Drejtori i Përgjithshëm i Policisë së Shtetit, Drejtues Madhor Ardi Veliu, zhvilloi një vizitë zyrtare në Ankara, ku u prit nga homologu i tij, Mehmet Aktaş

Drejtori i Përgjithshëm i Policisë së Shtetit, Drejtues Madhor Ardi Veliu, zhvilloi një vizitë zyrtare në Ankara, ku u prit nga homologu i tij, Mehmet Aktaş.WhatsApp Image 2019-08-09 at 14.26.12 1

Veliu dhe Aktaş vlerësuan si mjaft të mira marrëdhëniet  mes dy Policive.

Gjatë takimit u trajtuan fushat më me interes  ku kërkohet thellimi i bashkëpunimit mes dy  Policive përkatëse. Ky bashkëpunim synohet të thellohet mes dy Akademive të Sigurisë, në fushën e luftës kundër krimit ekonomik e financiar, trajnimi i personelit policor, pajisjet për Policinë e Shtetit.

Gjatë vizitës, Drejtori i Përgjithshëm i Policisë së Shtetit që shoqërohej nga Drejtori i Departamentit për Shërbimet Mbështetëse, zhvilloi një sërë takimesh me drejtues të Policisë turke si dhe vizitoi nga afër Akademinë e Policisë .

 

 

 

 

 

 

 

 

 

 

 

 

 

 

WhatsApp Image 2019-08-09 at 14.26.12

Port Durrës - Veliu, Policia e anagazhuar maksimalisht për shërbimin ndaj qytetarëve

video

Drejtori i Përgjithshëm i Policisë së Shtetit Ardi Veliu, vijon inspektimin e masave në pikat e kalimit kufitar, me qëllim përballimin e fluksit, parandalimin e azilkërkimit, si dhe rritjen e forcës goditëse ndaj paligjshmërisë që mund të zhvillohet nëpërmjet këtyre pikave. 7

Mëngjesin e sotëm Drejtori i Përgjithshëm ka inspektuar Portin e Durrësit, ku vetëm gjatë muajit korrik kanë hyrë mbi 110 mijë shtetas shqiptarë dhe të huaj, me rreth 25 mijë mjete dhe kanë dalë rreth 32 mijë shtetas shqiptarë dhe të huaj me rreth 9 mijë mjete.

1

Veliu ka parë nga afër procedurat e kontrollit dhe krijimin e lehtësirave ligjore me qëllim shmangien e radhëve dhe pritjes së gjatë për të hyrë si pasojë e fluksit në rritje çdo ditë. Ai u ka kërkuar punonjësve të policisë në sportele që të jenë të angazhuar maksimalisht në shërbim të qytetarëve, dhe të ofrojnë një shërbim sa më cilësor dhe në kohë, gjithashtu ka porositur drejtuesit e Drejtorisë për Kufirin dhe Migracionin, që në raste të fluksit të madh të aplikojnë procedurat e përshpejtuara, por pa lënë mënjanë kontrollin e personave apo mjeteve të dyshimta.

D 2

Drejtori i Përgjithshëm ka kërkuar kontroll rigoroz të dokumentacionit të qytetarëve dhe të plotësimit të kushteve për të lëvizur në hapësirën Schengen, me qëllim parandalimin e atyre personave që kanë për qëllim lëvizjen në vendet e BE-së për të kërkuar azil.

Veliu ka theksuar se është prioritet kryesor i Qeverisë, Ministrisë së Brendshme dhe Policisë së Shtetit për të parandaluar këtë fenomen.

Policia e Shtetit krahas masave të rrepta që po aplikon qoftë në pikat e kalimit apo në patrullimet e shtuara në kufirin e gjelbër, po bashkëpunon ngushtësisht me partnerët, për të riatdhesuar të gjithë ata shtetas që kanë mundur të kalojnë kufirin për të kërkuar më pas azil në vendet e BE-së.

