Informacion mbi ngjarjet, arrestimet, ndalimet dhe procedimet në 24 orët e fundit 08.04.2017

DORËZIMI I ARMËVE 1Drejtoria PPSH.1
Vijon masivisht dorëzimi vullnetar i armëve në të gjithë vendin.                                         
Dorëzohen dhjetëra armë e municione.
Paralelisht me dorëzimin e armëve ka vijuar gjithashtu trokitja derë me derë nga Specialistët e Policisë së Zonave për të ndërgjegjësuar banorët për domosdoshmërinë e dorëzimit të armëve që mbajnë pa leje.


INFORMACIONE PËR NGJARJE TË JASHTËZAKONSHME DHE EMERGJENTE

Mirditë
Më datë 08.04.2017, rreth orës 16:00, në Njësinë Administrative Selitë, nga lëkundjet e tërmetit janë bërë të pabanueshme banesat e shtetasve, K.Gj, fshati Bardhaj e Gj.K, në fshatin Lufaj dhe kanë dëmtime të pjesshme në fshatin Lufaj, banesat e shtetasve Y.L, M.L, N.L e K.Gj, në Njësinë Administrative Kthjellë, fshati Perlat i Epër, ka dëmtime të pjesshme banesa e shtetases M.L dhe në Njësinë Administrative Fan, fshati Klos e Bulshar, kanë dëmtime të pjesshme banesat e shtetasve L.Gj, Gj.L, N.P dhe kabina elektrike në fshatin Konaj.


DREJTORIA E PERGJITHSHME PËR HETIMIN E KRIMIT TE ORGANIZUAR DHE KRIMET E RËNDA

DREJTORITË VENDORE TË POLICISË

Drejtoria Vendore e Policisë Tiranë
Seksioni për korrupsionin
Policia e Tiranës, e vendosur për të goditur çdo rast të “Korrupsionit”, ndaj punonjësit të Policisë.
Brenda 12 orëve të fundit janë arrestuar 4 shtetas të cilët kanë tentuar të korruptojnë Punonjësit e Policisë
Më datë 08.04.2017, shërbimet e Policisë Rrugore, kanë arrestuar në flagrancë shtetasit:
- E.N., 34 vjeç, pasagjer në automjetin tip "Fiat", i cili ka tentuar të korruptojë punonjësit e policisë rrugore me shumën monetare prej 5000 Lekë të reja, në momentet që drejtuesja e automjetit shtetasja E. H., ka rezultuar nën ndikimin e alkoolit.
- K.S., 23 vjeç, pasagjer në automjetin tip "Mercedes Benz", i cili ka tentuar t'i japi punonjësit të policisë rrugore shumën monetare prej 20 Euro, në momentet që drejtuesia e automjetit shtetasja L. Ç., nuk dispononte lejen e drejtimit me vete.
- E.M., 30 vjeç, drejtues i automjetit tip "BMW", i cili në momentin që ka rezultuar nën ndikimin e alkoolit, ka tentuar t'i japë punonjësit të policisë rrugore shumën monetare prej 100 Euro.

- J.M., 38 vjeç, banues në Kosovë, është ndaluar nga shërbimet e Policisë Rrugore pasi është konstatuar me radar duke drejtuar automjetin tip “Volkswagen”, me shpejtësi tej normave të lejuara dhe ka tentuar ti japi punonjësit të policisë rrugore shumën monetare prej 15 Euro.

Materialet i’u kaluan Prokurorisë pranë Gjykatës së Rrethit Gjyqësor Tiranë, për veprën penale “Korrupsion aktiv ndaj personave që ushtrojnë funksione publike”, parashikuar nga Neni 244 i Kodit Penal, në ngarkim të shtetasve të sipër përmendur. Mos korrupto, arrestohesh!


Seksioni për krimet ndaj jetës
Në datë 08.04.2017, në orën 20:11 në vendin e quajtur, ‘Rruga e Kosovarëve” Njësia nr 5, Tiranë në hyrje të një pallati, nga persona të paidentifikuar ende është qëlluar me armë zjarri pistoletë shtetasi A.C, 42 vjeç, lindur në Dibër dhe banues në Tiranë, ish-punonjës Policie në funksione e detyra të ndryshme.
Së fundmi ishte administrator i një shoqërie së ruajtjes fizike që kishte në ruajtje disa objekte.
Me marrjen dijeni për ngjarjen është krijuar grupi i posaçëm hetimor, me specialistët më të mirë të Drejtorisë Vendore të Tiranës dhe Drejtorisë së Përgjithshme kundër Krimit të Organizuar, i cili kryesohet nga Prokurorë të Prokurorisë së Krimeve të Rënda.
Nga kqyrja e vendit të ngjarjes rezulton se janë përdorur dy armë zjarri, pasi janë gjetur, fiksuar dhe sekuestruar në cilësinë e provës materiale 2 gëzhoja arme të kalibrit 9mm dhe 5 gëzhoja të kalibrit 7.65 mm.
Përsa i përket vrasjes, grupi hetimor është duke punuar për sqarimin e rrethanave të ngjarjes, për kërkimin dhe marrjen e deklarimeve personave që kanë dijeni rreth ngjarjes, fiksimin dhe sekuestrimin e provave materiale, të cilat dyshohet se janë përdorur nga autorët për kryerjen e kësaj vepre të rëndë penale.
Duke analizuar veprimet e para, në funksion të hetimit janë ngritur dhe po verifikohen të gjitha versionet për të përcaktuar motivin e kryerjes së kësaj ngjarje.
Policia ka shoqëruar deri tani 11 persona që janë pyetur për rrethanat e krimit.
Policia e Tiranës, duke garantuar anonimatin e plotë, ka vënë në dispozicion të kujtdo që ofron informacion të vlefshëm për zbardhjen e kësaj ngjarje shumën prej 3 milion lekë të reja si shpërblim, në numrin e telefonit 0694110299.

