Policia e Shtetit pas përfundimit të proçesit të votimit.

Policia e Shtetit
Mbrëmjen e datës 25.06.2017, me përfundimin e proçesit të votimit në të gjithë vendin, Punonjësit e Policisë së Shtetit janë paraqitur pranë çdo qëndre votimi dhe më pas kanë bërë shoqërimin e materialeve zgjedhore dhe kutive të votimit nga QV-të për në VNV.

Gjatë shoqërimit nuk pati asnjë problem përsa i përket përmbushjes së detyrës nga punonjësit e Policisë, përveç rastit në qytetin e Vlorës ku është shënuar një incident mes komisionerëve, por me ndërhyrjen e Policisë situata është normalizuar dhe zgjidhur nga KZAZ.
Gjatë kohës së votimit, në të gjithë vendin, Policia e Shtetit ka ndërhyrë me vendim të Komisionit të Qendrës së Votimit, brenda Qendrave së Votimit në 72 raste.
Dorëzimi i materialeve zgjedhore dhe kutive të votimit në KZAZ-të është drejt përfundimit.
Në vijim, Policia e Shtetit do të fokusohet në përmbushjen e detyrave për:
Marrjen në ruajtje dhe sigurimin e Vendeve të Numërimit të Votave.
Kryerjen e veprimeve proceduriale për të gjithë ngjarjet / incidentet që mund të ndodhin gjatë proçesit të numërimit të votave, duke bashkëpunuar me Prokuroritë e Rretheve Gjyqësore.
Menaxhimin e situatave që mund të krijohen në ambientet jashtë Vendeve të Numërimit të Votave.
Në rivendosjen e rregullit dhe të rendit publik në Vendet e Numërimit të Votave, në rastet e kërkesës së ligjshme të KZAZ-ve
Shoqërimin e materialeve zgjedhore nga Vendet e Numërimit të Votave për në Komisionin Qendror të Zgjedhjeve në përfundim të proçesit zgjedhor.
Garantimin e rendit publik në të gjithë territorin e vendit.
Policia e Shtetit, krahas angazhimit maksimal për përmbushjen e detyrave të përcaktuara në aktet normative në kuadër të procesit zgjedhor, është në gadishmëri të plotë për të përmbushur misionin e saj për garantimin e rendit dhe të sigurisë publike në të gjithë vendin, me qëllim krijimin e një mjedisi sa më të sigurt, në funksion të garantimit të një proçesi të qetë zgjedhor..

Arkiva

Korrik 2017
He Ma Me En Pr Sh Di
26 27 28 29 30 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31 1 2 3 4 5 6

Fushata Sensibilizuese

Video te tjera ...