Gjithashtu Veliu ka diskutuar me drejtuesit e Policisë Kufitare, që të bashkëpunohet me Policinë italiane kryesisht në Bari, për të evidentuar dhe ndëshkuar të gjithë ata persona që shesin polica sigurimi false, nisur kjo edhe nga denoncimet e shtuara të qytetarëve, të cilët kanë blerë në portin e Barit nga shtetas shqiptarë, siguracion automjetesh të falsifikuar.

2

Drejtori ka përgëzuar punonjësit e Policisë Kufitare për reagimin e shpejtë në ndihmë të plazhistëve në nevojë, apo në evidentimin dhe ndëshkimin e personave, të cilët me mjetet lundruese shkelin perimetrin e sigurisë, duke rrezikuar jetën e pushuesve.

Njëkohësisht Veliu ka vlerësuar rezultatet e arritura, ku gjatë muajit korrik janë kapur 10 persona në kërkim, si dhe janë evidentuar dhe goditur 37 raste të paligjshmërisë, nga të cilat:
• “Kontrabandë me mallra që paguajnë akcizë” - 5 raste
• “Falsifikimi i letrave me vlerë” - 12 raste.
• “Falsifikim i pasaportave, letërnjoftimeve, vizave” - 4 raste
• “Kalimi i paligjshëm i kufirit shtetëror” - 12 raste.
• “Trafikimi mjeteve motorike” - 3 raste.
• “Braktisja e fëmijës së mitur” - 1 rast.
• “Dhënia e ndihmës për kalim paligjshëm të kufirit shtetëror - 1 rast.

3

Në mbyllje të inspektimit Veliu ka kërkuar një vëmendje dhe kontroll të detajuar edhe në drejtim të parandalimit të trafikimit të lëndëve narkotike, duke bashkëpunuar ngushtësisht me Drejtorinë Vendore të Policisë Durrës, me shërbimet doganore dhe homologët italianë.

Më poshtë prononcimi për media i Drejtorit të Përgjithshëm

Veliu
Unë së bashku me Drejtorin e Departamentit të Policisë Kufitare, gjendemi sot për të kontrolluar masat që ka marrë Drejtoria e Kufirit dhe Migracionit e Drejtorisë Vendore Durrës në lidhje me pritjen e fluksit të qytetarëve shqiptarë por jo vetëm, dhe atyre të huaj të cilët kanë zgjedhur të pushojnë në Shqipëri.

Gjatë muajit korrik kanë ardhur më shumë se 110 mijë shtetas shqiptarë dhe të huaj, si dhe gati 30 mijë makina të cilat janë përpunuar në këtë vendkalim, pra siç e shikoni dhe nga shifrat, janë shifra që kërkojnë një angazhim maksimal nga shërbimet e Policisë Kufitare dhe ne sot së bashku me Drejtorin kontrolluam dhe aktualisht janë dhe 20 pika në proces përpunimi, të cilat bëjnë përpunimin e hyrjes nga Shqipëria, pra Policia është jashtëzakonisht e angazhuar me të gjitha kapacitetet për të bërë maksimumin, për të minimizuar kohën e përpunimit të çdo qytetari i cili duhet të kalojë në një proces kontrolli, por njëkohësisht duke forcuar masat për sa i përket elementëve që duke shfrytëzuar këtë situatë dhe në bazë të analizës sonë të riskut mund të shfrytëzojnë këtë situate për të kryer elemente të ndryshme të paligjshmërisë apo veprime të tjera.

 

4

Pyetje:
Ka një shqetësim nga pala shqiptare për sa i përket siguracioneve false në Bari, a ka marrë masa pala shqiptare lidhur me këtë fakt?

Veliu:
Policia Rrugore si shërbim i specializuar që duhet të kontrollojë siguracionet, gjatë kontrolleve në dalje të vendkalimit, padyshim që verifikon dhe këtë shkelje, gjithashtu Departamenti i Policisë Kriminale është duke hetuar këtë problematikë dhe jemi në zhvillim e sipër.

Pyetje:
Po për sa i përket fluksit krahasuar me 1 vit më parë është i njëjtë apo ka rritje?

