Drejtori i Policisë Ardi Veliu merr pjesë në Asamblenë e Përgjithshme të SEPCA-s

Drejtori i Policisë Ardi Veliu merr pjesë në Asamblenë e Përgjithshme të SEPCA-s (për video kliko mbi link)Asambleja e Përgjithshme të SEPCA-s 1 prill 2018

Drejtori i Përgjithshëm i Policisë së Shtetit, Ardi Veliu mori pjesë në Asamblenë e Përgjithshme të Shoqatës së Shefave të Policisë të Europës Juglindore (Southeast Europe Police Chiefs Association – SEPCA), të mbajtur në Ohër të Maqedonisë.

Në këtë event ishin të pranishëm drejtuesit e Policive të rajonit si dhe Koordinatorët kombëtarë të vendeve anëtare të SEPCA-s. Morën pjesë gjithashtu përfaqësues të EUROPOL-it, IOM-it, Departamentit për Sigurinë Publike në Itali, IPA-s, Sekretariatit të IISG-së, si edhe organizatave të tjera.

Ministri i Brendshëm i Maqedonisë Oliver Spasovski vlerësoi kontributin e rëndësishëm të SEPCA-s, për rritjen e parametrave dhe standardeve të sigurisë në gjithë rajonin që përfshin vendet e Evropës Juglindore.

Pjesëmarrësit në Asamble diskutuan mbi mundësinë e forcimit të bashkëpunimit ndërmjet strukturave të SEPCA-s dhe strukturave të EUROPOL-it, me qëllim përgatitjen në të ardhmen, të dokumentit strategjik të SEPCA-s të quajtur 'Sistemi i Menaxhimit të Informacionit' (Management Information System – MIS).

Përfaqësuesi i EUROPOL-it prezantoi raportin e përgatitur nga EUROPOL-i, mbi disa nga fenomenet kryesore kriminale, të cilat cenojnë rendin dhe sigurinë publike të vendeve të rajonit të Ballkanit Perëndimor.

Të pranishmit vlerësuan gjithashtu shkëmbimin shumë të mirë të informacionit, që ekziston mes të gjithë strukturave policore, të cilat janë anëtare dhe përfaqësohen në SEPCA, si dhe mbi mundësitë për rritjen dhe forcimin e bashkëpunimit policor rajonal në të ardhmen, në kuadër të kësaj nisme.

Drejtori i Policisë së Shtetit Ardi Veliu, pati një takim të veçantë me Drejtorin e Përgjithshëm të Byrosë për Sigurinë Publike të Maqedonisë, Lazo Velkovski. Gjatë takimit u diskutua mbi forcimin e bashkëpunimit në luftën kundër krimit të organizuar, trafikut ndërkombëtar të lëndëve narkotike, luftës kundër terrorizmit, etj.

Detaje të bashkëpunimit midis dy strukturave policore të Kufirit dhe Migracionit, ishin pikë tjetër e diskutuar në këtë takim. Shqipëria dhe Maqedonia kanë nënshkruar një protokoll bashkëpunimi, i cili synon krijimin e lehtësirave për qytetarët që lëvizin mes vendeve tona në pikat e kalimit kufitar, si dhe rritjen e rezultateve konkrete kundër fenomenit të emigracionit të paligjshëm dhe parandalimit të trafiqeve të ndryshme përgjatë linjës kufirit mes dy vendeve.

Asambleja e Përgjithshme të SEPCA-s 1 prill 2018

Asambleja e Përgjithshme të SEPCA-s 2 prill 2018

Asambleja e Përgjithshme të SEPCA-s 3 prill 2018

Asambleja e Përgjithshme të SEPCA-s 5 prill 2018

Asambleja e Përgjithshme të SEPCA-s 7 prill 2018

Asambleja e Përgjithshme të SEPCA-s 8 prill 2018

 

 

Dibër - Fjala e Drejtorit të Përgjithshëm të Policisë së Shtetit, gjatë Forumit të II-të Qytetar për Sigurinë Publike

Dibër - Fjala e Drejtorit të Përgjithshëm të Policisë së Shtetit, gjatë Forumit të dytë Qytetar për Sigurinë Publike (për video kliko mbi link)Forumi Diber 9

Drejtori i Përgjithshëm i Policisë së Shtetit, Drejtues Madhor Ardi Veliu, ka vlerësuar pjesëmarrjen e gjerë të qytetarëve, si shenjë vlerësimi dhe besimi që ka komuniteti ndaj Policisë.

