni 199/a i Kodit Penal.

Komisariati i Policisë Divjakë

1.Më datë 22.07.2017 u referuan materialet në Prokurorinë e Rrethit Gjyqësor Lushnjë për shtetasin N.B, 61 vjeç, pasi në fshatin Gurë, po ndërtonte një objekt pa leje. Neni 199/a i Kodit Penal.

2.Më datë 22.07.2017 u referuan materialet në Prokurorinë e Rrethit Gjyqësor Lushnjë për shtetasin R.K 54 vjeç, pasi në fshatin Kamenic, po ndërtonte një objekt, pa leje. Neni 199/a i Kodit Penal.

3.Më datë 22.07.2017 u referuan materialet në Prokurorinë e Rrethit Gjyqësor Lushnjë për shtetasin S.K, 52 vjeç, pasi në fshatin Kamenic po ndërtonte pa leje. Neni 199/a i Kodit Penal.

4.Më datë 22.07.2017 u referuan materialet në Prokurorinë e Rrethit Gjyqësor Lushnjë për shtetasin F.M, 17 vjeç, banues në  Tiranë, pasi në Divjakë është kapur duke drejtuar pa leje drejtimi mjetin tip “Volkswagen”. Neni 291 i Kodit Penal.

Komisariati i Policisë Mallakastër

1.Në vijim të komunikatës datë 01.07.2017 që bën fjalë për vjedhje, më datë 22.07.2017, u ndalua shtetasi në kërkim F.M, 20 vjeç, banues në fshatin Kashë. Neni 134/2 i Kodit Penal.

Komisariati i Policisë Vlorë

1.Më datë 22.07.2017, u referuan materialet në Prokurorinë e Rrethit Gjyqësor Vlorë, për shtetasen S.V, 70 vjeçe, banuese në Himarë,  pasi në datën 15.07.2017, ora 10:00, në Himarë, ka ushtruar dhunë fizike ndaj shtetases E.V. 67 vjeçe banuese në Himarë, Neni 90 i Kodit Penal.

2.Më datë 22.07.2017, u referuan materialet në Prokurorinë e Rrethit Gjyqësor Vlorë, për shtetasin S.G, 45 vjeç, banues në Himarë, pasi në datën 13.07.2017, ora 08:00, në Himarë, ka pushtuar 300m2 tokë, pronë e shtetasit M.Gj. 42vjeç, banues në Tiranë. Neni 200 i Kodit Penal.

3.Më datë 20.07.2017, gjatë natës, në Dhërmi, është vjedhur banesa e shtetasit Ll.M. 76 vjeç, ku kanë marrë disa bizhuteri dhe 30 000 lekë. Punohet për zbulimin dhe kapjen e autorit. Materialet u referuan në Prokurorinë e Rrethit Gjyqësor Vlorë. Neni 134 i Kodit Penal.

4.Më datë 20.07.2017, gjatë natës, në Dhërmi, shtetasit F.M. 53 vjeç, pushues nga Kosova, i kanë marrë çantën personale në të cilën kishte disa bizhuteri me vlerë 700 euro. Punohet për zbulimin dhe kapjen e autorit. Materialet u referuan në Prokurorinë e Rrethit Gjyqësor Vlorë.

5.Më datë 22.07.2017, u referuan materialet në Prokurorinë e Rrethit Gjyqësor Vlorë, për shtetasin K.P. 33 vjeç, banues në Vlorë, pasi në orën 10:00, dha kallëzim shtetasi J.B. 33 vjeç, se më datën 21.07.2017, ora 15:30, tek plazhi “Nimfa”, në lagjen “Ujë i Ftohtë”, i ka marrë me qera një motor deti dhe nuk e ka kthyer. Punohet për gjetjen dhe kapjen e tij. Neni 143 i Kodit Penal.

6.Më datë 22.07.2017, ora 10:30, në fshatin Fitore, shtetasi E.K. 84 vjeç, ka rënë nga ballkoni i katit të 3-të duke pësuar dëmtime dhe ndodhet në spital në gjendje të rëndë shëndetësore. Materialet u referuan në Prokurorinë e Rrethit Gjyqësor Vlorë për vlerësim.

