Informacion mbi ngjarjet, arrestimet, ndalimet dhe procedimet në 24 orët e fundit 05.04.2017

DORËZIMI I ARMËVE 1Drejtoria PPSH.1
Vijon masivisht dorëzimi vullnetar i armëve në të gjithë vendin.
Dorëzohen dhjetëra armë e municione.
Paralelisht me dorëzimin e armëve ka vijuar gjithashtu trokitja derë me derë nga Specialistët e Policisë së Zonave për të ndërgjegjësuar banorët për domosdoshmërinë e dorëzimit të armëve që mbajnë pa leje.


DREJTORIA E PERGJITHSHME PËR HETIMIN E KRIMIT TE ORGANIZUAR DHE KRIMET E RËNDA

DREJTORITË VENDORE TË POLICISË

Drejtoria Vendore e Policisë Tiranë
Sektori i forcës së posaçme të operacioneve speciale dhe kërkimin
Më datë 03.04.2017, u kap shtetasi në kërkim E.K, vjeç 28, banues në Tiranë, pasi Gjykata e Rrethit Gjyqësor Tiranë, e ka dënuar me 6 vjet burgim, për veprat penale “Përvetësimi i titullit apo i detyrës shtetërore” dhe “Vjedhja me dhunë” të kryera në bashkëpunim. Nenet 246/2, 139 e 25 të Kodit Penal.

Komisariati Rajonal i Policisë Rrugore
Më datë 04.04.2017, u arrestua në flagrancë shtetasi R.H, vjeç 30, banues në Tiranë, pasi, në rrugën e “Durrësit”, u kap duke drejtuar në gjendje të dehur, mjetin tip “Ford”. Neni 291 i Kodit Penal.

Më datë 04.04.2017, u referuan materialet në Prokurorinë e Rrethit Gjyqësor Tiranë, për shtetasin V.Q, vjeç 46, banues në Tiranë, pasi dyshohet se, në rrugën “Jorgo Panajoti”, u kap duke drejtuar pa leje drejtimi, motorin tip “Lifan”. Neni 291 i Kodit Penal.

Më datë 04.04.2017, u arrestua në flagrancë shtetasi H.B, vjeç 49, banues në Tiranë, pasi, në rrugën e “Kavajës”, u kap duke drejtuar në gjendje të dehur, motorin tip “Lifan”. Neni 291 i Kodit Penal.

Më datë 04.04.2017, u arrestua në flagrancë shtetasi B.B, vjeç 23, banues në Tiranë, pasi, në rrugën “Muhamet Gjollesha”, u kap duke drejtuar pa leje drejtimi, mjetin tip “Porche”. Neni 291 i Kodit Penal.

Seksioni kundër krimit ekonomik e financiar
Më datë 04.04.2017, u referuan materialet në Prokurorinë e Rrethit Gjyqësor Durrës, për shtetasin D.M, vjeç 31, banues në Tiranë, pasi dyshohet se duke shpërdoruar detyrën, ka kryer veprime të kundraligjshme për lirimin e apartamentit të shtetases M.Sh, vjeç 52, banuese në Durrës. Neni 248 i Kodit Penal.

Seksioni kundër krimeve ndaj personit
Më datë 04.04.2017, rreth orës 12:10, është njoftuar se në lagjen Nr. 9, Durrës janë gjetur nga familjarët, të vrarë me armë zjarri brenda banesës së tyre shtetasit H.Ç dhe I.Ç.
Me të marrë njoftimin menjëherë në vendngjarje shkuan Efektivët e Policisë dhe u ngrit grupi hetimor, ku rezultoi se:
Në lagjen Nr. 9, Durrës, në katin e dytë të banesës, në dhomën e gjumit u gjetën të vrarë me armë zjarri shtetasit e mësipërm, konkretisht H.Ç 80 vjeçe dhe I.Ç 23 vjeç.
Gjatë kqyrjes së vendit të ngjarjes, në dhomën e gjumit, në afërsi të viktimës I.Ç u gjet një armë zjarri automatike kallashnikov.
Gjithashtu, u gjetën dhe u sekuestruan në cilësinë e provës materiale 19 copë gëzhoja, model 56, kalibër 7.62 mm, si dhe 10 copë fishekë të pa plasur model 56, kalibër 7.62 mm dhe 1 fishekë, i cili u gjend brenda folesë së fishekut në armën e zjarrit automatike.
Nga tërësia e veprimeve të para hetimore proceduriale, si kqyrja e vendit të ngjarjes , kqyrja e kufomave, marrja e deklarimeve familjarëve të viktimave, bazuar edhe në mekanizmin e ndodhjes së ngjarjes, dyshohet se viktima I.Ç, në kushtet e depresionit, fillimisht ka vrarë me armë zjarri gjyshen e tij, shtetasen H.Ç dhe me pas është vetëvrarë me armën e zjarrit automatike.
Shtetasi I.Ç ka qenë më parë i dënuar për vrasje, kryer në vitin 2010.
Nga kryerja e veprimeve proceduriale ka rezultuar se viktima, shtetasi I.Ç pas kthimit të tij nga Gjermania ka shfaqur shenja të depresionit.
Gjithashtu banesa e viktimave ka qenë e mbyllur nga brenda.
Nga kqyrja e kufomave nuk janë evidentuar shenja dhune.
Gjatë kqyrjes së vendit të ngjarjes dhe kryerjes së veprimeve të tjera proceduriale ka asistuar Prokurori i gatshëm i Prokurorisë Pranë Gjykatës së Shkallës së Parë Durrës.
Materialet i kaluan Prokurorisë së Rrethit Gjyqësor Durrës për veprime të mëtejshme për veprat penale “Vrasja për shkak të marrëdhënieve familjare”, “Shkaktimit të Vetvrasjes” dhe "Mbajtjes pa leje të armëve luftarake “, parashikuar në nenet 79/C, 99 dhe 278 te Kodit Penal.


Drejtoria Vendore e Policisë Elbasan
Seksioni për narkotikët
Finalizohet me sukses operacioni i koduar "RRETHI”.
Sekuestrohen 9 kg lëndë narkotike e dyshuar me atë të llojit "Cannabis Sattiva”.
Arrestohen në flagrancë katër shtetas.
Në vijim të punës për goditjen e veprimtarisë kriminale të prodhimit dhe shitjes së lëndëve narkotike dhe vendosjen para përgjegjësisë penale të autorëve, nga efektivët e Seksionit Kundër Narkotikëve, në Drejtorinë Vendore të Policisë Elbasan, u finalizua me sukses operacioni policor i koduar "RRETHI”.
Si rezultat i këtij operacioni u bë arrestimi në flagrancë i shtetasve:
A.F, 34 vjeç, banues në fshatin Gurrë Librazhd,
B.B, 31 vjeç, banues në fshatin Dragostunjë,
A.Zh, 32 vjeç, banues në Gurrë Bërzeshtë,
O.Zh, 32 vjeç banues në fshatin Bërzeshtë.
Arrestimi i tyre u bë në saj të një pune të mirëorganizuar dhe duke përdorur metodat speciale të hetimit, pasi gjatë kontrollit të ushtruar nga efektivat e policisë, në fshatin Qukës në vendin e quajtur Zalli i Vlashit u gjetën dhe u sekuestruan në cilësinë e provës materiale:
9 kg lëndë narkotike e dyshuar me atë të llojit Cannabis Sattiva.
3 aparate celular të markave të ndryshme
Gjatë kontrollit të ushtruar në banesën e shtetasit B.B grupi hetimor gjeti dhe sekuestroi në cilësinë e provës materiale;
8 copë fishekë model 56 kalibër 7.62 mm
Vijojnë hetimet për identifikimin e bashkëpunëtorëve të tjerë të përfshirë në këtë aktivitet kriminal
Materialet i kaluan Prokurorisë së Rrethit Gjyqësor Elbasan për veprime të mëtejshme për veprën penale "Prodhimi dhe shitja e narkotikëve", "Prodhimi dhe mbajtja pa leje e armëve luftarake dhe e municionit" parashikuar nga nenet 283/2 dhe 278/2 të Kodit Penal.