Po gjatë zhvillimit të këtij forumi, z. Veliu në përgjigje të pyetjeve të ngritura nga pjesëmarrësit, ka theksuar se këto takime kanë për qëllim identifikimin e atyre çfarë janë bërë mirë dhe përmirësimin e atyre çfarë nuk janë bërë mirë dhe u ka kërkuar të pranishmëve më shumë besim tek Policia.

Në fund të takimit Drejtori i Përgjithshëm, ka vlerësuar me Certifikatë për Shërbime të Dalluara, punonjësin e Policisë z. Et'hem Fida. 

Më poshtë fjala e plotë e Drejtorit të Përgjithshëm, z. Ardi Veliu:

Mirëdita!
Të nderuar qytetarë të Dibrës,
I nderuar z.Ambasador,
I nderuar z. Deputet,
I nderuar z.Ministër!

Ndjehem shumë i privilegjuar që jam në këtë ambient që me të vërtetë na ka surprizuar, përsa i përket pjesëmarrjes dhe kjo tregon sesa i interesuar është komuniteti i gjithë krahinës së Dibrës, i kësaj krahine që është shquar për kulturë, për traditë dhe për punën e saj të ndershme dhe kjo na obligon jo vetëm mua si Drejtor të Përgjithshëm të Policisë, por gjithë stafin e Drejtorisë Vendore të këtij qarku, që të jetë më i përkushtuar, të jetë më profesionist, për të siguruar qëllimin dhe objektivin që ka Policia e Shtetit të sigurojë rend dhe qetësi.

Dua që të ndaj disa përgjigje në lidhje me pyetjet që parafolësit i drejtuan Drejtorit Vendor.

Bashkohem me shqetësimin e qytetarit që përmendi prezencën ndoshta të shtuar të Policisë Rrugore në akset rrugore. 

Dua të ndaj edhe me ju që mbi bazën e studimit të bërë nga Drejtoria e Përgjithshme e Policisë, Policia Rrugore do të riformatohet dhe do të ristrukturohet përsa i përket organizimit të saj, duke u organizuar mbi bazë qarku me qëllim që ne të mbulojmë të gjithë akset kryesore rrugore dhe jo t'i kemi prezent vetëm në disa akse kryesore, ku ju të shikoni në çdo 2 kilometra, dy pika kontrolli dhe pjesa tjetër e pambuluar apo pjesë të tjera të rrugëve rurale, të cilat kanë qenë problematike dhe fatkeqësisht edhe në qarkun tuaj ne kemi patur disa aksidente me viktima, ku jo më larg se vitin e kaluar kemi patur aksident ku kanë humbur jetën edhe 3 persona. 

Kjo edhe përsa i përket pjesës së mangësisë së infrastrukturës rrugore apo të pjesës së përgjegjësisë së drejtuesve të automjeteve, por edhe për shkak të mungesës së kontrollit të territorit nga ana jonë e disa akseve dhe sidomos e pjesëve të rrugëve të kategorisë dytësore që mbulojnë zonat rurale.

Dhe falë organizimit të ri që ne deri në fund të këtij muaji do ta implementojmë dhe në qarkun tuaj, qëllimi është që të mbulojmë të gjithë këto akse rrugore dhe njëkohësisht të identifikojmë dhe të ndëshkojmë ata drejtues automjetesh të cilët gabojnë në zbatimin e dispozitave të Kodit Rrugor, por edhe si përdorues rruge.