Komisariati Rajonal i Policisë Rrugore
Më datë 08.04.2017, u arrestua në flagrancë shtetasi S.D, vjeç 29, banues në Elbasan, pasi, në rrugën “Selim Brahja”, u kap duke drejtuar në gjendje të dehur, mjetin tip “Ford”. Neni 291 i Kodit Penal.

Më datë 08.04.2017, u arrestua në flagrancë shtetasi A.K, vjeç 29, banues në Tiranë, pasi, në rrugën “Kont Leopold Bertold”, u kap duke drejtuar në gjendje të dehur, mjetin tip “Jaguar”. Neni 291 i Kodit Penal.

Më datë 08.04.2017, u arrestua në flagrancë shtetësia E.H, vjeç 34, banuese në Tiranë, pasi, në rrugën “Selim Brahja”, u kap duke drejtuar në gjendje të dehur, mjetin tip “Fiat”. Neni 291 i Kodit Penal.

Më datë 08.04.2017, u arrestua në flagrancë shtetasi A.J, vjeç 47, banues në Tiranë, pasi, në bulevardin “Bajram Curri”, u kap duke drejtuar në gjendje të dehur, motorin tip “Harley”. Neni 291 i Kodit Penal.

Më datë 08.04.2017, u arrestua në flagrancë shtetasi F.Q, vjeç 25, banues në Tiranë, pasi, në bulevardin “Bajram Curri”, u kap duke drejtuar në gjendje të dehur, motorin tip “Kawasaki”. Neni 291 i Kodit Penal.

Më datë 08.04.2017, u referuan materialet në Prokurorinë e Rrethit Gjyqësor Tiranë, për shtetasit U.E e A.K, vjeç 27 e 20, banues në Tiranë, pasi dyshohet se, në rrugën “Niko Avrami”, shtetsja U.E, duke drejtuar mjetin tip “Ford”, është përplasur me motorin tip “Yamaha”, të drejtuar nga shtetasi A.K, pa leje drejtimi, i cili ndodhet në spital, jashtë rrezikut për jetën. Nenet 290 e 291 të Kodit Penal.

Më datë 09.04.2017, u referuan materialet në Prokurorinë e Rrethit Gjyqësor Tiranë, për shtetasin Sh.N, vjeç 64, banues në Tiranë, pasi dyshohet se, në rrugën “Xhanfize Keko”, duke drejtuar mjetin tip “Renault”, është përplasur me motorin tip “Wuyang”, me drejtues shtetasin J.K, vjeç 34, banues në Tiranë, i cili ndodhet në spital jashtë rrezikut për jetën. Neni 290 i Kodit Penal.

Më datë 09.04.2017, u arrestua në flagrancë shtetasi B.S, vjeç 42, banues në Tiranë, pasi më datë 08.04.2017, në rrugën “Dritan Hoxha”, u kap duke drejtuar në gjendje të dehur mjetin tip “Benz”. Neni 291 i Kodit Penal.

Më datë 08.04.2017, u arrestua në flagrancë shtetasi A.B, dhe u referuan materialet në Prokurorinë e Rrethit Gjyqësor Tiranë, për shtetasin R.M, vjeç 41 e 18, banues në Tiranë, pasi, tek “Pallati me shigjeta”, shtetasi A.B, duke drejtuar mjetin tip “ATV Astra”, ka përplasur motorin tip “Yinxiang”, i drejtuar nga shtetasi R.M, i cili ndodhet në spital nën kujdesin e mjekëve. Nenet 290 e 291 të Kodit Penal.

Drejtoria Vendore e Policisë Durrës
Seksioni i hetimit të ngjarjeve në qarkullimin dhe AIS
Më datë 08.04.2017, u referuan materialet në Prokurorinë e Rrethit Gjyqësor Durrës, për shtetasin A.Z, vjeç 73, banues në Kosovë, pasi dyshohet se, në autostradë, tek mbikalimi Shëna Vlashit, duke drejtuar mjetin tip “Volkswagen”, ka goditur nga  pas mjetin tip “Benz”,  me drejtues shtetasin R.K, vjeç 31, banues në Burrel, ku për pasojë është dëmtuar pasagjerja e mjetit “Volkswagen”, shtetasja H.Z, vjeç 68, banuese në Kosovë, e cila ndodhet ne spital jashtë rreziku për jetën. Neni 290/1 i Kodit Penal.

Drejtoria Vendore e Policisë Elbasan
Seksioni kundër krimeve ndaj personit
Më datë 08.04.2017, u ndalua shtetasi në kërkim D.U, vjeç 36, banues në fshatin Haxhias, pasi Gjykata e Rrethit Gjyqësor Elbasan, ka caktuar masën e sigurisë “Arrest në burg” për veprën penale “Plagosja e rëndë me dashje” në bashkëpunim. Materialet u referuan në Prokurorinë e Rrethit Gjyqësor Elbasan. Nenet e 88 e 25 të Kodit Penal.

Seksioni i hetimit të ngjarjeve në qarkullimin dhe AIS
Më datë 08.04.2017, u arrestua në flagrancë shtetasi A.Sh, vjeç 37, banues në fshatin Dushk, pasi, në fshatin Dushk, duke drejtuar motorin tip “DaYang” ka aksidentuar shtetasin, R.M, vjeç 79, i cili ndodhet në spital nën kujdesin e mjekëve. Nenet 290 e 291 të Kodit Penal.

