Jetëshkrimi

drejtori8

Z. Haki Çako u lind më 4 Prill 1967 në Lushnjë. Është i martuar dhe ka dy fëmijë.

Ka përfunduar studimet:

  • në “Akademinë e Policisë” Tiranë në vitet 1991-1996
  • në “Shkollën e Policisë” Tiranë në vitet 1986-1988

Gjatë ecurisë në karrierë ka kryer një sërë trajnimesh dhe specializimesh të rëndësishme, brenda dhe jashtë vendit, zhvilluar nga organizma që kanë asistuar ndër vite Policinë e Shtetit, si: Departamenti i SH.B.A., MAPE, ICITAP, ILEA, etj.    

Disa prej trajnimeve dhe kurseve të kualifikimit janë:

  • Kurs trajnimi “Forumi Ndërkufitar i Politikave mbi Krimin e Organizuar”, Departamenti i Shteteve të Bashkuara të Amerikës, mbajtur në Akademinë Ndërkombëtare të Zbatimit të Ligjit (ILEA) në Roswell- Nju Meksiko, Amerikë.
  • “Kursin e Lartë të Menaxhimit të Krizave”, mbajtur në Louisiana, SHBA.
  • Kurs trajnimi organizuar nga ICITAP, “Për të Drejtat e Njeriut, Marrëdhëniet e Policisë me Komunitetin”.
  • Kurs Kualifikimi, nga Misioni MAPE, “Për Policinë e Rendit”. 
  • Kurs trajnimi në fushën e “Ruajtjes së Sigurisë dhe Rendit Publik”, mbajtur në Egjipt.
  • Kurs formimi me temë “Lufta kundër Trafiqeve dhe Narkotikëve”, mbajtur në Tiranë, organizuar nga Atasheu i Sigurisë së Brendshme Franceze.
  • Kurs Kualifikimi në Akademinë e Policisë “Për Policinë Kriminale”.
  • Trajnimi “Mbi menaxhimin e integruar të kufirit” në kuadrin e Projektit të Binjakëzimit “Ndërtimi i Strategjisë Shqiptare të Menaxhimit të Kufijve”, mbajtur në Tiranë.
  • Trajnimi “Për Menaxhimin e Informatorëve”, organizuar nga ICITAP, mbajtur në Tiranë.
  • Trajnimi “Hetimet e Krimit të Organizuar”, organizuar nga TIKA, mbajtur në  Tiranë.
  • Trajnimi “Mbi luftën e trafikimit për shfrytëzim për punë: identifikimi i viktimave, hetimi i rasteve, ndjekja e autorëve”, mbajtur në Budva, Mal i Zi.

Po ashtu dhe një sërë kursesh për Krimin e Organizuar, për të Drejtat dhe Liritë Themelore të Njeriut, Parandalimin e krimit (organizuar nga DANIDA), Policimin Komunitar etj.

Ka një karrierë të gjatë në strukturat e Policisë së Shtetit, ku është shquar për profesionalizëm, aftësi mjaft të mira në organizimin, drejtimin dhe menaxhimin e suksesshëm të efektivave të Policisë, në çdo situatë të paraqitur, duke i zgjidhur ato në respekt të plotë të ligjit, si dhe aftësi të larta investiguese dhe operacionale, përmes aplikimit të formave dhe metodave bashkëkohore të punës së policisë.

Integriteti i lartë dhe papajtueshmëria me çdo fenomen apo iniciativë, që cenon moralin dhe dinjitetin e punonjësit të Policisë së Shtetit janë në themel të të gjithë veprimtarisë së tij në radhët e Policisë së Shtetit.

