Informacion mbi ngjarjet, arrestimet, ndalimet dhe procedimet në 24 orët e fundit 06.04.2017

DORËZIMI I ARMËVE 1Drejtoria PPSH.1
Vijon masivisht dorëzimi vullnetar i armëve në të gjithë vendin.
Dorëzohen dhjetëra armë e municione.
Paralelisht me dorëzimin e armëve ka vijuar gjithashtu trokitja derë me derë nga Specialistët e Policisë së Zonave për të ndërgjegjësuar banorët për domosdoshmërinë e dorëzimit të armëve që mbajnë pa leje.


DREJTORIA E PERGJITHSHME PËR HETIMIN E KRIMIT TE ORGANIZUAR DHE KRIMET E RËNDA

DREJTORITË VENDORE TË POLICISË

Drejtoria Vendore e Policisë Tiranë
Seksioni për narkotikët
Më datë 05.04.2017, u arrestuan në flagrancë shtetasit A.L, A.H, V.B, i dënuar më parë dhe L.N, vjeç 24, 24, 24 e 25, banues në Tiranë, pasi më datë 04.04.2017, në rrugën “Ali Shefqeti”, në mjetin tip “Volkswagen”, me drejtues shtetasin A.L, u kapën me 24.2 gr lëndë e dyshuar narkotike e llojit Cannabis Sattiva, e cila u sekuestrua bashkë me automjetin. Neni 283/2 i Kodit Penal.

Seksioni për krimin ekonomik e financiar
Më datë 05.04.2017, u ndalua shtetasja në kërkim Xh.N, vjeç 55, banuese në Elbasan, pasi Gjykata e Rrethit Gjyqësor Tiranë, e ka dënuar me 2 muaj burgim, për veprën penale “Falsifikimi i dokumenteve”. Neni 186 i Kodit Penal.

Komisariati Rajonal i Policisë Rrugore
Më datë 05.04.2017, u arrestua në flagrancë shtetasi A.G, vjeç 27, banues në Tiranë, pasi, në bulevardin “Bajram Curri”, u kap duke drejtuar në gjendje të dehur mjetin tip “Ford”. Neni  291 i Kodit Penal.

Më datë 05.04.2017, u arrestua në flagrancë shtetasi A.L, vjeç 33, banues në Tiranë, pasi, në rrugën “Myslym Keta”, u kap duke drejtuar pa leje drejtimi, motorin tip “Honda”. Neni 291 i Kodit Penal.

Më datë 05.04.2017, u arrestua në flagrancë shtetasi G.D, vjeç 34, banues në Tiranë, pasi, te sheshi “Shqiponja”, nuk i është bindur urdhrit të punonjësve të Policisë Rrugore dhe ka drejtuar në gjendje të dehur mjetin tip “Benz”. Nenet 291 e 242 të Kodit Penal.

Më datë 05.04.2017, u arrestua në flagrancë shtetasi A.P, vjeç 45, banues në Tiranë, pasi, në rrugën “Tre Dëshmorët”, u kap duke drejtuar në gjendje të dehur mjetin tip “Benz”. Neni 291 i Kodit Penal.

Më datë 05.04.2017, u referuan materialet në Prokurorinë e Rrethit Gjyqësor Tiranë, për shtetasin A.Ll, vjeç 35, banues në Francë, pasi dyshohet se rreth orës 12:15, në bulevardin “Bajram Curri”, duke drejtuar mjetin tip “Reno”, ka përplasur këmbësorin shtetasin Y.U, vjeç 58, banues në Tiranë, i cili ndodhet në spital nën kujdesin e mjekëve. Neni 290 i Kodit Penal.

Më datë 05.04.2017, u referuan materialet në Prokurorinë e Rrethit Gjyqësor Tiranë, për shtetasen Sh.B, vjeç 57, banuese në Tiranë, pasi dyshohet se rreth orës 15:30, në rrugën “Ali Shefqeti”, duke drejtuar mjetin tip “Audi”, ka përplasur këmbësoren shtetasen E.H, vjeç 26, banuese në Tiranë, e cila ndodhet në spital nën kujdesin e mjekëve, jashtë rrezikut për jetën. Neni 291 i Kodit Penal.

Më datë 05.04.2017, u referuan materialet në Prokurorinë e Rrethit Gjyqësor Tiranë, për shtetasin Xh.M, vjeç 22, banues në Tiranë, pasi dyshohet se, në rrugën “Ferit Xhajko”, gjatë kontrollit të dokumentacionit, u kap duke drejtuar në gjendje të dehur mjetin tip “Volkswagen”, dhe më pas nuk i është bindur urdhër të punonjësit të policisë, duke e braktisur mjetin. Punohet për kapjen e tij. Nenet 291 dhe 242 të Kodit Penal.

Drejtoria Vendore e Policisë Durrës
Seksioni kundër krimit ekonomik e financiar
Më datë 05.04.2017, u referuan materialet në Prokurorinë e Rrethit Gjyqësor Durrës, për shtetasit I.K dhe I.A, vjeç 29 e 47, banues në Durrës, pasi dyshohet se kanë mashtruar shtetasin R.T, vjeç 24, banues në Durrës, duke i marrë një sasi eurosh. Neni 143 i Kodit Penal.

Seksioni i hetimit të ngjarjeve në qarkullimin dhe AIS
Më datë 05.04.2017, u referuan materialet në Prokurorinë e Rrethit Gjyqësor Durrës, për shtetasin A.K, vjeç 37, banues në Durrës, pasi dyshohet se, në rrugën “Adria”, duke drejtuar mjetin tip “BMV”, ka aksidentuar këmbësorin shtetasin V.A, vjeç 74, banues në Durrës, i cili ndodhet në spital, jashtë rrezikut për jetën. Neni 290 i Kodit Penal.

Më datë 05.04.2017, u referuan materialet në Prokurorinë e Rrethit Gjyqësor Durrës, për shtetasit K.H e R.K, vjeç 21 e 56, banues në Durrës e Katund Sukth, pasi dyshohet se, në Fllakë, në segmentin rrugor Katër Rrugët-Bisht Kamzë, shtetasi K.H duke drejtuar mjetin tip “Benz”, është përplasur me motoçikletën tip “Haoyiang”, e drejtuar pa leje drejtimi nga shtetasi R.K, për pasojë është aksidentuar dhe ndodhet në spital, jashtë rrezikut për jetën drejtuesi i motoçikletës. Nenet 290/1 e 291 të Kodit Penal.

Më datë 05.04.2017, u arrestua në flagrancë shtetasi L.Xh, vjeç 27, banues në Kavajë, pasi, në rrugën “Kasem Durrësi”, u kap duke drejtuar në gjendje të dehur, mjetin tip “Alfa Romeo”. Neni 291 i Kodit Penal.