Drejtoria Vendore e Policisë Fier
Seksioni i hetimit të ngjarjeve në qarkullimin dhe AIS
Më datë 08.04.2017, u arrestua në flagrancë shtetasi N.K, vjeç 22, banues në fshatin Rerës Patos, pasi, në lagjen “Sheq i Madh” duke drejtuar mjetin tip “Benz”, ka aksidentuar me pasojë vdekjen, shtetasin Y. M, vjeç 58, banues në Levan. Neni 290 i Kodit Penal.

Më datë 08.04.2017, u arrestua në flagrancë shtetasi E.H, vjeç 26, banues në fshatin Rerës Patos, pasi, tek “Kryqëzim i Parkut”, u kap duke drejtuar pa leje drejtimi, mjetin tip “Skoda”. Neni 291 i Kodit Penal.

Drejtoria Vendore e Policisë Vlorë
Seksioni kundër krimeve ndaj personit
Më datë 08.04.2017, u arrestua shtetasi A.M, 38 vjeç, banues në Vlorë.
Policia ka bërë arrestimin e tij pasi ditën e djeshme, për motive të dobëta, ky shtetas është konfliktuar fizikisht me shtetasin Xh.O., 54 vjeç, banues në Vlorë, ku për pasojë ky i fundit është rrëzuar në trotuar dhe ka marrë goditje të rëndë në kokë.
I dëmtuari ndodhet në Spitalin Rajonal Vlorë duke marrë ndihmë mjekësore.

Drejtoria Vendore e Policisë Gjirokastër
Seksioni për narkotikët
Operacion antidrogë i koduar "PAGRI".
Operacioni nga Strukturat e Policisë së Shtetit në bashkëpunim me SH.Ç.B.A.
Operacioni mbi bazën e një informacioni të marrë në rrugë operative nga SH.Ç.B.A.
Sekuestrohen në një nga tre ish depot e rezervave të shtetit në fshatin Pagri të Përmetit 11650 kilogramë lëndë narkotike e dyshuar Cannabis Sattiva.
Arrestohen në flagrancë dy prej administratorëve të këtyre depove, si dhe shpallet në kërkim personi i tretë që administronte këto depo.
Gjithashtu ndalohet edhe Kryeplaku i fshatit Pagri.
Më datë 07.04.2017, Shërbimi për Çështjet e Brendshme dhe Ankensat në Ministrinë e Punëve të Brendshme ka marrë një informacion nga një burim anonim se në një nga ish depot e rezervave të shtetit mbi fshatin Pagri të rrethit Përmet kishte sasi të konsiderueshme lëndë narkotike.
Shërbimi për Çështjet e Brendshme dhe Ankensat ka njoftuar mbrëmjen e datës 07.04.2017, Drejtorinë e Policisë së Shtetit dhe në lidhje me këtë u hartua menjëherë plani i veprimit për të ndërhyrë në këto ish depo të rezervave të shtetit.

Në zbatim të planit operacional të hartuar nga Drejtoria e Policisë së Shtetit, më datën 08.04.2017, Drejtoria Kundër Narkotikëve në Policinë e Shtetit , SH.Ç.B.A, Forca e Posaçme Operacionale, Drejtoria Vendore e Policisë Gjirokastër dhe Policia Përmet, organizuan dhe zhvilluan operacionin e koduar "Pagri".
Si rezultat i operacionit rezultoi se në njërën nga tre depot u gjet e ambalazhuar në thasë plasmasi një sasi prej 11650 kilogramë lëndë e dyshuar narkotike Cannabis Sattiva.

Pas konstatimit nga Policia dhe SH.Ç.B.A i lëndës narkotike në njërën prej ish depove, rreth orës 13.00 të datës 08.04.2017 është njoftuar Prokurori i Rrethit Përmet në lidhje me lëndën narkotike të gjetuar nga Policia dhe SH.Ç.B.A.
Në përfundim të veprimeve të para të kryera në vendngjarje u bë ndalimi i shtetasëve:
R.M, 51 vjeç, banues në fshatin Pagri.
E.A, 60 vjeç, banues në fshatin Pagri.
Si dhe u bë shpallja në kërkim e shtetasit:
I.S, 61 vjeç, banues në fshatin Pagri - Përmet.

Ndalimi i këtyre shtetasve si dhe shpallja në kërkim e shtetasit tjetër u bë për arsye se këta shtetas nga provat e grumbulluara rezulton se i kishin në përdorim depot për të magazinuar ushqim për bagëtitë e tyre.
Gjithashtu në vijim të veprimeve është bërë ndalimi edhe i kryeplakut të fshatit Pagri, shtetasit: K.Z, 58 vjeç, kryeplak i fshatit Pagri. Ndalimi këtij shtetasi u bë pasi ky shtetas është me detyrë kryetar i fshatit Pagri dhe nuk ka kryer detyrat funksionale në lidhje me ngjarjen e mësipërme.
Materialet do ti kalojnë Prokurorisë Pranë Gjykatës së Shkallës së Parë Përmet për hetim të mëtejshëm në ngarkim të shtetasve R.M, I.S dhe E.A, për veprën penale “Prodhim dhe shitje të narkotikeve”, e kryer në bashkëpunim të parashikuar nga neni 283/2 i Kodit Penal.
Si dhe në ngarkim të shtetasit K.Z për veprat penale “Shpërdorimi i Detyrës ” dhe “Moskallëzimi i krimit” të parashikuara nga neni 248 dhe 300 i Kodit Penal
Po në lidhje me këtë ngjarje, Drejtoria e Standarteve Profesionale në Policinë e Shtetit dhe SH.Ç.B.A, kanë nisur verifkimet për të parë nëse ka implikim apo shpërdorim detyre të punonjësve të policisë në lidhje me këtë ngjarje.