7.Më datë 22.07.2017, ora 09:00, në lagjen “29 Nëntori”, parkuar pranë pallatit ku punonte, është djegur mjeti  tip “Volsvagen-Polo”, në pronësi të shtetasit  Sh.S. 37 vjeç, banues në fshatin Babicë e Madhe, Nga veprimet rezultoi se shkaku i zjarrit ka ardhur si pasojë e një shkëndije elektrike. Materialet i kaluan Prokurorisë të Rrethit Gjyqësor Vlorë, për vlerësim.

8.Më datë 22.07.2017, ora 17.35, në lagjen “Partizani”, në banesë, është vetëhelmuar me bar-miu, shtetësia Xh.O. 41vjeçe, e cila ndodhet në spital jashtë rrezikut për jetën. Materialet i kaluan Prokurorisë se Rrethit Gjyqësor  Vlorë, për vlerësim.

9.Më datë 22.07.2017, u referuan materialet në Prokurorinë e Rrethit Gjyqësor Vlorë, ndaj shtetasit Ç.A. 58 vjeç, banues në Borsh, Himarë, pasi më datë 16.07.2017, në Borsh, ka dëmtuar pajisjet në lokalin e shtetasit I.A. 41 vjeç, banues në Borsh. Neni 150 Kodit Penal.

10.Më datë 22.07.2017, ora 09.11, shtetasi S.E. 21 vjeç, banues në Llabian, Kosovë, kallëzon se, në lagjen Pavarësia,  i ka humbur portofoli me kartën e identitetit, kartë banke BKT e Shqipërisë, 200 euro dhe 2000 lekë. Punohet për identifikimin dhe kapjen e autorit. Neni 134 i Kodit Penal.

11.Më datë 22.07.2017, ora 17.40, në pyllin e djegur të fshatit Pish-Poro, janë konstatuara të mbira të shpërndara më mënyrë të çrregullt 25 bimë narkotike të llojit Cannabis Sativa, me lartësi 10-25 cm. Punohet për identifikimin dhe kapjen e autorit.
 
Komisariati i Policisë Sarandë

1.Më datë 21.07.2017, ora 08.00, në lagjen nr. 4, përsona të paidentifikuar, kanë thyer xhamin anësor mjetit  pronë e shtetasit F.P. 24 vjeç, banues në Durrës dhe kanë marrë 5000 lekë. Punohet për identifikimin dhe kapjen e autorit. Neni 134 i Kodit Penal.

2.Më datë 22.07.2017, ora 23.00, u arrestua shtetasi E.F. 31 vjeç,  banues në Ksamil, pasi më datë 21.07.2017, rreth orës 12.00, duke drejtuar mjetin lundrues skaf plastik, me motor “Evinrude-90KF”, që e përdorte në shërbim të pushuesve, ka fshehur të ardhurat e mjetit dhe aksidentalisht, ka goditur në krah dhe në kokë shtetasen K.R. 15 vjeçe,  banuese në Shen-Petërburg, Rusi, ku si pasojë e dëmtimeve ka gjetur vdekjen. Nenet 85 e 180 të Kodit Penal.
Komisariati i Policisë Gjirokastër
Në datën 22.07.2017, në bazë informacioneve të marra në rrugë policore se në vendin e quajtur “Prralli”, në fshatin Golem, në Njësinë Administrative Picar, Gjirokastër kishte të kultivuara bimë narkotike, nga shërbimet e policisë u krye  kontroll në këtë territor. Nga kontrolli i ushtruar u gjet një parcelë e hapur rishtas, në të cilën ishin hapur gropa në mënyrë të çrregullt dhe u gjetën të kultivuara 22 bimë të dyshuar si narkotike Cannabis Sattiva.Filloi procedimi penal në gjendje të lirë për kryeplakun e fshatit Golem, Gjirokastër, A. S., 43 vjeç, banues në Golem, Gjirokastër.(për veprën penale "Moskallëzim krimi")
Nga ana e shërbimeve të policisë së Komisariatit të Policisë Gjirokastër, është bërë identifikimi i autorit të mbjelljes së këtyre bimëve narkotike shtetasi: D. K., 55 vjeç, banues në fshatin Valare, Gjirokastër, (ky shtetas ishte i shpallur në kërkim, i dënuar me 3 vjet e katër muaj burg, për veprën penale të “Prodhimit dhe shitjes së narkotikëve”.

