Interpol Tirana: Ekstradohet nga Hollanda 39 vjeçari nga Fieri i dënuar me 23 vite burg për "Vrasje", me 8 vite burg për "Trafik të narkotikëve" dhe me 1 vit burg për "Armëmbajtje pa leje".

Interpol Tiranahollanda
 
Ekstradohet nga Hollanda 39 vjeçari nga Fieri i dënuar  me 23 vite burg për "Vrasje", me  8 vite burg për  "Trafik të narkotikëve" dhe me 1 vit burg për "Armëmbajtje pa leje".
 
 
Nga Specialistët e Interpol Tirana u krye ekstradimi nga Amsterdami/Hollandë drejt vendit tonë të  shtetasit shqiptar B. Q., 39 vjeç, lindur në Fier.
 
 
Shtetasi B. Q. është arrestuar nga autoritetet policore hollandeze me qëllim ekstradimin drejt Shqipërisë, në zbatim të urdhër arrestit ndërkombëtar të nxjerrë nga Zyra Qëndrore Kombëtare Interpol Tirana, pasi:
 
 
Gjykata e Shkallës së Parë për Krimet e Rënda Tiranë me vendim penal nr. 18 datë 28.03.2006 e ka dënuar këtë shtetas me 23 vjet burg për veprën penale “Vrasje me paramendim” parashikuar nga neni 78 i Kodit Penal. 
 
 
Gjykata e Shkallës së Parë për Krimet e Rënda Tiranë me vendim penal nr.68, datë 20.11.2009 e ka dënuar këtë shtetas me 8 vjet burg për veprën penale “Trafikim të lëndëve narkotike” parashikuar nga nenet 283/a/2 të Kodit Penal. 
 
 
Gjithashtu Gjykata e Apelit Vlorë me vendim penal nr. 298 date 22.10.04 ka lënë në fuqi vendimin penal nr. 103 datë 27.05.2004 të Gjykatës së Rrethit Gjyqësor Fier,e cila ka dënuar me 1 vit burg, për veprën penale “Mbajtja pa leje e municioneve luftarake”, parashikuar nga neni 278/2 i Kodit Penal.
 
 
Përmbledhje e ngjarjes së ndodhur: 
 
 
Më datë 03.05.2004 në rrugën “Qemal Stafa”, Tiranë, shtetasi B.Q. ka vrarë me armë zjarri shtetasin E. V. 
 
 
Në datën 25-26 gusht 2004 shtetasi B.Q. në bashkëpunim me disa shtetas të tjerë ka arritur që të trafikojë nga Shqipëria drejt Italisë 15 kg lëndë narkotike e llojit (Heroinë).
 
 
Si rezultat i bashkëpunimit të Interpol Tiranës me Interpol The Hage/Hollandë, u bë i mundur arrestimi i tij në Amsterdam, duke u finalizuar me ekstradimin drejt vendit tonë.

Arkiva

Nentor 2018
He Ma Me En Pr Sh Di
29 30 31 1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 1 2