Sektori për krimin ekonomik e financiar
Më datë 08.04.2017, u arrestua në flagrancë shtetasi K.Gj(shofer) dhe u referuan materialet në Prokurorinë e Rrethit Gjyqësor Gjirokastër, për shtetasin B.P, Përgjegjës Turni në Degën Doganore Kakavije, vjeç 53 e 49, banues në Sevaster Vlorë e Tiranë, pasi, në P.K.K. Kakavije, nga kontrolli në kamionin tip “Volvo”, ju bllokuan 7 ton mallra të padeklaruara, kurse shtetasi B.P, ka bërë një deklaratë të thjeshtuar, në kundërshtim me ligjin. Punohet për kapjen e shtetasit B.P. Nenet 174 e 248 të Kodit Penal.

Drejtoria Vendore e Policisë Lezhë
Seksioni i hetimit të ngjarjeve në qarkullimin dhe AIS
Më datë 08.04.2017, u arrestua në flagrancë shtetasi Gj.V, vjeç 17, banues në Lezhë, pasi, në Milot, duke drejtuar mjetin tip “Ford”, ka aksidentuar një shtetas të mitur, vjeç 8, banues në fshatin Zejmen, i cili ndodhet në spital jashtë rrezikut për jetën. Nenet 290, 291 dhe 273 të Kodit Penal.

Më datë 08.04.2017, u arrestua në flagrancë shtetasi Z.Ll, vjeç 33, banues në Laç, pasi, në rrugën për tek Kisha e Shën Andout, duke drejtuar motorin tip “Suzuki”, ka dalë nga rruga, për pasojë ndodhet në spital jashtë rrezikut për jetën. Nenet 290 e 291të Kodit Penal.

Drejtoria Vendore e Policisë Shkodër
Seksioni për narkotikët
Më datë 08.04.2017, nga shërbimet e Drejtorisë Vendore të Policisë Shkodër, sipas informacioneve të marra në rrugë operative, gjatë kontrollit të banesës së shtetasit Sh.Ç, ju gjet dhe sekuestrua në cilësinë e provës materiale 27 kg lëndë narkotike e dyshuar e llojit Cannabis Sattiva.
U bë shpallja në kërkim dhe po punohet për kapjen e shtetasit:
Sh. Ç, 36 vjeç , banues në Shkodër.
Materialet proceduriale iu referuan Prokurorisë Pranë Gjykatës së Shkallës së Parë Shkodër për veprën penale "Prodhimi dhe shitja e narkotikëve" e parashikuar nga neni 283 i Kodit Penal.

DREJTORIA E PERGJITHSHME PËR SIGURINË PUBLIKE

KOMISARIATET E POLICISË

Komisariati i Policisë Nr. 1
Më datë 08.04.2017, u referuan materialet në Prokurorinë e Rrethit Gjyqësor Tiranë, për shtetasin S.B, vjeç 54, banues në Tiranë, pasi dyshohet se, në Sauk, nuk i është bindur urdhrit të punonjësit të policisë rrugore. Neni 242 i Kodit Penal.

Më datë 08.04.2017, rreth orës 17:30, në Sauk, në banesë, shtetasi i mitur B.S, vjeç 8, duke luajtur aksidentalisht ka rënë nga kati i tretë, e ndodhet në spital jashtë rrezikut për jetën. Materialet u referuan në Prokurorinë e Rrethit Gjyqësor Tiranë.

Më datë 08.04.2017, u referuan materialet në Prokurorinë e Rrethit Gjyqësor Tiranë, për shtetasen J.N, vjeç 49, banuese në Tiranë, pasi dyshohet se, në banesë, u kap duke kryer punime pa leje. Neni 199/a i Kodit Penal.

Më datë 08.04.2017, u referuan materialet në Prokurorinë e Rrethit Gjyqësor Tiranë, për shtetasin I.H, vjeç 54, banues në Tiranë, pasi dyshohet se, ka kanosur me fjalë për jetën, shtetasin E.C, vjeç 32, banues në Tiranë. Punohet për kapjen e shtetasit I.H. Neni 84 i Kodit Penal.

Komisariati i Policisë Nr. 2
Më datë 08.04.2017, u referuan materialet në Prokurorinë e Rrethit Gjyqësor Tiranë, për shtetasin D.M, vjeç 36, banues në Tiranë, pasi dyshohet se, rrugën e “Kavajës”, ka kanosur me fjalë, shtetasin K.Q, vjeç 62, banues në Tiranë. Neni 84 i Kodit Penal.

Komisariati i Policisë Nr. 3
Më datë 08.04.2017, u referuan materialet në Prokurorinë e Rrethit Gjyqësor Tiranë, për shtetasin E.H, vjeç 18, banues në Tiranë, pasi dyshohet se, në banesë, ka ushtruar dhunë fizike ndaj nënës shtetases E.B, vjeç 44. Neni 130/a i Kodit Penal.

Në vijim të komunikatës, që bën fjalë për veprën penale “Vjedhja me dhunë” e kryer në bashkëpunim, më datë 08.04.2017, nga veprimet e kryera dyshohet se, shtetasit F.K dhe K.Ç, janë dhe autor të një ngjarje tjetër. Nenet 139 e 25 të Kodit Penal.

Më datë 08.04.2017, u referuan materialet në Prokurorinë e Rrethit Gjyqësor Tiranë, për shtetasin O.K, vjeç 41, banues në Tiranë, pasi dyshohet se, në rrugën e ”Dibrës”, nga kontrolli në depon e lokalit, ju gjet e sekuestrua një silenciator. Neni 278/2 i Kodit Penal.

Më datë 08.04.2017, në rrugën e “Barrikadave”, është vjedhur me thyerje banesa e shtetases E.Ll, vjeç 32, ku kanë marrë një bizhuteri, letra me vlerë dhe një sasi eurosh. Punohet për identifikimin dhe kapjen e autorëve. Neni 134 i Kodit Penal.