Drejtoria Vendore e Policisë Elbasan
Sektori për aktet terroriste dhe krimet e rënda
Më datë 05.04.2017, u ndalua shtetasja në kërkim M.L, vjeç 23, banues në Elbasan, pasi Gjykata e Rrethit Gjyqësor Elbasan, e ka dënuar 1 vit e 6 muaj burg, për veprën penale “Plagosje e rëndë me dashje”. Materialet i kaluan Prokurorisë së Rrethit Gjyqësor Elbasan. Nenet 88/1 e 25 të Kodit Penal.

Seksioni i hetimit të ngjarjeve në qarkullimin dhe AIS
Më datë 05.04.2017, u referuan materialet në Prokurorinë e Rrethit Gjyqësor Elbasan, për shtetasin E.H, vjeç 31, banues në fshatin Katund i Ri, pasi dyshohet se rreth orës 15:00, në aksin rrugor Elbasan-Metalurgji, përpara një kompleksi, duke drejtuar mjetin tip “Benz”, është përplasur me një mjet e një mjet tjetër tip “Benz” pa targë, për pasojë janë aksidentuar pasagjerët shtetasit A.M, V.M dhe M.L, vjeç , 18 e 17, të cilët pas ndihmës mjekësore në spital, u larguan pa probleme për jetën. Neni 290 i Kodit Penal.

Më datë 05.04.2017, u referuan materialet në Prokurorinë e Rrethit Gjyqësor Elbasan, për shtetasin A.Z, vjeç 37, banues në Gramsh, pasi dyshohet se, në fshatin Balldren, u kap duke drejtuar në gjendje të dehur mjetin tip “Benz”. Neni 291 i Kodit Penal.

Drejtoria Vendore e Policisë Korçë
Seksioni për trafikun e paligjshëm
Drejtoria e Policisë Kufitare Korçë godet një tjetër rast të "Trafikut ndërkombëtar të lëndëve narkotike".
Sekuestrohen 21 pako me peshë 5,6 KG lëndë e dyshuar narkotike e llojit Cannabis Sattiva.
Arrestohet në flagrancë një shtetase bullgare transportuese e lëndës, si edhe shpallen në kërkim dy bashkëpunëtorë të dyshuar të saj.
Shërbimet e Stacionit të Policisë Kufitare Qafë-Thanë, bënë kapjen dhe arrestimin në flagrancë të shtetases:
M.K , 28 vjeçe, banuese në Pazarxhik Pllavdiv- Bullgari.
Më datë 05.04.2017, kjo shtetase u paraqit në dalje të Republikës së Shqipërisë me mjetin tip "Mercedes-Benz".
Nisur nga dyshimet e shfaqura, ky mjet u përzgjodh nga shërbimet e Policisë Kufitare, për verifikim në vijën e dytë, ku në bashkëpunim edhe me strukturat e Doganës u krijuan dyshime se në të mund të ishte fshehur lëndë e dyshuar narkotike.
Gjatë kontrollit të ushtruar, konkretisht në pjesën e prapakolpit të këtij mjeti u konstatuan dhe sekuestruan në cilësinë e provës materiale:
21 pako të mbështjella me letër natriban me peshë 5,6 KG lëndë e dyshuar si narkotike Cannabis Sativa.
Gjithashtu në vijim të hetimeve policore lidhur me këtë ngjarje u bë shpallja në kërkim policor e shtetasve :
K.N, 42 vjeç, dhe S.N, 54 vjeç (vëllezër, të dy banues në Sarandë)
Pasi dyshohet se këta shtetas i kanë dhënë në përdorim mjetin tip “Benz”, me të cilin u kap shtetasja bullgare.
Në cilësinë e provës materiale u bllokuan :
·     21 pako me peshë 5,6 KG lëndë e dyshuar si narkotike Cannabis Sattiva
·     Mjeti tip “Benz”
·     70 Euro
·     1 aparat celular.
Veprimet proceduriale të rastit, u kryhen nga Specialistët e Seksionit për Narkotikët, në Drejtorinë Vendore të Policisë Korçë. 
Materialet i kaluan Prokurorisë të Krimeve të Rënda në Tiranë për veprën penale “Trafikimi i narkotikëve kryer në bashkëpunim, mbetur në tentativë”parashikuar nga nenet 283/a/2/ e 22 të Kodit Penal.

Seksioni kundër krimit ekonomik e financiar
Më datë 05.04.2016,  u referuan materialet në Prokurorinë e Rrethit  Gjyqësor Korçë, për shtetasit V.S e S.L, vjeç 35 e 26. Nenet 248 e 135 të Kodit Penal.

Drejtoria Vendore e Policisë Vlorë
Seksioni për narkotikët
Në vijim të operacionit të djeshëm të zhvilluar nga Policia e Vlorës, ku bëhet fjalë për sekuestrimin e 1708 kilogramë lëndë e dyshuar narkotike Cannabis Sattiva, në Gjirin e Bristanit, Karaburun, bëjmë me dije arrestimin e një prej autorëve të dyshuar në lidhje me këtë ngjarje.
Arrestohet shtetasi:
P.B, 56 vjeç, banues në fshatin Dukat, Vlorë.
Policia e Vlorës ka bërë të mundur kapjen dhe arrestimin e tij, pasi ky shtetas është pronar i një stani në Gjirin e Bristanit, në afërsi të vendit ku u gjet sasia e mësipërme me lëndë narkotike.
Nga hetimet e kryera, dyshohet se shtetasi P.B është një nga autorët e përfshirë në kryerjen e veprave penale "Trafikimi i lëndëve narkotike, mbetur në tentativë" dhe "Moskallëzim krimi".
Po punohet për identifikimin dhe kapjen e autorëve të tjerë të implikuar në këtë ngjarje.

Më datë 05.04.2017, në fshatin Beshisht, Njësia Administrative Shushicë, Bashkia Vlorë, në vendin e quajtur “Kroj i Lajthisë”, u gjetën 18 kg e 200 gr lëndë e dyshuar narkotike Cannabis Cattiva e futur në qese plasmasi. Punohet për identifikimin dhe kapjen e autorëve. Materialet u referuan në Prokurorinë e Rrethit Gjyqësor Vlorë. Neni 283/1 i Kodit Penal.

Seksioni kundër krimit ekonomik e financiar
Më datë 05.04.2017, shtetasja A.N, vjeç 49, banuese në Selenicë, ka bërë kallëzim se në vitin 1997, në maternitetin e Vlorës, ka lindur një fëmijë dhe nga stafi mjekësor i është thënë që fëmija ka vdekur. Dyshohet se fëmija është fshehur për qëllime përfitimi financiar. Materialet u referuan në Prokurorinë e Rrethit  Gjyqësor Vlorë. Nenet 248 e 128 /a të Kodit Penal.

