Drejtori i Policisë së Shtetit Drejtues Madhor Haki ÇAKO, takon Kryetarin e Shoqatës joqeveritare “Kultura e Shenjtë, Paqja në Botë, Rivendosja e Dritës” (HWPL). (2)

9kina10mGjatë ditës së sotme, Drejtori i Policisë së Shtetit  Drejtues Madhor Haki  Çako, priti në një takim me kërkesën e tyre,  Z. Lee, kryetar i shoqatës joqeveritare Kultura e Shenjtë, Paqja në Botë, Rivendosja e Dritës (HWPL), dhe  dhe Znj. Namhee Kim,  kryetare e Shoqatës Ndërkombëtare të Grave për Paqen.

Qëllimi i këtij takimi ishte mbështetja e Ligjit Ndërkombëtar për ndalimin e Luftës dhe vendosjen e Paqes.

Misioni kryesor i kësaj shoqate, është vendosja e paqes kudo në botë. Nga ana e të dy përfaqësuesve, Presidentit të shoqatës HWPL Z. Man Hee Lee dhe Kryetares së Grupit Ndërkombëtare të Grave për paqen IËPG Znj. Namhee Kim, u bënë prezent inisiativat e ndërmarra nga kjo shoqatë, të cilat synojnë të ndikojnë në edukimin e brezit të ri por edhe të të gjithë njerëzve në shpërndarjen e  mesazhit të paqes dhe harmonisë.

Z. Lee u shpreh se Shqipëria është një vend i bekuar pasi ka një harmoni fetare dhe një dëshirë të madhe për paqe dhe dashuri. Ai vlerësoi gjithashtu punën dhe përkushtimin e Policisë së Shtetit, duke theksuar se ndihej i sigurt nga prania e tyre.

Ndërko që Drejtori i Policisë së Shtetit, vlerësoi misionin e shoqatës si një mision tepër human dhe theksoi se Policia e Shtetit është një shërbim policor demokratik, në themel të të cilit janë parimet themelore të të Drejtave dhe Lirive të Njeriut. Më tej ai theksoi se është mision i Policisë së Shtetit, sigurimi i jetës shëndetit dhe pronës të qytetarëve dhe si përmbledhje e këtyre parimeve, qëndron paqja.

Z. Lee theksoi se paqja është për të gjithë dhe se të gjithë duhet të luajnë rolin e tyre në shpërndarjen e këtij mesazhi, dhe për këtë ai i propozoi Drejtorit të Policisë caktimin e tij si Ambasador i Paqes.

Drejtori i Policisë së Shtetit u shpreh se ishte shume i nderuar për këtë vlerësim si dhe theksoi se misioni i paqes është një mision hyjnor, pasi realisht në shpirt jam shumë i paqshëm.

Më pas Z. Lee i dorëzoi Drejtorit të Policisë së Shtetit,  Çertifikatën e caktimit të tij, si një nga Ambasadorët e Paqes të shoqatës HWPL, me motivacionin "Përmbushjen e misionit për ndalimin e luftës dhe lënien e paqes si trashëgimi për brezat e ardhshëm". Ambasadorët e Paqes, janë persona të cilët përçojnë mesazhin e paqes dhe kontribuojnë në ndërtimin e marrëdhënieve të mirëkuptimit dhe tolerancës.

9kina1

9kina10

9kina2

9kina3

9kina4

9kina5

9kina6

9kina7

9kina8

9kina9

Arkiva

Prill 2018
He Ma Me En Pr Sh Di
26 27 28 29 30 31 1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 1 2 3 4 5 6