Seksioni i hetimit të ngjarjeve në qarkullimin dhe AIS
Më datë 04.04.2017, rreth orës 10:30, pranë një shkolle, një automjet ka aksidentuar shtetasin G.D, vjeç 44, banues në Elbasan, i cili ndodhet në spital jashtë rreziku për jetën. Punohet për identifikimin dhe kapjen e autorit. Nenet 290 e 273 të Kodit Penal.

Drejtoria Vendore e Policisë Korçë
Seksioni për narkotikët
Më datë 04.04.2017, u referuan materialet në Prokurorinë e Rrethit Gjyqësor Korçë, për shtetasin K.L, vjeç 21, banues në Maliq, pasi dyshohet se, në lagjen Nr. 17, nga kontrolli në mjetin tip “Benz”, iu gjet e sekuestrua një grirëse me mbetje bimë narkotike e llojit Cannabis Sattiva. Neni 283/1 i Kodit Penal.

Drejtoria Vendore e Policisë Berat
Seksioni i hetimit të ngjarjeve në qarkullimin dhe AIS
Më datë 04.04.2017, u arrestua në flagrancë shtetasi B.H, vjeç 44, banues në Berat, pasi, tek ish Kombinati, u kap duke drejtuar në gjendje të dehur mjetin tip “Audi”. Neni 291 i Kodit Penal.

Drejtoria Vendore e Policisë Fier
Seksioni për trafikun e paligjshëm
Më datën 04.04.2017, në lagjen "Kastriot", efektivët e Komisariatit të Policisë Fier u vunë në ndjekje të një automjeti të dyshimtë të tipit "Man" . Gjatë ndjekjes, drejtuesi braktisi mjetin dhe u largua. Nga këqyrja e kamionit rezultoi se brenda tij ndodhej një karelë dhe një mjet lundrues "gomone" rreth 7 metra me një motorr 350 Kv.
Nga hetimet paraprake dhe puna e bërë, rezulton se automjeti kamion dhe mjeti lundrues, dyshohen të jenë trafikuar. Policia po punon për kapjen e autorit të shpallur në kërkim, shtetasit Z.K.

Drejtoria Vendore e Policisë Vlorë
Seksioni për narkotikët
Operacion antidrogë i zhvilluar nga strukturat e Drejtorisë Vendore të Policisë Vlorë, në bashkëpunim me Policinë Kufitare, Delta Force dhe GdF.
Sekuestrohet në Karaburun 1708 kg lëndë e dyshuar narkotike Cannabis Sattiva.
Më datën 03.04.2017, strukturat e Drejtorisë Vendore të Policisë Vlorë në bashkëpunim me atë Kufitare, Njësinë Speciale ‘DELTA” dhe Gdf, mbi bazën e një informacioni të marrë në rrugë operative nga Sektori për Narkotikët, organizuan punën dhe kryen një operacion anti-trafikim të lëndëve narkotike në zonën e Karaburunit.
Me gjithë kushtet shumë të vështira të terrenit dhe të motit, me një det me forcë 4-5 ballë, operacioni vazhdoi gjatë gjithë natës dhe në orët e paradites të datës 04.04.2017.
Si rezultat në gjirin e Bristanit (Karaburun) rreth 100 metra nga bregu i detit, në shkurre u bë e mundur zbulimi dhe sekuestrimi i lëndës së dyshuar narkotike e llojit Cannabis Sattiva, e cila ishte e paketuar në 104 pako të madhësive të ndryshme e destinuar për tu trafikuar.
Lënda narkotike është transportuar me mjetet lundruese të GdF për në Drejtorinë Vendore të Policisë Vlorë dhe pas peshimit të të gjithë lëndës narkotike të sekuestruar gjatë operacionit, rezultoi se pesha e saktë është 1708 kg. Po vijon krehja e territorit në një perimetër të gjërë për gjetjen dhe kapjen e autorëve.

Drejtoria Vendore e Policisë Gjirokastër
Seksioni i hetimit të ngjarjeve në qarkullimin dhe AIS
Më datë 04.04.2017, u referuan materialet në Prokurorinë e Rrethit Gjyqësor Gjirokastër, për shtetasin H.Q, vjeç 70, banues në fshatin Jorgucat, pasi dyshohet se më datë 03.04.2017, në Jorgucat, duke drejtuar në gjendje të dehur, mjetin tip “Benz”, ka dalë nga rruga, për pasojë ndodhet në spital jashtë rrezikut për jetën. Nenet 290 e 291 të Kodit Penal.

Drejtoria Vendore e Policisë Lezhë
Seksioni për narkotikët
Kapet dhe ndalohet një shtetas i shpallur në kërkim ndërkombëtar me qëllim ekstradimi drejt shtetit Italian i dënuar me 8 vite burg për " Trafikim i lëndëve narkotike".
Me datë 04.04.2017, nga efektivët e Komisariatit të Policisë Kurbin në bashkëpunim me efektivët e Seksionit kundër narkotikëve në Drejtorinë Vendore të Policisë Lezhë, në bazë të informacioneve operative si dhe falë një pune të mirëorganizuar, kanë bërë të mundur lokalizimin dhe kapjen e shtetasit J.R, 45 vjeç, banues në Laç
Ky shtetas është shpallur në kërkim nga Interpol Roma pasi Gjykata e Apelit Milano / Itali me Vendim datë 18.04.2012 e ka dënuar me 8 vite burg për vepren penale " Trafikim i lëndëve narkotike " parashikuar nga Kodi Penal Italian.
Shtetasit J.R i ka mbetur për të kryer nga ky dënim edhe 6 vjet, 6 muaj e 28 ditë burg.
Arrestimi i tij u bë provizor me qëllim ekstradimin drejt Italisë.