Në Policinë e Shtetit ka kryer një sërë detyrash, duke u ngritur gradualisht në detyra të rëndësishme falë aftësive të shfaqura dhe kualifikimeve të vazhdueshme të kryera:

  • Në muajin Gusht 1988, ka filluar punë në strukturat e Policisë së Shtetit, duke u emëruar si punonjës i rolit bazë pranë Rajonit të Policisë Nr. 8, Tiranë.
  • Për periudhën Mars 1990 - 1996, ka kryer detyra të ndryshme pranë Komisariatit të Policisë Nr.2, Drejtoria e Policisë Tiranë, si Inspektor i Policisë së Rendit, Agjent i Policisë Kriminale etj.
  • Është emëruar në detyrën e Inspektorit të Policisë Kriminale në vitin 1996 - Dhjetor 1997.
  • Shef i  Policisë Kriminale në Komisariatin e Policisë Kuçovë, në Drejtorinë e Policisë së Qarkut Berat për periudhën Janar-Gusht 1998.
  • Shefi  Policisë Kriminale në Komisariatin e Policisë nr.1, Drejtoria Policisë Qarkut Tiranë, për periudhën Shtator 1998- Korrik 2000.
  • Inspektor kundër Akteve Terroriste, në Komisariatin e Policisë nr.1, Drejtoria Policisë Qarkut Tiranë deri më 1 Shtator 2000.
  • Shefi Policisë Kriminale, në Komisariatin e Policisë Shkodër, Drejtoria Policisë Qarkut Shkodër; për periudhën Shtator - Dhjetor 2000.
  • Shefi Sektorit Policisë Kriminale, në Komisariatin e Policisë nr.3, Drejtoria Policisë Qarkut Tiranë për periudhën Janar 2001- Gusht 2002.
  • Shefi Seksionit Policisë Kriminale, në Komisariatin e Policisë nr.3, Drejtoria Policisë Qarkut Tiranë për periudhën Shtator 2002 - Tetor 2003.
  • Specialist në Zyrën e Luftës Kundër Drogave të Forta, në Drejtorinë Qendrore të Policisë Kriminale për periudhën Tetor 2003 - Dhjetor 2003
  • Shefi Komisariatit Policisë Vlorë, Drejtoria Policisë Qarkut Vlorë, Dhjetor 2003 - Mars 2006.
  • Specialist në Seksionin e Antiterrorit, në Drejtorinë e Policisë Qarkut Elbasan për periudhën Prill - Shtator 2006.
  • Më 16.09.2006, me kërkesën e tij është shkëputur nga Policia e Shtetit.
  • Në Qershor 2010, ka rifilluar punë pranë strukturave të policisë si Specialist në Drejtorinë për Hetimin dhe Parandalimin e Krimeve në Drejtorinë e Përgjithshme të Policisë Shtetit;
  • Shef Sektori Kundër Trafiqeve e Narkotikëve, në Drejtorinë e Policisë Qarkut Tiranë për periudhën Janar - Tetor 2012.
  • Specialist në Sektorin për Hetimin e Krimeve Kundër Pronës, në Drejtorinë e Përgjithshme të Policisë Shtetit për periudhën Tetor-Nëntor 2012;
  • Specialist në Sektorin Kundër Trafikut të Paligjshëm në Drejtorinë Kundër Narkotikëve dhe Trafiqeve, në Drejtorinë e Përgjithshme e Policisë Shtetit për periudhën Nëntor 2012 - Prill 2013.
  • Specialist në Sektorin Kundër Krimeve ndaj Personit në Drejtorinë Kundër Krimeve të Rënda, Drejtoria e Përgjithshme e Policisë Shtetit, për periudhën Prill 2013 - Tetor 2013
  • Drejtor në Drejtorinë e Policisë Qarkut Gjirokastër Tetor 2013 - Shtator 2014.
  • Më 05 Shtator 2014, u emërua në detyrën e Zv/Drejtorit të Përgjithshëm të Policisë së Shtetit për Krimin e Organizuar dhe Krimet e Rënda.

Me vendim të Këshillit të Ministrave të datës 16.04.2015 u emërua në detyrën e lartë  Drejtor i  Policisë së Shtetit.

Informacionet e fundit

Arkiva

Janar 2017
He Ma Me En Pr Sh Di
26 27 28 29 30 31 1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31 1 2 3 4 5

Fushata Sensibilizuese

Video te tjera ...