Shtetasi  D.K, është kapur nga shërbimet e policisë së Komisariatit të Policisë Gjirokastër, në afërsi të vendit ku ishin kultivuar bimët e dyshuara narkotike.
Komisariati i Policisë Tepelenë
1.    Nga infomacionet e marra në rrugë policore se në vendin e quajtur “Moçali Baros”, fshati Krahës 1, bashkia Memaliaj kishte bimë të kultivuara narkotike Cannabis Sattiva, nga shërbimet e Stacionit të Policisë Memaliaj u krye kontroll në këtë ambjent. Nga kontrolli i ushtruar, në një parcel të hapuar rishtas, u gjetën 168 bimë  narkotike të llojit Cannabis Sativa. Po punohet për identifikimin dhe kapjen e autorëve.Materialet i kaluan Prokurorisë së Rrethit Gjyqësor Gjirokastër për veprime të mëtejshme.                        
2.    Më datë 22.07.2017, u bë arrestimi në flagrancë i shtetasit E.L dhe u referuan matrialet në Prokurorinë e Rrethit Gjyqësor Gjirokastër  për shtetasin  E.L, vjeç 23 e 29, banues në fshatin Zhulaj,  pasi rreth orës 17:30, në fshatin Zhulaj, E.L, ka goditur me mjete të mprehta shtetasin D.Ç, vjeç 29, banuese në fshatin Zhulaj, , i cili ndodhet i shtruar në spital jashtë rrezikut për jetën, kurse E.L, e ka kanosur D.Ç. Nenet 89 e 84 të Kodit Penal.

Komisariati i Policisë Lezhë
1.    Më datë 22.07.2017, u referuan materialet në Prokurorinë e Rrethit Gjyqësorë Lezhë, për shtetasin E.LL, vjeç 30, banues në Lezhë, , pasi në lagjen “Nënë Tereza”, Lezhë, është konstatuar duke ndërtuar një mur brenda banesës, pa leje. Neni 199/a i Kodit Penal.  Komisariati i Policisë Kurbin
1.    Më datë 22.07.2017, u ndalua shtetasi në kërkim E.N vjeç 41, banues në Laç, pasi Gjykata e Rrethit Gjyqësorë Kurbin, ka caktuar masën e sigurimit personal “Arrest në burg”, për veprën penale “Mashtrimi”. Neni 143/1 i Kodit Penal.
Komisariati i Policisë Mirditë
1.    Më datë 22.07.2017, u arrestua në flagrancë shtetasi Ç.A, vjeç 63, banues në Tiranë, përgjegjës teknik, pasi rreth orës 10.00, në Reps, në rrugën e kombit Mirditë, tek një karburant, duke punuar për vendosjen e shtyllave ndriçuese të karburantit, dukë mos respektuar rregullat e sigurimit teknik, shtetasi B.S, vjeç 47, banues në Vorë, Tiranë, ka rrënë një kontakt me rrymën elektrike dhe ka vdekur. Neni 289 i Kodit Penal.
2.    Komisariati i Policisë Shkodër

1.Më datë 22.07.2017, u referuan materialet në Prokurorinë e Rrethit Gjyqësor Shkodër, për shtetasin F. M, 25 vjec, banues në fshatin Bardhaj, pasi në orën 09:00, ish bashkëshortja, P. P. 20 vjeç, ka bërë kallëzim se i ka marre vajzën e mitur me iniciale L.P, 4 vjeç. Neni 127 i Kodit Penal.

2.Më datë 22.07.2017, u referuan materialet në Prokurorinë e Rrethit Gjyqësor Shkodër, për shtetasen M. H, 47 vjeç, banues në Berdice, pasi në orën 02:00, në lagjen “Skenderbeg”, ka plagosur lehtë me mjet të fortë shtetasen E. T, 19 vjeçe, banues në lagjen “Skenderbeg”. Neni 90 i Kodit Penal.