Seksioni i hetimit të ngjarjeve në qarkullimin dhe AIS
Më datë 04.04.2017, u referuan materialet në Prokurorinë e Rrethit Gjyqësor Kurbin, për shtetasin N.Gj, vjeç 68, banues në Fushë Mamurras, pasi dyshohet se, në Fushë Mamurras, duke drejtuar mjetin tip “Volkswagen”, është përplasur me mjetin tip “Benz”, me drejtues shtetasin K.Ll, vjeç 49, banues në Sanxhak, Kurbin, për pasojë është dëmtuar shtetasi N.Gj, i cili ndodhet në spital jashtë rrezikut për jetën. Neni 290/1 i Kodit Penal.

Më datë 04.04.2017, u referuan materialet në Prokurorinë e Rrethit Gjyqësor Kurbin, për shtetasin V.D, vjeç 31, banues në Rrëshen, Mirditë, pasi dyshohet se, në aksin rrugor Laç–Fushë Kuqe, duke drejtuar mjetin tip “Ford”, ka dal nga rruga, për pasojë është dëmtuar pasagjerja, shtetasja A.Ç, vjeç 25, banuese në Milot, e cila ndodhet në spital jashtë rrezikut për jetën. Neni 290/1 i Kodit Penal.

Më datë 04.04.2017, u referuan materialet në Prokurorinë e Rrethit Gjyqësor Kurbin, për shtetasin M.J, vjeç 23, banues në Thumanë, Krujë, pasi dyshohet se rreth orës 14:00, në aksin rrugor Thumanë -Mamurras, duke drejtuar mjetin tip “Benz ”, ka dal nga rruga, për pasojë është dëmtuar drejtuesi i mjetit, i cili ndodhet në spital jashtë rrezikut për jetën. Neni 290/1 i Kodit Penal.

Drejtoria Vendore e Policisë Shkodër
Seksioni për narkotikët
Më datë 04.04.2016, u referuan materialet në Prokurorinë e Rrethit Gjyqësor Shkodër, për vlerësim, për shtetasin M.F, vjeç 17, banues në Shkodër, pasi dyshohet se, ka konsumuar lëndë narkotike, e ndodhet në spital jashtë rrezikut për jetën.

Drejtoria Vendore e Policisë Kukës
Seksioni i hetimit të ngjarjeve në qarkullimin dhe AIS
Më datë 04.04.2017, u referuan materialet në Prokurorinë e Rrethit Gjyqësor Kukës, për shtetasin D.M, vjeç 17, banues në fshatin Shtiqën, pasi dyshohet se, tek ish Uzina, duke drejtuar pa leje drejtimi, motorin tip “Lifan”, është përplasur me mjetin tip “Benz”, me drejtues shtetasin O.E, vjeç 65, banues në Kukës. Neni 291 i Kodit Penal.

Drejtoria Vendore e Policisë Dibër
Seksioni kundër krimit ekonomik e financiar
Më datë 04.04.2017, u referuan materialet në Prokurorinë e Rrethit Gjyqësor Dibër, për shtetasin M.M, vjeç 51, banues në Bulqizë, pasi dyshohet se në një subjekt privat, u konstatua se pagesa e disa punonjësve të shërbimit ishte më e ulët se niveli i pagës së përcaktuar me VKM. Neni 180 i Kodit Penal.

Më datë 04.04.2017, u referuan materialet në Prokurorinë e Rrethit Gjyqësor Dibër, për shtetasin S.B, vjeç 57, banues në Bulqizë, pasi dyshohet se në një subjekt privat, u konstatua se pagesa e disa punonjësve të shërbimit ishte më e ulët se niveli i pagës së përcaktuar me VKM. Neni 180 i Kodit Penal.

Më datë 04.04.2017, u referuan materialet në Prokurorinë e Rrethit Gjyqësor Dibër, për shtetasen J.Zh, vjeç 36, banuese në Tiranë, pasi dyshohet se në një subjekt privat, u konstatua se pagesa e disa punonjësve të shërbimit ishte më e ulët se niveli i pagës së përcaktuar me VKM. Neni 180 i Kodit Penal.

KOMISARIATET E POLICISË (Rrethe Gjyqësore)

Komisariati Policisë Kavajë
Seksioni për krimet ekonomik e financiar
Më datë 04.04.2017, në Rrugën "Gosë", Kavajë, shërbimet e Policisë Rrugore, kanë arrestuar në flagrancë shtetasin M.Rr, 27 vjeç, banues në Fier.
Ky shtetas është ndaluar nga shërbimet e Policisë Rrugore pasi është konstatuar duke drejtuar automjetin tip “Audi”, i pozicionuar në mënyrë të parregullt.
Pasi këtij shtetasi i është komunikuar shkelja e konstatuar, ka tentuar ti japë 2200 lekë të reja punonjësit të Policisë, për t’iu shmangur masës administrative.
Materialet i’u kaluan Prokurorisë pranë Gjykatës së Rrethit Gjyqësor Kavajë, për veprën penale “Korrupsion aktiv ndaj personave që ushtrojnë funksione publike”, parashikuar nga Neni 244 i Kodit Penal.

Komisariati Policisë Sarandë
Seksioni për krimin ekonomik e financiar
Më datë 04.03.2017, u referuan materialet në Prokurorinë e Rrethit Gjyqësor Sarandë, për shtetasit S.Q e A.Q, vjeç 66 e 33, banues në Ksamil, administrator të një shoqërie, pasi dyshohet se kanë fshehur të ardhurat e aktivitetit, me qëllim shmangien e detyrimeve tatimore duke prerë fatura tatimore shitje jo efektive. Neni 180 i Kodit Penal.

Komisariati Policisë Kurbin
Seksioni për krimet e rënda
Më datë 04.04.2017, u ndalua shtetasi në kërkim B.B, vjeç 35, banues në Laç, Kurbin, pasi Gjykata  për Krimet e Rënda Tiranë, ka dhënë masën e sigurisë “Arrest me burg”, për veprat penale “Kultivimi i bimëve  narkotike”, “Grup i strukturuar kriminal” dhe “Kryerja e veprave penale nga organizata kriminale dhe grup i strukturuar kriminal”. Nenet 284/25, 333/a dhe 334 të Kodit Penal.

DREJTORIA E PERGJITHSHME PËR SIGURINË PUBLIKE

KOMISARIATET E POLICISË

Komisariati i Policisë Nr. 1
Më datë 04.04.2017, gjatë natës, në rrugën “Ali Demi”, është vjedhur banesa e shtetases H.Xh, vjeç 30, ku kanë marrë 1 laptop, 1 orë dore dhe 1 bizhuteri. Punohet për identifikimin dhe kapjen e autorit. Neni 134 i Kodit Penal.

Më datë 04.04.2017, u arrestua në flagrancë shtetasi L.T, vjeç 38, banues në Athinë, pasi, në rrugën “Ali Demi”, në Institucionin e Ekzekutimit të Vendimeve Penale, gjatë kontrollit të ushtruar në çantë, iu gjet e sekuestrua në cilësinë e provës materiale 1 armë e ftohtë (thikë). Nenet 324/1 e 279 të Kodit Penal.

Më datë 04.04.2017, gjatë natës, në rrugën “Mustafa Matohiti”, është vjedhur me thyerje banesa e shtetasit P.Q, vjeç 52, ku kanë marrë disa bizhuteri floriri dhe 2 ora dore. Punohet për identifikimin dhe kapjen e autorit. Neni 134 i Kodit Penal.