Veliu:
Siç e thashë dhe pak më parë gjatë muajit korrik në këtë vendkalim janë përpunuar 110 mijë shtetas të cilët kanë hyrë dhe 30 mijë shtetas të cilët kanë dalë, ndër këta ka shtetas shqiptarë, por dhe të huaj të cilët vijnë për herë të parë në vendin tonë.

D 7

Pyetje:
Duke qenë se jemi sikundër dhe ju e thatë në kulmin e sezonit turistik dhe numri i hyrje - daljeve është dyfish apo trefish më i lartë se ditët e zakonshme. Me qëllim parandalimin e trafiqeve apo tentativave të ndryshme të trafikimit drejt porteve të tjerë, a ka marrë Policia masa shtesë për kontroll më të imtësishëm se në ditët e zakonshme dhe gatishmërinë e tyre për t'i goditur këto raste në kohë?

Veliu:
Sigurisht që Policia ka marrë masa. Ne parësore kemi rritjen e cilësisë të shërbimit ndaj qytetarëve, minimizimin e kohës përpunimit, por kjo nuk do të thotë që ne do të cenojmë elementët e sigurisë. Për sa i përket kontrolleve, janë marrë masa, është shtuar numri i efektivëve, aktualisht janë 20 pika të përpunimit, njëkohësisht në bazë të analizës së riskut bëhet kontrolli në vijën e dytë, qoftë për pasagjerët dhe për makinat të cilat duhet të kontrollohen.
Pyetje:
Ndërkohë ka ankesa nga ana e qytetarëve që vijnë në portin e Durrësit për vonesa nga palën italiane. A ka një bashkëbisedim apo qoftë edhe një marrëveshje, duke pasur parasysh që kapacitetet e portit të Barit janë më të vogla nga sa është numri i qytetarëve?

Veliu:
Ne jemi duke kontaktuar me palën Italiane pothuaj çdo ditë, por kapacitetet e pritjes kushtëzojnë disa veprime në lidhje me vonesat. Në qoftë se ne kemi hapur 20 sportele këtu atje janë 2 sportele dhe detyrimisht do të pasohet me vonesa.

D8

Drejtori i Përgjithshëm, inspektim në Port Durrës

Drejtori i Përgjithshëm i Policisë së Shtetit Ardi Veliu, vijon inspektimin e masave në pikat e kalimit kufitar, me qëllim përballimin e fluksit, parandalimin e azilkërkimit, si dhe rritjen e forcës goditëse ndaj paligjshmërisë që mund të zhvillohet nëpërmjet këtyre pikave. D 5

Mëngjesin e sotëm Drejtori i Përgjithshëm ka inspektuar Portin e Durrësit, ku vetëm gjatë muajit korrik kanë hyrë mbi 110 mijë shtetas shqiptarë dhe të huaj, me rreth 25 mijë mjete dhe kanë dalë rreth 32 mijë shtetas shqiptarë dhe të huaj me rreth 9 mijë mjete.

D 1

Veliu ka parë nga afër procedurat e kontrollit dhe krijimin e lehtësirave ligjore me qëllim shmangien e radhëve dhe pritjes së gjatë për të hyrë si pasojë e fluksit në rritje çdo ditë. Ai u ka kërkuar punonjësve të policisë në sportele që të jenë të angazhuar maksimalisht në shërbim të qytetarëve, dhe të ofrojnë një shërbim sa më cilësor dhe në kohë, gjithashtu ka porositur drejtuesit e Drejtorisë për Kufirin dhe Migracionin, që në raste të fluksit të madh të aplikojnë procedurat e përshpejtuara, por pa lënë mënjanë kontrollin e personave apo mjeteve të dyshimta.

D 2

Drejtori i Përgjithshëm ka kërkuar kontroll rigoroz të dokumentacionit të qytetarëve dhe të plotësimit të kushteve për të lëvizur në hapësirën Schengen, me qëllim parandalimin e atyre personave që kanë për qëllim lëvizjen në vendet e BE-së për të kërkuar azil.

Veliu ka theksuar se është prioritet kryesor i Qeverisë, Ministrisë së Brendshme dhe Policisë së Shtetit për të parandaluar këtë fenomen.

