Elbasan - Vijon zbatimi i planit të masave nga Policia Rrugore për rritjen e parametrave të sigurisë rrugore

ElbasanElbasan 15 prill 2018  1

Vijon zbatimi i planit të masave nga Policia Rrugore për rritjen e parametrave të sigurisë rrugore (Për video kliko mbi link)

Specialistët e Sektorit të Policisë Rrugore, në Drejtorinë Vendore të Policisë Elbasan, dhe të Seksioneve në varësi gjatë javës kanë vijuar zbatimin e planit të masave me qëllim rritjen e parametrave të sigurisë në rrugë, ku kanë vijuar kontrollet në të gjitha akset rrugore, për të evidentuar dhe ndëshkuar shkelësit e Kodit Rrugor, me qëllim parandalimin e aksidenteve rrugore.

Kontrollet kanë konsistuar për pije alkoolike, për shpejtësi, për drejtim mjeti pa Leje Drejtimi, për mosvendosje të rripit të sigurimit, të përdorimit të celularit gjatë drejtimit të mjetit, të transportit të udhëtarëve pa licencë apo pa kontroll teknik, etj.

Gjatë kontrolleve janë arrestuar 8 drejtues mjetesh nga këta 5 për drejtim mjeti pa Leje Drejtimi dhe 3 për drejtim mjeti në gjendje të dehur.

Janë pezulluar 44 Leje Drejtimi nga këto:

• 30 Leje Drejtimi për shpejtësi tej normave të lejuara, evidentuar në bashkëpunim me Task Forcën e Drejtorisë së Policisë Rrugore.

•14 Leje Drejtimi për drejtim mjeti nën efektin e alkoolit apo në gjendje të dehur.

Po gjatë kontrolleve janë evidentuar një sërë shkeljesh të rregullave të qarkullimit rrugor ku drejtuesit e mjeteve janë ndëshkuar me masë administrative dhe konkretisht:

Janë vendosur gjithsej 952 masa administrative nga këto:

• 24 për mospërdorim të rripit të sigurimit,

• 88 për përdorim të celularit gjatë drejtimit të mjetit;

. 17 masa për mosvendosje të kaskës mbrojtëse,

. 12 për parakalim të gabuar.

Ndërsa pjesa tjetër për shkelje të ndryshme të kodit rrugor.

Policia Rrugore e Elbasanit do vijojë kontrollet e pandërprera, me qëllim parandalimin e aksidenteve rrugore dhe apelon për të gjithë përdoruesit e rrugës që të respektojnë rregullat e qarkullimit rrugor duke kontribuuar në rritjen e parametrave të sigurisë rrugore.

Elbasan 15 prill 2018  1

Elbasan 15 prill 2018  2

Arkiva

Prill 2018
He Ma Me En Pr Sh Di
26 27 28 29 30 31 1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 1 2 3 4 5 6