Më datë 04.04.2017, u referuan materialet në Prokurorinë e Rrethit Gjyqësor Tiranë, për shtetasin Y.Q, vjeç 37, banues në Tiranë, pasi dyshohet se në fshatin Picallë, ka kanosur shtetasin B.Q, vjeç 63, banues në Tiranë. Neni 84 i Kodit Penal.

Më datë 04.04.2017, u arrestua në flagrancë shtetasi Sh.S, vjeç 43, banues në Tiranë, pasi, në Shkozë, ka tentuar të vjedhë, banesën e shtetasit S.N, vjeç 34, banues në Tiranë. Nga veprimet e kryera dyshohet se është autor i ngjarjeve të tjera. Nenet 134 e 22 të Kodit Penal.

Më datë 04.04.2017, u referuan materialet në Prokurorinë e Rrethit Gjyqësor Tiranë, për shtetasin L.R, vjeç 18, banues në Tiranë, pasi dyshohet se, në sheshin “Nënë Tereza”, nga kontrolli fizik ju gjet e sekuestrua në cilësinë e provës materiale 1 dozë lëndë narkotike e llojit Cannabis Sattiva. Neni 283/1 i Kodit Penal.

Komisariati i Policisë Nr. 2
Në vijim të komunikatës, që bën fjalë për veprën penale “Plagosja e lehtë”, më datë 04.04.2017, u kap dhe u referuan materialet në Prokurorinë e Rrethit Gjyqësor Tiranë, për shtetasin Xh.K, vjeç 26, banues në Tiranë. Neni 89 i Kodit Penal.

Më datë 04.04.2017, u referuan materialet në Prokurorinë e Rrethit Gjyqësor Tiranë, për shtetasin B.V, vjeç 45, banues në Tiranë, pasi dyshohet se, në rrugën “Andon Zako Çajupi”, ka kanosur me fjalë për jetën, shtetasin R.B, vjeç 18, banues në Tiranë. Neni 84 i Kodit Penal.

Komisariati i Policisë Nr. 3
Më datë 04.04.2017, u referuan materialet në Prokurorinë e Rrethit Gjyqësor Tiranë, për shtetasin E.P, vjeç 54, banues në Tiranë, pasi dyshohet se më datë 28.03.2017, në rrugën “Çamëria”, ka kanosur shtetasen E.H, vjeç 62, banuese në Tiranë. Neni 84 i Kodit Penal.

Më datë 04.04.2017, u referuan materialet në Prokurorinë e Rrethit Gjyqësor Tiranë, për shtetasin A.Z, vjeç 46, banues në Tiranë, pasi dyshohet se me anë të mashtrimit, i ka marrë një sasi lekësh, shtetases Sh.D, vjeç 44, banuese në Tiranë. Neni 143 i Kodit Penal.

Më datë 04.04.2017, u plotësua kërkesë padia për lëshimin e urdhërit të mbrojtjes së menjëhershme për shtetasin e mitur, vjeç 7, banues në Tiranë, (kërkuar kjo kërkesë padi) nga shtetësia L.Ç, vjeç 36, banuese në Tiranë, punonjëse sociale pasi dyshohet se nëna, shtetasja D.Zh, vjeç 29, ka ushtruar dhunë psikologjike ndaj tij. Materialet u referuan në Gjykatën e Rrethit Gjyqësor Tiranë. Ligji Nr. 9669, datë 18.12.2006, “Për masa ndaj dhunës në marrëdhëniet familjare”.

Më datë 04.04.2017, u referuan materialet në Prokurorinë e Rrethit Gjyqësor Tiranë, për shtetasit D.P, A.Xh e L.Sh, vjeç 30, 23 e 27, banues në Tiranë, pasi dyshohet se, në rrugën “Josif Pashko”, ju gjet e sekuestrua në cilësinë e provës materiale 1 dozë lëndë narkotike e llojit Cannabis Sattiva. Neni 283 i Kodit Penal.

Më datë 04.04.2017, u referuan materialet në Prokurorinë e Rrethit Gjyqësor Tiranë, për shtetasit J.R e K.D, vjeç 23 e 23, banues në Tiranë, pasi dyshohet se, tek parku “Rinia”, nga kontrolli fizik ju gjet e sekuestrua 1 dozë lëndë narkotike e llojit Cannabis Sattiva. Neni 283 i Kodit Penal.

Komisariati i Policisë Nr. 4
Më datë 04.04.2017, në rrugën “Ferit Xhajko”, duke ecur në këmbë, ka ndërruar jetë shtetasi V.A, vjeç 83, banues në Tiranë. Nga veprimet e kryera rezultoi se, vdekja ka ardhur për shkaqe natyrale. Materialet u referuan në Prokurorinë e Rrethit Gjyqësor Tiranë.

Më datë 04.04.2017, u referuan materialet në Prokurorinë e Rrethit Gjyqësor Tiranë, për shtetasin E.S, vjeç 33, banues në Tiranë, pasi dyshohet se nëpërmjet telefonit ka shqetësuar dhe fyer shtetasen D.A, vjeç 25, banuese në Tiranë. Neni 275 i Kodit Penal.

Më datë 04.04.2017, u plotësua kërkesë padia për lëshimin e urdhërit të mbrojtjes së menjëhershëm, për shtetasen M.D, vjeç 48, banuese në Tiranë, pasi dyshohet se ish bashkëshorti, shtetasi A.D, vjeç 57, ka ushtruar dhunë psikologjike ndaj saj. Materialet u referuan në Gjykatën e Rrethit Gjyqësor Tiranë. Ligji Nr. 9669, datë 18.12.2006 “Për masa ndaj dhunës në marrëdhëniet familjare”.

Më datë 04.04.2017, u referuan materialet në Prokurorinë e Rrethit Gjyqësor Tiranë, për shtetasin G.K, vjeç 30, banues në Tiranë, pasi dyshohet se, në rrugën “Çelo Sinani”, në banesën e shtetasit, Q.Sh, vjeç 51, ka vjedhur një aparat lojërash elektronike. Punohet për kapjen e shtetasit G.K. Neni 134/1 i Kodit Penal.

Më datë 04.04.2017, u referuan materialet në Prokurorinë e Rrethit Gjyqësor Tiranë, për shtetasin A.B, vjeç 22, banues në Tiranë, me masë sigurie “Arrest në shtëpi”, pasi dyshohet se duke qenë me masë sigurie, është larguar nga banesa. Punohet për kapjen e tij. Neni 323 i Kodit Penal.

Më datë 04.04.2017, u plotësua kërkesë padia për lëshimin e urdhërit të mbrojtjes së menjëhershëm, për shtetasen F.D, vjeç 46, banuese në Tiranë, pasi dyshohet se ish bashkëshorti, shtetasi E.M, vjeç 52, banues në Tiranë, ka ushtruar dhunë psikologjike ndaj saj. Materialet u referuan në Gjykatën e Rrethit Gjyqësor Tiranë. Ligji Nr. 9669, datë 18.12.2006 “Për masa ndaj dhunës në marrëdhëniet familjare”.