D 3

Policia e Shtetit krahas masave të rrepta që po aplikon qoftë në pikat e kalimit apo në patrullimet e shtuara në kufirin e gjelbër, po bashkëpunon ngushtësisht me partnerët, për të riatdhesuar të gjithë ata shtetas që kanë mundur të kalojnë kufirin për të kërkuar më pas azil në vendet e BE-së.

Gjithashtu Veliu ka diskutuar me drejtuesit e Policisë Kufitare, që të bashkëpunohet me Policinë italiane kryesisht në Bari, për të evidentuar dhe ndëshkuar të gjithë ata persona që shesin polica sigurimi false, nisur kjo edhe nga denoncimet e shtuara të qytetarëve, të cilët kanë blerë në portin e Barit nga shtetas shqiptarë, siguracion automjetesh të falsifikuar.

D 4

Veliu ka përgëzuar punonjësit e Policisë Kufitare për reagimin e shpejtë në ndihmë të plazhistëve në nevojë, apo në evidentimin dhe ndëshkimin e personave, të cilët me mjetet lundruese shkelin perimetrin e sigurisë, duke rrezikuar jetën e pushuesve.


Njëkohësisht Drejtori i Përgjithshëm ka vlerësuar rezultatet e arritura, ku gjatë muajit korrik janë kapur 10 persona në kërkim, si dhe janë evidentuar dhe goditur 37 raste të paligjshmërisë, nga të cilat:
• “Kontrabandë me mallra që paguajnë akcizë” - 5 raste
• “Falsifikimi i letrave me vlerë” - 12 raste.
• “Falsifikim i pasaportave, letërnjoftimeve, vizave” - 4 raste
• “Kalimi i paligjshëm i kufirit shtetëror” - 12 raste.
• “Trafikimi mjeteve motorike” - 3 raste.
• “Braktisja e fëmijës së mitur” - 1 rast.
• “Dhënia e ndihmës për kalim paligjshëm të kufirit shtetëror - 1 rast.

D 7


Në mbyllje të inspektimit Velu ka kërkuar një vëmendje dhe kontroll të detajuar edhe në drejtim të parandalimit të trafikimit të lëndëve narkotike, duke bashkëpunuar ngushtësisht me Drejtorinë Vendore të Policisë Durrës, me shërbimet doganore dhe homologët italianë.

D8


Drejtor Veliu dha edhe një prononcim për median.

D 6

 

Veliu, inspektim për zbatimin e masave për fluksin në Morinë

video

Drejtori i Përgjithshëm i Policisë së Shtetit Ardi Veliu, në orët e para të mëngjesit të sotëm, ka inspektuar Pikën e Kalimit të Kontrollit Kufitar në Morinë, për të parë nga afër zbatimin e masave për përballimin e fluksit.veliu morine 7

Në këtë sezon turistik, Policia Kufitare ka marrë masa shtesë me qëllim krijimin e lehtësirave për shmangien e radhëve të gjata në këtë pikë kalimi kufitar.
Veliu u ka kërkuar punonjësve të Policisë kufitare angazhim maksimal dhe performancë, duke iu ofruar qytetarëve një shërbim sa më cilësor. Ai porositi drejtuesit e Policisë kufitare, që në raste raste fluksi të aplikojnë procedurë të përshpejtuar, por nga ana tjetër të ushtrojnë kontroll në vijën e dytë për të gjitha mjetet që dyshohen për paligjshmëri.
Gjatë bisedës me drejtuesit e Policisë Kufitare Veliu kërkoi që gjatë sezonit veror, shërbimet e policisë qoftë në pikën e Morinës apo edhe në kufirin e gjelbër, të jenë të angazhuara maksimalisht në shërbim të qytetarëve dhe në parandalimin dhe goditjen e paligjshmërisë.
Gjatë inspektimit Drejtori i Përgjithshëm ka takuar edhe punonjësit e Policisë Kufitare të Kosovës.
Mëngjesin e sotëm ka pasur një fluks të madh të qytetarëve kosovarë në drejtim të Shqipërisë, ku vetëm nga Pika e Kalimit Kufitar në Morinë kanë hyrë mbi 5000 shtetas.