Drejtoria Vendore e Policisë Shkodër
Seksioni i hetimit të ngjarjeve në qarkullimin dhe AIS
Më datë 05.04.2017, u arrestua në flagrancë shtetasi Z.T, vjeç 49, banues në fshatin Guri i Zi, pasi, në fshatin Guri i Zi, duke drejtuar pa leje drejtimi dhe në gjendje të dehur, motoçikletën tip “Dayang”, ka humbur kontrollin, është rrëzuar, duke pësuar dëmtime të lehta. Neni 291 i Kodit Penal.

KOMISARIATET E POLICISË (Rrethe Gjyqësore)

Komisariati Policisë Kavajë
Seksioni për krimet e rënda
Më datë 04.04.2017, u ekstradua nga Italia dhe u dorëzua në IEVP Tiranë, shtetasi në kërkim Y.Ç, vjeç 43, banues në Kavajë, pasi Gjykata e Rrethit Gjyqësor Kavajë, e ka dënuar me 20 vjet burgim, për veprat penale “Vrasje me paramendim”dhe “Prodhimi dhe mbajtje pa leje e armëve luftarake dhe e municionit“. Nenet 78, 278/2 dhe 55  të Kodit Penal.

Seksioni për krimet ekonomik e financiar
Më datë 05.04.2017, u referuan materialet në Prokurorinë e Rrethit Gjyqësor Kavajë, për shtetasin B.B, vjeç 43, banues në Durrës, pasi dyshohet se, në aksin rrugor Kavajë–Durrës, në vendin e quajtur “Kavajoti”, gjatë kontrollit të mjetit tip “Volkswagen”, iu gjetën e sekuestruan materiale të ndryshme, pa faturë tatimore. Nenet 180 e 149/a të Kodit Penal.

Komisariati Policisë Sarandë
Seksioni për krimet e rënda
Më datë 06.04.2017, u arrestua një nga bashkëpunëtorët e shpallur në kërkim ditën e djeshme për "Trafikim të narkotikëve, mbetur në tentativë" në Qafë-Thanë Korçë.

Arrestohet shtetasi:
- S.N, 53 vjeç, banues në Sarandë.
Policia e Sarandës nëpërmjet shkëmbimeve të informacionit me DVP Korçë, kanë bërë arrestimin e tij në qytetin e Sarandës, pasi ky shtetas është shpallur në kërkim ditën e djeshme, për ngjarjen e ndodhur në Pikën e Kalimit Kufitar Qafë-Thanë Korçë, ku u bllokua mjeti tip Benz, me drejtuese shtetasen bullgare M.K, 28 vjeçe (arrestuar), në të cilin u sekuestrua një sasi me lëndë narkotike prej 5.6 kg, e dyshuar si Cannabis Sattiva (21 pako).
Policia e Sarandës bëri të mundur kapjen dhe arrestimin e këtij shtetasi pasi nga hetimet e kryera, dyshohet se në bashkëpunim me vëllain e tij shtetasin K.N., 42 vjeç, i kanë dhënë në përdorim shtetases bullgare, mjetin e mësipërm tip Benz.

DREJTORIA E PERGJITHSHME PËR SIGURINË PUBLIKE
KOMISARIATET E POLICISË

Komisariati i Policisë Nr. 1
Në vijim të komunikatës, që bën fjalë për veprën penale “Vjedhja”, më datë 05.04.2017, u ndalua shtetasi në kërkim S.Q, vjeç 30, banues në Vlorë. Materialet u referuan në Prokurorinë e Rrethit Gjyqësor Tiranë. Neni 134/1 i Kodit Penal.

Më datë 06.04.2017, është dërguar në gjendje të rëndë, në spital shtetasi B.C, vjeç 54, banues në fshatin Ibë e Sipërme, i cili është rrëzuar në rrugë duke qënë në gjendje të dehur. Materialet u referuan në Prokurorinë e Rrethit Gjyqësor Tiranë.

Komisariati i Policisë Nr. 2
Më datë 05.04.2017, u referuan materialet në Prokurorinë e Rrethit Gjyqësor Tiranë, për shtetasin H.S, vjeç 53, banues në Tiranë, pasi dyshohet se, në rrugën “Irfan Tomini”, në banesë, nga punonjësit e OSHEE-së, u konstatua lidhje e paligjshme e energjisë elektrike. Neni 137 i Kodit Penal.

Më datë 05.04.2017, u referuan materialet në Prokurorinë e Rrethit Gjyqësor Tiranë, për shtetasin F.S, vjeç 39, banues në Tiranë, pasi dyshohet se, në rrugën “Sulejman Delvina”, në mjetin tip “Land Rover”, të shtetasit A.B, vjeç 45, banues në Tiranë, ka marrë 1 çantë dore me dokumenta dhe një sasi lekësh. Punohet për kapjen e shtetasit F.S. Neni 134 i Kodit Penal.

Komisariati i Policisë Nr. 3
Më datë 05.04.2017, u referuan materialet në Prokurorinë e Rrethit Gjyqësor Tiranë, për shtetasin J.C, vjeç 26, banues në Tiranë, i dënuar më parë, pasi dyshohet se, në rrugën “Myslym Shyri“, ju gjet e sekuestrua, 1 dozë lëndë narkotike e llojit Cannabis Sattiva. Neni 283 i Kodit Penal.

Më datë 05.04.2017, u referuan materialet në Prokurorinë e Rrethit Gjyqësor Tiranë, për shtetasen M.T, vjeç 31, banuese në Tiranë, pasi ish-bashkëshorti shtetasi D.T, vjeç 39, banues në Tiranë, në proces divorci, kallëzon se në kundërshtim me vendimin e Gjykatës, ka marrë dy fëmijët e mitur, duke u larguar jashtë Shqipërisë. Nenet 127 e 321 të Kodit Penal.

Më datë 05.04.2017, gjatë natës, në rrugën “Gjergj Legisi”, kanë vjedhur lokalin e shtetasit A.P, vjeç 37, banues në Tiranë, ku kanë marrë një televizor. Punohet për identifikimin dhe kapjen e autorëve. Neni 134 i Kodit Penal.

Më datë 05.04.2017, u arrestua në flagrancë shtetasja Z.Gj, vjeç 26, banuese në Tiranë, pasi, në banesë ka ushtruar dhunë fizike e psikologjike ndaj një shtetasi të mitur, (djalit të bashkëjetuesit) shtetasit M.P, vjeç 31. Nenet 124/b dhe 130/a të Kodit Penal.

