Mirditë. Finalizohet Operacioni antikanabis "AGIMI"

Mirditë. Finalizohet Operacioni antikanabis "AGIMI" (per video kliko mbi link)16mirdite3

Finalizimi pas një muaji hetimesh me metoda proaktive.

Asgjësohen me anë të djegies 843 bimë narkotike Cannabis - Sativa

Arrestohen në flagrancë 2 shtetas, shpallen në kërkim 2 shtetas të tjerë, si dhe proçedohet penalisht në gjendje të lirë Kryetari i fshatit Kushnen.

Pas një hetimi një mujor proaktiv, në vijim të zbatimit të detyrave të përcaktuara në planin e veprimit, "për goditjen e veprimtarisë kriminale të kultivimit të bimëve narkotike", nga shërbimet policore të Komisariatit të Policisë Mirditë, në bashkëpunim me Prokurorinë e Rrethit Gjyqësor Lezhë, kanë finalizuar me sukses operacionin antidrogë të koduar "AGIMI".

Si rezultat i këtij operacioni u arrestuan në flagrancë shtetasit:

- G.C, 21 vjeç, banues në Kaçinar - Mirditë.

- F.V, 32 vjeç, banues në Kaçinar - Mirditë.

Si dhe u shpallën në kërkim dhe punohet për kapjen e shtetasve F.M dhe A.D., për të cilët për arsye hetimi, nuk japim të dhëna të tjera.

Këta shtetas, në bashkëpunim me njëri - tjetrin, në vendin e quajtur Kushnen, Njësia Administrative Kaçinar, Rrethi Mirditë, në një zonë pyjore dyshohet se kanë përgatitur terrenin dhe kanë kultivuar 843 bimë narkotike të dyshuara cannabis - sativa, të cilat pas konstatimit nga forcat policore, u asgjësuan me anë të djegies.

Për këta shtetas janë referuar materialet në Prokurorinë e Rrethit Gjyqësor Lezhë për vepren penale "Kultivimi i bimëve narkotike" kryer në bashkëpunim, parashikuar nga Neni 284/2 i Kodit Penal.

Gjithashtu në vijim të hetimeve dhe veprimeve u procedua penalisht në gjendje të lirë Kryetari i fshatit Kushnen shtetasi B.D. 47 vjeç, banues në Kushnen, për vepren penale "Moskallëzim krimi" , parashikuar nga Neni 305 i Kodit Penal.

Vazhdojnë veprimet hetimore proceduriale dhe punohet për identifikimin, kapjen dhe dokumentimin e aktivitetit kriminal të personave të tjerë të përfshirë në këtë veprimtari kriminale.

16mirdite1

16mirdite2


16mirdite

 

Arkiva

Qershor 2017
He Ma Me En Pr Sh Di
29 30 31 1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 1 2

Fushata Sensibilizuese

Video te tjera ...