Komisariati i Policisë Nr. 4
Më datë 08.04.2017, u referuan materialet në Prokurorinë e Rrethit Gjyqësor Tiranë, për shtetasin E.H, vjeç 17, banues në Tiranë, pasi dyshohet se, në rrugën “Niko Avrami”, ka goditur me sende të forta, shtetasit K.R e I.R, vjeç 32 dhe 61, banues në Tiranë. Neni 89 i Kodit Penal.

Më datë 08.04.2017, u referuan materialet në Prokurorinë e Rrethit Gjyqësor Tiranë, për shtetasit E.P e D.P, vjeç 46 e 35, banues në Tiranë, pasi dyshohet se, në rrugën ”Ali Pashe Gucia”, kanë goditur me grusht njëri tjetrin. Neni 90 i Kodit Penal.

Komisariati i Policisë Nr. 5
Në vijim të komunikatës, që bën fjalë për largim nga banesa të shtetases L.M, më datë 08.04.2017, u gjet dhe ju dorëzua prindërve, e cila deklaroi se ishte larguar me dëshirën e saj. Materialet u referuan në Prokurorinë e Rrethit Gjyqësor Tiranë.

Komisariati i Policisë Nr. 6
Më datë 08.04.2017, u referuan materialet në Prokurorinë e Rrethit Gjyqësor Tiranë, për shtetasit F.L e S.K, vjeç 42 e 36, pasi dyshohet se gjatë natës në rrugën “Teodor Keko”, tek një lokal, kanë goditur me grusht njëri tjetrin. Neni 90 i Kodit Penal.

Më datë 08.04.2017, u referuan materialet në Prokurorinë e Rrethit Gjyqësor Tiranë, për shtetasit Xh.Xh e G.Ç, vjeç 34 e 42, banues në Tiranë, pasi dyshohet se, në rrugën “Llambi Bonata”, kanë goditur me grusht njëri tjetrin. Neni 90 i Kodit Penal.

Më datë 08.04.2017, u referuan materialet në Prokurorinë e Rrethit Gjyqësor Tiranë, për shtetasit S.B dhe A.Xh, vjeç 65 e 67, banues në Tiranë, pasi dyshohet se, në një pallat, me vetëgjyqësi, kanë dëmtuar bravën e derës të një apartamenti, me pretendimin se është pronë e shtetasit S.B. Punohet për kapjen e tyre. Neni 277 i Kodit Penal.

Komisariati i Policisë Vorë
Më datë 08.04.2017, u arrestua në flagrancë shtetasi E.A, vjeç 19, banues në Fier, pasi, në Vorë, tek një karburant, nga kontrolli fizik ju gjet e sekuestrua një dorezë metalike dhe 1 dozë lëndë e dyshuar narkotike e llojit Cannabis Sattiva. Nenet 279 e 283 të Kodit Penal.

Komisariati i Policisë Kavajë
Më datë 08.04.2017, u referuan materialet në Prokurorinë e Rrethit Gjyqësor Tiranë, për shtetasen V.I, vjeç 40, pasi dyshohet se , në banesë, ka ushtruar dhunë fizike dhe ka kanosur me jetë, vajzën e bashkëshortit, shtetasen E.I, vjeç 16, të cilës ju plotësua kërkesë padia për lëshimin e urdhërit të mbrojtjes së menjëhershëm. Materialet u referuan në Gjykatën e Rrethit Gjyqësor Kavajë. Ligji nr. 9669, datë 18.12.2006. “Për masa ndaj dhunës në marrëdhëniet familjare”. Neni 130/a i Kodit Penal.

Komisariati i Policisë Durrës
Më datë 08.04.2017, shtetësia A.D, vjeç 54, banuese në fshatin Rrazhbull, kallëzon se më datë 07.04.2017, i është larguar nga banesa vajza, shtetasja Xh.D, vjeç 21. Punohet për gjetjen e saj.

Më datë 08.03.2017, u referuan materialet në Prokurorinë e Rrethit Gjyqësor Durrës, për shtetasit Q.B e S.Sh, vjeç 64 e 75, banues në Durrës, pasi dyshohet se, para një muzeu, kanë  goditur me grusht njëri tjetrin. Neni 90 i Kodit Penal.

Më datë 08.04.2017, u referuan materialet në Prokurorinë e Rrethit Gjyqësor Durrës, për shtetasin E.Sh, vjeç 71, banues në fshatin Rrashbull, pasi dyshohet se, në Rrashbull, ka plagosur me armë gjahu qenin e shtetasit F.E, vjeç 56, duke prishur qetësinë publike. Me cilësinë e provës materiale u sekuestrua arma e gjahut tip “Çifte” me leje. Neni 274 i Kodit Penal.

Komisariati i Policisë Elbasan
Më datë 08.04.2017, u referuan materialet në Prokurorinë e Rrethit Gjyqësor Elbasan, për  shtetasin F.D, vjeç 77, banues në fshatin Dragot, pasi dyshohet se në Dragot, ka kanosur me fjalë, shtetasen V.D, vjeç 61. Neni 84 i Kodit Penal.

Më datë 08.04.2017, u referuan materialet në Prokurorinë e Rrethit Gjyqësor Elbasan, për shtetasin B.H, vjeç 55, banues në fshatin Godolesh, pasi dyshohet se, në këtë fshat, u konstatua se po ndërtonte një objekt pa leje. Neni 199/a i Kodit Penal.

Më datë 08.04.2017, u referuan materialet në Prokurorinë e Rrethit Gjyqësor Elbasan, për shtetasin Xh.B, vjeç 58, banues në fshatin Godolesh, pasi dyshohet se, në këtë fshat, u konstatua se po ndërtonte një objekt pa leje. Neni 199/a i Kodit Penal.