Më datë 05.04.2017, u referuan materialet në Prokurorinë e Rrethit Gjyqësor Tiranë, për shtetasin K.K, vjeç 41, banues në Elbasan, pasi dyshohet se më datë 02.04.2017, me anë të mashtrimit i ka marrë një sasi eurosh shtetasit H.D, vjeç 73, banues në Tiranë. Punohet për kapjen e tij. Neni 143 i Kodit Penal.

Më datë 05.04.2017, u referuan materialet në Prokurorinë e Rrethit Gjyqësor Tiranë, për shtetasit E.S dhe A.Zh, vjeç 34 e 18, banues në Tiranë, pasi dyshohet se, në rrugën e “Durrësit”, kanë goditur me grusht njëri tjetrin. Neni 90 i Kodit Penal.

Komisariati i Policisë Nr. 4
Më datë 05.04.2017, gjatë natës, në rrugën “Sadik Petrela”, është vjedhur banesa e shtetases R.C, vjeç 40, banuese në Tiranë, ku janë marrë 2 ora dore, një telefon “Samsung S3” dhe një aparat Ipad. Punohet për identifikimin e kapjen e autorëve. Neni 134 i Kodit Penal.

Më datë 05.04.2017, shtetasja S.K, vjeç 57, banuese në Tiranë, ka bërë kallëzim, se i është larguar nga banesa bashkëshorti R.K, vjeç 67. Punohet për gjetjen e tij. Materialet u referuan në Prokurorinë e Rrethit Gjyqësor Tiranë.

Më datë 05.04.2017, u referuan materialet në Prokurorinë e Rrethit Gjyqësor Tiranë, për shtetasin S.B, vjeç 23, banues në Kamëz, pasi shtetasi G.K, vjeç 50, banues në Tiranë, kallëzon se, tek një postbllok i hyrjes dhe daljeve të automjeteve, shtetasi S.B, i ka dëmtuar printerin e kompjuterit. Neni 150 i Kodit Penal.

Më datë 05.04.2017, u referuan materialet në Prokurorinë e Rrethit Gjyqësor Tiranë, për shtetasin P.M, vjeç 70, banues në Tiranë, pasi shtetasi O.Sh, vjeç 41, banues në Tiranë, punonjës i një firme, kallëzon se shtetasi P.M me vetëgjyqësi, nuk ka kthyer pajisjen elektro-shtëpiake si detyrim financiar që ka firma ndaj tij. Neni 277 i Kodit Penal.

Më datë 06.04.2017, u arrestua në flagrancë shtetasi O.D, vjeç 22, banues në Tiranë, pasi më datë 05.04.2017, në rrugën “Aleksandër Moisiu”, gjatë kontrollit fizik, iu gjet e sekuestrua në cilësinë e provës materiale 1 doza lëndë e dyshuar narkotike Cannabis Sattiva. Neni 283/1 i Kodit Penal.

Komisariati i Policisë Nr. 5
Në vijim të komunikatës, që bën fjalë për kryerjen e marrëdhënive seksuale me dhunë me shtetasen Dh.C, më datë 05.04.2017, u referuan materialet në Prokurorinë e Rrethit Gjyqësor Tiranë, për shtetasin në kërkim L.B, vjeç 38, banues në Bathore, i dënuar më parë. Nenet 102 i Kodit Penal.

Më datë 05.04.2017, u arrestua shtetasi Xh.S., 16 vjeç, banues në Tiranë, pasi në rrugën “Iliria“, duke patur tutat në formë maske në kokë dhe thikë në duar, ka kapur për flokësh dhe ka kërcënuar për t’i marrë lekët, shtetasen A.L., 34 vjeçe, e cila po pastronte oborrin e shtëpisë së saj, por shtetasja A.L, është rrëzuar edhe shtetasi i arrestuar është larguar pa marrë gjë. Në cilësinë e provës materiale i’u gjetën dhe sekuestruan katër thika dhe një palë tuta ngjyrë e zezë në formë maske. Parashikuar nga Nenet 139-22 dhe 279/1 i Kodit Penal.

Komisariati i Policisë Nr. 6
Më datë 05.04.2017, u referuan materialet në Prokurorinë e Rrethit Gjyqësor Tiranë, për shtetasit G.H dhe K.M, vjeç 42 e 36, pasi dyshohet se në rrugën “Teodor Keko”, shtetasi K.M, ka kanosur shtetasin G.H, dhe ky i fundit me vetëgjyqësi nuk e ka lejuar të marrë materialet e një firme. Nenet 84 dhe 277 të Kodit Penal.

Më datë 05.04.2017, u referuan materialet në Prokurorinë e Rrethit Gjyqësor Tiranë, për shtetasin E.M, vjeç 30, banues në Dibër, pasi dyshohet se, në rrugën “Dritan Hoxha”, duke drejtuar mjetin tip “Reno”, nuk i është bindur urdhrit të punonjësit të policisë në detyrë, duke e kanosur atë. Nenet 242 dhe 238 të Kodit Penal.

Më datë 05.04.2017, shtetësia P.G, vjeç 35, banuese në Tiranë, kallëzon se i është larguar nga banesa bashkëshorti, shtetasi V.G, vjeç 45. Punohet për gjetjen e tij.

Më datë 05.04.2017, shtetasi S.G, vjeç 45, banues në Tiranë, kallëzon se në rrugën e “Qelqit”, tek një kompleks, shtetasi K.K, vjeç 45, banues në Tiranë, i ka zënë një pjesë të garazhit. Materialet i referohen Prokurorisë së Rrethit Gjyqësor Tiranë, për vlerësim.

Më datë 05.04.2017, u referuan materialet në Prokurorinë e Rrethit Gjyqësor Tiranë, për shtetasen M.Th, vjeç 26, banuese në Korçë, pasi dyshohet se në rrjetin social, ka kanosur me mesazhe shtetasen A.A, vjeç 21, banuese në Tiranë. Punohet për kapjen e saj. Neni 84 i Kodit Penal.

Më datë 05.04.2017, u referuan materialet në Prokurorinë e Rrethit Gjyqësor Tiranë, për shtetasin A.A, vjeç 55, banues në Tiranë, pasi dyshohet se në Kombinat, në një qendër shëndetësore, ka thyer derën e xhamit të Urgjencës. Neni 150 i Kodit Penal.