3.Më datë 22.07.2017, u referuan materialet në Prokurorinë e Rrethit Gjyqësor Shkodër, e punohet për kapjen e shtetasve F. M dhe F. Sh, të datëlindjes 31 e 19 vjec, banues në fshatin  Rrenc e Shkodër, Frederiku, me masë sigurie “Arrest shtepie”, pasi në orën 22 :10, në plazhin e duke lëvizur me mjetin, për shkak të detyrës, nuk i janë bindur urdhrit të punonjësit të policisë. Neni 242 i  Kodit Penal.

4.Më datë 21.07.2017, në urgjencën e spitalit Shkodër, është paraqitur shtetasi A. B, 57 vjeç, banues në Shkodër, me një plage në pjesën e barkut, i dëmtuar me mjet prerës, i cili për momentin ndodhet jashtë rrezikut për jetën. Punohet për sqarimin e rrethanave të ngjarjes.

3.    Komisariati i Policisë Vau Dejës

1.Më datë 22.07.2017, u referuan materialet në Prokurorinë e Rrethit Gjyqësor Shkodër, për shtetasin N. M, 30 vjeç, banues në fshatin Kroni i Madh, Vau i Dejes, kryeplak i fshatit Kron i Madh, pasi rreth orës 11:00, në territorin e Bashkisë Vau Dejes, Njësia administrative Shllak, fshati Kroni Madh, në vendin e quajtur “Ngjitur dhe siper perroit të Fosekut”, pronë publike, ambient i hapur, territor i Komisariatit Vau Dejes, gjatë kontrollit të territorit, në 2 parcela u gjetën e asgjësuan 43 bimë narkotike të llojit Cannabis Sativa, me lartësi 1-1.5 m. Punohet për identifikimin e kapjen e autoreve. Nenet 284 dhe 300 i Kodit Penal.

2.Më datë 22.07.2017, u referuan materialet në Prokurorinë e Rrethit Gjyqësor Shkodër, për  shtetasin D. L. dhe shtetasin M. L, 65 e 26 vjeç, banues në fshatin Bene e Vau Dejës, kryeplak i fshatit Bene e Inspektor i Shërbimit Pyjor, Bashkia Vau Dejes, pasi në  orën 12:00, në vendin e quajtur “Qafa e Erzes”, pronë publike, ambient i hapur, territor i Komisariatit Vau Dejes, gjatë kontrollit të territorit, në një parcele,  u gjetën të kultivuara dhe asgjësuan 124 bime narkotike të llojit Cannabis Sativa, me lartesi 1-1.5 m. Punohet për identifikimin dhe kapjen e autorëve. Nenet 284 dhe 300 të Kodit Penal.  

4.    Komisariati Policisë Pukë

1.Më datë 22.07.2017, rreth orës 14:30, në fshatin Srriqe, në vendin e quajtur “Stanet e Petokut”, Njësia administrative Qaf Mali, në territorin e Bashkisë Fushe Arres, pronë publike, ambient i hapur, territor i Stacionit Policisë Fushe Arrës, gjatë kontrollit të territorit, u gjetë 1 parcele me sipërfaqe 240 m 2, u gjetën të kultivuara dhe asgjësuan 194 bimë narkotike të llojit Canabis Sativa,. Punohet për identifikimin e kapjen e autoreve. Neni 284 i Kodit Penal.
Komisariati i Policisë Kukës
1.    Më datë 22.07.2017, u referuan materialet  në Prokurorinë e Rrethit Gjyqësor Kukës, për  shtetasen H.K, vjeç 62, banuese në fshatin Breg-Lumë, pasi rreth orës 18:00, në fshatin Breg-Lumë, ka goditur me sende të forta, shtetasen Xh.K, vjeç 59, banues në fshatin Breg-Lumë,. Neni 90 i Kodit Penal
Komisariati i Policisë Tropojë
1.    Më datë 22.07.2017, u referuan materialet në Prokurorinë e Rrethit Gjyqësor Tropojë, për shtetasin V. Gj, vjeç 38, banues në Rajë, pasi në orën 08:00, në fshatin Rajë, ka ndërtuar një objekt, pa leje. Neni 199/a i Kodit Penal.