Gjatë inspektimit Veliu i është përgjigjur edhe interesimit të medias.
Më poshtë prononcimi i plotë i Drejtorit të Përgjithshëm
Unë gjendem këtu së pari për faktin se tashmë jemi në kulmin e sezonit turistik. Prej fillimit të muajit janar, Morina është vendkalim i organizuar vetëm me një pikë kontrolli, pra ne kemi përgjegjësinë në hyrje të Republikës së Shqipërisë, ndërsa pala kosovare përgjigjet për hyrjet në Kosovë.
Aktualisht siç e shikoni është ora 7 e mëngjesit dhe është fluksi më i madh i ardhjes së shtetasve kosovarë, të cilët kanë zgjedhur të pushojnë në Shqipëri.
Siç e shikoni fluksi është normal, për faktin sepse jemi në procedurë të përshpejtuar. Këtu kalojnë të gjithë qytetarët dhe mjetet që hyjnë në Shqipëri, evidentohen targat e mjeteve dhe me pëzgjedhje, pa dashur që të ulim edhe elementet e sigurisë, por për të minimizuar kohën e pritjes së qytetarëve kosovarë, mjete të veçanta kalojnë në vijën e dytë, duke u ushtruar kontroll i imtësishëm, kur ka elementë, që punonjësi i Policisë në shërbim dyshon që ka elementë për të ushtruar kontroll të veçantë, ndërsa pjesa tjetër vazhdon normale.

veliu morine 1

Çdo ditë në këtë pikë kalojnë deri në 25 000 shtetas kosovarë dhe deri në 4000 makina, pra aktualisht vendkalimi i Morinës, është vendkalimi që përballon ngarkesën më të madhe në të gjithë vendkalimet e Shqipërisë dhe ne kemi vëmendje të shtuar këtu që për të gjithë pushuesit të krijohen gjithë lehtësirat e nevojshme, me qëllim që të minimizohet siç thashë pak më parë, koha e pritjes dhe të vazhdojë lëvizja sa më shpejt drejt vendit tonë.

veliu morine 2

Pyetje:
Zoti Drejtor, në fakt Ministri LLeshaj pak ditë më parë në parlament tha që nuk ka dhe aq kontrolle dhe nuk monitorohet dot situata në kufirin e gjelbër. A ka premisë për një nxitje të trafikut të mundshëm qoftë të lëndëve narkotike, por edhe të armëve apo probleme të tjera që kanë të bëjnë me trafikun ndërkombëtar të paligjshëm?

Veliu:
Organizimi i shërbimit të Policisë Kufitare bëhet edhe nëpërmjet kontrollit të kufirit të gjelbër edhe nëpërmjet kontrollit detar edhe nëpërmjet vendkalimeve ku jemi ne tani, dhe ne kemi shërbime të cilat monitorojnë gjithë kufirin e gjelbër. Nuk mund të absurdizohet që çdo centimetër i kufirit tonë është në kontroll, por shërbimet tona janë në krye të detyrës dhe ne kemi patur elementë të kontrabandës ku shërbimet e Policisë Kufitare kanë evidentuar, kanë bërë bllokime qoftë të lëndëve narkotike apo kontrabandës.
Ashtu si nuk është vetëm Drejtoria e Kufirit dhe Migracionit përgjegjëse për kufirin, por edhe Departamenti i kufirit me metoda speciale dhe me veprime hetimore janë duke duke hetuar grupe kriminale të cilët nëpërmjet kufirit të gjelbër janë duke kryer paligjshmëri.

veliu morine 3

Pyetje:
Si po funksionojnë patrullat e përbashkëta me Policinë e Kosovës dhe a janë aq korrekte në fakt t'i qëndrojnë marrëveshjes së nënshkruar mes dy policive, pala kosovare pasi shihet një tendencë sikur janë më të tërhequr pak?