Komisariati i Policisë Vorë
Më datë 06.04.2017, rreth orës 04:23, ka ardhur një telefonatë tek Nr. 112, nga salla operative e një firme Sh.P.S.F.-je (polici private), se në Fushë Prezë, tek një firmë kanë hyrë 4 persona.
Menjëherë janë nisur shërbimet e policisë ku kanë marrë kontakt me rojet e kësaj firme të cilët kanë deklaruar paraprakisht se:
Katër persona, ku dy prej tyre dyshohet të kenë qenë të armatosur kanë hyrë brenda rrethimit, ku personat e armatosur kanë arritur të neutralizojnë rojet, ndërkohë që dy personat e tjerë, kanë kontrolluar zyrat e kësaj firme. Këta shtetas kanë arritur të marrin një shumë monetare prej 70.000 lekësh.
Grupi hetimor po punon për identifikimin dhe kapjen e autorëve të kësaj ngjarje. Informacion paraprak.

Komisariati i Policisë Kavajë
Më datë 05.04.2017, u arrestua në flagrancë shtetasi E.S, vjeç 30, banues në Elbasan, pasi, në unazë, tek një mobileri, duke drejtuar pa leje drejtimi mjetin tip ‘‘ Fiat“, nuk i është bindur urdhrit të punonjësit të policisë për ndalim. Nenet 291 dhe 242 të Kodit Penal.

Komisariati i Policisë Durrës
Më datë 05.04.2017, u plotësua kërkesë padia për lëshimin e urdhërit të mbrojtjes së menjëhershme për shtetasen F.S, vjeç 45, banuese në Durrës, pasi dyshohet se bashkëshorti, shtetasi G.S, vjeç 43, ka ushtruar dhunë fizike e psikologjike ndaj saj. Materialet i kaluan Gjykatës së Rrethit Gjyqësor Durrës. Ligji Nr. 9669, datë 18.12.2006, “Për masa ndaj dhunës në marrëdhëniet familjare”.

Më datë 05.04.2017, u plotësua kërkesë padia për lëshimin e urdhërit të mbrojtjes së menjëhershme për shtetasin D.V, vjeç 21, banuese në Durrës, pasi dyshohet se babai, shtetasi F.V, vjeç 49, ka ushtruar dhunë fizike e psikologjike ndaj tij. Materialet i kaluan Gjykatës së Rrethit Gjyqësor Durrës. Ligji Nr. 9669, datë 18.12.2006, “Për masa ndaj dhunës në marrëdhëniet familjare”.

Në vijim të komunikatës , që bën fjalë për vjedhjen e lokalit të shtetases S.Zh, më datë 05.04.2017, u ndalua shtetasi në kërkim M.P, vjeç 14, banues në Shënvlash. Materialet u referuan në Prokurorinë e Rrethit Gjyqësor Durrës. Neni 134 i Kodit Penal.

Më datë 05.04.2017, u arrestua në flagrancë shtetasi H.M, si dhe u referuan materialet në Prokurorinë e Rrethit Gjyqësor Durrës e punohet për kapjen e shtetasit V.L, vjeç 16 e 25, banues në Durrës, pasi dyshohet se, në lagjen Nr. 14, në servisin e shtetasit E.S, vjeç 29, banues në Durrës, kanë vjedhur sende të ndryshme. Nenet 134/2 dhe 22  të Kodit Penal.

Komisariati i Policisë Krujë
Më datë 05.04.2017, u referuan materialet në Prokurorinë e Rrethit Gjyqësor Krujë, për shtetasit B.V dhe M.K, vjeç 52 e 55, banues në Krujë, pasi dyshohet se, me vetëgjyqësi janë konfliktuar për një mur rrethues që ndan banesat e tyre. Neni 277 i Kodit Penal.

Më datë 05.04.2017, u referuan materialet në Prokurorinë e Rrethit Gjyqësor Krujë, për shtetasin M.R, vjeç 60, banues në Fushë Krujë, pasi dyshohet se, në oborrin e banesës, u gjet duke ndërtuar një objekt pa leje. Neni 199/a i Kodit Penal.

Më datë 06.04.20117, rreth orës 02:25,në autostradë, në kryqëzimin e Granzës, Fushë-Krujë, është vendosur dhe ka shpërthyer një sasi e vogël lënde plasëse artizanale, në lokalin e shtetasit M.Ç.
Nga shpërthimi janë shkaktuar dëme të vogla materiale. Menjëherë në vendngjarje ka shkuar grupi hetimor, të cilët po punojnë për identifikimin dhe kapjen e autorëve. Informacion paraprak.

Komisariati i Policisë Shijak
Më datë 05.04.2017, u referuan materialet në Prokurorinë e Rrethit Gjyqësor Durrës, për shtetasin H.M, banues në Xhafzotaj, pasi dyshohet se, në oborrin e banesës, u konstatua duke kryer punime pa leje. Neni 199/a i Kodit Penal.

Më datë 05.04.2017, u referuan materialet në Prokurorinë e Rrethit Gjyqësor Durrës, për shtetasin Q.A, banues në Xhafzotaj, pasi dyshohet se, në oborrin e banesës, u konstatua duke ndërtuar një objekt pa leje. Neni 199/a i Kodit Penal.

Komisariati i Policisë Elbasan
Më datë 05.04.2017, rreth orës 14:00, në fshatin Qukës Shkumbin, shtetasi A.D, vjeç 42, banues në Laç, duke punuar në gurore për të montuar një pajisje elektrike, aksidentalisht është dëmtuar dhe ndodhet në spital, jashtë rrezikut për jetën. Materialet u referuan në Prokurorinë e Rrethit Gjyqësor Elbasan.

Më datë 05.04.2017, u referuan materialet në Prokurorinë e Rrethit Gjyqësor Elbasan, për shtetasin T.A, banues në Elbasan, pasi dyshohet se, nga  kontrolli i ushtruar  nga specialistë të OSHEE, në banesë u konstatua se ishin prishur vulat në aparatin matës të energjisë elektrike. Neni 137/2 i Kodit Penal.

Komisariati i Policisë Cërrik
Më datë 05.04.2017, gjatë natës, në fshatin Shtërmen është tentuar të vidhet banesa e shtetasit S.L, vjeç 63, ku persona të paidentifikuar kanë dëmtuar derën e shtëpisë, por nuk kanë marrë gjë. Punohet për identifikimin dhe kapjen e autorit. Nenet 134 dhe 22 të Kodit Penal.

Komisariati i Policisë Peqin
Më datë 05.04.2017, u referuan materialet në Prokurorinë e Rrethit Gjyqësor Elbasan, për shtetasin I.B, vjeç 47, banues në fshatin Gjocaj, pasi dyshohet se në fshatin Gjocaj, ka ndërtuar një shtesë objekti, pa leje. Neni 199/a i Kodit Penal.