Më datë 04.04.2017, u referuan materialet në Prokurorinë e Rrethit Gjyqësor Tiranë, për shtetasin S.C, vjeç 37, pasi dyshohet se në banesë, ka kanosur me fjalë nipin shtetasin e mitur vjeç 7, të cilit ju plotësua kërkesë padia për lëshimin e urdhërit të mbrojtjes së menjëhershëm. Materialet u referuan në Gjykatën e Rrethit Gjyqësor Tiranë. Ligji Nr. 9669, datë 18.12.2006 “Për masa ndaj dhunës në marrëdhëniet familjare”. Neni 84 i Kodit Penal.

Komisariati i Policisë Nr. 5
Më datë 04.04.2017, u referuan materialet në Prokurorinë e Rrethit Gjyqësor Tiranë, për shtetasin L.B, vjeç 38. Nenet 102 e 86 të Kodit Penal.

Më datë 05.04.2017, u arrestua në flagrancë shtetasi Sh.M, vjeç 33, banues në Bathore, pasi në mënyrë të vazhdueshme, në kohë dhe vende të ndryshme, ka përndjekur e ngacmuar seksualisht, shtetasen G.D, vjeç 16, banuese në Tiranë. Nenet 121/a e 108 /a të Kodit Penal.

Komisariati i Policisë Nr. 6
Vijon operacioni "Gracka".
Arrestohet shtetasja e shpallur në kërkim.
Më datë 04.04.2017, në kuadër të operacionit "Gracka", Shërbimet e Komisariatit të Policisë Nr 6, kanë bërë të mundur kapjen e shtetases së shpallur në kërkim,
- K. P., 22 vjeçe, banuese në Tiranë.
Kjo shtetase dyshohet të jetë bashkëpunëtore në 7 vjedhje me dhunë të kryera nga katër shtetasit e arrestuar në operacionin "Gracka", më datë 02.04.2017.
Materialet i'u kaluan Prokurorisë pranë Gjykatës së Shkallës së Parë Tiranë për veprën penale të "Vjedhje me dhunë e kryer në bashkëpunim", parashikuar nga Neni 139 e 25 i Kodit Penal.

Komisariati i Policisë Kavajë
Më datë 04.04.2017, u referuan materialet në Prokurorinë e Rrethit Gjyqësor Kavajë, për një firmë, pasi dyshohet se në Golem, në vendin e quajtur “Pishat e buta”, kanë kryer punime duke shkelur kushtet e lejes së ndërtimit. Neni 199/a i Kodit Penal.

Më datë 04.04.2017, u referuan materialet në Prokurorinë e Rrethit Gjyqësor Kavajë, për shtetasin I.M, vjeç 36, banues në Kavajë, pasi dyshohet se në lagjen Nr. 3, ka vjedhur me thyerje, banesën e shtetasit G.R, vjeç 43, ku ka marrë 2 dyer duralumini dhe materiale hekuri. Neni 134/1 i Kodit Penal.

Më datë 04.04.2017, shtetasi A.Ç, vjeç, banues në Tiranë, kallëzon se në Qerret, në fshatin turistik “Marea”, një firmë i ka shkatërruar banesën. Neni 150 i Kodit Penal.

Komisariati i Policisë Durrës
Specialistët për Krimet në Komisariatin e Policisë Durrës, në vijim të punës së tyre për zbardhjen  dhe dokumentimin e plotë të ngjarjeve të ndodhura në territorin e tyre, me qëllim vënien para përgjegjësisë penale të autorëve, kanë bërë të mundur ndalimin e një shtetasi, i cili gjatë natës vidhte kryesisht biznese, dyqane dhe markete. Policia ka dokumentuar me prova 7 vjedhje të bizneseve të dyshuara të kryera nga shtetasi i ndaluar dhe vjedhjen e një banese.
Ndalohet shtetasi:
• M.F 32 vjeç, banues në Durrës.
Specialistët për Hetimin e Krimeve në sajë të veprimeve hetimore të specializuara kanë bërë të mundur zbardhjen dhe dokumentimin e 8 vjedhjeve të dyshuara të kryera nga shtetasi i mësipërm, gjatë tre muajve, konkretisht:
1. Më datë 06.01.2017, në lagjen Nr.4, Durrës dyshohet se ka vjedhur biznesin(dyqan)e shtetases R.S. ku ka marrë 10 000 lekë.
2. Më datë 10.01.2017,  në lagjen Nr.17/1, Durrës, dyshohet se ka vjedhur biznesin(market)e shtetases E.Ç. ku ka marrë 100 000 lekë.
3. Më datë 24.01.2017,  në lagjen Nr.15,  Durrës, dyshohet se ka vjedhur biznesin(market) e shtetasit G.V. ku ka marrë sende të ndryshme me vlerë 50 000 lekë.
4. Më datë 27.01.2017,  në lagjen Nr.7,  Durrës, dyshohet se ka  vjedhur biznesin(market) e shtetases A.N. ku ka marrë sende të ndryshme me vlerë 50 000 lekë.
5. Më datë 03.02.2017, në lagjen Nr.16, Durrës, dyshohet se ka vjedhur biznesin(dyqan) e shtetasit Q.T. ku ka marrë disa paketa cigare dhe 1 000 lekë.
6. Më datë 05.02.2017, në lagjen Nr.8, Durrës, dyshohet se ka vjedhur biznesin(dyqan) e shtetasit A.M. ku ka marrë sende të ndryshme.
7. Më datë 25.02.2017, në lagjen Nr.18, Durrës, dyshohet se ka vjedhur biznesin(market) dyqanin e shtetases L.H. ku ka marrë sende të ndryshme me vlerë 130 000 lekë.
8. Më datë 29.03.2017, në lagjen Nr.18/1, Durrës, dyshohet se ka vjedhur banesën e shtetasit E.Sh.
Shtetasi i mësipërm është person me precedentë penalë të mëparshëm në fushën e veprave penale kundër pronës. Materialet i kaluan Prokurorisë së Rrethit Gjyqësor Durrës për veprime të mëtejshme për veprën penale "Vjedhja" parashikuar në nenin 134 të Kodit Penal.
Më datë 04.04.2017, u referuan materialet në Prokurorinë e Rrethit Gjyqësor Durrës, për shtetasit A.V e N.F, vjeç 47 e 47, banues në fshatin Rrushkull, pasi dyshohet se më datë 02.04.2017, në fshatin Kullë, në tokën e shtetasit P.Z, vjeç 62, kanë prerë disa drurë lisi. Nenet 150 e 25 të Kodit Penal.

Më datë 04.04.2017, u referuan materialet në Prokurorinë e Rrethit Gjyqësor Durrës, për shtetasin e mitur M. P, vjeç 14, banues në fshatin Shënvlash, pasi dyshohet se, në lagjen Nr. 6, ka vjedhur me thyerje lokalin e shtetases S.Zh, vjeç 43, banuese në Durrës, ku ka marrë një sasi lekësh. Punohet për kapjen e tij. Neni 134 i Kodit Penal.