Veliu:

Ne kemi marrëveshje bashkëpunimi jo vetëm me Policinë e Kosovës, por dhe me Policinë e Maqedonisë, po kështu jemi duke implementuar patrullat e përbashkëta në të gjithë territorin e RSH.
Patrullat e përbashkëta janë duke mirëfunksionuar. Në dallim nga vitet e tjera shtrirja e këtyre patrullave nuk është vetëm në qarkun e Lezhës, Shkodrës, Durrësit, por ka zbritur dhe në qarkun e Vlorës dhe ne jemi absolutisht shumë të kënaqur nga ky bashkëpunim dhe këto patrulla janë jashtëzakonisht efiçente.
Faleminderit!

veliu morine 4

veliu morine 5

veliu morine 6

 

Ceremonia e largimit të z. Weiss, Oficer Ndërlidhës i Gjermanisë në Shqipëri

Drejtori i Përgjithshëm i Policisë së Shtetit Ardi Veliu i akordoi “Certifikatë për Shërbime të Dalluara”, Oficerit Ndërlidhës të Policisë Federale Gjermane për Shqipërinë dhe Kosovën, z. Christian Weiss.Veliu-weiss

I pranishëm në ceremoni zv/Presidenti i Policisë Federale Gjermane z. Jurgen Schubert, i cili fillimisht zhvilloi një takim miqësor me Drejtor Veliun, me fokus forcimin e mëtejshëm të bashkëpunimit ndërmjet Policisë së Shtetit dhe Policisë Federale Gjermane.

Më pas në ceremoninë e organizuar me rastin e përfundimit të mandatit në Shqipëri të Oficerit Ndërlidhës të Policisë Federale Gjermane për Shqipërinë dhe Kosovën z. Christian Weiss, Drejtori i Përgjithshëm Ardi Veliu e ka vlerësuar maksimalisht atë për gjithë kontributin e tij në mbështetje të Policisë Kufitare, si dhe në forcimin e marrëdhënieve mes Policisë Shqiptare dhe asaj Federale Gjermane.

Veliu:

Së pari më lejoni t'i shpreh mirëseardhjen delegacionit të Policisë federale gjermane që kryesohet nga zv/Presidenti, z. Schubert. Vizita të tilla nga partnerë strategjikë e dashamirës të Policisë së Shtetit, janë një tregues i qartë se jemi në rrugën e duhur.

Për Policinë e Shtetit bashkëpunimi me partnerët është prioritet kryesor dhe kjo është e vërtetuar më së miri, sidomos vitet e fundit në zhvillimin e dhjetëra operacioneve të përbashkëta në luftën kundër krimit të organizuar dhe terrorizimit, ku Policia e Shtetit është vlerësuar me çmime të para për besueshmëri e profesionalizëm.

Policia e Shtetit vitet e fundit, falë filozofisë, vizionit dhe prioriteteve që ka vendosur në punën e saj, ka fituar një mbështetje të madhe nga partnerët strategjikë edhe në fushën e trajnimeve, logjistikës, teknologjisë dhe informacionit, kjo edhe në sajë të bashkëpunimit korrekt me oficerët ndërlidhës të vendeve partnere. Një nga shembujt konkretë është dhe oficeri ndërlidhës i Policisë Federale Gjermane për Shqipërinë dhe Kosovën, z .Christian Weiss.

Sot është një ditë e veçantë, pasi kolegut tonë i mbaron mandati dhe do të largohet nga Shqipëria. Gjatë gjithë kohës së qëndrimit të tij në Shqipëri, z. Weiss ka ndihmuar Policinë e Shtetit me korrektësi, profesionalizëm, dashamirësi dhe vendosmëri. Ai që prej vitit 2013 ka shërbyer si Oficer Ndërlidhës i Policisë Federale Gjermane për Shqipërinë dhe Kosovën, fillimisht si oficer rezident në Kosovë dhe më pas në dhjetor të vitit 2015, është transferuar në Tiranë, duke ofruar një asistencë dhe bashkëpunim të çmuar në strukturat e Policisë së Shtetit dhe duke i dhënë një hov të ri marrëdhënieve të bashkëpunimit ndërmjet Policisë Kufitare dhe Policisë Federale Gjermane. Gjatë viteve të shërbimit të tij në Shqipëri, z. Weiss ka asistuar në forcimin e kapaciteteve profesionale dhe logjistike të këtyre strukturave dhe të shkëmbimit në kohë reale të informacionit për parandalimin, evidentimin dhe goditjen e kriminalitetit ndërkufitar.