Komisariati i Policisë Librazhd
Më datë 05.04.2017, u referuan materialet në Prokurorinë e Rrethit Gjyqësor Elbasan dhe punohet për kapjen e shtetasit E.L, vjeç 36, pasi dyshohet se, në banesë, ka ushtruar dhunë fizike ndaj nënës, shtetases Xh.L, vjeç 60. Neni 130/a/3 i Kodit Penal.

Komisariati i Policisë Korçë
Më datë 05.04.2017, u referuan materialet në Prokurorinë e Rrethit Gjyqësor Korçë, për shtetasen  G.K, vjeç 37, banuese në Korçë, pasi dyshohet se, në lagjen nr. 9 pranë banesës, për motive të dobëta, i ka dëmtuar me sende të forta mjetin tip “Benz”, shtetasit S.K, vjeç 41. Neni 150 i Kodit Penal.

Komisariati i Policisë Maliq
Më datë 05.04.2017, në fshatin Bregas, kanë vjedhur 1 televizor e enë kuzhine, në banesën e shtetasit Dh.Z, vjeç 62. Punohet për identifikimin dhe kapjen e autorit. Neni 134 i Kodit Penal.

Komisariati i Policisë Pogradec
Më datë 05.04.2017, u referuan materialet në Prokurorinë e Rrethit Gjyqësor Pogradec, për shtetasin Sh.Xh, vjeç 33, pasi dyshohet se më datë 04.04.2017, në banesë, ka ushtruar dhunë  psikologjike ndaj nënës, shtetases J.Xh, vjeç 57. Neni 130/a i Kodit Penal.

Më datë 05.04.2017, rreth orës 20:00, në lagjen 1, ka rënë zjarr në mjetin tip “Ford” në pronësi të shtetasit A.D, vjeç 56, banues në Shkodër, ku për pasojë është djegur pjesërisht motorri. Nga veprimet e kryera rezultoi se, zjarri ka rënë nga një defekt elektrik në bateri. Materialet i kaluan Prokurorisë së Rrethit Gjyqësor Pogradec, për ngjarje aksidentale.

Komisariati i Policisë Ura Vajgurore
Më datë 05.04.2017, u referuan materialet në Prokurorinë e Rrethit Gjyqësor Berat, për shtetasin V.Xh, vjeç 42, pasi, ka bërë kallëzim bashkëshortja, shtetasja A.Xh, vjeç 38, se më datë 29.03.2017, në banesë ka ushtruar dhunë fizike ndaj saj, të cilës iu plotësua kërkesë padia për lëshimit e urdhërit të mbrojtjes së menjëhershëm. Materialet i kalojnë Gjykatës së Rrethit Gjyqësor Berat. Ligji nr. 9669, datë 18.12.2006 “Për masa ndaj dhunës në marrëdhëniet familjare”. Neni 130/a i Kodit Penal.

Komisariati i Policisë Skrapar
Më datë 05.04.2017, u referuan materialet në Prokurorinë e Rrethit Gjyqësor Berat, për shtetasin F.L, vjeç 51, banues në  Tiranë, pasi dyshohet se në fshatin Vëndresh, në banesë kishte bërë një shtesë pa leje. Neni 199/a të Kodit Penal.

Komisariati i Policisë Fier
Më datë 05.04.2017, u plotësua kërkesë padia për lëshimin e Urdhërit të mbrojtjes së menjëhershme për shtetasen L.B, vjeç 55, banuese në Fier, pasi dyshohet se ish bashkëshorti shtetasi Z.M, vjeç 60, banues në Fier, ka ushtruar dhunë psikologjike ndaj saj. Materialet i kaluan Gjykatës së Rrethit Gjyqësor Fier. Ligji nr. 9669, datë 18.12.2006, “Për masa ndaj dhunës në marrëdhëniet familjare”.

Më datë 05.04.2017, u referuan materialet në Prokurorinë e Rrethit Gjyqësor Fier, për shtetasin G.Xh, vjeç 44, banues në Vlorë, pasi dyshohet se, në lagjen “11 Janari”, ka plagosur lehtë me grusht shtetasin Sh.K, vjeç 62, banues në Fier. Neni 89 i Kodit Penal.

Më datë 05.04.2017, u plotësua kërkesë padia për lëshimin e urdhërit të mbrojtjes së menjëhershme për shtetasen E.Xh, vjeç 37, banuese në Fier, pasi dyshohet se ish bashkëshorti, shtetasi E.Xh, vjeç 48, ka ushtruar dhunë psikologjike ndaj saj. Materialet i kaluan Gjykatës së Rrethit Gjyqësor Fier. Ligji nr. 9669, datë 18.12.2006 “Për masa ndaj dhunës në marrëdhëniet familjare”.

Komisariati i Policisë Lushnjë
Më datë 05.04.2017, u referuan materialet në Prokurorinë e Rrethit Gjyqësor Lushnjë, për shtetasin B.Ç, vjeç 55, banues në Fier, pasi dyshohet se në fshatin Konjat, në pronën e vet, ka ndërtuar një objekt pa leje. Neni 199/a i Kodit Penal.

Më datë 05.04.2017, u referuan materialet në Prokurorinë e Rrethit Gjyqësor Fier, për shtetasin H.Ç, vjeç 49, banues në fshatin Kashtëbardhë, pasi dyshohet se, në fshatin Kashtëbardhë, ka goditur me sende të forta shtetasin A.N, vjeç 33. Neni 89 i Kodit Penal.

Komisariati i Policisë Divjakë
Më datë 05.04.2017, u referuan materialet në Prokurorinë e Rrethit Gjyqësor Lushnjë, për shtetasin I.Xh, vjeç 48, banues në fshatin Çermë e Sipërme, Divjakë, pasi dyshohet se ka ndërtuar një objekt pa leje. Neni 199/a i Kodit Penal.

Komisariati i Policisë Mallakastër
Më datë 05.04.2017, rreth orës 08:30, në Ballsh, në banesën e pabanueshme të shtetases R.Z, vjeç 63, ka rënë zjarr ku janë shkaktuar dëme të vogla. Nga veprimet e kryera rezultoi se, zjarri ka rënë nga pakujdesia. Materialet iu referuan Prokurorisë  të Rrethit Gjyqësor Fier, për vlerësim.

Komisariati i Policisë Vlorë
Më datë 05.04.2017, rreth orës 16:00, në fshatin Beshisht, Njësia Administrative Shushicë, në një rrëke, 1 km larg nga fshati, në një parcelë pa pronar në brendësi të pyllit, në 350 m² tokë, është konstatuar se kishin mbirë rishtazi në mënyrë të çrregullt, bimë të dyshuara si ato të Cannabis Cattiva, me lartësi 4-10 cm, të cilat u asgjësuan. Materialet  u referuan në Prokurorinë e Rrethit Gjyqësor Vlorë, për vlerësim.