V. DEPARTAMENTI PER KUFIRIN DHE MIGRACIONIN

Komisariati i Kufirit dhe Migracionit Rinas
1.    Më datë 22.07.2017, u  arrestua në flagrance  shtetasi F.M., vjeç 28 banues në Durrës, pasi në PKK,  Rinas, në dalje, në bagazhe, iju gjet e bllokua një  karte identiteti e shëndeti të falsifikuar. Neni 189 dhe 186 i  Kodit Penal.
2.    Më datë 22.07.2017 u arrestua ne flagrance  shtetasi A.B., vjeç 30, banues në Shijak, me arsim 8 klasë, pasi në PKK, Rinas, në dalje, ne bagazhe, iu gjet bllokua një  karte identiteti e falsifikuar. Neni 189 i Kodit Penal.
3.    Më datë 22.07.2017,  në PKK, Rinas, u depërtua nga Italia shtetasi në kërkim G.D., vjeç 34, banues në Laç, pasi Gjykata Apelit Tiranë, e ka dënuar me 9 muaj burg per “Arme mbajtje pa leje”. Neni 278/2 i Kodit Penal.

Drejtoritë Vendore për Kufirin dhe Migracionin Durrës.
1.Në vijim te komunikatës datë 21.07.2017, më datë 22.07.2017, u arrestua shtetasja Kongoleze C. B. vjeçe 30, banuese në Lumbubashi, Kongo,. Neni 189/ Kodit Penal.

2.Më datë 22.07.2017, në Currila rojet bregdetare kanë konstatuar një motor uji që lëvizte me shpejtësi, i cili u largua dhe u gjet i lidhur tek bankina, dy drejtuesit ishin larguar. Po punohet për identifikimin e kapjen e tyre. Materialet ju kaluan Prokurorisë Rrethit Gjyqësor Durrës. Ligji nr. 8663, datë 18.09.2000, Neni 13/4, 18/5, 29  e 174 i Kodit Penal.

3.Më datë 22.07.2017, u referuan materialet në Prokurorinë e Rrethit Gjyqësor Lezhë, për shtetasin F. Ç. vjeç 42, banues në Itali,  pasi në plazhin e Shëngjinit, në ”Rana e hedhun”, u kap me një motor uji, pa dokumente, i cili u bllokua me cilësinë e provës. Ligjit nr. 8663, datë, 18.09.2000, me ndryshime nr. 28/2014. Neni 5/B e 24/1 i Kodit Penal.

4.Më datë 22.07.2017, u  referuan materialet në Prokurorinë e Rrethit Gjyqësor Lezhë, për shtetasin F. M. vjeç 22 , banues në Durrës, pasi në ”Rana e hedhun”, u kap me një motor uji  pa  dokumentacionin përkatës, i cili u bllokua me cilësinë e provës. Ligjit nr. 8663, datë, 18.09.2000, me ndryshime nr. 28/2014. Neni 5/B e 24/1 i Kodit Penal.

Drejtoritë Vendore për Kufirin dhe Migracionin Vlorë
Më datë 22.07.2017, në pyllin e Bishporos, në zonën e “Triportit”, është konstatuar një parcelë, me bimësi të egër, u gjetën të mbira dhe u asgjësuan 25 bimë narkotike të llojit Cannabis Sativa, të cilat kishin mbira në mënyrë të çrregullt. Punohet për sqarimin e rrethanave të mbirjes së tyre. Neni 284 i Kodit Penal.
Drejtoritë Vendore për Kufirin dhe Migracionin Shkodër
1.Më datë 22.07.2017, u kap shtetasi në kërkim policor M. N, 48 vjeç, banues në Shkodër, pasi me datë 21.07.2017, ne Vaun e Dejës, iu gjet i groposur një bidon plastik, me 25.5 kg lëndë narkotike e  llojit Cannabis Sativa. " Prodhim e shitje  narkotikeve", në bashkëpunim. Neni  283/2 i Kodit Penal.
Drejtoritë Vendore për Kufirin dhe Migracionin Kukës
1.    Më datë 22.07.2017, ora 09:30, u  referuan materialet në Prokurorinë e Rrethit Gjyqësor Kukës, për shtetasen Z.M, vjeçe 19, banuese në Tiranë, pasi gjatë kontrollit të ushtruar u kap me dokumente udhëtimi të falsifikuara. Neni 189 i Kodit Penal

Arkiva

Gusht 2017
He Ma Me En Pr Sh Di
31 1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31 1 2 3

Fushata Sensibilizuese

Video te tjera ...