Më datë 04.04.2017, u referuan materialet në Prokurorinë e Rrethit Gjyqësor Durrës, për shtetasit e mitur E.T, A.D e L.K, vjeç 14, 15 e 15, banues në Durrës, pasi dyshohet se, në lagjen Nr. 13, kanë vjedhur me thyerje lokalin e shtetases T.B, vjeç 62, banuese në Durrës, ku kanë marë një sasi lekësh dhe produkte ushqimore. Neni 134/2 i Kodit Penal.

Më datë 04.04.2017, shtetësia S.M, vjeç 37, banuese në Durrës, kallëzon se, i është larguar nga banesa vajza shtetasja S.H, vjeç 17. Punohet për gjetjen e saj. Materialet u referuan në Prokurorinë e Rrethit Gjyqësor Durrës.

Më datë 04.04.2017, në banesë, shtetësia A.S, vjeç 16, është vetëhelmuar me paracetamol, e cila ndodhet në spital nën kujdesin e mjekëve. Informacion paraprak.

Komisariati i Policisë Krujë
Më datë 04.04.2017, Specialistët për Krimet në Komisariatin e Policisë Krujë arrestuan në flagrancë shtetasit:
• D.H 34 vjeç, banues në fshatin Zezë, Krujë.
•B. Sh. 17 vjeç, banues në fshatin Zezë, Krujë.
Gjithashtu është shpallur në kërkim dhe po punohet për kapjen e shtetasit:

•F.H. 24 vjeç, banues në fshatin Zezë, Krujë.
Shtetasit e mësipërm, më datë 04.04.2017, gjatë natës, në fshatin Nikel, Krujë në bashkëpunim me njëri-tjetrin kanë vjedhur me thyerje dyqanin e mishit në pronësi të shtetasit G.M. 25 vjeç, ku kanë marrë rreth 90 000 lekë mish.
Gjatë kontrollit të ushtruar në banesat e tyre dhe në mjetin tip Golf (në pronësi të shtetasit D.H) u gjetën disa mbetje të produktit të mishit.
Autorët kanë penguar, kundërshtuar dhe kanosur punonjësit e policisë në kryerjen e detyrës.
Shtetasit e mësipërm janë persona me precedentë penale të mëparshëm në fushën e veprave penale kundër pronës.
Materialet i kaluan Prokurorisë së Rrethit Gjyqësor Krujë për veprime të mëtejshme për veprat penale"Vjedhja”në bashkëpunim, “Kanosja”dhe” Kundërshtimi i punonjësit të policisë së rendit publik” parashikuar në nenet 134, 25, 84 dhe 236/2 të Kodit Penal.

Më datë 04.04.2017, u arrestuan në flagrancë shtetasit S.L, E.B e D.S, vjeç 17, 20 e 19, banues në fshatin Borizanë, pasi në këtë fshat, u kapën duke djegur një furrë gëlqereje, duke ndotur ambientin. Neni 201 i  Kodit Penal.

Më datë 04.04.2017, u arrestua në flagrancë shtetasi B.S, vjeç 40, banues në  fshatin Zgërdhesh, pasi, në këtë fshat, u kap duke djegur një furrë gëlqereje, duke ndotur ambientin. Neni 201 i Kodit Penal.

Më datë 04.04.2017, u arrestua në flagrancë shtetasi M.S, vjeç 68, banues në  fshatin Zgërdhesh, pasi, në këtë fshat, u kap duke djegur një furrë gëlqereje, duke ndotur ambientin. Neni 201 i Kodit Penal.

Më datë 04.04.2017, u arrestua në flagrancë shtetasi G.H dhe u referuan materialet në Prokurorinë Rrethit Gjyqësor Krujë, për shtetasin B.A, vjeç 41 e 45, banues në fshatin Halil, pasi, në këtë fshat, u kapën duke djegur një furrë gëlqereje, duke ndotur ambientin. Neni 201 i Kodit Penal.

Komisariati i Policisë Librazhd
Më datë 04.04.2017, u referuan materialet në Prokurorinë e Rrethit Gjyqësor Elbasan, për  shtetasin Xh.K, vjeç 35, banues në fshatin Dritaj, pasi dyshohet se nëpërmjet celularit, ka shqetësuar shtetasen E.B, vjeç 25. Neni 275 i Kodit Penal.

Më datë 04.04.2017, u referuan materialet në Prokurorinë e Rrethit Gjyqësor Elbasan, për shtetasin A.Ç, vjeç 30, banues në Tiranë, pasi dyshohet se, në fshatin Mirakë, ka dëmtuar me sende të forta, xhamin e kamionit tip “Benz”, të shtetasit  Z.Z, vjeç 51, banues në Maqedoni. Neni 150 i Kodit Penal.

Komisariati i Policisë Korçë
Më datë 04.04.2017, u arrestua në flagrancë shtetasi E.M, vjeç 32, banues në Korçë, pasi, në lagjen Nr. 12, u kap duke vjedhur aksesorët e mjetit tip “Benz”, të shtetases A.L vjeç 34. Neni 134 i Kodit Penal.

Komisariati i Policisë Devoll
Më datë 04.04.2017, rreth orës 02:30, në fshatin Sul, ka rënë zjarr në kasollet e shtetasve V.P, Xh.M e E.P, vjeç 51, 54 e 50, ku u janë djegur bazë ushqimore për bagëtitë dhe produkte bujqësore. Punohet për përcaktimin e shkakut të rënies së zjarrit. Materialet u referuan në Prokurorinë e Rrethit Gjyqësor Korçë. Neni 151 i Kodit Penal.

Komisariati i Policisë Ersekë
Më datë 04.04.2017, në Ersekë, është konstatuar vjedhja e disa koshereve me bletë, të shtetasit P.D, vjeç 53. Punohet për identifikimin dhe kapjen e autorit. Neni 134 i Kodit Penal.

Komisariati i Policisë Ura Vajgurore
Më datë 04.04.2017, shtetësia S.D, vjeç 18, banuese në Ura Vajgurore, kallëzon se në rrjetin social e shqetësojnë vazhdimisht. Punohet për identifikimin dhe kapjen e autorit. Neni 121 i Kodit Penal.

Komisariati i Policisë Fier
Më datë 04.04.2017, u referuan materialet në Prokurorinë e Rrethit Gjyqësor Fier, për shtetasin A.B, vjeç 29, banuese në Fier, pasi dyshohet se, në lagjen “1 Maj”, në një lokal, nga Njësia Operacionale Speciale e Ministrisë së Energjisë dhe Industrisë, rezultoi se kishte ndërhyrë në matësin e energjisë elektrike. Neni 137 i Kodit Penal.

Komisariati i Policisë Lushnjë
Në vijim të komunikatës datë 03.04.2017, që bënë fjalë për veprën penale “Vjedhja”, më datë 04.04.2017, u ndalua shtetasi në kërkim R.A, vjeç 28, banues në Lushnjë. Neni 134 i Kodit Penal.

