Policia e Shtetit në 24 orët e fundit 12 Korrik 2018


Përmbledhje e rezultateve të arritura të punës të Strukturave të Policisë gjatë 24- orëve.Stema Policia

Policia e Shtetit në të gjithë vendin vijon zbatimin e masave të përcaktuara në Planin e masave, për “Rritjen e parametrave të sigurisë”, mbajtjen nën kontroll të situatës kriminale, kapjen e personave të shpallur në kërkim dhe atyre që qarkullojnë me armë, goditjen e trafikut të lëndëve narkotike e trafìqeve të paligjshme, parandalimin e aksidenteve rrugore”.

Në këtë kontekst, gjatë 24 –orëve në të gjithë vendin kanë funksionuar pika kontrolli dhe të lëvizshme, ku është bërë e mundur kapja dhe arrestimi i 26 personave.

Nga Policia Rrugore në të gjithë vendin duke përdorur Dragerat dhe Radarët janë arrestuar në flagrancë për drejtim mjeti në gjendje të dehur, pa leje drejtimi dhe drejtim i parregullt: 9 drejtues mjetesh.

3 persona për Narkotikët

6 persona në kërkim

2 persona për veprën penale " Plagosja e rëndë me dashje, e kryer në bashkëpunim"

1 person për veprën penale "Organizimi i lotarive të palejuara"

1 person për veprën penale "Kontrabanda me mallra që paguhet akcizë"

4 persona për veprën penale "Ndihma për kalim të paligjshëm të kufijve".

Gjithashtu janë sekuestruar:
200 gramë dhe 21 doza lëndë narkotike e dyshuar e llojit Kokainë, 
2 armë zjarri, 70 fishekë,
3 armë të ftohta (3 thika).

Po gjatë kontrolleve janë shoqëruar për verifikim 63 persona.
 

Gjithashtu gjatë 24-orëve të fundit janë finalizuar:

1-Tiranë, finalizohet operacioni policor i koduar “Pizza Porosi” nga Seksioni kundër Narkotikëve në bashkëpunim me Seksionin e Operacioneve Speciale dhe Kërkimit.
Arrestohen në flagrancë tre shtetas të cilët në bashkëpunim me njëri-tjetrin shpërndanin lëndë narkotike të llojit Kokainë.
Sekuestrohen lëndë narkotike, automjet, motor, aparate celularë dhe fishekë.

2- Kavajë, finalizohet operacioni policor i koduar “Basti i Fundit”.
Arrestohet pronari i një pike llotoje për “Prodhim dhe shitje lëndësh narkotike” dhe “Organizim i lotarive të palejuara”.
Sekuestrohet lëndë narkotike e dyshuar e llojit kokainë, peshore elektronike, municion luftarak, kompjuterë lojërash fati, aparate celular, mjet, një sasi lekësh dhe dollar.

Arkiva

Shtator 2018
He Ma Me En Pr Sh Di
27 28 29 30 31 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30