Më datë 08.04.2017, u referuan materialet në Prokurorinë e Rrethit Gjyqësor Elbasan, për shtetasin L.M, vjeç 34, banues në fshatin Godolesh, pasi dyshohet se, në këtë fshat u kap pasi kishte prerë 2 m3. dru zjarri pa dokumente. Neni 205 i Kodit Penal.

Më datë 08.04.2017, u referuan materialet në Prokurorinë e Rrethit Gjyqësor Elbasan, për shtetasin A.M, vjeç 56, banues në fshatin Godolesh, pasi dyshohet se, në këtë fshat, u kap duke ndërtuar një objekt pa leje. Neni 199/a i Kodit Penal.

Më datë 08.04.2017, u referuan materialet në Prokurorinë e Rrethit Gjyqësor Elbasan, për shtetasin S.B, vjeç 52, banues në fshatin Godolesh, pasi dyshohet se, në këtë fshat, u kap duke ndërtuar një objekt pa leje. Neni 199/a i Kodit Penal.

Komisariati i Policisë Librazhd
Më datë 08.04.2017, në fshatin Rrajcë, në banesë ka vdekur një foshnje 1 muajsh. Nga veprimet e kryera, rezultoi se vdekja ka ardhur nga shkaqe natyrale. Materialet u referuan në Prokurorinë e Rrethit Gjyqësor Elbasan.

Komisariati i Policisë Korçë
Më datë 09.04.2017, u referuan materialet në Prokurorinë e Rrethit  Gjyqësor Korçë, për shtetasin S.S, vjeç 26, banues në Korçë, pasi dyshohet se, në bulevardin “Republika”, nga kontrolli në mjetin tip “Skoda”, ju gjet e u bllokua në cilësinë e provës materiale një shkop bejsbolli. Neni 279 i Kodit Penal.

Komisariati i Policisë Berat
Më datë 08.04.2017, u plotësua kërkesë padia për lëshimit e urdhërit të mbrojtjes së menjëhershëm për shtetasen E.S, vjeç 49, banuese në Berat, pasi dyshohet se, në banesë, bashkëjetuesi shtetasi A.L, vjeç 42, ka ushtruar dhunë psikologjike. Materialet u referuan në Gjykatën e Rrethit Gjyqësor Berat. Ligji Nr. 9669, datë 18.12.2006, “Për masa ndaj dhunës në marrëdhëniet familjare”.

Më datë 08.04.2017, u arrestuan në flagrancë shtetasit R.M, F.K, K.B dhe K.T, vjeç 16, 18, 19 e 18, banues në Lushnjë, Poliçan, Berat e Lushnjë, pasi, në lagjen “Goricë”, në bashkëpunim, kanë vjedhur me thyerje dyqanin e shtetasit K.K, vjeç 40, banues në  Berat, ku kanë marrë disa pije alkoolike dhe një sasi lekësh. Neni 134/2 i Kodit Penal.

Më datë 09.04.2017, në banesën e shtetases Q.S 65 vjeçe, banuese në Berat, kanë shkuar dy persona të panjohur, me kapuç dhe fytyrë të zbuluar, nga të cilët njëri mbante një armë.
Shtetasia Q.S fillimisht dyshoi se dy shtetasit e mësipërm mund të ishin punonjës policie pasi kanë kontrolluar banesën për të gjetur armë e drogë.
Pas kontrollit janë larguar nga banesa dhe nuk kanë marrë asgjë.
Po punohet për identifikimin dhe kapjen e autorëve.
Materialet i kaluan Prokurorisë së Rrethit Gjyqësor Berat, për veprën penale, “Vjedhja me dhunë" e mbetur në tentativë, e kryer në bashkëpunim, parashikuar nga nenet 139, 25 dhe 22 të Kodit Penal.

Komisariati i Policisë Fier
Më datë 08.04.2017, në lagjen “Bishanakë”, në banesë është gjetur i vdekur shtetasi E.D, vjeç 47. Nga veprimet e kryera rezultoi se vdekja ka ardhur nga shkaqe natyrale. Materialet u referuan në Prokurorinë e Rrethit Gjyqësor Fier.

Më datën 08.04.2017, në lagjen “Naftëtari”, Patos në banesë është gjetur i vetëvrarë shtetasi B.Q, 67 vjeç. Në cilësinë e provës materiale u sekuestrua arma çifte teke tip Bajkal.
Nga veprimet e kryera rezulton se ky shtetas jetonte i vetëm dhe kurohej nga sëmundje depresive.
Materialet i kaluan Prokurorisë së Rrethit Gjyqësor Fier për vlerësim.

Komisariati i Policisë Mallakastër
Më datë 08.04.2017, Në bazë të Plan-Veprimit për parandalimin e veprimtarisë së kultivimit të bimëve narkotike, gjatë kontrollit të territorit, në fshatin Drenovë Mallakaster, në vendin e quajtur “Bregu i Gushës” në një parcelë në pyll, nga shërbimet e policisë u gjetën të kultivuara 80 bimë narkotike të dyshuara Cannabis Sattiva.
Nga veprimet hetimore u identifikua autori i kultivimit dhe u bë arrestimi në flagrancë i shtetasit:
-M.M, 49 vjeç, banues në fshatin Drenovë, Mallakastër, me detyrë Inspektor i Policisë Pyjore në Bashkinë Ballsh.
Gjithashtu u bë arrestimi në flagrancë i kryetarit të fshatit Drenovë, shtetasit:
-N.N, 41 vjeç, banues në fshatin Drenovë.
Materialet i kaluan Prokurorisë pranë Gjykatës së Shkallës së Parë Fier për veprat penale "Kultivimi i bimëve narkotike" dhe "Shpërdorimi i detyrës" në ngarkim të shtetasit M.M dhe për veprën penale "Moskallëzim i krimit" në ngarkim të shtetasit N.N.