Komisariati i Policisë Sarandë
Më datë 05.04.2017, u referuan materialet në Prokurorinë e Rrethit Gjyqësor Sarandë, për shtetasin J.B, vjeç 45, banues në fshatin Grave, Finiq, pasi dyshohet se, më datë 04.04.2017, në fshatin Grave, ka goditur me mjete të forta shtetasin K.K, vjeç 68. Neni 89 i Kodit Penal.

Më datë 05.04.2017, u plotësua kërkesë padia për lëshimin e Urdhërit të mbrojtjes së menjëhershme, për shtetasen S.K, vjeç 36, banuese në Sarandë, pasi dyshohet se bashkëshorti shtetasi N.K, vjeç 49, ka ushtruar dhunë të vazhdueshme psikologjike ndaj saj. Materialet i kaluan Gjykatës së Rrethit Gjyqësor Sarandë. Ligji nr. 9669, datë 18.12.2006, Për masa ndaj dhunës në marrëdhëniet familjare”.

Komisariati i Policisë Tepelenë
Më datë 05.04.2017, është dërguar në spital pa shenja jete, shtetasi A.B, vjeç 53, banues në Tepelenë. Nga veprimet e kryera rezulton, se vdekja është natyrale. Materialet u referuan në Prokurorinë e Rrethit Gjyqësor Gjirokastër, për vlerësim.

Komisariati i Policisë Lezhë
Më datë 05.04.2017, nga Seksioni për hetimin e krimeve në Komisariatin e Policisë Lezhë, u arrestua në flagrancë shtetasi S.K, 32 vjeç, banues në Lezhë. Ky shtetas ka ushtruar dhunë fizike dhe psikologjike ndaj bashkëshortes së tij, shtetases T.K. 33 vjeçe, në mënyrë të përsëritur si dhe ka kundërshtuar vendimet e Gjykatës.
Materialet proceduriale u referuan Prokurorisë së Rrethit Gjyqësor Lezhë për veprën penale “ Dhuna në familje” dhe “ Veprime në kundërshtim me vendimin e Gjykatës” parashikuar nga nenet 130/a/4 dhe 321 të Kodit Penal.
Gjithashtu u plotësua kërkesë-padia për lëshimin e Urdhërit të Mbrojtjes së Menjëhershme për shtetasen T.K. Materialet i kaluan Gjykatës së Rrethit Gjyqësor Lezhë bazuar në Ligjin Nr. 9669, datë 18.12.2006.

Komisariati i Policisë Kurbin
Më datë 05.04.2017, gjatë ditës, në Mamurras, është vjedhur me thyerje banesa e shtetasit D.M, vjeç 59, ku kanë marrë një pajisje elektro-shtëpiake. Punohet për identifikimin dhe kapjen e autorit. Neni 134 i Kodit Penal.

Komisariati i Policisë Mirditë
Më datë 05.04.2017, shtetasi P.M, vjeç 43, banues në Firzë, ka bërë kallëzim se më datë 04.04.2017, i është larguar nga banesa e bija, shtetasja Z.M, vjeç 16, e cila, u kthye në banesë dhe deklaron se është larguar me dëshirën e saj. Materialet referohen në Prokurorinë e Rrethit Gjyqësor Lezhë për vlerësim.

Komisariati i Policisë Shkodër
Më datë 05.04.2017, u referuan materialet në Prokurorinë e Rrethit Gjyqësor Shkodër, për shtetasin A.V, vjeç 62, banues në Berdicë, pasi, ka bërë kallëzim i vëllai, shtetasi H.V, vjeç 69, se e ka goditur me send të fortë(shkop). Neni 90 i Kodit Penal.

Komisariati i Policisë Kukës
Më datë 05.04.2017, u referuan materialet në Prokurorinë e Rrethit Gjyqësor Kukës, për shtetasit M.S dhe A.S, vjeç 28 e 16, banues në fshatin Bushtricë, pasi dyshohet se më datë 04.04.2017, në Bushtricë, kanë goditur me mjete të forta e fyer shtetasin L.S, vjeç 60. Nenet 90 e 119 të Kodit Penal.

Më datë 05.04.2017, u referuan materialet në Prokurorinë e Rrethit Gjyqësor Kukës, për shtetasin E.P, vjeç 23, banues në Bicaj, pasi dyshohet se, tek tregu i qytetit, duke drejtuar mjetin tip “Benz”, ka aksidentuar shtetasen A.I, vjeç 73, banuese në Kukës, e cila ndodhet në spital jashtë rrezikut për jetën. Neni 290 i Kodit Penal.

Më datë 05.04.2017, u arrestua në flagrancë shtetasi Sh.P, vjeç 46, banues në Kukës, pasi, tek tregu i  qytetit, ka goditur me mjete të forta në kokë, shtetasin Sh.P, vjeç 55, i cili është dërguar për mjekim në spitalin e Traumës Tiranë. Nenet 88 e 279 të Kodit Penal.

Komisariati i Policisë Bulqizë
Nga Specialistët për Hetimin e Krimit në Komisariatin e Policisë Bulqizë u bë arrestimi në flagrancë i shtetasit:
M.B, 21 vjeç,  banues në Bulqizë.
Arrestimi i tij u bë pasi, në banesën e tyre, ka ushtruar dhunë fizike dhe psikologjike, ndaj babait të tij shtetasit F.B, 46 vjeç, (i dënuar më parë për veprën Dhunë në familje).
Gjatë kontrollit të ushtruar në banesë nga ana e policisë, shtetasit M.B, i është gjetur dhe sekuestruar një sasi lëndë narkotike në formë boçeje e dyshuar Cannabis Sattiva.
Materialet proceduriale i kaluan Prokurorisë Rrethit Gjyqësor Dibër për veprat penale "Dhunë në familje", “Prodhim dhe shitje të narkotikëve”, parashikuar nga nenet 130/a, 283, të Kodit Penal.

Më datë 05.04.2017, u arrestua në flagrancë shtetasi A.K, vjeç 25, banues në fshatin Ostren i Madh, pasi, në aksin rrugor Shupenzë-Ura Topojanit, në Kovashicë, u kap duke drejtuar pa leje drejtimi, motorin tip “Hynday” pa targë. Neni 291 i Kodit Penal.

DREJTORIA E PERGJITHSHME PER KUFIRIN&MIGRACIONIN

Komisariati i Kufirit&Migracionit Rinas
Më datë 05.04.2017, u referuan materialet në Prokurorinë e Rrethit Gjyqësor Tiranë, për shtetasin H.H, vjeç 38, banues në Tiranë, pasi dyshohet se, në PKK Rinas, u kap me një pasaportë greke e dyshuar e falsifikuar. Me cilësinë e provës materiale u sekuestrua pasaporta. Neni 189 i Kodit Penal.