Më datë 04.04.2017, u referuan materialet në Prokurorinë e Rrethit Gjyqësor Lushnjë, për shtetasit F.Xh, R.Xh dhe P.Sh, vjeç 49, 54 e 49, banues në fshatin Hysgjokaj, pasi dyshohet se në Hysgjokaj, kanë ndërtuar objekte pa leje. Neni 199/a i Kodit Penal.

Më datë 04.04.2017, në lagjen “Xhevdet Nepravishta”, në banesë ka vdekur, shtetasi S.P, vjeç 64. Nga veprimet e kryera rezultoi se vdekja ka ardhur nga shkaqe natyrale. Materialet u referuan në Prokurorinë e Rrethit Gjyqësor Lushnjë.

Komisariati i Policisë Divjakë
Më datë 04.04.2017, u referuan materialet në Prokurorinë  e Rrethit Gjyqësor Lushnjë, për  shtetasin E.Gj, vjeç 51, banuese në Divjakë, pasi dyshohet se në Divjakë, ka pushtuar 1400 m². tokë të shtetasi O.K, vjeç 53. Neni 200 i Kodit Penal.

Komisariati i Policisë Vlorë
Më datë 04.04.2017, gjatë natës, në lagjen “Hajro Çakërri”, para banesës shtetasit F.J, vjeç 38, i kanë vjedhur mjetin tip “Ford”. Punohet për identifikimin dhe kapjen e autorit. Neni 134 i Kodit Penal.

Më datë 04.04.2017, gjatë natës, pranë banesës, shtetasit E.J, vjeç 34, banues në Vlorë, i kanë vjedhur me thyerje dyqanin, ku kanë marrë një karrocë metalike dhe disa materiale peshkimi. Punohet për identifikimin dhe kapjen e autorëve. Neni 134/a i Kodit Penal.

Komisariati i Policisë Sarandë
Në vijim të informacionit, që bën fjalë për veprën penale “Plagosja e lehtë”, më datë 04.04.2017, u referuan materialet në Prokurorinë e Rrethit Gjyqësor Sarandë, për shtetasin P.S, vjeç 21, banues në Sarandë. Neni 89 i Kodit Penal.

Komisariati i Policisë Kurbin
Më datë 04.04.2017, gjatë natës, në Laç, kanë vjedhur me thyerje banesën e shtetasit Gj.K, vjeç 55, ku kanë marrë vegla të ndryshme. Punohet për identifikimin dhe kapjen e autorit. Neni 134 i Kodit Penal.

Komisariati i Policisë Mirditë
Në vijim të komunikatës, që bën fjalë për largimin në mal me bagëti të shtetasit N.P, vjeç 89, banues në fshatin Bungaj, më datë 04.04.2017, u gjet nga familjarët në fshatin Valc dhe u dërgua në banesë. Materialet u referuan në Prokurorinë e Rrethit Gjyqësor Lezhë.

Komisariati i Policisë Shkodër
Më datë 04.04.2017, u referuan materialet në Prokurorinë e Rrethit Gjyqësor Shkodër, për shtetasin N.L, vjeç 59, banues në fshatin Velipojë, pasi dyshohet se në këtë fshat, ka pushtuar tokën e shtetasit L.Gj, vjeç 64. Neni 200 i Kodit Penal.

Më datë 04.04.2017, shtetasi L.S, vjeç 39, banues në Shkodër, ka bërë kallëzim se i është larguar nga banesa vajza, shtetasja M.S, vjeç 15. Punohet për gjetjen e saj. Materialet u referuan në Prokurorinë e Rrethit Gjyqësor Shkodër.

Më datë 03.04.2017, në banesë shtetësia L.H, vjeç 19, ka tentuar të pres damarët e dorës, e cila pasi mori mjekim në spital u largua në banesë pa probleme për jetën. Materialet u referuan në Prokurorinë e Rrethit Gjyqësor Shkodër. Neni 99 i Kodit Penal.

Më datë 04.04.2017, nga efektivët e Komisariatit të Policisë Shkodër, pas një pune të mirëorganizuar dhe në bazë të informacioneve të marra në rrugë operative, është bërë e mundur arrestimi në flagrancë në oborrin e shkollës i nxënësit:
R. N, 15 vjeç, banues në Shkodër, nxënës i klasës së 10-të të një shkolle në Shkodër.
Arrestimi i tij u bë pasi u kap në flagrancë me një armë zjarri, tip pistoletë, e markës "ZASTAVA", pa fishekë e cila u sekuestrua në cilësinë e provës materiale dhe do ti nënshtrohet ekzaminimit të mëtejshëm. Materialet proceduriale iu referuan Prokurorisë Pranë Gjykatës së Shkallës së Parë Shkodër për veprën penale të "Prodhim dhe mbajtje pa leje e armëve luftarake dhe e municionit", e parashikuar nga neni 278/3 i Kodit Penal.

Më datë 04.04.2017, u referuan materialet në Prokurorinë e Rrethit Gjyqësor Shkodër, për shtetasin Gj.N, vjeç 75, banues në fshatin  Gush, pasi dyshohet se, në lagjen “ 3 Heronjtë”, ju gjet e sekuestrua një armë e ftohtë thikë. Neni 279 i Kodit Penal.

Më datë 04.04.2017, u referuan materialet në Prokurorinë e Rrethit Gjyqësor Shkodër, për shtetasit V.N e V.N, vjeç 48 e 44, banues në Shkodër, pasi dyshohet se, në banesë, kanë ushtruar dhunë fizike e psikologjike ndaj njëri tjetrit. Neni 130/a i Kodit Penal.

Më datë 04.04.2017, u referuan materialet në Prokurorinë e Rrethit Gjyqësor Shkodër, për shtetasin K.M, vjeç 40, banues në fshatin Kosmaç, pasi dyshohet se në këtë fshat, u kap duke ndërtuar një objekt pa leje. Neni 199/a i Kodit Penal.

Më datë 04.04.2017, u referuan materialet në Prokurorinë e Rrethit Gjyqësor Shkodër, për shtetasin A.H, vjeç 49, banues në fshatin Melgushë, pasi dyshohet se në këtë fshat u kap duke ndërtuar një objekt pa leje. Neni 199/a i Kodit Penal.

Më datë 04.04.2017, u referuan materialet në Prokurorinë e Rrethit Gjyqësor Shkodër, për shtetasin Xh.G, vjeç 30, banues në fshatin Kosmaç, pasi dyshohet se në këtë fshat u kap duke ndërtuar një objekt pa leje. Neni 199/a i Kodit Penal.

Komisariati i Policisë Vau Dejës
Më datë 04.04.2017, u plotësua kërkesë padia për lëshimin e urdhërit të mbrojtjes së menjëhershme për shtetasen V.D, vjeç 75,  pasi dyshohet se djali, shtetasi L.D, vjeç 43, ka ushtruar dhunë psikologjike ndaj saj. Materialet u referuan në Gjykatën e Rrethit Gjyqësor  Shkodër. Ligji nr. 9669, datë 18.12.2006, “Për masa ndaj dhunës në marrëdhëniet familjare”.