Komisariati i Policisë Vlorë
Më datë 08.04.2017, rreth orës 13:10, në lagjen “Pavarësia”, dy persona kanë goditur me mjete të forta, shtetasin A.M, vjeç 20, banues në Vlorë. Punohet për identifikimin dhe kapjen e autorëve. Nenet 89 e 25 të Kodit Penal.

Komisariati i Policisë Sarandë
Më datë 08.04.2017, u arrestua në flagrancë shtetasi A.H, vjeç 22, banues në fshatin Metoq, pasi, në rrugën “Mitat Hoxha”, u kap duke drejtuar pa leje drejtimi, mjetin tip “Fiat”. Neni 291 i Kodit Penal.

Më datë 08.04.2017, u referuan materialet në Prokurorinë e Rrethit Gjyqësor Sarandë, për vlerësim, për shtetasin A.M, vjeç 32, banues në Sarandë, pasi dyshohet se, në lagjen “Gjashtë”, ka marrë nga servisi mjetin tip “Volkswagen”, pa paguar pronaren e servisit, shtetasen Z.M, vjeç 61.

Komisariati i Policisë Gjirokastër
Më datë 08.04.2017, u referuan materialet në Prokurorinë e Rrethit Gjyqësor Gjirokastër, për shtetasin H.Ç, vjeç 37, banues në Tepelenë, pasi dyshohet se, në afërsi të parkut të Viroit, ka goditur me grusht shtetasin K.H, vjeç 20, banues në Tepelenë. Neni 90 i Kodit Penal.

Komisariati i Policisë Lezhë
Më datë 08.04.2017, u arrestua në flagrancë shtetasi J.N, vjeç 26, banues në fshatin Barbullojë, pasi, në lagjen “Beslidhja”, është futur për të vjedhur në banesën e shtetasit T.N, vjeç 60. Nenet 134, 22 e 25 të Kodit Penal.

Më datë 08.04.2017, u referuan materialet në Prokurorisë e Rrethit Gjyqësor Lezhë, për shtetasin L.D, vjeç 53, banues në fshatin Shenkoll, kryeplak i fshatit, pasi dyshohet se, në territorin e Bashkisë Lezhë, Njësia Administrative Shënkoll, fshati Tale, në një masiv pyjor, pronë publike, ambient i hapur, në një sipërfaqe toke prej 350 m2, u konstatuan 16 bimë të dyshuara narkotike të llojit Cannabis Sattiva, të ri mbira. Neni 248 i Kodit Penal.

Komisariati i Policisë Kurbin
Më datë 08.04.2017, rreth orës 18:00, në territorin e Bashkisë Kurbin, Njësia Administrative Milot, në fshatin Skuraj, në vendin e quajtur “Valdush”, masiv pyjor, pronë publike, ambient i hapur, u konstatuan 800 kërcej bimësh të dyshuara narkotike të llojit Cannabis Sattiva të prera, ku në 190 rrënjë, kishin mbirë bimë të reja, me lartësi 15 cm, të cilat u asgjësuan. Neni 284  i Kodit Penal.

Më datë 08.04.2017, u referuan materialet në Prokurorinë e Rrethit Gjyqësor Kurbin, për shtetaset M.J e H.J, vjeç 58 e 56, banuese në fshatin Shullaz, pasi dyshohet se, në një shkollë, nuk kanë lejuar të jap mësim, shtetasen H.I, vjeç 48. Neni 235/1 i Kodit Penal.

Komisariati i Policisë Shkodër
Më datë 08.04.2017, u referuan materialet në Prokurorinë e Rrethit Gjyqësor Shkodër, për shtetasin S.K, vjeç 42, banues në Shkodër, pasi dyshohet se, në rrugën “Gjuhadol”, me vetëgjyqësi, ka penguar të ndërtoj me leje një objekt, shtetasin Sh.G, vjeç 64, banues në Shkodër. Neni 277 i Kodit Penal.

Më datë 08.04.2017, u arrestua në flagrancë shtetasi F.Z dhe u referuan materialet në Prokurorinë e Rrethit Gjyqësor Shkodër, për veprën penale “Shpërdorimi i detyrës”, për shtetasin Gj.F, kryeplak i fshatit, vjeç 55 e 55, banues në fshatin Belaj, pasi rreth orës 15:00, në këtë fshat, në një sipërfaqe toke të mbuluar me llamarina në pronësi të shtetasit F.Z, u gjetën të mbjella dhe u asgjësuan 85 bimë të dyshuara narkotike të llojit Cannabis Sattiva, me lartësi 5 deri në 25 cm, kurse shtetasi Gj.F, nuk ka raportuar. Neni 284 e 248 të Kodit Penal.

Më datë 08.04.2017, u arrestua në flagrancë shtetasi P.B, vjeç 46, banues në fshatin Grizhë, Malësi e Madhe, pasi, në fshatin Shtoj i Vjetër, u kap duke drejtuar pa leje drejtimi motorin tip “Lonçin”. Neni 291 i Kodit Penal.

Më datë 08.04.2017, u referuan materialet në Prokurorinë e Rrethit Gjyqësor Shkodër, për shtetasit D.V e Gj.M, vjeç 32 e 48, banues në Shkodër, pasi dyshohet se, në lagjen “Guerrile”, shtetasi D.V, duke drejtuar mjetin tip “Benz”, është përplasur me motorin tip “Dayang“, që drejtohej nga shtetasi Gj.M, për pasojë është dëmtuar drejtuesi i motorit dhe vajza shtetasja e mitur, vjeç 10, të cilët ndodhen në spital jashtë rrezikut për jetën. Nenet 290 e 291 të Kodit Penal.

