Interpol Tirana. Kapet dhe arrestohet në Selanik të Greqisë një shtetas shqiptar i denuar me 18 vite burg.

Interpol Tirana. Kapet dhe arrestohet në Selanik të Greqisë një shtetas shqiptar i denuar me 18 vite burg. interpol

Më datën 31.10.2017, si rezultat i bashkëpunimit të Interpol Tiranës me Interpol Athinën, u bë i mundur kapja dhe arrestimi në Selanik/Greqi i shtetasit shqiptar:

H.I, 55 vjeç, banues në Ferraj, Tiranë.

Shtetasi H.I ishte i shpallur në kërkim ndërkombëtar, pasi Gjykata e Rrethit Gjyqësor Tiranë me vendim penal nr. 278 datë 04.05.1999 e ka dënuar këtë shtetas me 18 vjet burg për veprat penale “Vrasje me paramendim e mbetur në tentativë” dhe “Armëmbajtje pa leje”, të parashikuara nga nenet 78-22 dhe 278/2 të Kodit Penal.

Përmbledhje e ngjarjes së ndodhur:

Në datë 05.03.1998, rreth orës 17:00, në fshatin Ferraj, Tiranë shtetasi H.I ka qëlluar 3 herë me armë zjarri pistoletë në drejtim të shtetasit L. V, i cili si pasojë e të shtënave ka mbetur i plagosur rëndë.

Shtetasi Hashim Isufi i është afruar shtetasit të plagosur dhe ka tentuar ta qëllojë përsëri, por i është bllokuar arma e zjarrit dhe më pas është larguar me shpejtësi nga vendi i ngjarjes.

Kapja dhe arrestimi i tij në Selanik u bë për qëllim ekstradimi në Shqipëri.

Arkiva

Nentor 2017
He Ma Me En Pr Sh Di
30 31 1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 1 2 3

Fushata Sensibilizuese

Video te tjera ...