Komisariati i Policisë Kukës
Më datë 04.04.2017, u referuan materialet në Prokurorinë e Rrethit Gjyqësor Kukës, për shtetasit A.D e B.M, vjeç 54 e 40, banues në fshatin Shëmri e Pogaj, pasi dyshohet se më datë 03.04.2017, shtetasja A.D, ka bërë njoftim të rremë, se shtetasi B.M, në Shëmri i ka thyer derën e qendrës shëndetësore, kurse ky i fundit e ka fyer atë. Nenet 272 e 119 të Kodit Penal.

Në vijim të komunikatës datë 31.03.2017, që bën fjalë për vjedhjen e një bagëtie të trashë shtetasit H.A, në fshatin në Bardhoc, më datë 04.04.2017, u referuan materialet në Prokurorinë e Rrethit Gjyqësor Kukës, për shtetasin, K.A, vjeç 38. Neni 134 i Kodit Penal.

Komisariati i Policisë Tropojë
Më datë 04.04.2017, u referuan materialet në Prokurorinë e Rrethit Gjyqësor Tropojë, Kukës, për shtetasin H.Gj, vjeç 51, banues në Bajram Curr, pasi dyshohet se, ka dëmtuar me sende të forta, derën e godinës së një institucioni. Nenet 150 e 277 të Kodit Penal.

Komisariati i Policisë Bulqizë
Më datë 04.04.2017, u referuan materialet në Prokurorinë e Rrethit Gjyqësor Dibër, për shtetasin Q.R, vjeç 33, banues fshatin Ostren, pasi dyshohet se më datë 03.04.2017, në banesë, nga punonjësit e OSHEE-së, u konstatua lidhje e paligjshme e energjisë elektrike. Neni 137 i Kodit Penal.

DREJTORIA E PERGJITHSHME PER KUFIRIN&MIGRACIONIN

Komisariati i Kufirit&Migracionit Rinas
Më datë 04.04.2017, nga Interpol Tirana u ekstradua drejt Italisë, shtetasi në kërkim ndërkombëtar, A.A, vjeç 30, banues në Krujë, pasi Gjykata e Padova Itali, më datë 05.12.2016, ka lëshuar urdhër arresti për veprën penale “Trafikimi i lëndëve narkotike”. Nenet 73 e 81 të Kodit Penal Italian.

Drejtoritë Vendore për Kufirin&Migracionin Korçë
Më datë 05.04.2017, në P.K.K Kapshticë, u kap shtetësia në kërkim, Xh.N, vjeç 55, banuese në Elbasan, pasi Gjykata Rrethit Gjyqësor Tiranë, e ka dënuar me 2 muaj burgim, për veprën penale “Falsifikimi i dokumenteve”. Neni 186/1 i Kodit Penal.

Drejtoritë Vendore për Kufirin&Migracionin Vlorë
Më datë 04.04.2017, u referuan materialet në Prokurorinë e Rrethit Gjyqësor Vlorë, për shtetasit E.S e R.P, vjeç 26 e  26, banues në Orikum, pasi dyshohet se më datë 03.04.2017, në Orikum, u konstatua një gomone pa dokumente, e cila u bllokua me cilësinë e provës materiale. Neni 297 i Kodit Penal dhe Neni 29/1 i ligjit nr. 8663, datë 18.09.2000, “Për regjistrimin, klasifikimin, mënyrën e përdorimit dhe kontrollin e mjeteve lundrues me motor, me tonazh nën 20 NT”.

Komisariati i Kufirit&Migracionit Sarandë
Policia Kufitare ka sekuestruar 52 kg lëndë narkotike e dyshuar e llojit Cannabis Sattiva, në Qafë Botë, Sarandë.
Më datë 04.04.2017, në bazë të informacioneve të marra në rrugë operative se po transportohej lëndë narkotike me kafshë në drejtim të kufirit tokësor të Greqisë, menjëherë filloi kontrolli i territorit në bashkëpunim me Policinë e Sarandës.
Nga kontrolli i zonës së Qafë Botit, pranë vendit të quajtur "Piramidat 66", shërbimet kanë konstatuar një sasi me lëndë e dyshuar narkotike (52 kg) të futur në 4 çanta sportive, të cilat u sekuestruan në cilësinë e provës materiale.
Vijon bashkëpunimi edhe me policinë kufitare të shtetit Grek, pasi dyshohet se autori mund të jetë fshehur në territorin e tyre. Po punohet për kapjen e autorit.

Përmbledhje e rezultateve të arritura të punës të Strukturave të Policisë gjatë 24- orëve.

Policia e Shtetit në të gjithë vendin vijon zbatimin e masave të përcaktuara në Planin e masave, për “Rritjen e parametrave të sigurisë”, mbajtjen nën kontroll të situatës kriminale, kapjen e personave të shpallur në kërkim dhe atyre që qarkullojnë me armë, goditjen e trafikut të lëndëve narkotike e trafìqeve të paligjshme, parandalimin e aksidenteve rrugore”.
Në këtë kontekst, gjatë 24 –orëve në të gjithë vendin kanë funksionuar pika kontrolli dhe të lëvizshme, ku është bërë e mundur kapja dhe arrestimi i 30 personave janë sekuestruar lëndë narkotike dhe armë zjarri.
Nga Policia Rrugore në të gjithë vendin duke përdorur Dragerat dhe Radarët janë arrestuar në flagrancë për drejtim mjeti në gjendje të dehur, pa leje drejtimi 4 drejtues mjetesh.
Nga kontrollet e kryera nga strukturat e Drejtorive Vendore të Policisë janë arrestuar 4 persona për narkotikët.
11 persona për vjedhje dhe ndotje të ajrit.
7 persona në kërkim.
1 person për krime ndaj personit dhe 2 persona për armëmbajtje pa leje.
1 person për mitëdhënie.

Janë sekuestruar rreth 1 ton e 770 kg lëndë e dyshuar narkotike Cannabis Sattiva, 2 armë zjarri, 2 armë të ftohta dhe 19 fishekë.

Gjatë 24-Orëve janë finalizuar Operacionet konkretisht :
Finalizohet operacioni i koduar "RRETHI”.
Janë sekuestruar 9 kg lëndë narkotike e dyshuar me atë të llojit "Cannabis Sattiva”.
Janë arrestuar në flagrancë katër shtetas.
Nga Efektivët e Seksionit Kundër Narkotikëve, në Drejtorinë Vendore të Policisë Elbasan.

Finalizohet Operacioni antidrogë i zhvilluar nga strukturat e Drejtorisë Vendore të Policisë Vlorë, në bashkëpunim me Policinë Kufitare, Delta Force dhe GdF.
Sekuestrohet në Karaburun 1708 kg lëndë e dyshuar narkotike Cannabis Sattiva.
Po vijon krehja e territorit në një perimetër të gjerë për gjetjen dhe kapjen e autorëve.

Po gjatë kontrolleve janë shoqëruar për verifìkim 63 persona.
Edhe në ditët në vijim do vijojë puna e Policisë së Shtetit për rritjen e parametrave të sigurisë në vend

 

Arkiva

Dhjetor 2017
He Ma Me En Pr Sh Di
27 28 29 30 1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Fushata Sensibilizuese

Video te tjera ...