Unë jam i bindur se edhe kolegia që po merr detyrën znj. Andrea Geschke, do të tregojë të njëjtin përkushtim e seriozitet për të forcuar më tej bashkëpunimin mes dy Policive. Më lejoni t'i uroj mirëseardhjen dhe punë të mbarë.

Duke përfunduar, i uroj mikut dhe kolegut tonë z. Christian Weiss shëndet e pension të mbarë, pasi me përfundimin e misionit në Shqipëri i përfundon dhe koha e shërbimit në Policinë Federale Gjermane.

Me këtë rast, për asistencën dhe bashkëpunimin e ofruar në Policinë e Shtetit, në përfundim të misionit të tij në Shqipëri, i akordoj “Certifikatë për Shërbime të Dalluara”, me motivacionin:

“Për kontribut të shquar në forcimin e bashkëpunimit ndërmjet strukturave të Policisë Kufitare të Shqipërisë dhe Gjermanisë, si dhe për asistencën e vyer në forcimin e kapaciteteve profesionale dhe logjistike të strukturave të Departamentit për Kufirin dhe Migracionin në Policinë e Shtetit, duke ndihmuar në rritjen e performancës së këtyre strukturave, në luftën kundër krimit dhe trafiqeve të paligjshme, në interes të forcimit të sigurisë publike.”

Urime e suksese të mëtejshme!

Veliu-weiss1

Jurgen Schubert:

Besoj se marrëdhëniet midis Gjermanisë dhe Shqipërisë janë të mira dhe të tilla do të jenë edhe në të ardhmen. Them që Shqipëria është një vend i sigurt, dhe shqiptarët kanë bërë një punë të madhe në drejtim të menaxhimit të integruar të kufijve. Dhurimi nga Policia gjermane i makinave apo i radiove të policisë dhe pajisjeve të tjera është vetëm një pjesë e kontributit për ju. Për ne është shumë e rëndësishme që të shkëmbejmë informacionin dhe eksperiencën, të cilat do të implementohen në sistemin policor shqiptar. Për ne Shqipëria është e rëndësishme dhe kështu do të jetë edhe në të ardhmen. Në programin tonë të asistencës në të ardhmen ne kemi tema për Akademinë e Sigurisë, për Policinë Kufitare dhe për departamentet e tjera me të cilat do të na pëlqente të punojmë ashtu siç kemi punuar me z. Weiss për 6 vjet e gjysmë.

Christian Weiss:

Jam shumë i emocionuar. Kam gjetur një miqësi të vërtetë sidomos këtu në Shqipëri. I jam shumë mirënjohës Policisë Federale që më dha këtë mundësi për të hyrë thellë në këto shtete dhe sidomos në Shqipëri. Z. Drejtor i Përgjithshëm, faleminderit për fjalët tuaja të ngrohta, Z. zv/President Schubert faleminderit për fjalët tuaja të ngrohta në adresën time. Ju uroj gjithë të mirat z. Drejtor i Përgjithshëm, zv/President Schubert, juve znj. Andrea dhe për ju kolegë e miq, gjithë të mirat në jetën tuaj private dhe atë profesionale këtu në Shqipëri.

Faleminderit shumë!

Andrea Geschke

Gëzohem që po ju njoh sot. Unë do të jem oficerja e re ndërlidhëse e Policisë Federale gjermane, për Shqipërinë dhe Kosovën. Unë punoj në Polici prej 30 vitesh dhe gëzohem shumë që do të punoj së bashku me Policinë shqiptare. Jam e sigurt që së bashku do të jemi të suksesshëm dhe gëzohem që do të njoh këtë vend të bukur.

Arkiva

Gusht 2019
He Ma Me En Pr Sh Di
29 30 31 1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31 1