Më datë 05.04.2017, u ekstradua nga Greqia, shtetasi në kërkim ndërkombëtar A.Z, vjeç 28, banues në Fier, pasi Gjykata e Shkallës së Parë Fier, e ka dënuar me 15 vjet burgim për veprën penale “Mashtrimi”. Neni 143/2 i Kodit Penal.

Drejtoritë Vendore për Kufirin&Migracionin Durrës
Më datë 05.04.2017, në P.K.K Port, u arrestua në flagrancë shtetasja A.K, vjeç 23, banuese në Kosovë, pasi ju gjet e sekuestrua në cilësinë e provës materiale, një karte identiteti zvicerane, e dyshuar e falsifikuar. Neni 189 i Kodit Penal.

Drejtoritë Vendore për Kufirin&Migracionin Korçë
Finalizohet me sukses operacioni policor i koduar “DIEZEL”.
Kontrabandonin naftë nga shteti maqedonas dhe më pas e shisnin në Pogradec në mënyrë të paligjshme.
Arrestohen në flagrancë 8 shtetas për veprat penale: “Kontrabanda me mallra që paguhet akcizë” dhe “Ruajtja dhe Depozitimi i mallrave Kontrabandë”.
Drejtoria Vendore e Policise Korçë, Sektori Kundër Krimit Ekonomik-Financiar, Prokuroria e Rrethit Gjyqësor Pogradec në bashkëpunim me Drejtorinë Vendore të Kufirit dhe Migracionit Korçë, në kuadër të procedimit penal nr 402 të vitit 2016 të Prokurorisë së Rrethit Gjyqësor Pogradec, kanë finalizuar me sukses operacionin “DIEZEL” si rezultat i të cilit u bë kapja dhe arrestimi në flagrancë i shtetasve:
1. V.B, 50 vjeç, banues në fshatin Grabovicë–Pogradec

2. R.E, 60 vjeç, banues në fshatin Mëmëlisht-Pogradec

3. E.M, 31 vjeç, banues në fshatin Vërdovë–Pogradec

4. A.S, 35 vjeç, banues në fshatin Gështenjas–Pogradec

5. M.Q, 54 vjeç, banues në Pogradec

6. E.E, 26 vjeç, banues në fshatin Nizhavec-Pogradec

7. K.H, 32 vjeç, banues në Pogradec

8. M.Y, 30 vjeç, banues në fshatin Goskovë e Poshtme-Korçë.

Arrestimi i tyre u bë pasi, në bazë të një hetimi disa mujor, të filluar në muajin Tetor 2016, rezulton se këta persona në mjetet e tyre kanë modifikuar depozitat e naftës duke i shtuar depozitë tjetër për të marrë sasi nafte më të madhe në shtetin Maqedonas, e cila më pas shitej prej tyre, në tregun vendas në mënyrë joligjore.
Nga hetimet e zhvilluara është bërë e mundur që në faza të ndryshme të hetimit të faktohet edhe vend depozitimi i sasisë së naftës së futur kontrabandë, në dy ambiente të ndodhura në fshatin Mëmëlisht dhe në fshatin Grabovicë.
Pas verifikimit të mjeteve dhe personave, si dhe ambienteve të cilat përdoreshin për depozitimin e naftës kontrabandë, më datë 05.04.2017 u bë e mundur kapja dhe arrestimi në flagrancë i këtyre shtetasve.
Gjithashtu janë sekuestruar në cilësinë e provës materiale 6 automjete që përdoreshin nga këta të fundit për të futur naftë kontrabandë, si dhe një sasi rreth 1500 litra naftë e ndodhur nëpër bidona plastikë e cila është futur kontrabandë nëpërmjet Pikës së Kalimit Kufitar të Qafë-Thanës.
Materialet për hetime të mëtejshme i kaluan Prokurorisë të Rrethit Gjyqësor Pogradec për veprat penale: “Kontrabanda me mallra që paguhet akcizë”; “Ruajtja dhe Depozitimi i mallrave Kontrabandë” parashikuar nga nenet 172 dhe 179 të Kodit Penal.

Përmbledhje e rezultateve të arritura të punës të Strukturave të Policisë gjatë 24- orëve.

Policia e Shtetit në të gjithë vendin vijon zbatimin e masave të përcaktuara në Planin e masave, për “Rritjen e parametrave të sigurisë”, mbajtjen nën kontroll të situatës kriminale, kapjen e personave të shpallur në kërkim dhe atyre që qarkullojnë me armë, goditjen e trafikut të lëndëve narkotike e trafìqeve të paligjshme, parandalimin e aksidenteve rrugore”.
Në këtë kontekst, gjatë 24 –orëve në të gjithë vendin kanë funksionuar pika kontrolli dhe të lëvizshme, ku është bërë e mundur kapja dhe arrestimi i 34 personave janë sekuestruar lëndë narkotike.
Nga Policia Rrugore në të gjithë vendin duke përdorur Dragerat dhe Radarët janë arrestuar në flagrancë për drejtim mjeti në gjendje të dehur, pa leje drejtimi 6 drejtues mjetesh.
Nga kontrollet e kryera nga strukturat e Drejtorive Vendore të Policisë janë arrestuar 15 persona për narkotikët, krimin ekonomik e financiar dhe trafiqet e paligjshme.
7 persona për vjedhje, dhunë në familje dhe kundërshtim të punonjësit të policisë.
5 persona në kërkim dhe 1 person për krime ndaj personit.

Janë sekuestruar rreth 25 kg lëndë e dyshuar narkotike Cannabis Sattiva dhe 4 armë të ftohta.

Gjatë 24-Orëve është finalizuar Operacioni konkretisht :
Finalizohet me sukses Operacioni policor i koduar “DIEZEL”.
Janë arrestuar në flagrancë 8 shtetas.
Për veprat penale: “Kontrabanda me mallra që paguhet akcizë” dhe “Ruajtja dhe Depozitimi i mallrave Kontrabandë”.
Nga Drejtoria Vendore e Policisë Korçë, Sektori Kundër Krimit Ekonomik-Financiar, Prokuroria e Rrethit Gjyqësor Pogradec në bashkëpunim me Drejtorinë Vendore të Kufirit dhe Migracionit Korçë.
Po gjatë kontrolleve janë shoqëruar për verifìkim 71 persona.
Edhe në ditët në vijim do vijojë puna e Policisë së Shtetit për rritjen e parametrave të sigurisë në vend.

Arkiva

Gusht 2017
He Ma Me En Pr Sh Di
31 1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31 1 2 3

Fushata Sensibilizuese

Video te tjera ...