Kështu që besoj në të ardhmen, ky fenomen që me të drejtë nga parafolësi u përmend, unë ju premtoj që do të zgjidhet jo vetëm këtu, por edhe në akset e tjera rrugore, ku çdo përdorues rruge do të lëvizë në Shqipëri.

Njëkohësisht dua të ndalem te pjesa e problematikës, e zgjidhjes së konflikteve që ndoshta janë evidentuar në zona të caktuara rurale, ku edhe një parafolës përmendi pak më parë dhe tha që duhet të kemi një koordinim, një harmonizim më të mirë të veprimeve të kryepleqësisë së fshatrave me inspektorët e Policisë së Rendit apo me Specialistët e Policimit në Komunitet.

Edhe Drejtori e përmendi pak më parë, por edhe në filozofinë e Drejtorisë së Përgjithshme të Policisë së Shtetit është që ne duhet të implementojmë strategjinë e policimit në Komunitet.

Qëllimi dhe objektivi i kësaj strategjie është që ne t'i gjendemi sa më afër qytetarit dhe t'i gjendemi në momentin dhe kohën e duhur, për t'i parandaluar problematikat që në gjenezë, të mos i lëmë të agravojnë dhe të na kalojnë pastaj në konflikte të hapura apo të na sjellin pasoja. 

Në çdo komunë apo njësi administrative e cila është aktualisht në qarkun tuaj, në bashkëpunim me qeverisjen vendore, ne do të kërkojmë zyra ku do të jenë jo vetëm Specialistët e Policimit në Komunitet të asaj krahine, por të mbështetur edhe nga shërbime të tjera, që qytetari për problematika të caktuara të drejtohet te këto ambiente dhe jo të lëvizë dy orë apo tre orë që të mbërrijë në Komisariatin më të afërt apo në Stacionin e Policisë më të afërt, por për ta trajtuar problemin dhe për ta zgjidhur direkt në atë zonë ku ai banon, duke kërkuar patjetër dhe ndihmën e aktorëve të tjerë siç janë qeverisja vendore apo duke kërkuar dhe ndihmën e aktorëve të tjerë të Drejtorive të institucioneve që operojnë në qarkun tuaj.

Kjo është filozofia që ne do të ndjekim dhe nisur në këtë filozofi apo në këtë vendim që kemi marrë, unë do të kërkoja që çdo qytetar, çdonjëri nga ju që ndodhet prezent në këtë sallë, të bëhet pjesë e implementimit të iniciativës sonë, sepse nëse Policia është e vetme këtë problematikë pavarësisht dëshirës, pavarësisht përgjegjësisë, mendoj që nuk do ta zgjidhim dot, në qoftë se nuk do të kemi prezencën tuaj, në qoftë se ju nuk do të na informoni në kohën e duhur.

Për faktin se një parafolës pak më parë përmendi, që ne kemi patur disa vjedhje ose kemi disa vjedhje, po, është e vërtetë që ka dhe ne nuk duhet t'i fshehim.

Ne duhet t'i evidentojmë, por ne kërkojmë ndihmën tuaj për të evidentuar këta persona, të cilët në momente të caktuara, kryejnë këto vepra penale, sepse patjetër që një fshatar, një person i një lagjeje të caktuar apo dikush tjetër, ka dijeni në lidhje me këtë problematikë, dhe në qoftë se ne do të qëndrojmë indiferentë, atëherë kjo problematikë do vijë e do të shtohet, dhe ne nuk do ta godasim në kohën e duhur dhe nuk do ta parandalojmë në kohën e duhur.

Qëllimi i këtij takimi është që ne si Drejtues të Policisë së Shtetit të identifikojmë çfarë është bërë mirë dhe çfarë nuk është bërë mirë. Nuk mund të pretendojmë që Drejtoria Vendore Dibër, është Policia më e mirë në botë, por unë nuk mund ta mohoj që Policia e Qarkut Dibër, dy vitet e fundit nuk ka patur asnjë ngjarje të rëndë. Dhe kjo besoj është meritë e komunitetit tuaj, po pa asnjë dyshim edhe e Policisë së Dibrës.