Më datë 08.04.2017, u referuan materialet në Prokurorinë e Rrethit Gjyqësor Shkodër, për shtetasin Gj.Th, vjeç 56, banues në Shkodër, pasi dyshohet se, në lagjen “Partizani”, i ka helmuar një bagëti të imët dhe dy kafshë të egra, vëllait, shtetasit P.Th vjeç 61. Punohet për kapjen e shtetasit Gj.Th. Neni 150 i Kodit Penal.

Më datë 08.04.2017, në lagjen “Skënderbeg”, në mjetin tip “Mitsubishi”, shtetasit N.P, vjeç 53, banues në Vrakë Malësi e Madhe, i kanë vjedhur dy motorrseka. Punohet për identifikimin dhe kapjen e autorit. Neni 134 i Kodit Penal.

Më datë 08.04.2017, në spital janë paraqitur për ndihmë mjekësore shtetasit E.K e A.Gj, vjeç 18 e 20. Nga veprimet e kryera rezultoi se kishin konsumuar lëndë të dyshuar narkotike Marijuanë, të cilën dyshohet se ua kishte siguruar shtetasi F.M vjeç 19. Punohet për kapjen e shtetasit F.M. Materialet u referuan në Prokurorinë e Rrethit Gjyqësor Shkodër, për vlerësim.

Komisariati i Policisë Vau Dejës
Më datë 08.04.2017, u referuan materialet në Prokurorisë e Rrethit Gjyqësor Shkodër, për shtetasin N.K, vjeç 30, banues në fshatin Kajvall, pasi dyshohet se, pranë banesës, për motive pronësie ka kanosur dhe i ka marrë mjetin tip “Mitsubishi”, vëllait, shtetasit M.K vjeç 25. Nenet 277 e 84 të Kodit Penal.

Komisariati i Policisë Pukë
Më datë 08.04.2017, gjatë natës, në fshatin Fierzë kanë tentuar të vjedhin në banesën e shtetasit M.L, vjeç 46, banues në Tiranë. Punohet për identifikimin dhe kapjen e autorit. Nenet 134 e 22 të Kodit Penal.

Komisariati i Policisë Malësi e Madhe
Më datë 08.04.2017, u referuan materialet në Prokurorinë e Rrethit Gjyqësor Shkodër, për shtetasin E.M, dhe Gj.U, vjeç 18 e 45, banues në fshatin Ivanaj e Pjetëshan, pasi dyshohet se, në fshatin Pjetërshan, shtetasi E.M, duke drejtuar pa leje drejtimi, mjetin tip “Benz”, është përplasur me mjetin tip “Opel”, që drejtohej nga shtetasi Gj.U, për pasojë është dëmtuar shtetasi E.M, i cili ndodhet në spital jashtë rrezikut për jetën. Nenet 291 e 290 të Kodit Penal.

Komisariati i Policisë Mat
Më datë 08.04.20217, u referuan materialet në Prokurorinë e Rrethit Gjyqësor Mat, për shtetasit H.T e B.L, vjeç 44 e 45, banues në fshatin Qafmur e Kacni, pasi dyshohet se, në vendin “Mazdej”,u kapën me kamionët tip “IFA” duke transportuar 8 m3. lëndë drusore pa dokumente. Neni 205 i Kodit Penal.

DREJTORIA E PERGJITHSHME PER KUFIRIN&MIGRACIONIN

Drejtoritë Vendore për Kufirin&Migracionin Korçë
Më datë 08.04.2017, u referuan materialet në Prokurorinë e Rrethit Gjyqësor Korçë, për shtetasin J.T, vjeç 47, banues në  Korçë, pasi dyshohet se më datë 30.03.2017, në fshatin Pustec, ka kaluar kufirin shtetëror në mënyrë të paligjshme. Neni 297 i Kodit Penal.

Më datë 09.04.2017, u arrestua në flagrancë shtetasi E.B dhe u referuan materialet në Prokurorinë e Rrethit Gjyqësor Korçë, për shtetasin A.K, vjeç 32 e 24, banues në fshatin Zvezdë, pasi dyshohet se më datë 08.04.2017, nga kontrolli në banesë ju gjetën e bllokuan disa kafshë pune që dyshohet se janë futur kontrabandë. Punohet për kapjen e shtetasit A.K. Neni 174 i Kodit Penal.

Drejtoritë Vendore për Kufirin&Migracionin Vlorë
Më datën 08.04.2017, rreth orës 16.00 nga ana e shërbimeve të policisë së Stacionit të Policisë Kufitare Hoxhare jemi njoftuar se: në pyllin e fshatit Hoxhare janë gjetur një sasi bimësh narkotike Cannabis Sattiva të rimbira .Nga ana e efektivave të policisë Fier me marrjen e njoftimit, në mënyrë të menjëhershme u formua grupi hetimor dhe u shkua në vendin e ngjarjes. Gjatë kqyrjes së vendit të ngjarjes u konstatua se në një sipërfaqe toke me përmasa 2.5 m. X 3.8 m. kishin rimbirë bimë të dyshuara narkotike cannabis sattiva. Gjatë kqyrjes së vendit të ngjarjes u konstatua se këto bimë ishin me lartësi 5 cm deri në 35 cm, toka ishte e papunuar dhe nuk ujiteshin,si dhe bimët kishin rimbirë në mënyrë të çrregullt. Po punohet për sqarimin e plotë të rrethanave të kësaj ngjarjeje.Vazhdon puna për kontrollin e plotë të të gjithë territorit.
Materialet i kaluan për vlerësim Prokurorisë Pranë Gjykatës së Shkallës së Parë Fier.

Arkiva

Tetor 2017
He Ma Me En Pr Sh Di
25 26 27 28 29 30 1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31 1 2 3 4 5

Fushata Sensibilizuese

Video te tjera ...