Edhe ngjarja e fundit që ndodhi, u zbulua në kohë rekord dhe për këtë duhet t'i themi një fjalë të mirë Policisë Dibër. Unë nuk e di dhe nuk duhet të shikoj sa vite apo 10-vjeçarë më mbrapa, por unë duhet ta them me plot gojën që Policia e Dibrës ka patur shifrat më të ulta të kanabisit në vitin 2017 dhe kjo është meritë e juaja dhe e Policisë së Dibrës. Kështu që gjendemi sot këtu për të marrë besimin tuaj dhe për të na mbështetur në punën që kemi nisur. Na besoni!

Duke përfituar nga prezenca e të gjithëve ju këtu, dua që z. Et'hem Jashar Fida, t'i jap Certifikatën për Shërbime të Dalluara, "Për merita të veçanta, profesionalizëm dhe përkushtim, treguar në përmbushjen cilësore të detyrave dhe kontributin e dhënë gjatë viteve të punës, në shërbim të Policisë së Shtetit".

Et'hem Jashar Fida

Përshëndetje të gjithëve!

Më lejoni që të bëj një falënderim të veçantë për respektin dhe nderin që ka bërë sot Ministri me gjithë Drejtorin e Përgjithshëm, për të vlerësuar kontributet e mia si punonjës Policie, ish-punonjës Policie, sepse tani përgatitem për të qenë qytetar i lirë.

Vlerësimi për kontributet e mia, nuk është vetëm kontributi që kam dhënë unë për 20 vite në Policinë e Shtetit, nga viti 99, por i takon të gjithëve eprorëve, kolegëve dhe vartësve që kam punuar unë, në realizimin e detyrave që ka Policia e Shtetit.

Pra suksesi i takon më shumë atyre dhe pastaj jam unë. Mesazhi im për këtë takim, për këtë forum, sepse është një ditë e veçantë, mesazhi im z. Ministër është që Dibra dhe dibranët e duan dhe e mbështesin Policinë.

Dibra dhe dibranët, e duan rendin dhe sigurinë. Dibra dhe dibranët e duan zbatimin e ligjit dhe janë kundra atyre që e thyejnë ligjin dhe nuk e përkrahin atë.

Kështu që duke e falënderuar edhe një herë përzemërsisht për vlerësimin e kontributeve të mia, unë do ta uroja Drejtorin e Përgjithshëm të Policisë së Shtetit, meqenëse është edhe takimi i parë, suksese në detyrën që ka. Një detyrë e vështirë, por edhe e shenjtë.

Nëpërmjet Drejtorit të Përgjithshëm, gjithë strukturat e Policisë së Shtetit të kenë mbarësi dhe suksese në realizimin e këtyre objektivave që ka sot Qeveria Shqiptare.

Pra janë ato prioritete që strukturat e Policisë do t'i çojnë deri në fund, dhe kërkesa dhe lutja ime, Zoti t'ju mbrojë jetën, Zoti t'jua zgjidhë hallet dhe problemet, Zoti t'ju japë mbarësi në familje dhe kudo!

Faleminderit.

Forumi Diber 9

Drejtori Forumi Diber 19

Forumi Diber 1 certifikata drejtori

Forumi Diber 2

Forumi Diber 3

Forumi Diber 4

Forumi Diber 5

Forumi Diber 6

Forumi Diber 7

Forumi Diber 8

Forumi Diber 10

Forumi Diber 11

Forumi Diber 22

Forumi Diber 12

Forumi Diber 13

Forumi Diber 14

Forumi Diber 15

Forumi Diber 17

Forumi Diber 18

Forumi Diber 20

Forumi Diber 21

 

 

 

 

Arkiva

Prill 2018
He Ma Me En Pr Sh Di
26 27 28 29 30 31 1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 1 2 3 4 5 6